My Borrowed Love (Book One & Two)

My Borrowed Love (Chapter 65)

(Danielle's POV)

Nagising ako na may sinag ng araw na tumatapat sa mukha ko.

Bumangon ako at naramdaman kong nalaglag yung kumot na nakadikit sa katawan ko.

Napatingin ako sa katawan ko.

Wala akong suot at medyo kumikirot pa yung ibaba ko.

Lumingon ako sa tabi ko. Walang tao.

Kumirot yung ulo ko kaya humiga ulit ako.

Putcha! May hang-over nga pala ako dahil uminom ako ng pagka-rami-raming alak kagabi.

Bumangon ako at pumunta sa cabinet ko at naghanap ng masusuot.

Kumuha ako ng undies tapos nakita ko yung t-shirt ni Martin na nakalapag sa sahig kaya pinulot ko iyon at sinuot.

Ito yung suot niya kahapon nung kasama ko siya.

Lumabas ako ng kwarto at nakita ko sa baba si Martin na nagpe-prepare ng agahan.

Bumaba ako at nilapitan siya ng tahimik tapos niyakap ko siya mula sa likod. Napagitla pa nga siya dahil sa gulat eh.

"Uy, beb. Dun ka muna sa dining table." Nakangiti pero medyo awkward na sabi ni Martin.

Nag-pout ako saka pumihit at nagmamaktol na pumunta papunta sa dining table at umupo dun.

Nakabusangot lang ako habang nakapalumbaba nung naisipan kong titigan si Martin.

Naka-apron siya habang nakasando at seryosong may ginagawa sa kitchen counter.

Sayang, hindi ko nakita kanina kung anong ginagawa niya.

Tapos ngayon, tinatamad pa kong tumayo para tignan kung anong ginagawa niya.

Hmm. Tititigan ko na lang siya mula dito. Ang cute-cute niya eh.

Siguro bagay na bagay sa kanya magkaroon ng role na tatay.

Siguro rin, magiging mabait na tatay siya.

Isang gwapong tatay.

Haaay. Ano ba 'tong pinagsasabi ko?

Napansin niyang titig na titig ako sa kanya kaya inangat niya yung tingin niya at binigyan ako ng killer smile.

Leche, naiinlove ako lalo.

Kinikilig akong napayuko sa lamesa.

Tangina, parang teenager lang eh. Kung kelan 23 na ako saka lang ako kinilig.

May kumalabit sa akin makaraan ang ilang minuto.

Inangat ko yung tingin ko at nakita ko dun si Martin na naka-apron pa rin at may hawak na plato.

Umayos ako ng upo kaya inilapag niya na yung black plate sa harap ko.

Umalis na siya sa tabi ko at may inayos pa ulit sa kitchen counter.

Lumingon ako sa plato ko at napangiti ako sa nakasulat.

May sinangag na kanin tapos fried egg tapos may nakasulat sa ibaba ng plato na 'Sorry' tapos may smiling face na gawa sa palaman. Cheez Whiz yata yung palaman.

Napalingon ulit ako kay Martin at nakangiti na siya ngayon habang nililigpit yung mga ginamit niya.

After niya magligpit, naghugas siya ng kamay niya tapos pumunta na sa dining table at naupo sa tabi ko.

Nagsimula na kong kumain pero hindi ko ginalaw yung nakasulat na Sorry.

"Uhm, Beb." Tawag ni Martin.