كسرة كلب

البارت 5

#كسرة_كلب
البارت 5
بقلمي روسكان
لبيج قصص روسكان
حنين..رجعت من دوامي من وكت وتغديت وارتاحيت شويه وبدلت لبست نبطرون اسود وبلوزه سوده ام الركبه لان جنت بعدني حزينه ع ماما الله يرحمهه وجاكيت اسود صوف لان جان الجو بااارد وعفت شعري ع راحته لان هو سرح بس مشطته وصارت ب 4 اجاني همام سلمت وصعدت وياه بالصدر وانطلقنه..
مااخفي عليكم اني تفاجات بشكل همام متغير حيل لان حته بفاتحه ماما ماشفته جان عنده ايفاد لليونان اسبوعين..
شفت همام ثاني شكلا صاير ضخم وصدر عريض لان هو اصلا طويل بس جان ضعيف عبالك عوده مال مطيرجي ههههه بس هسه سمنان بس مو كرش يعني سمن بتناسق حسب طبيعه شغله اكيد ديمارس رياضه ملاكمه او حديد ماعرف بالضبط..المهم وعيون صفر يدوخن ههههه مامنتبهتلهن قبل واكرع.. لاتضحكون اي اكرع ومسوي مثل تسريحه هذا اللاعب البرازيلي بمونديال كاس العالم 2002يمكن جنت صغيره ماتذكر بالضبط السنه ومربي شوارب بس لحيه ماكو..
بعد ما تسالمنه اني ضحكت واشرت ع شعره..
هااا
شعرك ماكو
اي من زمان ماكو بس انتي صارلج هواي مشايفتني
اي صحيح ..وين نروح؟
بكيفج انتي.
اي مطعم هادئ ع معرفتك.
سهله هاي.
وصلني لمطعم كولش راقي نزلنه وكعدنه طلبنه عصير وبدينه نسولف..
همام اول شي ممكن اسالك سؤال؟
تفضلي..
احد جبرك تتزوجني؟
همام..تقريبا انصدمت من سؤالهه وفكرت لعد شكد خايفه مني وشبه متاكده انو اكو شي ورة طلب ايدهه للزواج مني ..سكتت وابتسمت واتصنعت الثقه وهذا شي مو صعب عليه..وجاوبتهه
لا ابد..
شفتهه سكتت وصفنت ودنكت..
رفعت راسهه من حنجهه..
ليش سالتيني هذا السؤال؟
بوعت بعيوني وحسيتهه دمعت وبعدين بعدت نظرات عيونهه عن عيوني وصارت تباوع للفراغ بداخلي انكسر خاطري عليهه ماعرفت شنو يدور بداخلهه ردتهه تحجيلي يمكن بوكتهه ماعرف يمكن ينتهي كولشي خططتله الانتقام والعذاب ..اوكفوا اني شدا احجي هاي بس شفت عيونهه دمعت صار بيه هيج لعد لو اشوفهه. تبجي شلون ..كافي همام ..قويت نفسي كلما اضعف اتذكر كلامهه مهتلف دلوع الماما وارجع اقسي..
حنين..
اممممم
شبيج وين صفنتي؟
ماصفنت.
سالتج سؤال.
مادري ماسمعتك.
مو اكولج جنتي صافنه.
لا شنو السؤال؟
انسي ..شنو شروطج؟
اي هذا موضوعنه.. اذا صار بيناتنه نصيب اهم شي دراستي اكملهه تحت اي ظرف..
همام..هاي صار اكثر من مره تكول اذا صار بيناتنه نصيب كلامهه هذا ينرفزني عبالك اني ميت عليهه وبس منتظر موافقتهه ماتدري اني ماطيق اباوع بوجهه من حقدي الماليني عليهه ..تمالكت نفسي ..
بالنسبه لدراستج متفقين تخلصيهه بعد الزواج ومثل ما اهلي وضحولج دوامي حيكون يمج ويومين بالدوام وبيومين الدوام انتي تروحين تباتين يم اهلي  ها وبيني وحدي وكامل بس الغرفه نختارهه سوة وسوالف الذهب والجهاز..
ماحتاج بس حلقه وماريد بدله وهوسه..
اكيد متفهم انتي حزينه بس لازم ع اقل من اعقد عليج وادخلين لبيتج تلبسين فد نفنوف ابيض..
اي هو هيج فكرت اني..
والذهب انتي معليج اني اخذلج شي ع ذوقي.
ميحتاج والله.
ليش شنو ناقصج؟
مو ناقصني شي بس مالبسه..
ميخالف اني مصر.
بكيفك همست شكرا.
ع شنو يمعوده مهرج هذا بس انتي مادري ليش مكسورة نفسيتج ومالج واهس شنو تردين ينكسر خاطري عليج علمود اشتريلج ذهب هواي..
ضحكت اني ..حجايته صدوك ضحكتني وصارت عيني بعينه حسيت نظرته بيهه دفو وحنان نصيت وجهي خفت..خايفه يلعب عليه وهذا كلامه كوله جذب..والله شعور ياذيني اريد اامن بي وبنفس الوقت افكر اذا اامن ويطلع جذاب ورطه يعني ورطت روحي بيهه ..بس اني بنت عمه وعرضه شيريد يسوي  يعني..
بعد بشنو تامريني بنت عمي؟
لاشنو ماعاش اللي يامرك العفوو.
سكتت اني ..دتاخذني بلسانهه الحلو ..وين العرامه راحت وذاك اللسان الطويل..
بيت اهلي راح ااجرة بعد الزواج.
بكيفج بس ممنوع تصرفين من فلوس الايجار ..اي شي تحتاجينه تطلبينه مني افتحلج حساب باسمج تاخذين الايجار منا والراتب التقاعدي وتحطيهن بحسابج اوجوة ايدج تضميهن بكيفج..
ابتسمت ممنونه من كلامه ودا اامن بي ودا اثق وشويه شويه ديتلاشه خوفي منه وشكوكي بي..
اذا اطيتي الموافقه هالايام نعقد عقد سيد ومن نعقد محكمه اخذج عروس لبيتي وبس تطلع دورة السنه اسويلج احلا عرس.
ابتسمت لكلامه مخطط لكولشي ..
ها اامووافقه؟
موافقه.
همام.. ابتسمت تمت المهمه ..بنجاح.
بس تطيني مجال هالعشر ايام.
ليش شمعنه 10ايام؟
بين مايخلص 40ماما الله يرحمه وراهه نبدي نجهز ونعقد .
لاخلينه نجهز هالايام ونطلع سوة نشتري الذهب والغرفه وهم تتعودين عليه واني هم مو يوميه اطدر اطلع بس من انزل من دوامي ..ها شكلتي؟
اوك براحتك.
ومن باجر نروح نعقد محكمه لان شغلتهه تطول يومين يمكن يعني ع اكثر باجر بس نروح نسوي تحاليل وفحوصات وراهه دوامي فيومين ماكو اني وبعدهه نكمل عقد المحكمه.
لاهمام باجر ماكدر عندي امتحان.
اوك لعد ع نزولي الجاي.
ماشي متفقين.
وبعد شنو نواقصج؟
ماعرف والله اسال عمه اليوم.