كسرة كلب

البارت 29

#كسرة_كلب
بقلمي روسكان
لبيج قصص روسكان
البارت 29 :

.لملمت ع السريع وفتت يم ريمه وظلينه نركص ويه اغاني طيور بيبي .
لازمه ريمه واركصهه الى ان تعبنه ونامت ريمه ورة دقايق من التعب خليت جهازي ع الشحن وفتحت تلفزيون واخذني الواهس ع قنوات الاغاني طلعتهن وعليت الصوت وظليت اركص ..موكولش اعرف بس هي الدكه تحرك الجسم واخذني الواهس التفتت واشوف همام  مرتجي ع باب الهول ومكتف ايديه وكوة ضام ابتسامته ..شهكت وطفت التلفزيون راسابالريمونت ..
يوووه همام غير تحجي تكول ترة رعبتني..
من شوكت انت هنا ؟
من لمن الحلوة اجت .
هههههه تخبل هاي الاغنيه..
ايييي مال ركص ..كملي ليش طفيتيه.
لالا ..
تقدم عليه همام ..
شنو تستحين؟
اي استحي.
اركصيلي..
لااا!
تقدم عليه همام وصار بظهري ولزمني من خصري همسلي ..
اركصيلي..
والله استحي..
ولج حلالج اني..بعدين شنو هذا الازبري ؟هاا لج شطالعه ..
درت جسمي علبه وتقربت عجبك؟
لا..
برطمت عليه ..
هوكالي ..
ردت سيت نوم اني ..عروسه ياغزالتي.
ابتسمت بخجل هو لزم ايدي وسحبني وراه لغرفتنه دخلنه وسد الباب وبدون ميباوعلي سالني ..
ريوم نامت؟
همست اي.
جيد وقفلنه البيبان ..
اتوجه لكنتوري وبعده لازم ايدي ..فتح الكنتور وظل يكلب بملابس النوم ..اختارلي سيت نوم بنفسجي ..طبعا همام كولش يحب اللون البنفسجي  جان سيت نوم ستن طويل مفصل ع الجسم وبي فتحه جانبيه توصل للفخذ والظهر دلعه والصدر كذلك وكالي ..لبسيلي هذا ..
اخذته من ايده ..اطلع خلي البسه ..
لا بالله؟؟
اي والله .
ماطلع.
ماشي همام .
اخذت الثوب وفتت لحمام سديت الباب وقفلته سمعته يضحك..
بربج حنين..
اي بربي ماتستحي انت ..
احاجيه من ورة الباب ..
لاماستحي مرتي حلالي ..
فتحت الباب طلعت ..جان واكف ينتظرني من طلعت ظل صافن عليه ويبتسملي بمكر ..
مو اكولج غزاله..
وكام يغنيلي ..غزال ومايصيدونه ماصاده سهم صياد سحرني بنظرة عيونه ..بعد ماحافظ هههههه
ضحكت لضحكته..
بس اني اليوم راح اصيدج غزالتي ..
همام كلامك يخوفني ..
تقرب عليه ..كام يهمس يم اذني ..
ليش حبيبي ..ليش تخافين مني ؟؟
همستله من بعد ما درت وجهي وجسمي عليه وحان محاوط خصري بايديه عبالك راح اشرد منه ..
كلامك من تتوعد بيه وشتريد تسوي بيه اخاااف ..
يمه فديته الخايف ..
لزم ايدي وسحبني للفراش نومني ونام فوكاي ..حركاته موتتني كولشي بهدوء ويتعامل وياي برقه وهداوة..واني ذايبه بيده حسيت جسمي ارتخى وكل خوف راح مني ذبلت عيوني غمضتهن لان همام بدة يبوس بركبتي وشامتي وبصدري وعصرني من وصل لشفتي باسني حسيت بطعم غريب مو طيب ..فتحت عيوني ..
همام شارب؟؟
هو مثل الفصل ..
اي شويه ليش ؟
صفنت بوجهه ..
حرام شنو ليش ..
حبيبي مزاج وهيج ومو دائما وماكثر وماسكر بسرعه.
ابتعد عني همام نفسي لعبت منك ..
كلامي صدمه..
شنو مسمعت ؟
كتلك ابتعد همام.
تصديني؟
مونفسي لعبت ريحه الشرب تكتل .
نفسج لعبت مني؟
موشارب شبيك ..وخر همام شبيك..
همام ..قفلت ودكت براسي الا اخذهه شلون يعني هيج تصدني لاوتكول نفسهه لعبانه مني ..
ظلت تدفع بيه وتضرب بصدري واني نويتلهه شرر وقفلت بعد ..
ظلت تقاومني وتتلاوة وياي واني دا حاول اخذهه بالغصب ..
صرخت مخنوكه لان جنت احاول ابووس شفتهه وهي تمنعني متريد وخنكتهه..
