كسرة كلب

البارت 17

#كسرة_كلب
البارت 17
بقلمي روسكان
لبيج قصص روسكان

حنين ..كعدت لكيت روحي نايمه بالفراش يمه عرفت نفسي غافيه بالهول وهو حاس عليه وجايبني لهنا ظليت اتكلب بفراشي باوعت  ع وجهه ملامحه رجوليه متغير هوايه  من اخر مرة شفته

قبل 5 سنوات ..من اجه طاري ال 5 سنوات  وجعني كلبي تذكرت شسوه بيه بليله عرسي  طارت نومه من عيوني كمت من فراشي  غسلت وجهي وبوجهي للمطبخ جوعانه سويت ريوك وجاي وبيض و اجبان ومربى ومن البارحه عدنا كيمر وعسل باقي حضرت سفره محترمه عبالك عدنا خطار مومال  نفرين. شفته كعد ضايجه منه لبست الوضعيه طب للمطبخ سلم  صباح خير ِ مارديت
بالعاده من واحد يسلم يردون عليه السلام
صباح النور
رديت عليه برود وماباوعتلهِ
هاي شنو السفرة ..عاشت ايدج.

لاباوعتله ولا رديت كعدت اتريك وهو هم ..
زعلانه؟
لاعليش
لعد شبيج متحجين وكوه رديتي السلام.
مالي خلك.
اهاا..مالج خلك تردين السلام ع زوجج يعني؟
كمت من السفرة..
ها شو كمتي؟
شبعت دايمه..
شبساع؟
هاي بعد هيج صار .
وداروح من يمه سحب ايدي حيل..
هاي وين مو دا احجي وياج شاون تعوفيني وتروحين.
مادري عبالي كملت حجي العفو منك.
احاجيه بثكل من ورة خشمي وماباوع بوجهه..
اي بعدني ماخلصت حجي .
تفضل اسمعك.
انتي لشوكت راح تبقين هيج؟
شلون هيج يعني؟
تسوين مشاكل ع اتفه الاسباب ولسان طويل واسلوب سز.
هااا..
تره ماصارلي يومين وياج مليت ..مليت من المشاكل جان بالي مرتاح.
ماكتلك تعال تزوجني ..انت اجيت.
هاا..جان هذا انسب حل يابنت عمي لان دمي ولحمي جام يبات وحده بالبيت وغيرتنه متقبل هيج ولا انتي الي قبلتي تجين تعيشين ببيت اهلي فشفت اتزوجج احسن.
هذا السبب الي خلاك تتزوجني؟بس؟
لاتخلطين الاوراق..اعرف عليمن تلمحين..

اني مالمح لشي ..هل من غيرتك تاخذني وتكسرني وتكولي رديتلج الصاع صاعين ..صاع قبل 5 سنوات ..غلطه حاسبتني عليها  بشرفي من جنت زعطوطه..
غيره هاي لوشيسموهه؟؟
ماريد اتجاوز عليك بس انته تدوس بالبطن وتكول شمسوي انيِ.
هاي شوفي اي هو هذا السانج الي عام عليج .
هذا حقي تريدني اسكتلك وانت كسرتني تريدني اصيرلك خدامه تحت رجليك وانت ذليتني بليله عرسي ياابن عمي يالحمي ودمي.
وهسه شنو المطلوب وحياتنه تمشي .؟
ماكو حياه بيناتنه.
شنو قصدج ؟
اني مااريدك طلكني.
بهل سهوله؟
انتقامك و
اخذته مني مابقى شي بعد انشاءالله ضميرك مرتاح من هاي الناحيه..
عوفني بحالي كارهتك ومااريد كمل وياك .
واهلي شإكول الهم ؟ وانتي وين تعيشين حتى بيت اهلج اجرناه من تزوجنه؟
واصلا تزوجنه علمود لاترجعين تعيشين بالبيت وحدج ببيت اهلج هذا السبب كدام اهلي شلون تريدين  تحطيني بهذا الموقف؟
انته حطيت نفسك بهل موقف.
زين اذا طلكتج تعيشين بيت اهلي ؟
اكيد لا ارجع لبيتي .

ماسوينه شي لعد..طلاك ماكو اكعدي واسكتي.
وشنو هاي سالفه موبايلي ؟
شبي مبايلج ؟
مإخذ خطي منعنده؟
ايي وخرته..
اي ليش؟
لان متحتاجيه.
شلون ماحتاجه افرض صار قدر صار شي..
مراح يصير ومراح تحتاجيه.
زين جيب راوتر خليلي بي نت.
شسوين بي؟
هما م شبيك ترة دا احس روحي بسجن شو شكو شي اكولك عليه تكول ماكو داعي ضجت منك ومن اسلوبك ومن معاملتك اليه..ترة اني مو صغيرة..
عفيه لاتسوي هيج رجعلي الخط واحط نت مجاني ..مارايده شي بس اتونس شويه واقتل الملل شكم يوم منا لمن تخلص اجازتي واداوم عاد وكتهه التهي بدراستي هاشكلت ؟
الخط ميرجع ونت ماكو..ها وبعد شنو ..جامعه ماكو..
شنووو؟؟
اي مثل ماسمعتي ..عندج ملل كوليلي واني اطلعج اونسج عندج وكت هواي هذا بيت شطوله شعرضه نظفيه غيري ديكورة كلبيه كلاب.
همام وجامعتي؟
كتلج ماكو جامعه بعد.
لييييش مو اتفقت وياك من قبل الزواج جان هذا شرطي الوحيد عليك اكمل دراستي بعد زواجنه.
اي وغيرت رايي.
لاتطلعني من طوري همام..شرطت عليك اكمل بعد الزواج وانت وافقت تجي هسه تكلب عليه لاتخبلني.
لا اخبلج ولاتخبليني.. كلت جامعه ماكو ..
من حركتي سولفت..
بله هاي تصرفات زلم يوميه براي؟؟
جابني براشدي فر راسي فر..
زلمه غصبن ماعليج ومنا وهيج اعلمج الزلم شتسوي..وجامعتج جري عدل ولاتعاندين واسمعي كلام زلمتج وداريه اخليج مو بس تكملين جامعه اخليج تاج ع راسي يابنت عمي.
لهنا وخلص الكلام وياج بهذا الموضوع اذا انفتح مرة ثانيه او حاولتي تدخلين احد من اهلي ياثر عليه متلومين الا نفسج..
همام عاف الاكل وكام ..واني خليت ايدي ع خدي افرك بي اهم شي لازم اداريه حته يخليني ارجع لدوامي كلتهه بداخلي .اااخ والله راشدي سطرني سطر مو ايد عبالك كرك .