كسرة كلب

تكمله بارت 19

تكمله بارت 19:
صاحت باسمي ..همام..ياعيونه..احببببك..
ولج اموت ع الله الي خلقج وسواج نصيبي.
حبيبي..
روحه وكلبه وعمرة..
مابقت مستحه بيناتنه نايمين بدون ملابس متحاضنين وااحلاا شعور..
اني يمكن حامل.
فتحت عيوني ع كبرهن..
صدوك حنين؟
شك بس ممتاكده لان لسه ماحللت.
يعني شلون بشنو تحسين؟
عندي دوخه وضغطي ينزل ..اذب من راسي..
وج اخذتج بقوة خاف صار شي لاطفل ليش مانبهتيني.
شفتهه ابتسمت وعضت شفتهه..
اوووف اويلي الله احلا شي صار.
وج عفتج يومين بس شو طالعه عينج.
4ايام عفتني مو يومين وعيني ماطالعه بس احبك.
وعصرتني بحضنتهه.
اخخ يمه لحكيلي ..ارحميني ولج ترة راح اتقربلج مرة ثانيه.
ومنو لازمك ..ضحكت بدلع.
ها يعني تريدين بعد.
عندك مانع؟
لا انتي طالعه عينج رسمي.
ههههههه.
باعي العصر اخذج للطبيبه نحلل.
خاف ميبين لان مصارلنه اسبوعين من تزوجنه.
لعد شلون شكيتي بنفسج حامل؟
مو الاحم تاخرت 5ايام.
شنو الاحم؟
شبيك الاحم.
هاا وج نايمه بحضني وبدون ملابس وع الشهريه تكولين الاحم ..شكو عود تستحين مثلا؟؟
اي طبعا استحي..
هجم بيت المستحه لعد قبل شويه منو جانت جوايه وتكولي بعد اريدك.
ضربتني ع صدري ع الخفيف وغطت وجهه.
كافي انت مو مال واحد يدللك.
يمه فديت الدلال اني.
اكول..
كوول..
خوما عندج التزامات باجر؟
ليش شكو؟
ترجعين تداومين غيرر.
لاصدوك!!
اي صدوك.
احلف همام.
والله شبيج.
صعدت ع جسمي وصارت فوكايه وظلت تبوس بوجهي وشفتي وويه كل بوسه تكولي شكرا شكرا واني متونس تاليهه رجعت جريتهه ماتحملت هيج تسوي وياي كلبتهه ونمت فوكاهه باوعت بعيونهه عبالك فزعت شويه من كلبتهه بسرعه شويه وراحت هاي النظرة وابتسمت ..موبس الشفه حته عيونهه تضحك من هي تضحك نصيت يم اذنهه وهمستلهه..
خاف هسه عندج شك اكو حمل اليوم اسويلج الحمل مؤكد ..
ضحكت ببراءه وبدلع واني شبيت نار وماتحملت تقربتلهه مرة ثانيه  ومرة بعد مرة تصير احلا واحلا وتفاعلهه يزيد.وياي تاخذني لغير عالم رغم ما احس نفسي دا اخذهه بقسوة بس هي متحمله ومستمتعه ومطيرة عقلي بهذا الشي ..وراهه صدوك تعبت ..نمنه متحاضنين..
ساعه وساعتين و3ساعات ياله كعدنه او كعدت لكيت حنونه ماكو بالفراش الظاهر كاعده قبلي..
حنينن.. كعدت من النوم متكسرة عبالك واكعه من السطح هدحيلي هالهمام بس هو صار روحي من الدنيا..احبه.. كمت من فراشي وكوة خلصت روحي من حضنه وايديناته بدون ميحس ..رحت سبحت وطلعت شكو بالبيت الملم واكف الشغل مالتي ..لكيت سفرة الغده لسه ع حطيتهه لميتهه ورجعت الاكل ونظفت المطبخ حسيت صوت مي انفتح عرفت همام كعد وفات يسبح رحت للغرفه عدلت الفراش ..وحاجيته من ورة الباب..
حبيبي خاولي عندك؟
اي.
احضرلك ملابس لو ماخذ؟
ماخذ وياي بس تعاي دخلي ليفيلي ظهري.
