League Of Nations Academy: "The Adventures Of Kyrae"

Epilogue

Year 3020...

Queen Maria's POV

"Mahal na Borah! Mahal na Borah!" Nagulat ako ng biglang may kumatok sa pintuan ng aking opesina at humahangos ito.

"Bukas yan!" Sagot ko. Agad ding binuksan ng taong iyon ang pintuan at nagmamadaling pumasok.

"Mahal na Borah! Lumusob po ang maraming Nighters sa Gate ng Emperyo natin. At may ilang nakapasok! Sinusugod po nila ang bahay ni Master Danzo na malapit lang sa Gate!" Pagbabalita nito. Agad akong napatayo dahil sa narinig at naikuyom ko ang aking palad.
"Ito na nga ba ang sinasabi ko eh! Ba't kasi hindi sila nakinig sakin. Dapat ipinagkatiwala na lang nila sa amin ang kaligtasan ng anak nila. Kapag nakuha ito ng mga kalaban sigurado na ang pagkalat ng kadiliman sa buong mundo!"

"Tawagin ninyo ang 10 Fury at puntahan nyo sina Danzo bilis!" Utos ko.

"Masusunod po!" Nagmamadali ng tumakbo palabas ang Ninjang nagbalita sa akin.
"Kasalanan mo ito Danzo. Ayaw mong ipagkatiwala sa amin ang anak mo dahil hindi mo alam ang aking dahilan na hindi ko pwedeng sabihin kanino man!" Dahil ayon sa aking pangitain, ang batang babae na isisilang sa gabing may asul na buwan ay ang nakatakdang magligtas sa sanlibutan o maaari ring sya ang sumira dito kapag nakuha ang bata ng mga masasama! Sinasabi rin sa aking pangitain na isa sa taga United Empire ang magtataksil sa akin at siyang magsisimula ng pangmalawakang digmaan! Hindi ko matukoy hanggang ngayon kung sino ang taong iyon. Kaya nga sinabihan ko silang lahat na mag-iingat at maging mapagmatyag kahit hindi ko sinasabi ang dahilan. Lalo na si Danzo dahil sya ang aking kanang kamay. At higit sa lahat, ang anak nya ang batang babaeng isinilang noong gabi na may asul na buwan! Hindi ko iyon sinabi sa kanya kaya't hindi sya pumayag ng sabihin kong ipagkatiwala nya ang pag-aalaga sa kanyang anak.
Ang asul na buwan ay Lumilitaw lamang 1 beses sa isang daang taon.