سندريلا ونيران الحب

32

سندريلا ونيران الثأر
الحلقه 32
فى صباح يوم جديد
منزل جونيد .
على غرار عادته استيقظ جونيد قبل أذان الفجر بعشر دقائق واتبع
طريق الحب ليوقظ محبوبته
استيقظت نغم بطريقة غير معتاده نسمات هواء على وجهها ممتزجه بحنين
وانامل تداعب أرنبة أنفها ووجنتيها بحنان
جونيد جالس بالقرب منها .. ...نغومتى (هووووف هوووف إخراج هواء من فمه ) اصحى كل ده نوم
نغم....ممممممم
جونيد .. مممم ايه هو انتى بتاكلى انتى ونايمه ولا ايه قومى يا احلى نغم فى
حياتى صباح الفل والورد والياسمين
نغم تفتح عيناها ببطىء ...اصباح النور
جونيد بغمزه.. ...صباح الورد صباح الفل صباح كل حاجه حلوه
كل ده نوم لا فوقى ده انا لسه عندى كلام عايز اقوله
نغم .....بجولك ايه بعد عن طريجى عايزه اروح افوج جسمى بشوية ميه
جونيد....اه وماله يلا بينا ده حتى الشور مفيد للصحه
نغم بزهول.....تجسد ايه
جونيد....ههههه كل اللى فهمتيه
نغم .....أنت جليل الحيا
جونيد....ههههههه انتى ليه دماغك بتحدف شمال انا قصدى بريئ
نغم.....ايوه بريئ
جونيد .....طب والله قصدى بريئ انا عايز افوقك عشان نصلى الفجر مع بعض
ونبدأ فى تلاوة القرأن مع بعض
نغم بفرحه......عتصلى حاضر
جونيد مقبل يدها.....هصلى بإذن الله كل يوم الفجر حاضر عشان
أشاركك كل حاجه حلوه يلا بقى نصلى
وبعد أذان الفجر والصلاة وتلاوة الورد اليومى
جونيد مقبل جبينها.....ربنا ميحرمنى منك يا اجمل هديه ليا
نغم بابتسامه .....ولا يحرمنى منك.صوتك جميل فى تلاوة القرآن
جونيد.....ههههه ايه ده بتاعكس انا صح
نغم......ههههههه
جونيد مقترب منها بنظرة حانيه....صباح الفل صباح الشهد
نغم متفهمه نظراته ....احم دى تانى او تالت مره
أتجول اصباح الخير
جونيد بابتسامه ....اصلى مش مسدق انك معايا ولا مسدق اللى
حصل بينا ولا انه ايدى لمسه ايديكى خايف أكون بحلم
نغم وقد زادت حمرة وجهها......تعرف انا اللى خايفه أكون بحلم بيك
و خايفه لو صحيت الاجى كابوس خلينى عايشه جمبك بجلبى وروحى
جونيد....اه قلبى يامفتريه كل الكلام ده ليا انا .ومخبياه وشيفانى كل يوم
بموت عشان اسمع كلمه واحده منك و......
