Feelings We Don't Know

Kabanata 6

Love In The Museum

Tiningnan ni Ella kung ano ang nasa listahan na ginawa nila ni Robert. May limang plano pa sila na hindi nagagawa at meron na lamang silang fifteen days. Wala pa ring plano si Ella kung kailan niya sasabihin kay Robert ang tungkol sa kasal niya at sa pag-uwi ni Brandon.

Tinignan niya ulit yung listahan. Kailangan nilang pumunta sa isang museum. Sinabi ni Ella ito kay Robert. Naghanda na tuloy sila ng kanilang mga gamit.

Sa isang museum malayo sa apartment nila sila pumunta. Para rin kasi makapag road trip sila. Nagustuhan bigla ni Ella ang roadtrip kaya naman pinagbigyan na ito ni Robert.

Sa loob ng museum makikita ang kasaysayan ng Pilipinas. Gandang- ganda si Robert at Ella sa mga nakikita nila.

Sa isang room na pinasukan nila, may mga nakadisplay doon na mga armas na ginamit doon noong ikalawang digmaang pandaigdig. Sa room na iyon ay may dingding na mag nakasulat na isang tanong. "Kailangan pa bang balikan ang nakaraan para maging maayos ang kasalukuyan?" Basa ni Robert doon sa nakasulat sa dingding. "Hindi na dapat binabalikan kasi tapos na yun." Sabi ni Ella. Biglang sumagot si Robert. "Babalikan pa rin para maging maayos ang kasalukuyan." Umiwas si Ella ng tingin at nagpatuloy na lang sa paglilibot sa museum.

Habang sila ay kumakain, binigyan ni Robert si Ella ng isang bulaklak. "Thank you for making me happy everyday." Sabi ni Robert. "You're welcome." Sabi naman ni Ella.

Umuwi na sila pagkatapos at namahinga na. Unang pumasok si Ella sa kwarto, pagod na pagod na kasi ito. Pero hindi siya makatulog. May mga bagay pa kasi siyang iniisip.

Hindi niya alam kung ano ang sagot sa mga iniisip niya. Unti- unti na ulit siyang nahuhulog kay Robert pero hindi niya kayang lokohin si Brandon. Napapamahal na ulit siya kay Robert pero paano na ang kasal nila ni Brandon? Mahal na niya si Robert pero paano niya ito mapipigilan? Ang daming tanong sa utak ni Ella pero sabi nga nila, dapat sundin ang tinitibok ng puso.