وخر عني..تصرخ وخر عني بلاوعي ضربتهه راشدي وكفت مقاومه ظلت تباوع بعيوني ..رجعت للي جنا اسويه وهي جامده دموعهه تكت عشره عشرة عبالك نايم ويه جثه ابوس واشم بيهه وهي بغير عالم عيونهه بعيوني عبالك تعاتبني دمرتني نظراتهه  دمرتني دموعهه ..رغم ما تتاوه من الالم لان اعرف بنفسي دا اخذهه بقسوة واذيهه بس اهاتهه دتثيرني واشوفهه دعوه اليه حته اكمل وماعوفهه ..ضربتهه راشدي ثاني صرت عصبي نار وكمت اصيح عليهه ..اندمجي وياي خرب ...
اندمجي وياي خرب..كفرت ..راح اكفر بيج ..
رجعت بستهه جامده ..عضيت شفتهه ودميتهه وهي تون جوة ايدي وترفع بجسمهه كامت حته بمقاومتهه ور فضهه اليه تثيرني رفعت ايديهه ليفوك بايد وحده وبايدي الثانيه اعصر بجسمهه واثبتهه صح اني اضخم منهه واقوة منهه بس حسيتهه لبوة شرسه وقويه ماسلمت نفسهه بسهوله واضطريت اثبت رجليهه برجليه وخلصت حاجتي منهه ووخرت ع جهتي من الجربايه ..حسيتهه تبجي ..
من بين شهكاتهه كالت ..انت مو رجال ليش هيج سويت بيه ..وكامت تريد تروح للحمام واني من سمعت كلامهه عبالك شياطين تتطافر كدام عيوني جريتهه من ايدهه من زندهه ..
ولج هذا منو المو رجال ..هاا؟؟
خافت وظمت راسهه بايديهه ..صرخت بوجهه..
احجي !!
اليوم اجنزج ..ادفنج هنا !
شمرتهه ع الجربايه مرة ثانيه واغتصبتهه بقسوة وهي ولانفس بس دموع تصب ومن بين شفايفهه تمتمت ..اكرهك ..اكرهك ..
تقربت اريد اسمع شتكول سمعتهه تكول اكرهك هزيت راسي وكتلهه ..عادي ادري وبعد وبعد راح تكرهيني اكثر ماشفتي شي لسه .
كمت سحبتهه بقوة من ايدهه وشمرتهه بالحمام ..
ديربالج بعد تفكرين تصديني ..اندمج ترة!
سديت الباب بقوة وقفلتهه تعبان واريد انام طفرتني من طوري هالصلفه واني هم. ماقصرت بيهه .
بدايه شهر الثاني والجو بارد يكص كص وعفتهه بدون ملابس بالحمام ..دخنتلي جكارة وقفلت باب الغرفه هاف تاخذ بتهه وتطلع من البيت واني نايم وفتحت قفل باب الحمام بعد ساعه ..
رحت تمددت ع فراشي اريد انام بس عيني ع باب الحمام مامعقوله ماسمعتني من فتحت قفل الباب ..خاف نامت لو اغمى عليهه لو صار بيهه شي ..يوووه ويطبهه مرض هي جابتهه لروحهه ام لسان الصلفه ..بعد ماحسيت رحت بسابع نومه.
حنين ..لبست برنص الحمام هو الشي الوحيد الي يدفيني بالحمام متت بردوالسيراميك يزيد البرد كمت اطك سن بسن الله لاينطيك همام حسبي الله عليك وانتي شجاج صرتي بروس لي براسه وكعدتي تتلاوين وياه واللسان شطوله اوووف ياربي خلصني .
سمعته فتح قفل مال باب الحمام انتظرت شويه ردته ينام اسمعه يطكطك بالغرفه علمود اطلع من الغرفه ماريد ابقى هنا وياه ..
شويه وهدات الغرفه تلفلفت بالبرنص وطلعت من الحمام ركضت بسرعه ع اطراف اصابيعي لباب الغرفه مقفول ..اووف ربي شراح اسوي ..اتقربت لجهتي الانام بيهه من الجربايه اباوعله الحقير متغطي بطانيتين ولحاف ستن وغركان بالفراش من الدفو ..حقدت عليه ..نمت بجهتي ودثرت نفسي وغمضت عيوني بالم اريد هاي الليله تخلص تعبت تعبت ياربي تعبت .
راسا فتح عيونه واني مادري لان جنت مغمضه عيوني ..انلصمي ونامي ..
فززني شهكت ..ووجع نامي..
سحبني لحضنه ودفاني ..ردت ابتعد ..
لتتحركين ترة اضربج ..همست اي وبس دموعي تصب ..كالي لاتعوين ..غمضت عيوني بقوة ..يربي حته البجي ممنوع عليه كلت بكلبي..
يمكن جان نعسان حيل رجع نام بس لان صدري ع صدره حاضني فشهكاتي جانت تفززه من نومته..
شهكه والثانيه حضني اكثر وقربني اله ..
كافي حبيبي اهدائي..
مارديت ظليت مغمضه مستغربه ياربي شنو هالرجال بدقيقه تشوفه قاسي وبدقيقه ثاني تشوفه حنين كولش حيرني ..اغتصبني وشبعني كتل وشمرني بالحمام بعدين نيمني بحضنه ودفاني ..مادري ابجي لو افرح ..ادري عنده فقدان ذاكرة بس مو هيج ..

