كسرة كلب

خطوبه مفاجئه

#كسرة_كلب
البارت 2
بقلمي روسكان
لبيج قصص روسكان
ساعه 8بالليل والدنيا شتاء واني من اذان المغرب اقفل الباب الخارجيه وافعل جهاز الانذار مال سيارتي بس شو هسه اندكت الباب وظلت هواي تندك اني بصراحه خفت لان صارلي شهر من وفاة امي وابات وحدي بالبيت صح تعودت ع هالوضع بس هم دكه الباب خوفتني المهم بنفس الوقت دك تلفوني شفته لكيته عمي ابو همام ..هاعمي شلونك ..خير خو ماكو شي ..لاعمي ماكو شي بس احنه بالباب وصارلنه بالربع ساعه ندك بيهه اني وعمتج ..ها العفو عمو ماعبالي انتو واني تره مافتح الباب لاحد بالليل ..اي عمي زين تسوين وهسه اطلعي فتحيلنه الباب صار هواي مشتولين بره ..اي عمي اعتذر هسه ثواني ..سديت التلفون من عمي ورحت فتحتلهم الباب وشافوني شلون قافله الباب وحته زنجيل مزنجلته سلمت عليهم وبوستهم وطبوا وشربوا مي وفتحوا وياي موضوع زواج ..اني صفنت مصار شهر ع وفاة ماما وبعدين من دخلوا بالتفاصيل طلعوا جايين يخطبوني لهمام..اني افتر راسي ..وعمي حلفني بروح بابا مارده خطيه لان باله يمي ودا ابات وحدي بالبيت وشكد حاولو وياي يجيبوني اسكن وياهم بالبيت بس اني رفضت اعوف بيت اهلي ..فدوة لعمي شكد حنين شفت عيونه غرغرت بالدموع من حلفني كالي بنت الغالي لاترديني والله انصدمت وتاثرت حيل بموقف عمي تحججت اسويلهم جاي ورحت للمطبخ افكر شسوي وشلون ارده فلحكتني مرة عمي للمطبخ..

هاعمه..
عمه اقبلي بهمومي ..والله هو تغير صار رجال العسكريه ربته وسوته زلمه وراح يحطج بعيونه بس انتي داريه هو الرجال شيريد غير الحجايه الدافيه والمداره وانتي ياحبيبتي اسم ع مسمى حنين وماادراك ماحنين.
عمع كلامج كوله ع راسي وعمي الله شاهد عليه بمثابه بابا الله يرحمه بس ..مو همام نفسه الي خطبني من جان عمري 15سنه ورفضته ؟
جنتي صغيره ومو واعيه وبعدج طالبه ..
وهسه هم بعدني طالبه عمه.
ي عمه انتي دمنه ولحمنه وميصير نبقيج وحدج بالبيت ،عمج وابن عمج غيرتهم ماتقبل واذا ع الدراسه اطماني همام سبورت وموقافل فد مره اكيد يخليج تكملين وبيته وحده ومن يلتحق تجين يمنه.
خوش عمه
ومنسوي شي بس وافقي ومن باجر نروح نعقد محكمه وسيد لاحفله ولاشي بس تلبسين نفنوف ابيض ومن تطلع دوره السنه مال امج الله يرحمهه نسويلكم حفله عرس ..هاعمه شكلتي؟
......
لاتكسرين بعمج عمه
ماكسر بي بس دا فكر..
لاتفكرين ولاتحسبين حسبات بس توكلي ووافقي.
زين همام ليش ما اجه وياكم؟
ضحكت عمتي عبالهه اسال ع ابنهه حبا بي لا والله سالت عليه لان بعد ذيج الرزاله المهتلف بعد ماشفته معقوله نسه هاي الكلمه مني ونسه ذاك التجاوز وذاك الموقف معقوله نسالياهه شو عقلي ميستوعب لان اذا اني جنت صغيرة وماواعيه فهو جبير ويفتهم ابن 22سنه المثله بوكته زلمه يعتمدون عليه..ردت اشوف عيونه وملامح وجهه من يجيبون طاري الخطوبه خاف دينتقم مني ع ذاك الموقف..والله خايفه كل هذا فكرت بي وعمتي بس تسولف وتقنع بيه..
من سالتهه لعمتي لعد همام وين وليش ما اجه وياكم جاوبتني..
هاعمه شنو حنيتي؟
وضحكتلي بمكر
يوووه عمه المن احن بس اني اعرف الي يريد يخطب بنيه يجي هو يخطب بنفسه مو يدز اهله ..
هاولج شنو اني وعمج مو بعينج مانكفي ؟؟هسه صار الا همام يجي يخطبج ..وباوعتلي صفح
لاعمه العفو مو هيج قصدي انتو الخير والبركه.. اكولج عمه هو يدري انتو جايين تخطبوني اله؟؟
ياعمه اكو واحد يخطبوله مرة وهو ميدري ..طبعا يدري حبيبه .
لعد ليش ما اجه؟
بالدوام عمه بالدوام.
هااا
اي وهسه اتوكل واكول لعمج موافقه؟
اريد احجي ويه عمي اول نتفق ع شغلات وبعدهه كوليله براحتج..
اييييي حبيبه مو شلعتي لكلبي.
لاحبيبتي عمه ماعاش اليشلع كلبج..
فدوة لكلبج حنونه يله عيني جيبي الجاي وسولفي لعمج ع شغلاتج وتناقشوا براحتكم اني اهم شي عندي موافقتج المبدئيه.
حضرت مواعين الجاي وصبيت ورحت قدمت لعمو وعمه وكعدت..
عمو جيتك ع راسي واني ماعندي اعتراض ع همام بس اني مامكمله دراستي ..
عمي شوفي كليتج تكمليهه ومثل مكالت ام همام بيتج وحدج ومن كولشي جاهزبيت همام من مطبخ للاثاث لاجهزه كهربائيه باقيه بس غرفة النوم تاخذوهه ع ذوقكم سويه ودوام همام يومين بيومين وباليومين الي يروح بيهن تجين يمنه ومن ينزل ترجعين لبيتج.
عمه وعمو قنعوني بالعقل انو هاي احسن قسمه وابن عمي احسن اليه من الغريب بس ظل وسواس داخلي مامطمئن ومتردده بعدني ردت اشوف همام واحجي وياه عن شغلات بعد قبل لا انطي الموافقه النهائيه..
عمو هو همام شوكت ينزل؟
باجر ..ليش عمي؟
اريد احجي وياه.
بداخلي ردت بس اشوف رده فعله ع الزواج ردت استفزه بان اتاخر بموافقتي رغم هو ابن عمي واحسن فرصه اليه بظروفي هاي ووعدت نفسي اذا شفت اي اشاره او شك انو هو خطبني علمود ينتقم مني لو يصفي حساب قديم وياي يعني يسويهه كسرة خشم اليه لان رفضته سابقا راح الغي سالفه الزواج كولهه بس ردت لقائي بي يصير لوحدنه موكدام اهله وهم ماكدر اخليه يجي للبيت