سندريلا ونيران الحب

1

سندريلا ونيران الثأر الحلقه 1.
فى إحدى محافظات الصعيد وكما يطلق عليها( الصعيد الجواني).محافظة أسيوط التى تتوسط محافظات الصعيد واسمها مشتق من الكلمة الفرعونية "سميت"اى الحارس تتميز بالمناخ القارى المتطرف وتعد العاصمه التجاريه للصعيد.
تبدأ الاحداث. فى منزل كبير بقرية من قرى اسيوط مكون من طابقين تظهر ع واجهته مكانة اهله المرموقه وتحمل جدرانه ملامح الجدية والشموخ يتمتع اثاثه برونق الأحكام والجمال فى الصنع اليدوى ذا الحفر الغائر و البارز . وكما يطلق عليه فى الصعيد منزل العائلة . منزل عائلة الحاج وهدان ليس اكبر عائلات الصعيد ولكن تحتل العائلة مكانة مرموقه بين أهل قريتهم .
فى الصباح الباكر كانت الساعه.6.00 صباحا لم يظهر بعد فى الطرقات سوى صوت تغريد العصافير ونباح بعض الجراء.
فى احدى غرف منزل الحاج وهدان حيث تقطن بطلتنا(نغم) تأتى مهروله الى داخل الغرفة ويظهر فى نبرات صوتها العجلة لطلب شىء ما وتغلق الباب
.............................
.(نغم).فتاة تملك قدر من الجمال ولكن ليس الجمال الأخاذ يكمن جمالها فى لون عيونها التى تشبه سواد الليل ذات النظرة القوية الجريئة وشعرها الأسود الطويل حريرى الملمس تتميز بلون البشرة الذى يشبه لون حبات سنابل القمح تبلغ من العمر 23 عام ذات القوام الممشوق حاصلة على بكالوريوس تجارة شعبة محاسبه.تعد مدللة العائلة وذلك لفقدها والديها منذ الصغر لا تعترف بوجود الحب تحترم العادات والتقاليد ولكن لا تتقيد بها تمتلك طباع قويه حاده وفى ذات الوقت تتمتع بالبراءة والطيبة.
............................
نغم.قمر قمر يلا غيرى خلجاتك عشان نندلوا عند ام سويلم الساعه بقت 7
........................
(قمر).ابنة عم نغم تبلغ من العمر 26 عام
تبلغ قدر من الجمال المتمثل فى لون عيناها التى تشبه نهر العسل المائل للخضرة.والبشرة البيضاء يغلب على صفاتها الخجل حاصلة ع شهادة الصف الثالث الثانوى ولم تكمل مراحل تعليمها بسبب رغبة والدتها
........................
قمر.اباى عليكى يانغم شكلك معجبيهاش لبر .
نغم.واه جلتلك جدك وبدر نزلوا الغيط من بكير وهياجوا على الوكل وعمتى ومرات عمى مفضينش فى المطبخ.وانا مش عروح الفرح غير بخلجات زينه .
قمر.ايوه ولو جيه بدر وملجيناش اتنيناتا وعرف اطلعنا من غير منجلوا هيبجى وقعدنا مرابربة.
نغم.بضحكه.هههه جولى أكده خايفه بدر ايعاود.
قمر.ايوه منا مش حمل يعيط فينى.
نغم.بجولك ايه فوضى الحديت ده وجومى البسى التوب الجرار وحوطى غطى رأس زين وانا علبس الملس واليشمك وعليهم الملايه ابتوع أمك عشان محدش يعرفنا زين اكده.
قمر.واه واه كمان اليشمك والملايه والله شكلنا هنتمسكوا ومهروحوش الفرح.
(الجرار والملس أنواع من الملابس الصعيدية تشبة العباءات ولكن متسعه بعض الشىء اليشمك غطاء للوجه الملاءة التى تعرف بالملاية  اللف ).
نغم.ايوه ضلك غمغمى بالكلام لحد منتمسكوا جبل منشتروا حاجه.
قمر. وبعدهالك عمايلك عتودينا لوين
نغم.عتودينا لأم سويلم نستقضوا الخلجات ونرجع
قمر.هههههه طيب يابت إبراهيم
نغم.كل خير .