نغم مقاطعه كلامه....بحبك
جونيد....اه يانى شكلى هموت بجرعة حب زياده
نغم.....ههههه الف بعد الشر عنيك
جونيد ......تعرفى انا مش لاقى كلمه توصفلك احساسى
تعرفى احساس واحد كان بيموت وربنا بعتله معجزه عشان يعيش
اهو انتى المعجزة ليا وبصراحة بقى انا قررت اقولك على الأسرار
اللى عندى كلها لانى مقولتش ليكى على كل حاجه
نغم ..... انا بجول اجوم أحضر الفطار
جونيد بابتسامه ......براحتك
نغم باستغراب .....ايوه براحتى
نهضت متجهه لباب الغرفه لتجده مغلق بالمفتاح ووجدت يد تحاصر خصرها
جونيد.....ايه مطلعتيش ليه
نغم......جافل الباب ليه
جونيد مقبل جبينها.....اصلى عارف اول متزنقى بالكلام بتهربى وانا
بقى مش ناوى اخليكى تهربى تانى
نغم دافعه إياه .....كغاياك عاد أفتح الباب
جونيد بتهديد......اوبى قد الزقه دى انتى
نغم بتلعثم. .....انا انا مجسدش بس
جونيد ......لا بس ولا غيره انا هعرف اخد حقى استعنى على الشقى بالله
نغم.....راكده من أمامه صاعده على الفراش
جونيد.....فاكرة لما تطلعى على السرير مش هعرف اجيبك
انزلى
نغم......اهدى يا جو عيب خلى ادماغك كبيره
جونيد. ......ولا أعرفك انا بقلب أصغر من أصغر عيل لما الأمور توصل
لحالتك
نغم....طب اسفه
جونيد....والله لو اتشقلبتى مش هسيبك ضربت فى دماغى مش هسيبك عشان
تغكرى تزقى تانى
اعتلى هو الآخر بسرعه الفراش وأمسك بها
نغم.....عااااااا
جونيد واضع يده على فمها.....اشششش هتخلى اللى فى البيت
يصحوا
نغم .....ممم
جونيد....مم بتشتمى صح
نغم تهز رأسها بالنفى
جونيد....لا لا بتشتمى عارفك ممم دى شتيمه كده الحساب تقل
نغم......ممممممممممم
جونيد....اشتمى اشتمى ماشى
نغم قامت بغرس أسنانها بكف يده واستطاعت الإفلات
جونيد...اااه ياعضاضه
نغم....هههههه احسن عشان بجولك بعد يدك وانت مش فاهم
جونيد. .بقى كده تعالى بقى
ركدت وركد خلفها إلى ان امسكها بسهوله وسقطا سويا فى عالمهم الخاص
......................................................
فى منزل عمار
كانت راقيه تحدث نفسها أثناء تحضير الإفطار
راقيه....أنت ولا انتى مرتاحة كده بتوجعيلى بطنى ليه
بس لا أنت اكيد ولد عشان بترخم ذى بباك بس يكون فى علمك
بعد متتحرك لو ضربت والله لضربلك بباك سامع وكل مهتتعبنى
هطلعلك عينه متعبش لوحدى انا
قاطع حديثها صوت من خلفها
عمار.....الله طب وانا مالى
راقيه بخضه....بسم الله الرحمان الرحيم حرام عليك
خضيتنا
عمار....خضيتكوا اللى هو ازاى
راقيه....انا وابنك
عمار.....ابنك مش يمكن بنت
راقيه...لا ولد رخم سدقنى
عمار....طب ايه متكونش بنت غلسه وبعدين انا سمعتك
هو ولا هى يطلعوا عينك انا مالى بقى
راقيه.....أنت ومفاجأتك السبب
عمار..ههههههه والله مجنونه سيبك من الموضوع ده المهم بقى
بتعملى ايه مش قلتلك متتحركيش وانا هعمل الفطار وكل حاجه
راقيه.....لا تقلقش هحضر انا
عمار بجديه.....لا ياراقيه ارجوكى ارتاحى وسيبى كل حاجه عليا
انا متعود اساعد أمى فمش جديد عليا شغل البيت
راقيه محتضناه. ....يارب يخليك ليا
عمار مقبل جبينها.....وميحرمنيش منك
راقيه بضحكه....هههه طب ياريت تعمل شاى بلبن معاك
عمار ....من عيونى
راقيه ....تسلملى عيونك
عمار ممسك قلبه......اه لا كده كتير عليا طب متسيبك
من الفطار وتاجى اقولك حاجه
راقيه....عماااار.
عمار......ههههه خلاص هتفضحى اللى جابونا هحضر الفطار روحى
اختفى من قدامى
........................
