كسرة كلب

البارت 28

بارت 28 :
لكيت طفلتي الثانيه هم نايمه ..رحت عليهه شلتهه ..اول ماشلتهه مثل الفلاش باك مر كدام عيني ..وصار راسي يوجعني حييييل ماتحملت الالم بس كدرت اكتمه ماردت تحس عليه حنين وتكعود من نومهه ..قبضت ع ايدي بقوة وعضيت اصبع ايدي الثانيه وكعدت بالكاع حسيت انهد حيلي ومن شده الالم تبنجت وفحاة اختفه الم راسب ..فتحت عيوني متفاجئ ..شنو الي صار ظليت كاعد بالكاع شويه بين مارتاحيت كمت ع حيلي شلت حنين ماعاودني الفلاش الحسيت بي قبل دقايق ..ماحست عليه وبحركه لا اراديه تعلكت بركبتي ابتسمت ومشيت بيهه لغرفتنه لفراشنه خليتهه ع السرير ودثرتهه ..ظليت افكر شنو الي صار وشنو الي تذكرته ..تذكرت نفس الموقف مار بيه هواي نايمه حنين ع القنفه واني اشيلهه وانيمهه بفراشهه ..تفكيري ماجاب نتيجه ..مديت ايدي بحذر جوة مخده حنين وع كيفي سحبت دفتر مذكراتهه وبديت اقرة طبعا اني دا اقرة مخربط مو بالسرة اي شي يجذبني وتصير عيني عليه  اقراه وبالدفتر حنين ماكاتبه بس احداث كاتبه مشاعرهه وتفاصيل ثانيه فمذكرات اليوم الواحد مرات توصل 3اوراق ومرات تلكه غير يوم مجرد تاريخ مابي شي واستمريت اقره وشفت بعد الزواج باسبوع واحد صايرة بيناتنه مشكله وكامت حنين تنام بالهول ع القنفه وجنت اروح اشيلهه وارجعهه للغرفه حتلو بنص الليل افز اجيبهه يمي وارجع اكمل نومتي ..من هاي عرفت اني بديت اتذكر بس هم ممقتنع اني همام ..وهمي الثروة والفلوس فقط ومنتظر يتحولن باسمي حته اطفر ..
انتبهت ع حنين نايمه بسابع نومه جريتهه لحضني لااراديا ماحست عليه بس تحركت شويه وعدلت نومتهه بحيث دفنت راسهه بصدري وبديت اخذ انفاسي بصعوبه لان كل نفس بي عطرهه وكل نفس بي الزفير اليطلع منهه شي يرجف الجسم و شعور غمرني اول مرة احسه مامار بي قبل ..مرة بحضني ..لا غزللتي بحضني ..وانتي ياغزالتي شلون بيج وشراح اسوي وياج.
حنين..كعدت ساعه 7الصبح لكيت نفسي بحضن همام راسي بصدره وواحد يتنفس انفاس الثاني ..ماتذكر شلون وصلت لهنا بس بداخلي فرحت هم وانزاح عبالك انكسر حاجز المستحه بيناتنه هيج حسيت ..ردت اخلص روحي من بين ايديه بس ماكدرت حيل حاضني ..همست ..همام..همام..فتح عيونه ..خجل مو طبيعي حسيت حراره صعدتلي لوجهي وخدودي وعينه بعيني ..همسلي ..
صباح الخير غزالتي ..
ابتسمت ..
صباح النور ..
حسيته حضني اقوة ايديه حوطت خصري وكالي..
شجابج هنا؟
مادري منو جابني يمكن انت .
وين اكو انتي كتيلي نومني بحضنك..
فتحت عيوني ..
ياا وين اكو!!
لعد قابل اتبله عليج ؟
اكيد طبعا تسويهه..عفيه حباب عوفني..
وين؟
اكوم اسوي ريوك شويه ويجي الخط ع ريمه ..
عوفي الطفله نايمه متروح اليوم للحضانه..شبيج بس تريدين تشردين مني..
ما اشرد مو كتلي عدنه شغل الصبح ..
اي نخلي ريمه يم اجدادهه ..دتعالي يمي ..
همام!!
اششش ..تعالي ..
حضني وصار فوكاي وغركني بحبه وعشت وياه احلا لحظات عشق ورومانسيه ..استسلمت بكل جوارحي وبكل احساس حلو بيه مشتاقه لحبيبي وزوجي ابو بنتي ..بس عبالك همام متبدل بكل رقه اخذني قبل حان ياخذني بقسوة ..