صااار.
اشو بس دخلت سحبني من ايدي وبملابسي دخلني جوه الدوش وياه ..
ولك تبللت شسويت بيه؟
عمري وحياتي انتي.
وباسني جوة الدوش بوسه طويله تعمق بيهه وتفنن لحد ما نكطع نفسي ودفعته ع الخفيف..
بللتني.
نزعي وتعاي ليفيلي.
جان اكو بانيو بالحمام وتارسه مي دافي ووغف مال صابون المنظر جان يسويلك واهس تنام بي مو بس تسبح بالاضافه للبخار بالحمام..
همام..فتت للبانيو وسحبتهه اليه من ايديهه بحجة تعالي ليفيلي والبانيو جان متروس مي دافي ووغف صابون نزعتهه ملابسهه لان تبللن واتقربتلهه للمرة الثالثه  وهي مطيعه بس حسيتهه تعبانه خلصت بسرعه وكعدتهه بالمي الدافي تفك عظامهه شويه لان ثنيناتنه تعبنه وطلعنه..لبستهه برنص .اول ماطلعت من الحمام ذبت روحهه ع الجربايه رحت يمهه كعدت ..
شبي حبيبي؟
هديت حيلي..
يابعد حيلي ..كومي امشطلج شعرج..
كامت جابت المشط واجتي كعدت يمي وطتني المشط امشطلهه..
موعلساس نروح للطبيبه نحلل ؟
ياطبيبه دشوف بيش الساعه هسه.
ب 6:30بعد وكت تره .
لاحبيبي بالشتاالنهار قصير يكعدون من وكت حيل فلازم نحجز قبل وقت.
اي صحيح ..لعد بدلي خلي نطلع .
وين نطلع؟
نتمشه ع الكورنيش..
والله مابيه حيل ..متمنيتهه الطلعه لان محبوسه بالبيت وضايجه بس والله احس روحي تعبانه.
لعد امشي نروح لبيت اهلي.
نروح وكت عشه وتعاي حنين سوي عشه.
شكد عجوزيه دخيل الله.
والله تعبانه مو عجوزيه.
ماشي لعد ناخذ اكل جاهز ونروح لاهلي.
انت عبالك مفطوم ع الطلعه .
اي غير مشتاق اشوف امي ياعيني ودنيا ليل ماريد اعوفج وحدج ميصير ؟؟
لا والله يصير هسه كايمه ابدل ..
من شفته هيج مشتاق لامه انقهرت عليه وردت اكوم ابدل ..
ماشي اني همين ..
من كمت لزمت راسي افترت بيه الدنيه مديت ايدي بدون وعي ردت الزم اي شي اتمسك بي من خلاة روحي انتبه عليه همام ولزمني راسا وشالني..
شبيج حبيبي؟
رجعتلي الدوخه..
حبيبي وضعج مينسكت عليه .
صارلي شكم يوم هيج..
لعد بدلي خلينه نروح للطبيبه .
مو كتلك فايتتلي خلينه ننتظر بعد شكم يوم واروح احلل.
ها يعني ثبت عيد؟(قصده صدوك حامل )
ماعرف الظاهر..
وهسه لعد شنسوي تظلين هيج؟؟
احس صرت زينه
نزلني..
نزلتهه ع الجربايه ..
ماشي لعد اليوم ماكو طلعه نبقه بالبيت ترتاحين يمكن اني تعبتج زياده عن اللزوم.
ضحكت ورفعتله تك حاجب..
يمكن ؟؟كول اكيييد..
شفته ضحك وكالي ..
حبي عريس ومحروم والله وانتي مو مرة كييييكه ..فقدت عليج ماكدرت ماتقربلج .
ههههههه احبك.
يمه كلبي ..اموووت عليج ..راح اروح اجيب عشه من راس الشارع وانتي ابقي بفرشتج ماريدج تكومين.
ومنروح لاهلك؟
لاحبي مطايرين اهلي باجر نروحلهم ارتاحي اليوم.
اوك لعد .
رايح اني.
الله وياك ..موتتاخر.
ماشي عمري.
وللحكايه بقيه..