....................................
فى الجانب الآخر فى القاهرة
فى أرقى ضواحى القاهرة الزمالك حيث ارقى وأهدأ الأحياء .
يعد من الأحياء الارستقراطيه الراقيه فى غرب مدينة القاهرة يتميز بالمعالم والمزارات مثل برج القاهرة ودار الأوبرا. والجناين والمتاحف والكبارى.حيث يقطن بطلنا فى احدى العقارات التى تتميز بالاسر الغنيه فى حى الزمالك.
(جونيد)
شاب يبلغ من العمر 27 عام ذا الملامح الجذابة وسيم التفاصيل عيناه حالمتان تتميز بالخفوت واللون الرمادي الممزوج بالعسلى متوسط القامه ذا جسد ممشوق رياضى حاصل على بكالوريوس إدارة اعمال. يعمل فى شركة يملكها خاله لمنتجات التجميل
يعد المدير العام ومسئول رئيسى لفرع تسليم المنتجات .
لا يعترف بالعادات والتقاليد ويبغض مسمى الحب .لا يعترف ولا يحترم الفتاه ككينونه .وأن الفتاة مجرد كائنات للتسلية لا للعمل والمسؤلية.
........
جونيد
كالمعتاد انه ع وشك الذهاب للنوم حيث ان موعد نومه يبدأ
السادسه او الخامسه صباحا وذلك بعد اجراءة بعض المكالمات
الخاصه به.
جونيد.لا لا يا نانو خليها على الساعة واحده أكون صحيت وفطرت واجيلك ok
نانسى. يا جوجو ياحبيبى انا بكون لسه نايمه فى الوقت ده خليها على العشا.
جونيد.كده يانانو ماشى علشان خاطر عيونك يبقى نتقابل على العشا done.
نانسى.okياقلبى تصبح على خير
جونيد أغلق الخط وظل يحدث نفسه بضع دقائق
ايه ده بقى كده هيحصل لبس فى المواعيد وخطر أغير معادى مع ساره يلا مش مشكلة أنام شوية دلوقتى ولما افوق اشوف قصة سارة كمان.
.......................
عوده إلى الصعيد فى الأرض الزراعية (الغيط)
يقف على إشراف المزارعين رجل يبلغ من العمر 70عام يرتدى الجلابية الصعيدى وفوقها مايسمى العباءة الرجالى ذا الون الرمادي وممسك بإحدى يديه عصى مصنوعه من خشب الزان ونهايتها عند كف اليد شكل رأس حصان مصنوعه من الحديد المطعم بالفضه. وع الرغم من كبر سنه فملامحه لاتزال تظهر القوة والشموخ ذا هيبه ووقار وعيناه الاتى تكتسب اللون العسلى تظهران فراسته يعد من كبار القرية ذا حكمه ورأى مسموع لا يجادله أحد فى كلامه فهذا غير مسموح يدعى الحاج (وهدان).جد نغم....ويقف على مقربه منه ابن ابنه (بدر)أخ نغم.وهو شاب يبلغ من العمر28 عام لم يلتحق بالدراسه سوى للمرحله الابتدائية. قوى الجسمان والبنية ذا البشرة الداكنة التى اختلطت بلون أشعة الشمس واتربة التربة الطينية.
يتميز بالعصبية والطباع الحاده.
...
وهدان.روح أليمة التانية راعى باجى العمال.
بدر.حاضر يا جدى
وهدان.ولا أجلك روح الدوار وشوف خيتك جهزت الدفاتر ولا لساتها معوقا.
بدر.حاضر يا جدى.بس عقولك ايه همل حمدان يروح بدرى اشوى عشان فرح بته.
وهدان.واه هى البنيه اللى عتجوز النهاردة بته.
بدر.ايوه يا جدى عتاخد ولد خالتها الباشمهندز حسن.
وهدان ع خيرة الله عقبال مفرح بيك أنت وخيتك..
صمت لوهلة وكأنه تذكر شىء هام ثم اكمل حديثه.
