Letters to a Rockstar [Jin Fanfic]

Letter # 2

Dear Gin,

Hello, bhe! Oo, may 'h' talaga para mas maganda yung effect. At yun na nga, ngayon ko lang narealize na nakakahiya pala yung sinulat ko sa'yo last time. Pero siguro naman, sa dami ng natatanggap mong fan mails, hindi mo na mababasa 'yon. Sana talaga hindi mo mabasa yon /cross fingers/ Ayan, ha! Nilagyan ko na talaga ng action para mas damang-dama mo yung sulat ko para sa'yo.

Pero kung sakaling mabasa mo nga, gusto ko lang sabihin na pangalawa lang si Vin sa puso ko at ikaw pa rin ang nangunguna. Promise! Cross my heart! Ikaw lang, sapat na. Sobra-sobra pa! Me is so kinikilig na talaga!

Oo nga pala! Napanood ko yung live performance niyo kagabi! Grabe, akala ko sobrang gwapo mo na nung highschool tayo... hindi ko akalaing mas may igagwapo ka pa pala. Naks naman! Pero seryoso, ang gwapo niyo lahat, di ko kinaya! Halos mabingi na nga ako kasi ang lalakas ng tilian nung mga babaeng katabi ko. Nakakainis! Hindi ako nagbayad ng ticket para marinig ang mga boses nila, huh. Kinabog pa yung speakers eh! Buti na lang, rinig ko pa rin yung boses mo. Ang gwapo mo talaga, bhe. I love you na. Well, matagal na naman, di na magbabago yon.

Love,
JC