سندريلا ونيران الحب

5

سندريلا ونيران الثأر
الحلقه 5
انتهت الحلقه السابقه بالمحادثه الهاتفيه بين جونيد وعمار
جونيد.....الو ايه خير
عمار....ياساتر يارب ده صوت اتكلم براحه يا اخى
جونيد..مش فاضيلك
عمار..طبعا تلاقيك كنت بتكلم سوسو ولا فوفو ولا شوشو اصلهم كتير
جونيد....ايوه افضل قر عليا كل مره لغايت ميطفشوا كلهم كفايه نقك نقصوا واحده
عمار...ياعم ربنا يهد ويهدى
جونيد...ممممم عارف النبره دى لخص عايز ايه
عمار.. بقولك فاضى دلوقتى
جونيد... فاضى مش فاضى على حسب طلبك
عمار....هههههههههههههههههه المهم عايزك ضرورى وبعدين مال صوتك قافش كده
جونيد.....لا الطبيعى دعاك استجاب شويه نادين نكدت على اللى جابونى وسدت نفسى
عمار..بنبره ضاحكه...هههههههههه ايوه ايه الجديد فى الموضوع مالطبيعى انه كل يوم تعرف وتفركش مع واحده ايه اللى يزعل بقى
جونيد....معرفش اهو اتخنقت وبعدين يا اخى ده انت لو بيدوك فلوس علشان تنكد عليا كل متكلمى مش هتبقى متحمس كده ايه ياد الشملته دى
عمار............
.........................................
فى الصعيد فى منزل وهدان
وهدان بطريقه جديه
اسمع خيتك ملهاش غيرك وانا رجلى والجبر وبعدين العيار صاب دراعك المرة دى مين عالم المرة الجايه هيكون فين.
بدر بنبرة ترجى ......بس ياجدى
وهدان بحده......من غير بس ولا مبسش هتطلعوا بالليل مش دلوجتى سامعين
بدر خشى ان يرفع صوته على جده ويصبح بلا اخلاق فلم يتحدث ولكن فضل ترك الغرفه وذهب بغضب وهو يعلم بانه اجبر على تنفيذ كلام جده لانه كبير العائله ولا يصح ان يخالفه
واثناء خروجه تصادف بقمر
قمر بتوجس لصوته.....خير يابن عمى مالك
بدر بغضب .....بصوت مرتفع وكأنه وجد كبش الفدا ليخرج مخزون غضبه به....واه وانتى مالك من ميته عتسألينى اكده غورى من خلقتى الساعه دى عافريت الدنيا بتتنطط جدامى اختفى
صدمت قمر بسماعها تلك الكلمات من بدر وثبتت مكانها وكأن كل كلمه تخرج منه تضربها بصاعقه
فجرت دموعها على خدها كالسيل على سفوح الجبال
ولكن هز سكونها صوت بدر الخشن مره اخرى
بدر بعين اشبه بلون الجمر........ايه الجزينه طرشه عجولك اختفى من خلجتى
افاقت من شرودها شاهقه تتراجع للخلف الى ان اصتدمت بمقعد وابتعدت منه مهروله للدرج لتختفى من انظاره بغرفتها خرج على اثر صوته نغم ووهدان
وهدان بنبره حاده...جرى ايه يا ولد من ميتى صوتك عيترفع وانا اهنيه
طأطأ بدر رأسه احترام وكبت غضب ثم توجه بالكلام
بدر ...انا طالع دلوك ياجدى هروح الغيط
وهدان...ايوه روح بدل متكب كدرك بالنسوان
بدر..جادى هى اللى نرفزتنى
وهدان...اطلع يابدر انا مربيك وخابرك
خرج بدر للارض الزراعيه وذهبت نغم لقمر
نغم...واه واه عتعيطى من بدر اش حال خابره طابعه زين
قمر...ايوه بس معملتش حاجه المره دى كنت عايزه اشوفه محتاج حاجه
نغم.....لاع انا جبت اخرى منكم اتنيناتكم
قمر...يعنى مشايفاش عامايل اخوكى
نغم..تحاول ان تضع بسمه على وجه قمر ...مش هتحبوا بعض ياكش تولعوا انا مالى
قمر وهى تمسح دمعاتها..ههه نولع اكده طب جومى من اهنيه لحسن اخليه يكمل عياط عليكى..
نغم........
.................................
فى القاهره .