صوح نسيت خيتك اتكلم عليها ولد الدهشورى.
بدر.بدهشة سالم
وهدان.ايوه ماله ده ولد زين وعم يشتغل فى بنك بمصر كد الدنيا.
بدر.بتردد طب مش نشوفوا رأى نغم الأول.
وهدان بغضب .اتخبلت فى مخك إياك احنا من ميتة حدانا البت ليها رأى فى الموضوع ده.
بدر.بتلعثم.بس يا جدى دى نغم
وهدان.قصدك عشان اتعلمت واكمنها مجلعى اشوى لا اطمن هى واعية لعويدنا ومش هتخيب ظنى والراجل وولده عيجوا النهارده.يعنى اتروح وتشوف الدفاتر ونبه على النسوان محدش يروح الفرح غير السنوات الكبيرة اتبارك لأهل العروسة وتعاود دغرى.
بدر .طيب ياجدى اللى اتشوفه.
............................
عند ام سويلم.
نغم.السلام عليكم
ام سويلم.وعليكم السلام  أهلا بالعرايس.
نغم.بجولك يا خالة جهزتى اللى اتفقنا عليه فى التلفون.
ام سويلم.امال اهو شوفى بنفسك.
أمسكت نغم الملابس وع وجهها ملامح السرور بينما تترقب قمر أفعال نغم وع ملامحها علامات الاستفسار عن طبيعة الملابس التى طلبتها نغم مخصوص.
نغم.خودى اهو شوفى الفستان ابتاعك.
قمر.ها
نغم.عجولك ايه احنا هنروح الفرح وفى حريم بس والبنيات اللى فى سننا عيكونوا لابسين على الموضه واحنا مش أقل منهم فجبت دول شوفى.
قمر. يا حليله ده قصير وعريان
نغم.هههههه ايوه المهم هنلبسوا عند العروسه.
قمر.ههههههعه الله انا عاخد الأزرق ده.
نغم.فل عليكى يابت
قمر. طب يلا ليستبطونا ويطلعوا يدوروا علينا فى الأوض ميلقوناش.
نغم متعتليش هم هنوصلوا جبل ميدوروا علينا.
.......................
بعد مرور وقت من الزمن وصلت نغم وقمر المنزل وهن يتهامسن بالكلام والخطوات الخفيفه حتى لا يشعرن بهن أحد من المنزل.
نغم.شوفتى جلتلك هنعاودوا قبل محد يستعوقنا.
قمر.بخوف.مش عارفه متوغوشه شوى والدوار هادى فى حاجه غلط.
نغم بنبرة دهشة ممزوجه بالضيق.ليه عاد مهو محدش نضرنا.
وبعد تلك الجملة سمعت صوت رجولى يتميز بالخشونه الممزوجة بالقوة ياتى خلفهما.فجحظت عينا كلتاهما واحستا من الصدمة وكأنهم سقطوا فى حفرة بالأرض أثناء السير.
بدر.بضيق ممزوج بالسخرية.انا فى العيون ونضرتكم.
قمر.وقد التفتت سريعا.وهى فى وضع الذهول والخوف وهمست بالكلام .خبر مطين.
نغم.وهى لا تستوعب رجوع بدر فى ذلك الوقت المبكر.بدر خرعتنى.
بدر.جرى ايه منك ليها شوفتوا عفريت إياك.
نغم.بسخرية العفريت أرحم.
بدر.بغضب.كنتوا وين وقتلوا لمين هيطلعوا
قمر.بتلعثم وخوف.هى هى اللى قالتلي اروح وياها.
نغم.بغضب.بتبعينى يابت الفرطوس.
قمر.وهى تهرول من جانبها ايوه أمال انا اللى اضرب.
بدر وقد نسى غضبه من جدالهما وحركاتهما الطفوليه.
بدر.بس كفياكم قلولى روحتوا فين وليه.
قمر.روحنا اشترينا خلجات علشان الفرح.
بدر.أيوة فكرتيني مهتروحوش لمكان .
نغم.واه ليه.
جدك.جال أكده.بيجول فى عريس جايلك النهارده.
نغم.عريس الغفلة الظاهر وشه بومه مش حروح الفرح بسببه.
