Bakit nauso pa kabit sa mundo
'Yong tipong sisira sa pamilyang buo
Ipaglalaban kahit na makasakit
Ipipilit kahit alam na may sabit.
Sasabihing mahal kahit na bawal
Pipiliting sumugal kahit patiwakal.
Hindi daw sinadya
Nong mga mata'y magtama,
Pinilit daw pigilan
Ngunit di nakayanan.
Sa unang pagtatagpo
Nagkasundo daw ang mga puso
Sa unang pag-uusap
Mas malaki ang hinangad.
Nagkikita ng palihim
Tuwing magkasama winawaglit ang isipin.
Humihiram ng sandali
Upang ipagpatuloy pagmamahal na mali.
Nakikiamot sa konteng pagmamahal.
Tinatapakan ang sariling dangal.
Dahil sa salitang mahal
Kinalimutan ang mga aral.
Di kalauna'y nalaman
Ang lihim na ugnayan,
Pinilit na pinaghiwalay
Ngunit mas pinili ang komplikadong buhay
Mas pinagana ang puso kesa isip
Sa konteng atensyon nakikisingit
Kahit iniiwasan na
Mag piniling maghabol pa.
Kahit mas pinili 'yong legal
Patuloy pa ring sumusugal
Sa sinasabing pagmamahal
Na sadyang bawal.
Kabit ang sa kanila'y tawag
Kapag umibig hindi duwag.
Kahit nakikihati lang
Pilit ipinagsisiksikan
Kahit walang karapatan
Ipinaglalaban ang nararamdaman.
Kahit pa nasasaktan
Wala ng pakialam.
Kabit kung tawagin
Ngunit may damdamin din
Kahit kinasusuklaman
Mas pinili ang maling kaligayahan
Kahit ipinagtutulakan
Mas pinili ang nararamdaman
Kahit pagkatao'y niyuyurakan
Mas pinili ang magbingi-bingihan
Sa pagmamahal na walang ibang dulot
Kundi labis na lungkot at poot.
------------------------------------------------------------------------------
#TheLegalWife
BINABASA MO ANG
TULA (Malalim Ang Hugot)
PoetryHanap mo ba ay mga tulang mas malalim pa sa salitang malalim ang hugot at sakto ang tama? Pwes nasa tamang pahina ka. Para sa lahat ng naiwan, umaasa at patuloy na pinipilit umusad, ito ay para sa'yo TULANG ISINULAT MULA SA PUSO... noong mga PANAHON...
