"စုံပြီလား ဘာကျန်သေးလဲ"
"Nope! ဒီလောက်ဆိုစုံပါပြီ"
"စုံလို့တော်သေးတာပေါ့၊ နင်ဝယ်ထားတာတွေလည်း ကြည့်ပါဦး မေလတ်ရယ်"
ရတနာက သူ့လက်ထဲမုန့်ထုပ်များကို ပင့်ပြလာရုံမက အနောက်ခန်းထဲထည့်ထားသည့် မုန့်ထုပ်တချို့ကိုပါ မျက်စပစ်ပြရင်းပြောလာတော့ ခေါင်မေလတ်ပြုံးလိုက်ရင်း ကားကိုစက်နှိုးကာ Back ဆုတ်လိုက်သည်။ နောက်ကြည့်မှန်မှတစ်ဆင့် လမ်းရှင်းမရှင်းကြည့်ပြီးနောက် ကားစတီယာတိုင်ကို ကျွမ်းကျင်စွာလှည့်လိုက်ရင်းက
"ငါ့လေးငါးနှစ်စာ Craving အတွက်ဆို ဒါက Appetizer လောက်ပဲရှိသေးတယ်"
"ဗုဒ္ဓေါ!"
အသားဖြူသော်လည်း မျက်လုံးမှေးမှေး နှာခေါင်းပြားပြားနှင့်မို့ လှသည့်နေရာ ရှာပြရခက်သောရတနာသည် ဆံပင်အုံထူထူမည်းနက်နက်ကြီးကို ပုံသွင်းခြင်းဘာခြင်းမရှိဘဲ သည်အတိုင်းဖားလျားချထားတတ်ပြန်သေးသည်မို့ ဘယ်ရှုထောင့်ကကြည့်ကြည့် တောပုံလေးပေါက်နေခဲ့သည်။ ထို့ပြင် ပိန်ပါးသည့်ခန္ဓာကိုယ်ထက်တွင် တောဆန်ဆန်အရောင် ပါတိတ်ထည်ခပ်ပွပွများကိုသာ ဝတ်ဆင်တတ်သည်က ရတနာ့ကို ပို၍ဇနပုဒ်ဆန်နေစေတော့သည်ပင်။
မေလတ် အံ့ဩတကြီးဖြစ်သွားပုံရသည့် ရတနာ့၏ရယ်စရာကောင်းသော မျက်နှာအမူအရာကိုကြည့်ပြီး တစ်ချက်ရယ်လိုက်ကာ ကားကို ဘယ်ဘက်သို့ချိုးလိုက်သည်။
"ဟင် မေလတ် ဖြစ်ပါ့မလား။ ဟိုမှာ Sign ပြထားတယ်၊ ဒီလမ်းက တစ်လမ်းမောင်းကြီး"
မျက်လုံးပြူးမျက်ဆန်ပြူးပြောလာသည့် ရတနာ့စကားကြောင့် နေကာမျက်မှန်တပ်ထားသည်မို့ သူမမြင်နိုင်သည့်တိုင် မေလတ် မျက်လုံးလှန်ကာ ခေါင်းကိုခါယမ်းလိုက်သည်။ ရတနာနှင့်ပတ်သက်၍ မေလတ်မကြိုက်ဆုံးအချက်(၃)ချက်ကို ပြောပါဆိုလျှင် ခေါင်းအစခြေအဆုံး တောဂိုက်ဖြစ်နေခြင်း၊ နေရာတကာ အလွယ်တကူ ကြောက်တတ်ခြင်းနှင့် ပူညံပူညံ လုပ်တတ်ခြင်းတို့ဟု မဆိုင်းမတွ ဖြေမိမည်ပင်။
"မဖြစ်လို့လည်းမရဘူး။ ငါမောင်းလာခဲ့ပြီးသွားပြီ။ အဲ့တော့ နင် ငြိမ်ငြိမ်လေးလိုက်ခဲ့ပေး၊ ဟုတ်ပြီလား"
VOUS LISEZ
ကိုကို့ကို
Roman d'amour"Love Triangle" Pen Missing the Ink, Ink Kissing the Paper. Saket_ Quotesman