اكمل جونيد حديثه مع عمار منذ وجوده بالمنزل الى ان وصل للمطعم المتفق عليه لمقابلة ساره
جونيد...معرفش اهو اتخنقت وبعدين يا اخى ده انت لو بيدوك فلوس علشان تنكد عليا كل متكلمى مش هتبقى متحمس كده ايه ياد الشملته دى
عمار...ههههههه مش عارف بحس بسعاده كبيره وانا بحرق دمك
جونيد...اللهى تتحرق بجاز ويطفوك بقزايز زيت يابعيد
عمار... ههههههه كل ده حب ..المهم ياكازانوفا
خالك مش ناويلك على خير المره دى وقال عايزك ضرورى وحط مليون خط تحت ضرورى
جونيد ...اها سمعت ضرورى ...يلا بقى سلام دلوقتى لانى وصلت المطعم
عمار....مطعم ايه
جونيد..المطعم اللى هقابل فيه ساره
عمار....يا اخى ارحم نفسك ده انت لسه بتقول زعلان
جونيد...كنت زعلان فات خمس ساعات زعلان كفايه وبعدين انت لسه قايل كازانوفا ياحب يلا بقى سلام
عمار...لا حول ولا قوه الا بالله ..سلام
وصل جونيد المطعم وطلب قهوته المفضله ساده فهو يتلذذ بمذاقها المر الشبيه بزكرياته يرتشف كل رشفه بابتسامه غريبه وبعد انتظار ناهز20دقيقه اتت ساره
ساره........................
.........................
فى الصعيد منزل مهران
صعد هاشم لغرفته بعد علمه بان بدر مازال على قيد الحياه
كان هاشم يشبه الثور الهائج كيف فلتت من بين يديه فريسته كيف ينجوا من طلاقاته الناريه بكل سهوله واخذت الافكار الشيطانيه تنمو اجل لن يهدأ دون ان يرى بحر الدم يعود مره اخرى
دخل غرفته وظل يرمى كل ماتقع عليه عينيه تعبير عن غضبه
هاشم...عايش كيف وانى شوفته مرمى على الارض صحيح كيف التعبان معيموتش بالساهل لازم تنجطع راسه
اكده يابدر انت اللى جيبته لنفسك مش راح اهملك اتعيش طول ما انا عايش
والله لكتلك جدام الخلق وماعادش فيا صبر الليله هتبات فى الجبر ياولد ابراهيم
...............................
فى المطعم.
ساره....حبيبى اتأخرت عليك
جونيد..يهمس لذاته ههه الطبيعى لكل بنت نص ساعه يعنى ساعه ..ثم توجه لساره بالحديث
حبى وحشتينى لا طبعا متأخرتيش وبعدين انتى تتأخرى براحتك وانا افضل مستنى
ثم نهض ليسحب المقعد لها لتجلس ثم يجلس على مقعده الخاص به
ساره..اوه بيبى علشان كده بحبك
جونيد فى لحظة شرود ..وانا بعشقك يا نانسى
ساره..بصدمه نانسى مين
جونيد..بثأثأة نانسى مين بقول ساره
ساره...لا قولت نانسى
جونيد..اه قولت نانسى بختبرك بتغيرى عليا ولا لا
ساره..اخس عليك خضتنى افتكرتك تعرف واحده تانيه خليتنى اتعصب
جونيد...يحدث نفسه هى واحده بس قلبك ابيض..ثم توجه لساره بالحديث...تعرفى انا قاصد اعصبك بتبقى شبه القمر وانتى عصبيه
......................................
فى منزل وهدان
نغم..تحاول ان تضع بسمه على وجه قمر ...مش هتحبوا بعض ياكش تولعوا انا مالى
قمر وهى تمسح دمعاتها..ههه نولع اكده طب جومى من اهنيه لحسن اخليه يكمل عياط عليك..
ارادت نغم اخبار قمر بقرار وهدان ولكن فضلت الا تخبرها حتى لا ترى نظرة الم فى عيناها لفراقهما
نغم.....احم عجولك هشوف الشملول بدر واعاود
قمر...تجوليش عليه شملول
نغم...واه اللى عيسمعك دلوجتى وانتى عدافعى عليه ميشوفكش وانتى عتعيطى اول مهت فيكى
قمر....بدلع براحته مهو راجل البيت
نغم...اتصدجى انى غلطانه طالعه اطمن عليكى ارحمونى فيا مراره واحده
خرجت نغم لترى ان كان بدر مازال بالمنزل فلم تجده
فذهبت لسعديه وارتمت باحضانها ولم تشأ الخروج
نغم..جادتى
سعديه..ياجلب جادتك
نغم...هى امى كانت احنينه كيفك اكده
سعديه..امك كانت احن منى ليه عتسألى السؤال ده
نغم..اصلى اتوحشتها كان نفسى اشوفها
سعديه...يابنايتى ده قدر ربنا انجول الحمد لله مش نزعلوا ربنا لما عياخد مننا حاجه حلوه بيدينا حاجه احلى منها ولا ايه
نغم بتنهيده..ايوه يا جادتى ونعم بالله ..جادتى انا عايزه اجولك على..........