ثاني يوم الصبح :
كعدت ساعه 7الصبح وبالكوة خلصت روحي من حضنه بدون ميحس ..فتت سبحت ع السريع وبدلت لريمه وهي نايمه وحضرت الهه اكلهه بعلبه سفري لان خطهه يجي عليهه ب 7:30 واجه عليهه اخذهه رحت صليت وسويت جاي وسلكت بيض واجبان حضرت سفرة مرتبه وكعدت اتريك ع كيفي جوعانه بس مالي نفس اكل لكمه واصفن 5دقايق..
صباح الخير..
فزيت ع صوت الصباح الخير مال همام حطيت ايدي ع صدري وشربت مي ع السريع وهم شركت ..سمعته يضحك..
شدعوة عليج شنو شفتي جني ..
اني مارديت ولا باوعتله اصلا كحيت شويه الى ان راحت الشركه من بلعومي.
ساعه 8:30 ليش ماكعدتيني ؟مو تدرين عدنه شغل بدائرة الجنسيه لازم نرجعلهه اليوم .
باوعتله بطرف عيني وكعد يتريك ع السريع واني كمت الملم مواعيني وكلاصي جان حاجاني بنتر ..
شدتسوين انتي وكتهه تعزلين هسه ..امشي روخي بدلي.
حجيت ببرود ..ماروح..
شنو مسمعتج ؟
كلت ماروح.
اي مو هي بكيفج.
باوعتله بتوسل ..تعبانه والله مانمت زين .
قابل ماخذج مشي ع رجليج رايحين بالسيارة واذا ع النوم عمي من نرجع نامي لليل محد يحجي وياج يله كومي بدلي فضيني .
بدون ولاكلمه رحت ابدل ..لبست بنطرون كابوي ازرك وفستان فوك الركبه شفته شي مستور وشال بصلي وحذاء نفس اللون وشفته صعد بدل..
باوعت بالمرايه شفتي مشكوكه من ورة البارحه حطيت روج لونه احمر طووخ حته يغطي ع المكان المشكوك وطلعت لكيته يشغل بسيارته متشتغل سيارته النترا تكسي ..دا اقفل الباب مال المطبخ صاح بيه ..كالي..
شو دوري عليه..
افتريت تجاهه ..
هاي شنو بنطرونج ؟
شبي؟
باوعت لروحي ..ترة لبسي مستور .
تحجي بالمستور ام لسان طويل ..

امشي روحي بدليه رجليج محددات ومبينات شنو كلج مكرن اني ..
فتحت الباب ورجعت بدلت بنطروني الكابوي بكيلوت اسود عريض ..
طلعت باوعلي مستور لبسي اقتنع وماحجه شي وياي بس ابد ميباوع بوجهي.
وين سويج سيارتج ؟
هياته بجنطتي ..لييش؟
سيارتي متشتغل .
ها اي.
طلعت السويج من جنطتي وهو بده يقفل بسيارته شافني اتجهت لباب السايق واني والله هيج ماقاصده شي بس عادي بعفويه ردت اسوق سيارتي ..
هييي  وين رايحه ؟
ها..
شنو انتي الي تسوقين؟
لا العفو مو قصدي .
جر السويج من ايدي بنتر حيل تضايقت من تصرفه اني ماجنت قاصده شي صعدت بالصدر وهو هم صعد .
التفتلي باوع بوجهي عبالك مجان مركز بي .
هاي شنو انوبينه حمرتج..عقدلي حواجبه ..
شبيهه؟
طوخ شبيهه يعني ..خففيهه وين رايحين لحفله .
لزمت كلينس وحاولت ع المرايه اخفف وبنفس الوقت ميبين الشك الي بشفتي وهو مركز وياي ويباوعلي شداسوي..
شنو تضحكين عليه ع روحج ..جيبي ..
جر الكلينسايه من ايدي بنتر وحاول يمسح حمرتي اني راسا ابتعدت رجعت راسي ليورة بنزة ولزكت روحي يم الجامه مال الباب وكتله ..
لاعفيه شفتي مشكوكه واستحي احد ينتبه عليه .
شفته غمض عيونه بقوة من سمع كلامي مثل واحد ديكتم غضبه او ندمان ع سوايته ماهتميت ..
عافني صد ع طريقه حرك السيارة ونزل قفل الباب الخارجي مال بيت .