اقترب الوقت من الساعه 10 صباحا
فى منزل مهران
كان هاشم بتحدث مع ضيف من القاهرة وتبدو على ملامحه الرضى والسرور
هاشم....عتجول ايه عنجد الكلام ده
......والله ذى مبقول لحضرتك كده اسمه جونيد حسان مهران
بيشتعل فى شركة منتجات تجميل ومتجوز جديد
هاشم...تعرف لولا الخبر ده والله كنت طلعت روحك فى يدى
.......لا وعلى ايه الطيب احسن وانا عشان عارف الخبر ده يهمك
صممت انى اجى مخصوص عشان ابلغك
هاشم....وحلاوة الخير محفوظ كمل وعايز اعرف اسم مرته
.........معاه اخت فى الجامعه ومامته دكتورة جامعيه بس بباه
أجله انتهى ...ومراته بقى اسمها نغم إبراهيم وهدان
انا سمعت انها صعيديه فجبت اسمها كامل
هاشم بابتسامه عريضه...الله ينور عليك هى دى الأخبار الزينه
جوم خود واجب الضيافه وبعدين نتحدتوا تانى
هاشم يحدث نفسه.......ههههه والله يا بدر نصيبك اسود التنتين عندنا خيتك مع
ولد عمى وحبيبتك على زمتى ههههههه يابوى هههه هترجع هترجع
بس معرفش اجيبلك الخبر ازاى ازاى
قطع تفكيره دخول سويلم
سويلم. ....هاشم كلم أبا الحج عايزك
هاشم.....ايه ياسويلم داخل زريبة بهايم لا احم ولا دستور خرعتنى
سويلم. ........لسه عخبط
هاشم.....خبطك جالب طوب على ادماغك غور جاى وراك
بالفعل خرج خلفه مباشره إلى ان وصل منزل وهدان
كان وهدان أشبه بالبركان فى ثورة مشاعره تجاه هاشم فكم
رغب بقتله بعد ان سمع مافعله مع قمر من اهانه
وهدان.....جيت ياسبع الرجاله
هاشم .........خير ياحج وهدان
وهدان .....وليك عين تجول خير طلج قمر يا ولد مهران.
هاشم ....ولو مطلجاتهاش
وهدان.....بسيطه عتيجى مخلوع وياعينى لما البلد تعرف انه حرمه
خلعتك بدل مطلجها هيبجى شكلك ايه
هاشم بابتسامه شيطانية وكأنه كان متوقع ماسيقال وأحضر الرد.
هاشم .....طيب ياوهدان
نادى بصوت جهورى. ....قمر انتى يابت
أتت قمر وسعديه ونعمات على أثر الصوت المرتفع
هاشم....اها شرفت ست الحسن انتى طالج بالتلاته
أكده زين بس بجى جولى ياحج وهدان طلجت واحده هترجع التانيه كيف
وهدان بعدم فهم. ....عتجول ايه
هاشم.....يعنى رجعت قمر حداك هتعمل ايه مع نغم اسمعت صوح
متجوزى مين اسمه ايه
وهدان .....جونيد حسان
هاشم.....معيفكركش بحاجه الاسم ده
وهدان .........حاجة ايه
هاشم....هسهلهالك ..جونيد حسان مهران ولد عمى
وهدان جاحد العينين. ......ولد عمك
هاشم.....ايوه ولما يرجع هيعيش معانا هو ومرته
وهدان ...الله فى سماه مهيحصل اكفايه واحده اتهانت ولو ولد عمك
هوب ناحية نغم هيبجى آخر يوم فى عمرة
هاشم بضحكه مستفزة ......امشى انا اصلى عندى ضيوف
رمى انباءه كالقنبله على مسمع وهدان ويثق تمام
الثقه ان النتيجه ليست هينه سواء على جونيد او وهدان
فإن قتل جونيد او أصابه اذى سيكون هاشم فى قمة الرضى
لانه لا يهمه أمر جونيد وأن لم يستطيع وهدان فعل شىء وعاشت نغم
مع جونيد سيكسر بدر وفى الحالتين هاشم متفرج بلا تعب
وهدان يحدث نفسه .....ولد حسان.معجول نغم متجوزه من عيلة مهران المصايب
لازمن تاجى يمة بدر ليه لا لازمن اجيب نغم اهنيه بأى طريجه
....................................
