كسرة كلب

البارت 9:عقد زواج

#كسرة_كلب
البارت 9
بقلمي روسكان
لبيج قصص روسكان
من بعد ماخلص الاربعين مال ماما الله يرحمهه طلبت يومين ارتاح بيهن واجهز نفسي وطول هالاسبوع الفات كوله ضمياء وياي ماعافتني ابد حته جنت من الكليه نطلع اني وياهه اكمل نواقص جهازي صح همام وعمتي ماقصروا وياي بس بقت عندي نواعم واشياء بنفسي اني ردت اشتريهه حته ملابس نوم وورد وعطورات واشياء تنظيف بشرة من الشعر والخلايا الميته يعني سوالف بنات ومكياجات شي ع ذوقي وشي ع ذوق ضمياء ولزمتني ضمياء سوتلي شيرة مال بيت ههههههه وقماش اسمه بازه يصير خشن وقوي ولزمتني نتف من فوك ليجوة حته اصابع ايديه ماخلصت منهه واني منا جسمي ابيض صرت مو طبيعيه وويه كل نتفه اغلط عليهه واشتم بيهه وهي غبالك مستمتعه واني اتالم عبالك كاتله ابوهه ودتنتقم مني وهي ضمياء ماكتلكم صدوك ابوهه مستشهد من كم سنه وعدهه خوات ثنين علياء وبيداء واخ واحد باقر اسمه متزوج وطالع خارج العراق..
المهم ضمياء طلعتني لوز ورحت للصالون نظفولي وجهي وحفافه وشمع وهم نتفو وجهي نتف طلعت غير شكل وجانن حواجبي ثخان وبيهن شمرة طلبت يخلوهن ثخان وع شمرتهن ونظفوهن وشعري هو لونه بني غامق وسويته دانتيل بلاتيني اخضر وطلع يخبل..
واليوم العصر العقد مالتي واليوم خميس..
بيت اهلي انترس بنات خالاتي وصديقاتي والجوارين وضمياء وخواتهه وامهه وعمتي وهم وياهه نسوان كرايبهم وجوارينهم وطلبت بدون هلاهل ويتم كولشي بسكوت راح تسالوني ليش ماسويت العقد مالتي شي بسيط ع الضيق راح اكوللكم اليوم بعد العقد اتفقنه يصير دخول فكلنه نسوي اشهار للزواج بس بدون حفله وهلاهل ومراسم فرح.
وبالفعل اجه السيد وصار عمي ابو همام هو وكيلي لان باكر وعقدلي ع همام وصار همام زوجي شرعا..
ماسولفتلكم شنو جنت لابسه وشلون جنت طالعه ..لبست فستاني الابيض سولفتلكم عليه مقسم ع جسمي وطويل وسمكي وبي ذيل من ورة واكتافه عاريه وبي ركبه بس من عقدت ذبيت شال ابيض ع شعري ولبست كوت شمعي لان الاكتاف عاريه ومترهم السيد موجود.
من تم العقد باركولي وطلع السيد وطلع عمي وهمام وصلوا ضمياء نزعتني الكوت ورتبتني كعدت ع التخم وهمام طب عليه وباركلي وباسني من راسي وكعد يمي..
شطالعه اليوم ولج؟
هههههه رغم الولج مالته خجلني بكلامه..
وهو جان لابس قاط اسود وجواه يلك جوه الستره ورباط نيلي وقميص سمائي وطالع يخبل والكرعه نفسهه واللحيه مسويهه سكسوكه خفيفه صدوك شوفته تطير العقل.
وانت هم طالع حلو.
بس حلو؟
جنه نتشاور ونحجي همس..
من كالي هيج رفعت حواجبي عود شنو هالتواضع ..بس هو كملهه عليه..
مشوفين بنات خالاتج وصديقاتج راح ياكلني بعيونهن.
خزرته وقطبت حواجبي  وعود شنو مناسبه هذا الحجي واني هستوني صرت حلاله والمفروض فرحان بيه وهو خس بيه ضجت وهو جفص زايد..
كيكايتي لاتزعلين اتشاقه ترة..منو يباوع ع النجوم اذا عنده الكمر؟
ابتسمت مجامله ع غزله..
ظليت مبتسمه وبس اتصفن مادري شنو جنت احس مو خوف ولاشك بهمام بس فصلت عن العالم الجانت موجوده وحته عن همام وجنت صافنه ع الفراغ كدامي ..ورة شويه دغني همام حسسني بوجوده وانو هو منتبه عليه صافنه وكالي يله خلي البسج الذهب ولبسني النيشان وعمتي وضمياء ساعدنه وبعدين جابوو الكيكه والعصير كصيناهه سوة ووكلني ووكلته وشربنه العصير  طبعا كل ترتيبات الحفله مال العقد والتفاصيل برعايه ضمياء خطيه ابتلت بيه واني كولشي ماعرف.
للحكايه بقيه..
البارت الجاي +18المو عاجبه يقرة لايقرة وبدون سب