MY GANGSTER STALKER 1 (COMPLETED)

Chapter 55:BONDING WITH MY FAM

---

*KYLA POV*

"Waah!KUYA! STOP IT!" nagsisigaw kong saway kay Kuya Jason. Kanina pa niya ako hinahabol at binabaril gamit ang water gun.

Ang daya naman kasi, wala akong water gun, kasi nag-iihaw kami ni mama at Papa kanina este sila lang pala, taga-tikim ako. Tapos biglang sumulpot si Kuya sa likuran namin at binabaril ako, kaya napatakbo nalang ako. Huhuhu!!

"Ayaw ko. Hahaha! Ito pa!"  lalo pa niya akong binabaril. Dalawa pa hawak niya kaya basang-basa na ako.

"Waah! KUYA JAKE! HELP!"  tili ko. Saka tumalon-talon. Ang lamig kaya. Alas sais pa ng umaga.

Nandito kami sa likod ng bahay. Dito kasi nag-iihaw sina mama at Papa ng karneng baboy at isda. Kaya pumunta na ako dito na 'di pa nakapagsuklay dahil sa sobrang pagkaexcite.

"Tol!"  tawag ni Kuya Jake kay Kuya Jason. Napangisi ako nang makitang bitbit ni Kuya ang malaking hose na ginagamit ni mama pandilig sa mga bulaklak niya.

"Kuya! Walang madaya!"  sigaw ni Kuya Jason, kaya tawa ako nang tawa.

"Sino ba ang madaya kanina? Ikaw!Dalawa ang baril mo, habang si baby sis. Wala!"

"Hahahaha! Bleh! Buti nga!"  sigaw ko at sumasayawa pa.

Patalon-talon akong pumunta kina mama at Papa na tumatawa ding nanonood sa'min. Hehehe.

"Mama, tapos na?"  nakangiti kong tanong. Gutom na gutom na ako, konti lang kinain ko kagabi eh.

"Hahaha! Gutom na sweetie?"  natatawa niyang tanong.

"Opo. hehehe."

"Oh sige, tawagin mo na 'yong mga Kuya mo."

Dali-dali akong tumalikod saka patakbong lumapit kina Kuya.

"Mga Kuya! Stop it! Kakain na daw!"  tawag-pansin ko sa kanila habang nagbabarilan pa rin.

Sabay naman silang tumingin sa'kin at ngumisi, may pakindat-kindat pa. Napaatras naman ako ng dahan-dahan para humanda ng tumakbo.

"Wah! PAPA!" sigaw ko at tumakbo ng mabilis sa kinaroroonan nina Papa at mama.

Nagtago agad ako sa likuran ni Papa sabay backhug.

"Papa oh! Pagtulungan nila ako."

"Boys, enough. Kakain na."  saway ni Papa kaya umismid ang dalawa sabay lagay sa tabi ang water guns at hose.

"Ang KJ Papa. Makakaganti na kami diyan eh."  reklamo ni Kuya Jason kaya natawa nalang si Papa at nilingon ako saka inakbayan.

"Mamaya na kayo gumanti, nagugutom na raw ang alaga ng dragon ng Prinsesa eh. Baka kayo mabugahan ng apoy."

"Papa naman eh!"  reklamo ko saka lapit kay mama at umupo sa tabi niya.

"Kayong tatlo, pinagtulungan niyo na naman ang Prinsesa."  pagtatanggol ni mama kaya binelatan ko silang tatlo.

"Isip-bata!"  pang-aasar ni Kuya Jason.

"Bakit ikaw, hindi?"

"Hindi ah! Ikaw nga, may boyfriend na. Isip-bata pa rin. Naku!"  natatawang asar pa rin niya kaya sumimangot ako sa kanya.

"Atleast okay tingnan kapag babae ang isip-bata kaysa lalaki. Nagmukhang bakla. Bleeh!"  ganting-asar ko naman. Lumaki ang butas ng ilong nito dahil sa asar.

"Oy! 'Di ako bakla!"

"Defensive! Nyenyenye!"

"Oh! Tama na 'yan. Kakain na." saway ni mama kaya nanahimik na kaming dalawa. Si Kuya Jake, pangiti-ngiti lang parang may binabalak.