فى منزل جونيد
كانت الساعه 10.30
أراد جونيد استكمال يومه مع نغم ولكن بطريقه لا تنساها فقرر
الذهاب لحجز مكان فى جزيرة ليقضي اليوم على ضى الشموع
فقام بتجهيز ذاته وكأنه ذاهب للعمل
جونيد بابتسامه ....بتبصيلى كده ليه عجبك صح عارف
نغم.....لاع عجبتنى الشياكه دى
جونيد بغمزه....ايه ده ومش عاجبك انا ولا ايه
نغم....ايوه معجبنيش شكلك ذى اللى طالع معاد
جونيد...اوبى ده شك مع غيره بقى انتى مفتكره انى ممكن أقابل واحده
نغم.......امال الشياكه دى عتجابل واحد ياروميو
جونيد متجه ناحيتها........واحده ايه اطمنى انتى عندى بالدنيا
انتى اجمل واحده شفتها عيونى
نغم ....ايوه كل بعجلى حلاوه
جونيد محتضنها ومقبل جبينها......انتى كل حاجه حلوه
فى دنيتى ولو هاكل يبقى اكلك انتى
نغم مبتعده عنه......جاك وجع فى بطنك عتنيمنى بالكلام
عشان تنزل لحبيبة الجلب صوح
جونيد بخبث.قام بخلع الجاكت وتصنع فك أزرار قميصه. ....ولا وجع ولا دوا على ايه
انا اقعد فى بيتى وأكل حلاوه براحتى ولا ايه
نغم متفهمه كلامه اللئيم....لاع انزل عتتاخر
جونيد بضحك .....لا خلاص غيرت رأيى هقعد
نغم ملتقطى الجاكت لتضعه فى يده محاوله دفعه
خارج الغرفه .
جونيد....طب براحه طا وبعدين هتمشينى دلوقتى
هتروحى منى بالليل فين ها
نغم.......جليل حيا
جونيد.....ههههه من زمان ياقلبى .
خرج جونيد من المنزل
اما زينات فكانت ترتسم ملامح القلق على وجهها
فكانت تتحدث مع ريم فى غرفتها عندما خرجت نغم لتحضر كوب ماء
واستمعت للحديث بدون قصد
ريم........ فى ايه ياماما مالك قلقانة كده ليه
زينات ..... يوووه اصلكم مش فاهمين حاجه انتى واخوكى
ريم بعدم فهم......حاجة ايه وبعدين ده مجرد واحد كان بيسأل عن
جونيد عادى يا مام والبواب بيجاوب اى حد بيسال فيها ايه
زينات.....خايفه يكون من الصعيد
ريم.....لا بقى نفسى افهم حكايتك مع الصعيد ايه
قامت زينات بسرد كامل القصة لها
زينات ....عرفتى ليه مش عايزه حد فيكم يعرف الصعيد
لأن بباكم صعيدى وعليه تار والصعايده مبيهمهمش مين اللى هيتقتل
يعنى جونيد حياته بخطر من ناحيتين أهل مراته لو عرفوا وأهل بباكى
لانه هرب منهم
ريم بصدمه......مش معقول يعنى دكتور حسان صعيدى
بابا صعيدى ازاى .طب ومقلتيش من زمان الحكايه دى ليه
زينات .....كنت بحاول ابعدكم قدر المستطاع عن اى حاجه تربطكم
بالصعيد بس القدر والظروف طلعوا أقوى منى اخوكى اتجوز ومش اى
واحده لا بنت عدوكم
ريم .....ايه هو عدوكم ..ازاى صداقه تتحول عداوه كده بسهوله
وبعدين انتى بعد اللى حكتيه معناه بابا بريئ ليه هرب
زينات بتنهيده......حبيبتى لو بباكى مهربش كان اتقتل
لو مش من عيلة وهدان كانت عيلته هتقتله لانه اتجوز من وراهم
ريم. .....نهار ملون يعنى عايزين يقتلوا جونيد دلوقتى بس يا ماما
نفسى اعرف جونيد عرف اللى بتقوليه ولا لا
زينات......لا طبعا ميعرفش لانى مقولتش ليه حاجه
خارج الغرفه كانت نغم فى حالة صدمه لما تسمع فذهبت مسرعه
تجاه غرفتها
جونيد من اعترفت له بحبها وأصبحت ملكه وملكت قلبه ابن
العائلة التى ترغب بقتل أخيها دوامه ماذا تفعل تتركه وقد أصبح
روحها ام تبقى وترى شبح ابيها غرق فى الدماء كلما اقترب منها
نغم.....لا ابن حسان يا دى الكارثه ميعرفش كمان أصله
جلت والله اعيونه فيها جسوه متطلعش غير من صعيدى
ودماغه اعناد مش طبيعى
اااااااااااه جولت خايفه اجرب ناحيته تحصل حاجه اتارى الجدر
مخبيلى مصيبه ااااه حتى لو جعت معاه محدش هيهملنا
ااااه ياجلبى جولت منحبش متبعتش حديتى يارب استر يارب
........... ....................
