"ဟေ့ကောင် မင်းဘောပင်ပါပြီလား"
"ပါပြီ"
"သေချာစစ်နော်။ တော်ကြာ စာမေးပွဲခန်းထဲရောက်မှ ဟိုဟာမပါ ဒီဟာမပါ ဖြစ်နေမယ်"
"ပါ,ပါပြီကွာ မင်းကလဲ အဘိုးကြီးကျနေရော ပူညံပူညံနဲ့"
"ပူညံနေတာ မဟုတ်ဘူး။ မင်းက အတိတ်ကမေ့တတ်နဲ့ ဟိုရောက်မှ အရပ်ကူပါ၊ လူဝိုင်းပါဖြစ်နေမှာစိုးလို့ဟေ"
"ငါအဲ့လောက်ထိလဲ မဆိုးသေးပါဘူး"
လင်းထက်မင်းလွင်က နှာခေါင်းရှုံ့ကာ မဲ့ပြသည်။ပိုင်မင်းမြတ်က လင်းထက်မင်းလွင်၏ငယ်ထိပ်ကို ပေတံနှင့်တစ်ချက်ခေါက်လိုက်ကာ
"မင်းအကြောင်း မင်းထက်ပိုသိလို့ပြောနေတာ"
"မင်းက ငါ့အဖေမို့လို့လား"
"အေး မင်း ကိုယ့်အမေကိုမစော်ကားနဲ့"
"ဘာကိစ္စ မယ့်ကပါလာတာလဲ"
"မင်းဆွဲထည့်တာလေ"
"မင်းပဲ ငါ့အကြောင်းကို ငါ့ထက်ပိုသိတယ်ဘာညာနဲ့ပြောနေပြီး"
"ငါက မင်းအဖေလို့မပြောဘူးလေ"
"မင်းပြောနေတဲ့ပုံစံက အဲ့ဒီလိုဖြစ်နေ ........ "
"မင်းတို့နှစ်ကောင်! တော်တော့! စာမေးပွဲကဖြေရတော့မယ်။ ခုထိကိုက်နေကြတုန်း"
စိုင်းစစ်မင်းသူအော်တော့မှ နှစ်ယောက်သားငြိမ်ကြသွားတော့သည်။
သူတို့သုံးယောက်သားက အမြဲလိုလိုဝရုန်းသုန်းကားနဲ့ ဖြစ်သည်။စာမေးပွဲဖြေခါနီးအထိကို ရန်သတ်၍ကောင်းတုန်း။
ယနေ့သည်ကား ဖေဖော်ဝါရီလ ၁၈ ရက်နေ့။
တစ်နည်း ၂၀၁၈-၂၀၁၉ ပညာသင်နှစ်၏ နောက်ဆုံးအတန်းတင်စာမေးပွဲကြီးစတင်ဖြေဆိုသောနေ့ဖြစ်သည်။
အစိုးစစ်အတန်းများမှလွဲ၍ ကျန်အတန်းများအားလုံး ဖြေဆိုကြရသည်။အလယ်တန်းနှင့်မူလတန်းများက တစ်နေ့နှစ်ဘာသာဖြေရသော်လည်း အထက်တန်းများကတော့ တစ်နေ့တစ်ဘာသာဖြေဆိုရသည်။
ကျောင်းသားကျောင်းသူများအားလုံး စာသင်နှစ်အဆုံးသတ်တော့မှာဖြစ်၍ ပျော်ရွှင်နေကြသည်။အချို့ကလည်း နောက်နှစ်တွင်ကျောင်းပြောင်းရတော့မည်ဖြစ်သောကြောင့် သူငယ်ချင်းတွေနှင့်ခွဲရမှာစိုး၍ စိတ်မကောင်းဖြစ်နေကြသည်။
YOU ARE READING
တိတ်တခိုးဝေတဲ့မြူ (တိတ္တခိုးေဝတဲ့ျမဴ)
Romanceသိပ်ကိုလျှို့ဝှက်တတ်တဲ့သူ့ကို 'မြူ'နဲ့တင်စားမယ် သူဆိုတဲ့ လျှို့ဝှက်တဲ့'မြူ'တွေအောက်မှာ ရုန်းမရအောင် ပိတ်မိနေတဲ့သူကတော့ကျွန်တော်ပေါ့ ...... တိတ်တခိုးဝေတဲ့မြူ Written by YoonMoonight သိပ္ကိုလၽွို႔ဝွက္တတ္တဲ့သူ႔ကို 'ျမဴ'နဲ႔တင္စားမယ္ သူဆိုတဲ့ လၽွို႔ဝွက...
