تكمله بارت 5
ماعرف والله اسال عمه اليوم.
اوك وحته من اني بالدوام اخذي امي واطلعي للسوك ويمي حساب كولشي..
شكرا.
وج لتكولين شكرا هذا جهازج غير انتي عروسه قابل ماخذج فصليه اني.
ابتسمت..
همام ؟
نعم؟
جعت اطلبلي عشه.
بعيني.
تسلم..
همام صاح الموظف الكرصون وطلبلي عشه ع ذوقه منين يعرف اني شنو احب اكل مادري استغربت بس ماسالته..
همام؟
اممممم..
اللكمه جانت بحلكه مثل الغص بيهه ابتسمت..
اسفه.
لاعادي شنو ردتي تكولين؟
مضايقك لبسي؟
تفحص لبسي عبالك اول مرة يشوفني شال عينه عليه..
ماطول مستور ماعندي اعتراض عليه بس ماحب بالمستقبل زوجتي تلبس بنطرون..
بالعكس شو اشوف البنطرون يستر اكثر للبنيه..
اي صح يستر بس يقسم مفاتن الجسم.
دنكت ..اي صحيح كلامك ..وسالته..
والحجاب؟
شبي؟
تريدني اتحجب؟
اذا مقتنعه تحجبي ماعندي اعتراض واذا تبقين سفور هم ماعندي مانع بس كتلج السفور بحدود اهم شي عندي اللبس مستور.
ماشي.
عندج مانع لو اتصلت عليج اليوم بالليل؟
لاماعندي بس ماكدر اتاخر لان عندي امتحان باحر ولسه مقاريه منه شي لحد الان.
ماشي..
بعد عندج شي نتفق عليه؟
اي سيارتي.
شبيهه؟
اني اسوق تره.
اعرف
عادي يعني تقبل؟
وشكو بيهه؟ بس من اني موجود اني اوصلج للكليه.
ماشي.
همام..متقصد اوعدهه وعود معقوله بس مراح اسويهه ومتقصد ارسملهه حياة ورديه وياي لان مثل منكول من نلزم مجرم كولشي راح تكوله المحكمه تستعلمه ضدك وشكو شغله رادتهه وطلبت انفذهه اعتبرهه منتهيه بالنسبه الي.
هسه احنه بحكم مخطوبين مو؟
ابتسمت بخجل ..اي..
تجرات الزم اديهه بثنين اديه..وباوعت بعيونهه وشفت رجفه باديهه من لزمتهه ومن صارت عيني بعينهه شفت خوف وخجل ودفو وحنيه وكلتلهه..
راح اخليج تحبيني غصبن عنج ..وهذا وعد..
ماقطعت التواصل البصري ويه عيونهه وبست اديهه وكتلهه..
ظلمت الدنيا مو ياه كافي وراج امتحان؟
اي اي صح.
وكمنه بعد ما دفعت الحساب وصعدنه السيارة وطول الطريق ساكتين ..حنين متحوله الى انسانه حساسه ورقيقه ومن النوع الهادئ الخجول ماعرف وين راحت العرامع واللسان الطويل وهذا شي صراحه ماجنت حاسبله حساب بكل حقارة وعدتهه انو راح اخليهه تحبني بس خاف اني هم اوكع بنفس هذا الفخ من وره شخصيتهه واسلوبهه..
حنين..همام من ديرجعني للبيت كان ساكت طول الطريق مديت ايدي ع المسجل مال السيارة وجانت ايده ع كير السيارة وايدي بدون قصد طخت بايده بس ماعرف شو التفتلي وخزرني ومافتهمت ليش وماهتميت..
كلبت بالراديو وطلعتلي اغنيه كاظم الساهر انا وليلى وكان ديغني المقطع..
فراشة جئت القي كحل اجنحتي..لديك فاحترقت ظلما جناحاتي ..اصيح واسيف مزروع بهاصرتي ..والغدر حطم امالي العريضاتي ..وانتي ايضا..
ماعرف ليش كلبي انقبض وربطت بين مقطع الاغنيه والخزرة والغدر وحسيت بغصه بكلبي رغم قبل ثواني جنت حاسه بروحي مرتاحه وكل شكوكي تجاه همام تلاشت تقريبا.
وصلني للبيت وكالي ادخلي وقفلي الباب وسلم عليه وصدوك قفلت الباب ياله راح واني هم ماعزمته لان يدري مادخل رجال للبيت حتلو هو صار بحكم خطيبي..
اوب ماوصلت بدلت ملابسي وبلشت اقرة امتخاني مال باجر وورة ساعه تقريبا خابرتني عمتي ام همام وباركتلي وسالتهه ع شكم شغله وتجهيزات الزواج وشنو احتاج واتفقنه نطلع للسوك نبلش نشتري شغلات جهازي باجر العصر واني وافقت ماعندي شي..
وهم وراهه اخذتلي ساعتين دراسه وخابرت ضمياء وسولفتلهه كولشي صار بالتفصيل الممل حته الخزرة ومقطع الاغنيه وكالت عليه مخبله وكالتلي كولي الحمدلله لان همام طلع صدوك رايدني وذاك الموقفىكان حافز اله حته يكون نفسه ويبني لروحه مستقبل حته يكدر يتزوجني .
أنت تقرأ
كسرة كلب
Romanceفتاة توفي والديها وتضطر للزواج من ابن عمها بعد ان رفضته ياترى شلون راح تصير حياتهه وياه راح ينتقم منهه لان رفضته اول مره لو توكعه بحبهه مغامره ورومانس وخيانه تابعوو الاحداث
