#كسرة_كلب
البارت 3
بقلمي روسكان
لبيج قصص روسكان
ثاني يوم الصبح نفس الروتين دوام ومحاضرات ورجعت للبيت هلكانه من التعب وجايبه لفات فلافل وياي للغده لان اجي تعبانه ومابيه حيل اطبخ هو اني وحدي يعني المن اطبخ بس جمعه وسبت شويه ادلل نفسي بالاكل ادخل ع النت واي شي يعجبني اكلات مقبلات كيك حلويات اتعلم واسوي..المهم اكلت ونمت وكعدت ع صوت المبايل رسائل فايبر..
مكتوبلي..سلام عليكم ..هلو بنت عمي
همام وموضوع خطوبتي ابد مافكرت بي اليوم لذلك جاوبت مفزوعه..
انت منوو؟
كان نشط وراسا جاوبني..
شنو شكم ابن عم عندج؟
اني الغبيه مانتبهت ع الرقم جنت مطفيه وتك عين بعدني نعسانه لان الرقم مخزون عندي ورفعت عيني اعلى شاشة المبايل شفت مسيفته باسم همام ..راسا رديت..
همام؟
اييييي.
اهلا وسهلا.
اهلا بيج..شلونج بنت عمي؟
الحمدلله بخير انت شلونك؟
تمام برحمه الله.
صدوك الحمدلله ع سلامتك عمه كالت اليوم تنزل..
اي ونزلت هسه اني بالبيت.
تمام.
لعد شعجب ماعرفتيني راسا..الوالده كالت البارحه مطيتج رقمي..
اي سيفته بجهازي بس والله هستوني كعدت من النوم وحته دا اكتبلك تك عين ..اعذرني.
هههههههه حلوة مال تك عين ..معذوره عيني.
تسلم عينك.
اكوول؟
تفضل..
امي كالت رايده تحجين وياي.
اي صح.
ع شنو؟
ع شغلات تهمني اذا صار نصيب بيناتنه.. نتفق عليهه وكذا.
ماشي شوكت تحبين؟
ع وقت فراغك
اوك باجر ميخالف؟
اي بس من بعد الدوام..
بيش الساعه تخلصين دوام؟
ليش؟
علمود امر عليج اخذج من الكليه ونكعد بمكان هادي هم نسولف وهم اعزمج ع الغده..
لاعفيه مو من الدوام لان ارجع تعبانه حته شكلي تعبان واذا راح نروح مطعم طيني مجال ع الاقل ارتب نفسي.
ماشي لعد داومي ع راحتج ومن ترجعين للبيت اتحضري امرلج ب4.
اووك.
خلص كلامي ويه ابن عمي ترخصت منه ورحت.
بنات اعرف بارت قصيير بس تصبيره لباجر وطولو بالكم وياي لان القصه طويله .
أنت تقرأ
كسرة كلب
Romanceفتاة توفي والديها وتضطر للزواج من ابن عمها بعد ان رفضته ياترى شلون راح تصير حياتهه وياه راح ينتقم منهه لان رفضته اول مره لو توكعه بحبهه مغامره ورومانس وخيانه تابعوو الاحداث
