Magkahawak ang mga kamay
Kahit sintunado’y kumakanta ng sabay
Habang sa balikat ko ika’y nakaunan
At nakatitig sa kalawakan
Pinagmasdan ko ang mukha mo
Malaki man ang ipinagbago
Ngiti mo’y pareho
At tibok ng puso ko’y ‘di nagbabago.
Una kitang naktiang umiiyak
Nilipitan kita kahit ‘di tiyak
Kung ako’y papansinin
At dinaramdam sa’ki’y sasabihin.
Nong ‘di ka umalis, dinamayan kita
At dooon nga nagsimula
Ang kwento nating dalawa.
Saksi ang araw sa’ting kasiyahan
At ang buwan sa pagdaramdam.
Kapiling natin ang hangin
Sa sumpaang binuo natin.
Maraming kanta ang ating istorya
Ngunit nananatiling magkadikit
Ang ating puso at isip.
Sa harap N’ya tayo’y sumumpa.
Sa mga pagsubok karama’y natin S’ya.
Ika’y nanatili sa’king tabi
At ang supling natin ang saksi.
Ngayon nga’y matatag pa rin
Ang pag-iibigan natin
Na sinubok ng panahon
At pinatatag ng mga hamon.
Yakap nati’y mas humigpit
Tadhana sa’ti’y nakakapit.
At kung sa’ti’y may lilisan
Ang pangako’y ‘di maiiwan.
Alaala ng nakaraa’y naging sandalan.
Na nagpatunay sa panghabambuhay.
Ika’y sa’kin nakatakda.
Puso ko’y sa’yo itinadhana.
Kaya kahit balat natin ngayo’y kulubot
At mabagal na ang mga kilos
Mananatili tayong walang takot
Sa mga darating pang unos.
BINABASA MO ANG
TULA (Malalim Ang Hugot)
ŞiirHanap mo ba ay mga tulang mas malalim pa sa salitang malalim ang hugot at sakto ang tama? Pwes nasa tamang pahina ka. Para sa lahat ng naiwan, umaasa at patuloy na pinipilit umusad, ito ay para sa'yo TULANG ISINULAT MULA SA PUSO... noong mga PANAHON...
