Unicode
မာန့်ကိုဆေးရုံတင်ပြီးသတိမရတဲ့..သုံးရက်တာအတွင်း
ရှိုက်ကြီးတငင်ဝမ်းနည်းနေခဲ့တဲ့...ကျနော့်ကို
အိမ်ကြီးရဲ့တစ်ယောက်သောသူက
သတိထားမိစပြုလာခဲ့တယ်..။
မကြာခင်မှာပဲဦးခန့်ဟာ...ဖြေရခက်တဲ့
မေးခွန်းလေးတခုကိုကျနော့်ကိုမေးလာခဲ့သည်..။
"လွမ်းနဲ့သခင်လေးမာန်က....
ဘယ်လို...ပတ်သက်တာလဲ..''
မလိမ်ချင်တော့တာမလို့်အကြောင်းရင်းမှန်ကို..ရှင်းပြပြီးတဲ့နောက်
ဦးခန့်ကအတော်တုန်လှုပ်သွားခဲ့လေတယ်..။
ဦးခန့်က...ဆတ်ကိုသိပ်ချစ်တဲ့လူလေ..။
"သခင်လေးဆတ်ကိုပြန်ပြောမှာမဟုတ်လို့
ဒီတိုင်းလေးပဲနေပေးပါ''လို့ဆိုလာတဲ့
ဦးခန့်ရဲ့စကားတခွန်း..နောက်ကွယ်မှာ
ဆတ်နာကျင်မှာကိုစိုးရွံတဲ့ဦးခန့်ရဲ့မေတ္တာတရားဟာပေါ်လွင်လျက်..။
သုံးရက်မြောက်နေ့မှာတော့
မာန်ဟာသတိရစပြုလာခဲ့ပြီ. ။
"မာန်..သတိရလာပြီလား...''
ခေါင်းအနည်းငယ်ငြိမ့်ရင်း..မာန်ဟာစကားတခွန်းမှမဆို..။
ကျနော့်ကိုသာစိုက်ငေးကာကြည့်နေခဲ့လေတယ်..။
ဆတ်ကတော့ညစဉ်video.callခေါ်ရင်း
ကျနော့်ကိုသိပ်လွမ်းကြောင်းပြောပြနေဆဲ..။
မာန်မတော်တဆဖြစ်လို့ဆေးရုံတတ်ရသည့်
အကြောင်းပြောတော့ဆတ်ကစိတ်ပူစွာ..သတင်းမေးနေခဲ့တယ်လေ..။
တစ်ပတ်တာကာလအတွင်း..မာန်ဟာ
ကျနော့်ကိုစကားလေးတခွန်းတောင်..မပြောသလိုအရင်လိုရက်စက်စိမ်းကား..
တာတွေလည်းမရှိဘဲ...
ဆေးတိုက်တာတွေ
ထမင်းကျွေးတာတွေကို..အသာလေးငြိမ်ခံနေတဲ့မာန်ဟာ..အတိုင်းထက်အလွန်
တိတ်ဆိတ်နေခဲ့တယ်.။
ဘာတွေများ တွေးကာ....
ဘာတွေဖြစ်နေသလဲမာန်ရယ်..??
"မာန်..နေသာရဲ့လား...လိုတာတွေရှိသေးလား..''
မတ်တပ်ရပ်ကာ
မေးနေတဲ့ကျနော့်ကို
ကုတင်ပေါ်ကနေလက်ဖြင့်လှမ်းကာဆွဲချရင်း
ထိန်းဖတ်ထားတယ်..။