فى جزيرة وسط النهر
كان جونيد مندمج مع الترتيبات ليفاجئ نغم
وأثناء ذلك ورده اتصال من الصعيد
وهدان متصنع الهدوء....السلام عليكم
جونيد ....وعليكم السلام أهلا حج وهدان
وهدان بكل هدوء....بجولك يا ولدى عايزك اجيب نغم
جبل متغيب الشمس
جونيد بقلق......خير فى حاجه ياحج
وهدان....ايوه قمر اطلجت وجات حدانا عايزه نغم جارها
جونيد متفهم الوضع.......حاضر ياحج هتكون عندكم
وهدان.....بسرعه ياولدى
أغلق المكالمه
جونيد.....ياربى كان نفسى اعيشك يانغومتى النهارده فى
دنيا خاصه بس ملحوقه قدامنا العمر طويل
ثم تذكر ملامح وجهها بعد اعترافها بحبه وعلت ابتسامه على ثغره
جونيد. ...ههههه ااااه على دى ملامح ياجدع تتحفر فى القلب مش
العقل مفكره نفسها قويه وقاسية وهى أرق من الفراشه ياخرابى
خطفت قلبى يا ناس ده انا أبيع عمرى عشانها
......................................
مر الوقت إلى ان وصل جونيد المنزل
قرر ان لا يخبر أحد بقرار السفر للصعيد
دلف غرفته فكانت نغم تقاوم دموعها بشده
جونيد ....نغومتى قلبى كل حياتى اتأخرت عليكى
نغم بخفوت....لا
جونيد محتضنها ......ايه ده الكبيرة مالها شكلها زعلانه
نغم راميه رأسها فى صدره بخوف وكأنها لن تراه مرة أخرى
فاحس هو بها
جونيد . .ايه ده مالك بتترعشى كده خايفه ولا حد زعلك
نغم....لا عايزه أفضل أكده جارك
جونيد بابتسامه حانيه مقبل جبينها.محتضنها أكثر
ظلا بهذا الوضع قرابه نصف ساعه لم يشعر أحدهما بالوقت
جونيد .....احم طب احنا هنفضل حضنين بعض كده كتير مفيش
تطورات
نغم ضاربه إياه على كتفه ضربه خفيفه
نغم . ..جليل حيا
جونيد....بابتسامه لا برئ وربنا دماغك بقت شمال قوى
قصدى مفيش تطورات يعنى نتكلم نغير هدومنا عشان ننزل
انتى بقى فكرتى فى ايه
نغم بابتسامه. ......فكرت فى ايه ولا حاجه
جونيد...هههه حلو اقسم بالله خدودك وهى مزرعه طماطم
يلا مش مشكلة غيرى ملابسك وهننزل نروح مكان بتحبيه.
نغم....حاضر
بالفعل بعد وقت نزلا لتبدأ الرحله للصعبد
بدون علمها وتبدأ رحلة جديده فى قصتها ربما تكون اصعب رحله
لكليهما
....................................
يتبع ..........بقلم ولاء محمد