قبل ان تتكلم اتى وهدان
وهدان....انتى اهنيه يامرحب
نغم...جادى
وهدان ...ايه مالك
نغم...لاه مفيش هروح استنى بدر
كانت نغم ترغب بشده اخبار سعديه على قرار وهدان ايضا ولكن عند رؤيته خشت ان ينهرها ففضلت التهرب بالخروج
................
فى الارض الزراعيه
كان بدر يباشر العمال واذ باحدهم من السرعه يضرب بشده كتف بدر
بدر...اااااااااه
سويلم.....معلهش يابدر مكنتش ناضرك
بدر...وانت من ميتى عتشوف وانت ماشى كيف الجحش مابصصش جدامك
سويلم...جرى ايه عاد جلتلك مشوفتكش وبعدين انت صوح واخد طلق نارى
بدر...لا يا سويلم واخد بالى من نافسى روح الله لا يسئك من جدامى دلوك روح
سويلم.....طيب يابدر ابجى تعال اشرب عندنا شاى تانى والله ماراح اعملك
بدر..استغفر الله العظيم ..جبر ياخد العفش
.......................
مر الوقت واتى الليل
اتى الليل بقرار صعب التفيذ اتى الليل باشعال جمر الغضب عند احدهم ليشتعل نيران الانتقام
اتى الليل واصبح قدر احدهم على وشك التغير
..................................................
فى القاهرة باحد المطاعم القريبه من جامعة عين شمس
كانت ريم تجلس مع رفاقها 7افراد ثلاثة فتايات واربع شباب وهى الفتاه الرابع
كان فطار من نوع خاص جلسه شبابيه بين من يدعون الحب دون ان يعلموا قواعده
فالحب ليس كلمه تقال او حته نظره تلقى الحب امان ثقه الحب كلمه يصعب عنها التعبير
8افراد مقسمون 2على كل طاوله صغيره
ريم بنظرة براءه ...لا انت قولت خلاص زعلان منى يبقى اتصلت بيا تانى ليه
سيف جاذب يدا ريم وطابع قبله عليهما وبنبره هادئه...انا ازعل من نفسى من الدنيا كلها الا انتى
ريم بابتسامه....طيب خلاص وانا كمان مش زعلانه منك
سيف....مش هتفكرى ياريم فى الطلب اللى طلبته منك انا مش عايز حد يفرقنا
ريم...بس ياسيف سدقنى صعب مش هقدر
سيف تارك يدها....لا يبقى انتى مش بتحبينى ولا عمرك حبتينى
ريم....بس ياسيف ياحبيبى احنا ممكن نفضل مع معض بس مش بالطريقه دى يعنى انت ممكن تتقدملى لو مصمم
سيف.....اها واروح بقى للاستاذ اخوكى اقوله انا زميل اختك ولسه بدرس ومش عارف مستقبلى هيبقى شكله ايه فممكن تجوزنى اختك
ريم.....لا بس اكيد هيوافق
سيف هم ولفقا...لا مش هيوافق واقولك فكرى وابقى اتصلى بيا والا بلاش اتعلق بيكى اكتر من كده سلام
ريم.....سيف يابيبى طيب استنى يوووووه بقى
.......
سيف شاب فى نفس سن ريم جل طموحاته ان يكون مثل اصدقاءه يملك اموال طائلة بشتى السبل وان تعج حياته بالفتايات
.................................................
