Unicode
ကိစ္စအမျိုးမျိုးကြောင့်
ပျက်ကွက်ခဲ့တဲ့ ရက်များစွာအတွက်
အလုပ်တွေပုံနေပြီမလို့
ဒီနေ့တော့company...ကိုသွားမှဖြစ်တော့မည်..။
ကိုကိုကလည်း...ရှုတင်သွားပြီမလို့
အနည်းငယ်တော့...စိတ်ထဲ
ကျေနပ်မိသလိုလို...။
ဘယ်လိုအကြောင်းနဲ့ပဲဖြစ်ဖြစ်
လွမ်းကို
ကိုကို့ဘေးနားမှာ....မရှိစေလိုပါ..။
ခဲမှန်ဖူးတဲ့..စာသူငယ်လို..သူဟာ
ကြောက်နေမိဆဲမို့...။
"သွားတော့မယ်နော်...လွမ်း
စောင့်နေမယ်မလား..''
လွမ်းက...မနက်စာမုန့်စားနေရင်းမှ
ခေါင်းညိမ့်ပြသည်..။
"မြန်မြန်ပြန်လာခဲ့နော်..
ဆတ်မရှိရင်...မနေတတ်ဘူး''
သူကတော့....ရိုးသားစွာအတွေးနဲ့
အေးအေးဆေးပင်
ပြောလိုက်တာမှန်ပေမဲ့
အတွေးဆန်းသူ
ကိုယ်က...ရင်ထဲမှာနွေးကနဲ..။
စားနေရင်းမှ
ဘာစိတ်ကူးပေါက်သည်...မသိ..။
မုန့်ကိုပစ်ချရင်း
အခန်းဝနားမှာ
ရပ်နေသည့်..ကျနော့်လက်ဆွဲကာ
ကားနားထိလိုက်ပို့နေသည်..။
ကျောင်းကို...ဆေးခွင့်ယူပေးထားတာမလို့
သူလေးအားနေသည်လေ..။
အတိတ်မေ့တာ...မှန်ပေမဲ့
ဒီဇိုင်းပုံဖော်အရည်အချင်းကတော့
မပျောက်သွားပါ..။
အသားမကျသေးလို့သာ
ခဏ အနားပေးထားခြင်းသာ..။
ကားတံခါးတောင်..ဖွင့်ပေးတာမလို့
ကိုယ့်မှာ
အထူးအဆန်း..ဖြစ်နေရသည်..။
နံနက်ခင်းရဲ့တောက်ပတဲ့နေခြည်အောက်မှာ
လွမ်းရဲ့အသားဖြူဥဥက
လင်းနေကာ
ဆေးမကူပါပဲ
ချယ်ရီပြေးသောနှုတ်ခမ်းလေးက
ချိုမြမြရယ်
ကာတွန်းရုပ်လေးတွေပါသော
အဝါတောက်တောက်လေးနဲ့...ချစ်ရသူသည်
ချစ်ဖို့ကောင်းတာထက်ကို...
ပိုပါသည်..။
မနေ့ကပင်
ကိုယ်တို့က လက်ထပ်ပြီးသားလို့
့ပြောပြတော့
အံသြသွားဟန်...ရှိသော်လည်း
ငြင်းဆန်ခြင်းတော့မပြုခဲ့ပေ..။