وخر عني واخذ ايدي وباسهه..
تعبتج؟
ابتسمت واشرتله لا..
نام ع ظهرة ونمت ع صفحتي وظليت العب بشعر صدرة..
ااخ يابه شكد مشتهي جكارة.
تدخن؟استغربت..
مرات ..
اندار ع صفحته صار كدامي وجه بوجه..
حرك اصبعه ع خدي ..
شكد ناعم خدج..
وحركهه ع خشمي ومسح بابهامه ع شفتي وحنكي
اخذت ايده وبستهه من باطن الكف..
همستله..
اشتاقيتلك بكد رحمة الله .
ظليت العب بشعر صدرة ابتسملي بمكر..
شكلج تريدين بعد..
ضحكت ..لالا
سحبني عليه وصرت فوكاه وباسني برقه وسالني سؤال غريب..
ماخذه احتياطج؟
صفنت بوجهه ..لا ليش؟
ماريد طفل ..
برطمت وهو كمل كلامه..
هو اني شمفتهم من حياتي علمود اسوي طفل .
همست بدون اقتناع ..اي..
ماعارضت بس بقينه نتباوس شويه بعدين كلي ..
ماناويه تريكينه ؟
اكوم اسبح ياله اسويلك ريوك ماشي؟
ماشي واني اسبح وراج .
بسته ع السريع وكمت لبست وسبحت ورحت اسوي ريوك وكعدت ريمه ريكتهه وشويه واجه همام جان سابح تريكنه وبدلنه وطلعنه ودينه ريمه يم بيت جدهه وعمتي عزمتنه نتغده يمهم ورحنه للدائرة وظلينه الصبحيه كولهه للظهر نمشي بالمعامله مال همام علمود نسقط شهاده الوفاة وارجع الاملاك باسمه ونبه عليه ما احجي شي لاهله من يسالونه نكوللهم جنه نسقط شهادة الوفاة وبس وللظهر كملنه ورجعنه لبيت عمي تقريبا ب 1:30 وجانت خالتي دتوكل ريمه وبعدهه تساعدنه اني وياهه صبينه غده لان همام كان حيل جوعان وعمي هم جان موجود ..كملنه غدة وغسلت مواعين وفواكه وجاي ظلينه اني وعمتي سوالف ونامت ريمه بحضني وهمام دخل لغرفته نام بيهه الظهريه وللمغرب ياله رجعنه للبيت وهمام جاب بيتزا للعشا لان كتله مابيه اسوي عشه ..
اول ماوصلنه بدلت وبدلت لريمه وظلت تلعب ويه ابوهه واني رحت حضرت البيتزا وزلاطه وفواكه وتعشينه وشاركتهم اللعب ورة العشه..شويه ودك تلفون همام
اخذه وطلع راح للغرفه ورد ع الاتصال ..
الو هاهلو خالد.
....
اي شلونك ؟
.....
هالاوالله جنت مشغول اليوم .
.....
اي ع الشغله الكتلك عليهه..
.....
لايمعود معامله شطولهه شعرضهه فد اسبوع هيج ياله تكمل.
.....
ها المحامي ..ماعرف بعد
......
تعرف احد انت؟
.....
ها زين اعتمد عليك يعني ؟
.....
اي خوش بالكوفي ..هسه ربع ساعه واني يمكم .
.....
في امان الله.
رجعلي همام مد راسه من الباب ..حبيبي اني طالع.
خو ماكو شي ؟
لاحبي اصدقائي خابروني مجموعين هنا بكوفي شوف قريب .
مو تتاخر همام ..
لالا ساعه اكثر شويه وارجع .
ماشي.
نيمي ريمه واريدج عرووس .
ضحكت غمزلي.
يا هذا شبي ..كلتهه بداخلي.
من غمزلي ظل يباوع عليه بتوسل..عقد حاجبي كتله..
روح الله وياك.
حجيت ويه نفسي ..هاي شلون عيون ياربي ..
رجعلي ومد راسه ..ها مثل ماوصيتج ..
خزرته ..مااه رووح.
طيت مبايلي شويه لريمه شويه تلعب بي بين مااروح اسبح ..سبحت ولبست برموده لونهه ازبري ضيكه ومرتبه عليه شفت ريمه مطلعه اغاني طيور بيبي ع اليوتيوب وتكمز وحيدهه رحت نشفت شعري لااستبرد وعليت السبلت ع التدفئه لان لبسي صيفي