Unicode
နိုဝင်ဘာလဖြစ်သော်လည်း
ထူးထူးခြားခြား တစိမ့်စိမ့်ဖွဲနေသောမိုးရေစက်များ
မုန်တိုင်း ရှိနေသောကြောင့်ပဲလား
ဒီနေ့အဖို့မနက်တည်းက..မှုန်မှိုင်းနေခဲ့သည်..။
မီးခိုးရောင်ပြေးနေသောတိမ်တိုက်များ..ကအုပ်မိုးလျက်..
တဖြည်းဖြည်း ချင်း
စီးကျလာသောမိုးရေစက်..အချို့သည်
သစ်ရွက်လေးတွေမှတဆင့်
ရေကန်ငယ်ထဲသို့..စီးဝင်သောအခါ
ချိုမြိန်သောတေးသံသာဖြစ်စေသည်..။
ထိုသို့လှပသော..သဘာဝရဲ့လက်ဆောင်ကိုလည်း
သတိပြုမိပုံမရ...
မိုးခိုခြင်းလည်းမပြုသည့်လူသားတစ်ယောက်သည်
ရန်ကုန်မြို့ရဲ့လမ်းမထက်ရှိနေခဲ့သည်..။
လူတချို့သည်
မိုးရေကြောင့်ခိုနားရာအမြန်ရှာနေရင်းမှပင်
တကယ်ကိုချောမောသောထိုသူပုံစံကြောင့်
ငေးကြည့်သွားကြသည်..။
အဖြူရောင်ရှပ်အရှည်သည်
ဖြူသောအသားအရေနဲ့ လိုက်ဖက်စွာ
ကြည့်ကောင်းလွန်းသောမျက်ဝန်းအစုံသည်
မိုးတိမ်နှင့်အပြိုင်မှိုင်းညို့နေခဲ့သည်..။
မဟော်ဂနီရောင်ဆံနွယ် တို့သည်
မိုးရေများစိုကျနေသော်ညား....
တမျိုးုကြည့်ကောင်းနေသယောင်
မေးရိုးသွယ်သွယ် သည်
မဲ့ပြုံးခြင်းကိုဆင်မြန်းခံရသောအခါ
လှပသောပါးချိုင့်လေးတဖက်ကခွက်ဝင်လာလျက်
ချောသည်ထက်ပိုသော
ထိုသူသည်...မိုးရေထဲအေးဆေးစွာပင်
လျှောက်လှမ်းလာခဲ့ပါချေသည်..။
မိုးစက်အချို့သည်သူ့ဆံနွယ်ကြားမှဖြတ်ကာ
လက်ဖျံတလျောက်စီးဆင်းသွားသည်.။
သူချစ်သောမိုး...
မာန်..သည်မိုးကိုသိပ်နှစ်သတ်ပါသည်....။
တိတ်ဆိတ်လွန်းသောသူ့ဘဝကိုမိုးစက်သံဖြင့်
လွှမ်းခြုံနိုင်သည်..။
အထီးကျန် သောသူ့ဘဝကိုမိုးစက်များက
နူးညံ့စွာ..အဖော်ပြုပေးသည်..။
ပူလောင် သောစိတ်အစဉ်သည်အေးမြသော
မိုးရေများကြားပယ်ဖျောက်နိုင်သည်..
။