فى منزل وهدان
لم يشأ بدر دخول المنزل ولكن اجبرته قدمه على الدخول فكانت نغم بانتظاره
نغم...عوجت ليه ياخوى
بدر...بس ياخيتى مش حامل حديت كفايه عاد
فى ذات الوقت دلف وهدان المنزل وكانت قمر ونعمات وسعديه بغرفهم
وهدان....عال عال متجمعين عند النبى ان شاء الله
نغم ..بدر....عليه افضل الصلاة واجل السلام ان شاء الله
وهدان ....يلا عاد الليل حل جومى يانغم البسى خلجات جدتك وتعالى
نغم ..بس يا جدى خلجات جدتى واحنا هنهج الناس عتجول ايه
وهدان...بصى يا بنيتى اللى يجعد قصاد الناس هينداس كلام الناس لا عيأخر ولا يجدم يلا جومى
بدر...طب ياجدى انا متحدتش معاك من اول مجولت عيزنا انهج هنروحو وين
وهدان تندلوا اى حته فى مصر (القاهره) بعيد من اهنيه
...وكما طلب وهدان اسرعت نغم بتبديل ملابسها دون ان يشعر بها احد واستعدت للرحيل
وهدان زين اكده يلا امشو من اهنيه ومحدش يا خد سلاح اعطينى سلاحك ياولد
بدر..قاضب جبينه ..واه حصلت كمان سلاحى ليه ياجدى
وهدان...متكترش معاى فى الحديت يلا
اخذ وهدان سلاح بدر ولم يخطر بباله لحظه ان يمكن لنغم ان تحمل السلاح فقد احست بنية جدها بنزع سلاح اخيها فخبأت معها سلاح والدها بالنسبه لها مكان جديد لابد لهم بشىء يدافعوا به عن نفسهم ...
.................
مر الوقت وكما امر وهدان استقلا اول قطار باتجاه القاهره فى ظلام الليل .......
بالنسبه لهم مكان جديد لم يألفوه من قبل فعلى الرغم من كون نغم متعلمه فهى لم تخرج من نطاق الصعيد فكانت جامعتها داخل يلدان الصعيد ولم تكن ترى الجامعه سوى فترة الامتحانات والمحاضرات الهامه اما بدر فهو لم يتعامل من قبل مع اهل القاهره سوى من قطن بها من اهل الصعيد وذلك اثناء قدومهم للصعيد ...عادات وتقاليد جديده بالنسبه لهم وعلى الرغم من ذلك يدرك بدر جيدا ماسوف يلقاه من الاختلاف
وليس معنى هذا ان الصعيد لا يدرك التقدم والتمدن ولكن من المعروف ان العادات والتقاليد تختلف من قريه لاخرى فما بالكم من بلد لاخرى .
.....................................
اما فى منزل مهران فكان هاشم يتأهب لقتل بدر ولكن حسنين منعه من فكرته الجنونيه فقد كان ينوى الذهاب له فى عقل منزله ليقتله واشار عليه بانتظار الصباح ليظهر قتله كحادثه
حسنين....واه واخد فى وشك ورايح على وين الساعه دى
هاشم....رايح اكتل ولد الفرطوس اللى بسبع ترواح
حسنين ... هتكتله كيف
هاشم ...عروحلوا داره اكتله جدام الناس كلياتها وارتاح
حسنين....اتخبلت فى مخك يا جزين اياك ..عايز تكتل اكتله بس مش دلوكيت بالنهار وسط الزحمه ولا حد يعرفك مين وابجى حيلنى لما يطقسوا ويعرفوا مين الكاتل
هاشم وقد هدأ...ايوه يبجى الصبح وهو هيروح منى وين
انتهى اليوم ببدايه خيوط امال وخوف وتوعد وشوق وخيانه وغدر
.....................................
عجبت عليك يازمن تغير الاقدار فلا سعيد يتهنى دون ان يكتوى بالنار ولا تعيس يتألم دون ان يرى بصيص الرضى والامان....ولكن كيف نعجب من الزمن والانسان سر التعجب
........
مقصوصه من روائع الامام الشافعى ...
نعيب زماننا والعيب فينا وما لزمانا عيب سوانا..... ونهجو ذا الزّمان بغير ذنب ولو نطق الزّمان لنا هجانا وليس الذّئب يأكل لحم ذئب .....ويأكل بعضنا بعضاً عيانا ......دع الأيام تفعل ما تشاء وطب نفساً إذا حكم القضاء..... ولا تجزع لحادثة اللّيالي ....فما لحوادث الدّنيا بقاء...... وكن رجلاًعلى الأهوال جَلدا وشيمتك السّماحة والوفاء..... وإن كثُرت عيوبك في البرايا.. وسَرَّك أن يكون لها غطاء تستّر بالسّخاء فكلّ عيب يغطّيه كما قيل السّخاء ولا ترَ للأعادي قطُّ ذُلّاً فإنّ شماتة الأعدا بلاء ولا ترج السّماحة من بخيل فما في النّار للظمآن ماء ورزقك ليس ينقصه التّأني وليس يزيد في الرّزق العناء ولا حزنٌ يدوم ولا سرورٌ ولا بؤسٌ عليك ولا رخاء

يتبع.....................بقلم ولاء محمد

اسفه على التأخير النت كان فاصل