Unicode
23ရက်.Mayလ.2017
လှမ်းကြည့်မိသော ပြက္ခဒိန် ကနှစ်ပတ်ကျော်ကာလကို
အတိအကျညွှန်းဆိုနေသည်..။
ကျနော်နဲ့မာန်နဲ့စတွေ့ခဲ့တာ7ရက်နေ့ထဲက
ရက် လများကိုအမှတ်သညာမထားတတ်သော
ကျနော့်အကျင့်သည်
သူနဲ့ဆုံတွေ့ချိန်စက္ကန့်လေးတွေကအစ
အသေးစိတ်မှတ်မိကာ တန်ဖိုးထားမိနေတတ်သည်
ညနေတိုင်းမာန်သည်ရေကန်ဘေးရှိ ခုံတန်းလေးနားမှာကျနော့်ကိုလာရောက်စကားပြောတတ်သည်
ရင်ဖွင့်သည် ဆိုပိုမှန်မလား
ချမ်းသာသောသူ့မိဘအိမ်သည်
သားကြီးဖြစ်သောသူ့အားအနုပညာအလုပ်ကိုအားမပေးခဲ့..။
ကိုယ်ပိုင်စီးပွားရေးသာ ဦးဆောင်စေလိုသည်
မွန်းကျပ်သော အသိုင်းအဝိုင်း ကြား
ထုတ်ဖော်ဖို့အခွင့်မသာဟန်ရှိသော
သူ့ရဲ့ရင်ဖွင့်ဖော်သည်ကျနော်ဖြစ်လာခဲ့သည်
သူနဲ့ကျနော်စတွေ့တာလဲနှစ်ပတ်ကြာခဲ့ပြီ
နှစ်ပတ်
နှစ်ပတ်ဆိုသောအချိန်ကာလသည်
ကျနော့်အတွက်တော့
လူတစ်ယောက်ကိုချစ်မိသွားဖို့အတွက်
လုံလောက်တဲ့အချိန်ကာလတစ်ခုပင်
ယောကျ်ား လေးခြင်းမဖြစ်သင့်ဘူးဟု
မချစ်သင့်ဘူးဟူသောသတိပေးမှုတို့သည်
မဟော်ဂနီရောင် ဆံနွယ်တွေ
ကိုငေးမောရင်း
စူးရှတဲ့သူ့မျက်ဝန်းတွေကိုပုံဖော်ရင်း
သြရှရှ သူ့စကားသံတို့ကိုအမြတ်တနိုး နားဆင်ခံစားရင်းကွယ်ပျောက်သွားတတ်သည်..။
ဟုတ်တယ်
ရိုးရှင်းစွာပဲကျနော်သူ့ကိုချစ်သွားခဲ့ပါတယ်..ဖယ
သတ်မှတ်ချက်တို့
ဂုဏ်ပကာသနတို့် ဘာစွန်းထင်းမှုမှမပါဘဲ
ခွဲခြားသတ်မှတ်မှုကင်းမဲ့လျက်..
လူသားတစ်ဦးကို
ကျနော်နှစ်နှစ်ကာကာချစ်ခဲ့ခြင်းပင်
ကျနော်ခင်ဗျားကိုချစ်တယ် မာန်...
...
ခုံတန်းပေါ်မှာတွေ့ရတဲ့
အနီရောင်ဝိုးတဝါး ပုံရိပ်လေးကြောင့်
အသာပြုံးကာ