بدر.ههههههه احسن وبلغى مرات عمك اتروح اتبارك وتعأود طوالى.
قمر.مقاطعه الحديث بضحكة.وطلعنا وروحنا وتعبنا وبعد ده كلة مفيش فرح.
بدر.نظر لها ع اثر ضحكتها.ورمقها بنظرات تعجب.واه مين قال مفيش فرح تقلقيش فى افراح كتير جايه.
قمر وقد احمر لون وجهها وسحبت طرف غطاء الرأس على وجهها ونظرت باتجاه نغم.
بدر.وقد لاحظ خجوله فتوجه لنغم بالحديث.
بدر بخبس.إلا جوليلى يا نغم اشتريتوا ايه من عند ام سويلم.
قمر.وقد زادت حمرة وجهها خشية ان يرى تلك الملابس.
نغم.ههههههههههه ملكش صالح .
بدر.أكده طب هاتى عتفرج .
قمر بخجل يالهوى هيشوف الخلجات لا لاو اتصرف.
انج بدر ليمسك من يد نغم شنطة الملابس.ولكن باغتته قمر بخطف الشنطه واصل الى غرفتها سريعا .
بدر. اتجننت دى ولا ايه.
نغم.وقد أيقنت سبب تصرفها .ههههههههههه لا متجننتش بس انت زودتها فى الهزار الماسخ تبعك.
...............
بعد مرور الوقت الى أن قربت الساعة الواحده والنصف مساء.
فى حى الزمالك. منزل أنس.
وقد أستيقظ على صوت هاتفه أمسك ونظر له فوجد هوية المتصل عمار.
عمار.صديق أنس منذ دخولة الجامعه يبلغ من العمر 27عام.
من الطبقة المتوسطه يتشابه ع صديقة فى الصفات الجسديه والعيون البنى .
جونيد.بنبرة خافتة.ألو ايوه ياحبيبى.
عمار.لا حبيبك مين اصحى انا عمار مش نانسى ولا سارة ولا....
قاطعه جونيد.باااااس ايه انت ايه تايمر قر على نق ارحمنى لا نومه مهنينى ولا حتى بت حلوة بتواسينى.
عمار.هههههههههههه لا كفاية عليك اللى معاك
جونيد.ياساتر حاسدنى على العشروميت😒 واحده بس اللى أعرفهم.
عمار.لا بصراحة قليلين المفروض تكملهم دسته.😕
جونيد.😆شوفت انا مظلوم مش واخد حقى كامل.
عمار.يحرقك يا بعيد غيرك بيتمنى واحده يصونها وتصونوا.
المهم قبل منسى فى إجتماع وخالك قال لازم تكون حاضر لأنك المدير.
جونيد ......................
.................................................
صعدت نغم إلى قمر بعد ان أنهت حديثها مع بدر
قمر.ههههه وشك بجى لونه أحمر
نغم.اباى عليكى انتى خيك.
قمر.مبروك ياعروسه.
نغم.أعوذ بالله دى سيرة شكل وشه نحس بسببه مش عنروح الفرح.
قمر.يعنى أن كل اللى مزعلك الفرح.
نغم.أيوة امال ايه يعنى أمال زعلانه ع العريس تجعلينى مش هوافج لا قدر وبعدين جدى لو جولت لا يبجى هيحرمنى من انى أطلع اشتغل معاه فى إشراف الغيط
قمر.لا ناصحه
قاطع حديثهما دخول نعمات(ام قمر)
نعمات.انتوا اهنيه تعالى يابت قمر عيزاكى.
..............................
فى مكان آخر بالصعيد.بين الاشجار والخضرة يقف شخص ويحدث نفسه تظهر على ملامحه الشر على الرغم من جمال وجهه
ولكن الكرة قتل طيبة قلبة واعمى الغضب جمال عيناه
......بجى أكده عندكم مناسبة حلوة فى بيتكم ياحج وهدان.
وأنا مسمعش ده حتى يبجى عيبه لو مباركتش لبدر ده بدر حبيبى هههههههههههههه
....................
يتبع..بقلم ولاء محمد