Love You Like Crazy

-Twenty Six-

"Ma, alis na po ako." Hinalikan ko si Mama sa pisngi.

"Sige. Mag-ingat ka." Habilin ni Mama saken.

Tumango ako. "Opo." Pagkatapos ay lumabas ako ng bahay. Pumara ako ng jeep at sumakay don.

Back to work na ulit ako. Bumalik ulit sa dating ikot ang buhay ko simula nung umalis kami ng Camotes. Pero di tulad ng dati, mas masaya ako ngayon dahil kumpleto ang pamilya ko.

"Para po, manong!" Sigaw ko.

Pagkahinto ng jeep sa tapat ng coffee shop agad akong bumaba. Pumasok ako at dire-diretsong nagpunta ng cr upang magpalit ng damit, maglagay ng pulbos at kaunting lipgloss. Sinuklay ko ang buhok ko gamit ang daliri ko. Pagkatapos kong magpalit ay nilagay ko ang mga gamit ko sa loob ng locker at lumabas na din ako.

"Morning, Shane." Bati saken ni Dorothy.

"Morning." Bati ko pabalik.

Lumapit ako sa counter at naabutan ko si Hazel na pinupunasan ito. Kinalabit ko siya. Nagulat pa nga siya nang makita niya ako.

"Para kang nakakita ng multo dyan." Sabi ko. "Wala pa bang order?"

"Wala pa. Pero teka nga muna..." huminto siya sa pagpupunas at tinitigan ako.

Bigla naman akong nagtaka dahil kakaiba yung oagtitig niya saken. "Bakit?"

"Shane, may nangyari noh?" Gumuhit ang isang mapanuksong ngiti sa kanyang labi.

Umiwas ako. "A-anong pinagsasabi mo dyan?"

Hinawakan niya ang magkabilang pisngi ko at pilit niya akong pinapaharap sakanya. Ang sakit ah! Brutal na babaeng to!

"Magsalita ka! May nangyari sa inyong dalawa ni Ezezkiel noh?"

"Bishawan mo ang pishngi ko! Nashashaktan akoh!"

Binitawan niya ang pisngi ko. Hooh! Ang chakit! Kapag ito namaga, lagot siya saken!

"Bakit blooming ka ngayon?" Tanong niya.

"Anong blooming?" Tanong ko pabalik habang hinahaplos ang namumula kong pisngi.

"Ayan. Yang mukha mo. Parang... parang may something sa mukha mo eh."

"Ha?" May something sa mukha ko? Teka, may natira bang muta sa mga mata ko? Pero naligo naman ako ah.

"Parang... mas lalo kang gumanda." Sabi ni Hazel habang titig na titig sa mukha ko.

Halos maduling ako dahil sobrang lapit ng mukha niya saken. "Umayos ka nga, Hazel." Marahan kong tinulak ang noo niya upang mailayo ang mukha niya saken. Baka sa sobrang lapit ng mukha niya saken baka magkapalit yung mga mukha namin.

Kinuha ko na lang ang mop at nag-mop na lang ng sahig kesa makipag-usap ako dito kay Hazel. Nagsisimula na naman siyang maging praning eh.

"I'm serious. Blooming ka nga ngayon, Shane. Mas lalo ka pang gumanda kesa sa huli nating pagkikita." Patuloy pa rin si Hazel sa pagsasalita pero hindi ko siya pinansin.

"Ano ka ba, Hazel. Matagal na kayang maganda yang si Shane." Narinig kong sabi ni Yael. "Kaya na-inlove ako sakanya eh."

"Pero binasted ka naman." Sabi naman ni Mandy at may dalang tray at nilagay sa ibabaw ng counter.

"Huwag mo nang ipaalala, Mandy. Nasa stage of moving-on pa kaya ako." Nakasimangot na sabi ni Yael.

Napailing na lamang ako. Kinuha ko ang cellphone ko mula sa bulsa ng suot kong apron namg bigla itong mag-vibrate.

From: Ezekiel

Look outside.

Look outside daw? Tumingin ako sa harap. Nakita ko si Ezekiel sa may glass door. Nakangiting nakatingin siya saken suot ang kanyang business suit. Siguro papasok na siya ng trabaho. Pumasok siya sa loob ng coffee shop.