Nagtama ang paningin
Nagkasundo ang damdamin
Kahit ano pang sabihin
Nararamdama'y 'di kayang pigilin.
Masaya sa tuwing magkasama
Buo kapag nagkikita
May ngiti sa tuwing magkausap
Mundo'y naiiba 'pag magkaharap.
Walang titulo pero damdami'y totoo.
Walang pinanghahawakan,
Maliban lang sa puso.
Hindi pwedeng angkinin,
Dahil walang karapatan.
Hindi ka pwedeng magbawal
Dahil walang usapn.
At kung pwedeng magselos
Hanggang doon na lang
Dahil ang tanging mayroon
Ay ang nararamdaman
Na 'di naman maayos na napag-usapan.
Magkahawak kamay
Habang naglalakad.
Malakas ang halakahak
Kapag magka-usap.
May ngiti ang bawat titig.
May kahulugan ng mga himig.
Ang mga puso'y nagkaintindihan
Ngunit hindi ang isipan.
Nanatiling tahimik at kontento
Ang pinagtagpong mga puso.
Hindi s'ya sa'yo.
Hindi ka sa kanya.
Hindi mo s'ya pag-aari.
Ganoon din s'ya.
Walang dapat sisihin 'pag may nasaktan
Dahil magulong usapan
Ang tanging pinagsasaluhan.
Walang dapat tapusin,
Dahil walang sinimulan.
Walang dapat hilingin,
Dahil walang pamantayan.
Pwedeng parehong masaya ngayon
Ngunit hindi habang panahon.
Pwedeng nasa ulap ang damdamin
Ngunit babagsak din.
Dahil kahit pagbali-baligtarin
Magulong usapan pa rin.
<< Para sa mga taong ang tanging kontento sa walang titulo..>>
<_ Yun oh!!! Kuha mo _>
BINABASA MO ANG
TULA (Malalim Ang Hugot)
PoëzieHanap mo ba ay mga tulang mas malalim pa sa salitang malalim ang hugot at sakto ang tama? Pwes nasa tamang pahina ka. Para sa lahat ng naiwan, umaasa at patuloy na pinipilit umusad, ito ay para sa'yo TULANG ISINULAT MULA SA PUSO... noong mga PANAHON...
