Unicode
ပြုံးတာတောင်မရှိဖူးတဲ့ကိုကိုဟာ
ထူးထူးခြားခြား...ပါးချိုင့်လေးခွက်ဝင်အောင်
ရယ်မောနေခဲ့လေရဲ့။
ဘေးနားကဦးခန့်ကိုလှမ်းမေးမိတော့လဲ
သိပုံမရ..။
သေချာလှမ်းအကြည့်...လက်ထဲကိုင်သွားသည်ကကြယ်ပုံဟမ်းချိန်းလေး နှစ်ခု..။
ပုံစံလေးဆန်းသည်မို့..မျက်စိထဲစွဲသွားခဲ့တာ
ရင်ကွဲစေသည့်အကြောင်းတရားဖြစ်သွားခဲ့တာတဲ့လား
လွမ်းလက်ထဲမှာပတ်လာခဲ့တဲ့ဟမ်းချိန်းလေးဝကိုမြင်မိခဲ့ချိန်...
ဒီအချိန်အထိသူမယုံခဲ့သေးပါ..။
မဟုတ်ပါစေနဲ့..အကြိမ်ကြိမ်ဆုတောင်းမိရင်း
လွမ်းသွားနေကြဖြစ်တဲ့
ရှုတင်ကမင်းသားရဲ့နာမည်သိချိန်
မာန်တဲ့လား..။
လက်မထပ်ပါဘူးဟုခါးခါးသီးသီး
ငြင်းခဲ့သည့်လွမ်းက
ကိုကို့ကိုတွေ့ပြီးတဲ့နောက်တနေ့မှာပင်
လက်ထပ်ပါမည်ချက်ချင်းဖြစ်သွားခဲ့တာ
ဘာအကြောင်းကြောင်းလဲ
သူသိပါရက်နဲ့..မသိချင်ယောင်ဆောင်ခဲ့တာ
ညတိုင်းကိုကိုပြန်အလာကို...
ထိုင်စောင့်ပေးနေခဲ့တဲ့
လွမ်း....
ညဥ့်နက်သန်းခေါင်
ခြံထဲမှာရှိုက်ကြီးတငင်ငိုနေခဲ့တဲ့လွမ်း...
အရာအားလုံးကိုသည်းခံနိုင်ရလောက်အောင်
မင်းပေါ်ငါသိပ်ချစ်ခဲ့ပါတယ်.
ဒါပေမဲ့လဲအဲသည်းခံနိုင်စွမ်းက
ကိုကိုကမင်းကြောင့်ဒဏ်ရာရခဲ့တာဆိုတဲ့
စကားမကြားခင်အချိန်အထိပဲ
ကိုကိုကလဲမင်းကိုချစ်နေတယ်ဆိုတဲ့
အကြောင်းတရားကိုသိရချိန်မှာ
သိပ်ကြောက်မိခဲ့တယ်..။
မင်းငါ့ အနားကထွက်သွားမှာ...
ငါသိပ်ကြောက်ခဲ့တယ်
လွမ်း.။
ငါသိပ်ကြောက်တယ်
ဝေ့ဝဲလာတဲ့မျက်ရည်တစကို
လက်ဖမိုးဖြင့်ခပ်ကြမ်းကြမ်းဖိသုတ်မိလိုက်သည်..။
မင်းနဲ့ပတ်သက်ရင်
ငါဟာမျက်ရည်သိပ်လွယ်တတ်ပြန်ပြီ..။
ကုတင်ပေါ်ကိုလှမ်းအကြည့်
ဒဏ်ရာအရှိန်ကြောင့်သောက်ထားရတဲ့
အကိုက်အခဲပျောက်ဆေးတွေထဲ
အိပ်ဆေးပါသည်ထင်ပါရဲ့
