كسرة كلب

البارت 24

#كسرة_كلب
البارت 24
بقلمي روسكان
لبيج قصص روسكان
نيمت ريمه وقررت اغير بنفسي شويه رحت للمطبخ سويت هاي الشيرة المنزليه صح جسمي املس بس احب سوالف الشيرة والحفافه واعتني بنفسي وهسه صار عندي سبب لهاي السوالف المهم دقايق وكملت الشيرة وانتظرتهه تبرد رحت لبست شي خفيف وباوعت لنفسي ولوجهي بالمرايه قررت باجر اخذ اجازة باجر بس ادز ريمتي للحضانه علمود اتفرغ شويه لنفسي اسوي حواجبي شمرة حلوة وحفافه كامله واكص شعري ستيبس لو بس ابدل لونه ..اي هو طولان حييل بس اخلي ام الصالون تعدلي اطرافه شويه وهو مخصل بس اسويه دانتيل بلاتيني واخذلي شكم قطعه ملابس نوم وبرمودات بين ماتبرد الشيرة رحت لملمت البيت ونظفت الغرف واخشاب غرفتي بالملمع سويتهه وكلت باجر اخذ شموع معطره وهيج حبشكلات وكعدت شويه اكتب مذكراتي مثل كل يوم لان اني من يوم توفت ماما الله يرحمهه واني بديت اكتب مذكراتي بالتفصيل هيج كطريقه علمود افرغ بيهه طاقتي السلبيه ..المهم استلمت جسمي نتف وهلس وتاذيت اول شي بعدين خدر وماحسيت اخذتلي ساعه وكملت راسافتت سبحت نشفت شعري ومشطته وذبيت روحي ع الفراش لزمت المبايل اباوع ساعه 2بالليل.
لكيت همام مراسلني ساعه 1بالليل ولسه نشط كاتبلي موجوده لو نمتي ؟
راسا رديت بعدني كاعده جان شو راسا طلع مرئي يعني كاعد وبده يكتب ..شعندج كاعده بهذا الوقت؟..رديت جان عندي شغل..
همام ..شغل تالي الليل؟
اي هو الشغل مايخلص وماله وقت معين .
شنو بله الشغل ؟تنظيف ولملمه؟
ابتسمت وكلت اي هو هم تنظيف ..كتبتله اي تنظيف وهيج سوالف.
وانت شعندك كاعد مو كلت رايح انام عندي شغل من وكت باجر؟
اي كلت وفعلا عندي شغل بس صار عندي ارق وماكدرت انام.
اها ..سلامتك..اشرب كلاص حليب دافي وانت تنام.
حليب؟..ماحبه.
لعد اليوم سهرايه للصبح ..
شوكت تنامين؟
هسه.
هااا هاي طرده شنو؟
لا العفو بس سالتني وجاوبتك مو قصدي شي.
همام..ردت اكتبلهه شلابسه بعدين مدري شلون لزمت نفسي .
يله تصبحين ع خير ..
وانت بخير.
سديته ونمت جنت كولش مطفيه وتعبانه.
ثاني يوم الصبح ..حنين ..كعدت من الصبح ساعه 6:30 سويت ريوك وتريكت وبدلت وريمتي هم كعدت ريكتهه وبدلتلهه وقررت اخذ اجازه اسبوع مو بس يوم واحد علمود  اتفرغ شويه لهمام واشوف وضعيته بس اليوم راح اودي ريمه للحضانه لان عندي هواي شغل لازم اكفه هاي من غير مسواك العشه الي لسه ممتسوكته ولا ادري ششراح اطبخ او اجيب اطل جاهز.
وديت ريمه للحضانه من الساعه 8ومن دا اطلع شفت همام سلم عليه كلبي رفرف عليه..حسيت احساس حلو ..حسيت اليوم زواجي مادري ليش وجان هذا الموضوع بداخلي قالقني وموترني ..موعدي ويه الصالون ب 10 يعني عندي ساعتين ..احسن مسواك من الصبح رحت لسوك الخضروات والفواكه واخذت كولشي احتاجه واتفقت ويه مطعم قريب ع بيتي يسويلي 2كيلو كباب سفري يوديلياه العصر بيد العامل هو يندل بيتي وراح اسوي تشريب لحم وتمن اصفر وهيج سوالف وراهه رحت لمول بضاعته نازكه دائما اخذ منه ملابسي الداخليه اخذت شكم قطعه داخليات وملابس نوم وبرمودات من مكان ثاني ومكياجات وشموع معطرة خليت مسواكي بالسيارة ورحت ب 10للصالون ع الموعد حفافه وعنايه بالبشرة لوجهي وعدلت الكصه مال شعري وسويته دانتيل اشقر ثلجي ردت بلاتيني بس بدلت حلوو التغيير وحبيت النتيجه وشلون صار شكلي بالاخير خاصه شمرة الحاجب لان حواجبي من نوع ثخين تقريبا طلعت للبيت ساعه 12:30 فوتت غراضي والمسواك رتبته وبيتي نظيف وخليت الشموع ماكدر اشعلهن من ريمه موجوده طفله خاف تنجوي لو تلعب  بيهن وتحركنه ففتحتهن هسه حته تصير ريحه طيبه بالغرف جنت جايبه بيتزا تغديت وسبحت بدون مااخرب شسوارشعري وصارت ساعه 2رحت جبت ريمه من الحضانه جنت مسويتلهه شوربه ولحم بعجين البنات موكلاتهه ونايمه بعد كلبي وكملت نومتهه بالبيت ارتاحيتلي ساعه وبلشت احضر بالعشه من بعد ماتصلت بعمتي وعزمتهه هي وعمي ع العشه ع شرف رجوع همام لبيته كملت التركيب وكولشي خليته ع نار هادئه ورحت تمددت واخذت صور سيلفي لنفسي ع السريع ذبيت ملابسي ولبست نفنوف موتب مو كولش قصير جوة الركبه بشويه من فوك مقسم ع الجسم وضاب ع صدري وخصري ومن جوة كلوش.
بدلت لريمه وسمعت الباب اندكت كلت اكيد هذا العامل جايبلي الكباب شلت ريومتي وحطيت شال ع راسي وطلعت للباب ..فتحت هذا همام..
هلو همام ..حجيتهه متفاجئه شويه..
هلو بيج.
بحركه تلقائيه اخذ مني ريمع الي كامت تكمز تريده يشيلهه ..
تفضل..
من تقرب عليه دياخذ ريمه تقرب باسني من خدي وهمسلي شلونج؟
اني من تلامست شفته ويه خدي حسيت كهرباء سرت بجسمي ورجفت..
ابتسم هو ونصه وفات طب جوة واني تلعثمت مادري شصار بيه كوة نطقت جاوبته الحمدلله..
يمشي ويلاعب ريمه ويسولفون واني امشي وراه دنطب للبيت ..
انت شلونك؟
تمام الحمدلله.
وسالني.. شو لابسه شال ؟شنو منتظرة احد؟
اي ..علساس يجيني عامل المطعم موصيه ع كباب.
هاسهله ..اني اجيبه .
_
_
_