سندريلا ونيران الحب

21

سندريلا ونيران الثأر
الحلقه 21
فى منزل عمار
عمار.....أخ يانى ياما هو احنا مش خلاص حددنا يوم الفرح
راقيه....ايوه حددناه يبقى اطلع احسن اكب عليك الزيت
عمار ....ياساتر يارب طالع بس افتكريها ها ليكى يوم
قبل ان يخرج من المطبخ رجع لها مرة أخرى
راقيه...ايه ليه جيت تانى مش قلت طالع
عمار...حبيت اتأكد من حاجه
أشارت له بالسكين كدعابه. ....لو فكرت هتلقى دى فى كتفك
عمار....ههههه ايه الأكشن اللى عيشاه ده مرة عايزة تدلقى عليا الزيت ومرة عايزه تحطى السكين فى كتفى مفيش مره عايزة تدينى حاجه حلوه ليه ولا حتى عيزانى أقرب من الغمازة ليه
أمسكت جزرة بيدها...عايز حاجه حلوه من عيونى خد
عمار....جزرة وماله اى حاجه من إيدك شهد
بس بجد نفسى اعرف انتى مبسوطة وموافقة بجد على الجواز ولا
راقيه. ....ايه السؤال ده وليه دلوقتى وبعدين انا لو مش مبسوطة كنت رفضت
عمار.....يعنى مش معترضة انه نقضى أسبوع بس مع بعض بعد الجواز وبعدين نقعد مع أمى
راقيه بابتسامه.....وهعترض ليه
عمار .....يعنى كاى بنت بتحب يبقى ليها بيت لوحدها وبعدين ربنا عالم هحاول اجيبلك شقه فى اقرب وقت وادينى خلاص قربت اقفل حق الشقه
راقيه......على فكرة بقى انا اللى هعترض لو جبت شقه عايزاك تعرف انه السعاده مش بالفلوس ولا الشقق كفايه انه ربنا كرمنى بيك بتحبنى وواثقه هتراعى ربنا فيا وفوق كل ده مامتك ست طيبه وواضح أننا هنبقى كابل حلو
عمار.... حبيبتى هنبقى احلى كابل
راقيه. .......ههههه أنا قصدى انا ومامتك هنبقى كابل متفاهم دى قالتلى على كل حاجه بدايه من الشربات اللى حضرتك بترميها و..
قاطعها عمار ...باااااااس هو انتوا اتفقتوا ربنا يكون فى عونى
وبعدين ليه الاحراج ده اكدبى وقولى أيوه لازم تكبتينى
يمهل ولا يهمل
راقيه...ههههه
.......................
فى القاهرة شقة بدر
بعد تردد كبير من نغم بأن تطلب من هذا الكائن المستفز الذى استنتج من صمتها انه لم يعد وجوده مرغوب به فبدأ يستعد للخروج بأن يتنازل عن المحضر قررت أن تتنازل عن غرورها وكبريائها وتطلب منه اخيرا...هل حقا ترغب فى إخراج أخيها لا كانت تتمنى أن يقضى بعض الوقت ليفكر أكثر من مرة بالشك فيها كيف له أن يجرحها بعدم الثقه وهو الأقرب لها كيف لها ترى نظرات الاتهام منه دون ان ترد كانت تود أن تتركه مدة أطول لكى يتعلم معنى الجرح..ولكن كان تفكيرها منصب على قمر أولى بوادر فشل خططها بالابتعاد عن عائلتها. .....
نغم تحدث نفسها.......اه يابت عمى لا أمك ذى باجى الخلج اطبطب عليكى ولا حتى أب جاعد يحامى عليكى ظلموكى فى علامك وهيظلموكى فى جوازك. عشانك هطلع بدر باى طريجه بس اياكى اتوافجى اثبتى ومتوافجيش عشان حياتك يابت الناس..
قاطع حديثها صوت جونيد
جونيد...واضح انك اخدتى مصلحتك وطنشتينى فأنا همشى
نغم بعدم فهم...عتجول ايه
جونيد بابتسامه....المكالمه حضرتك قصدى على مكالمتك مع جدك وبعدين نفسى افهم واضح انك قردة فى الحسابات يعنى انتى متعلمه يبقى ازاى مش معاكى موب
نغم......حدانا مش لازم البت تمسك تلفون
جونيد....ههه حدانا ايه هو عندنا وعندكم ..ليه انتى من كوكب تانى مثلا
نغم....ده مش موضوعنا بس احب افهمك العادات و اللهجه بتختلف من مطرح للتانى يعنى يامتعلم عادات الحارات بتختلف عن المدن  شوف بجى الصعيد...
جونيد مصفق.....او مثقفه درجه اولى سار خطوات للباب على فكرة مفيش داعى تلبسى الحجاب قدامى انا جوزك سلام
قبل ان يخرج من الباب ارجعه صوتها استاذ جونيد
تسمر مكانه اتنادى عليه  نعم ولكن أنتظر ليس لك فهى مطرة
جونيد. .....نعم انا سمعت اسمى بأدب
نغم..ياصبر أيوب ...معلهش عايزه اطلب منك طلب ممكن
جونيد أغلق الباب ورجع لأحد المقاعد وأضع قدم على الأخرى مرجع رأسه للخلف ....اها طلب عشان كده حطيتى حراسه على لسانك
أغمضت نغم عيناها محاوله تمالك انفعالها أما هو يضع تركيز عيناه على ملامحها كم تبدو مضحكه وهى تخفى ملامح الغضب كالقطه البلدى رافعة شعرها لتتعارك ولكن أتت لها بعض المياه لتجعلها متلبده ببعضها واثق من طلبها فكان منتظر أن يجيبها
نغم..... بعد ازنك ممكن تتنازل عن المحضر وطلع بدر من السجن عيزين نرجع البلد ضرورى
جونيد بثبات......طبعا موافق
نغم ببلاهه. ..بجد عتتكلم عرفت جواك محترم
جونيد بضحكه......بس  بشرط
نغم تحدث نفسها ..جلت واطى مستحيل يعمل حاجه لله
نغم بصبر....ايه الشرط
جونيد وهو ينظر فى هاتفه وكانه ينتظر شىء هام......بصى ياستى طبعا مش هينفع النهارده لانه اجازه من المصالح الحكوميه وطبعا متنسيش فرح صحبتك يبقى بقى الشرط
ظلت تترقب قول الشرط بتوجس
الشرط اروح طبعا معاكى البلد لانى جوزك وعيب اسيبك تسافرى لوحدك ها
شردت نغم بعض الوقت فمعنى سفره انه سيتواجد معها بالمنزل والاكيد بنفس الغرفه فلا يمكن أن يتركها جدها تخرج زوجها من غرفته مهما كان عدم رضاهم بزواجه ثم أتت لجسدها  رعشه عندما تزكرت تجرأه بامساك خصرها والأكثر عندما تزكرت انه يمكن ان تراه بهيئته كالصباح مرة اخرة ولكن قاطع شرودها طرقعات اصابعه
جونيد....ايه هو شرط صعب قوى ولا ايه خلاص انسى سلام
نغم بأطرار.....لأ استنى موافجه بس بس يعنى
جونيد....ايه بس ايه
نغم....أغمضت عيناها بس يعنى بلاش تاخد راحتك جوى ونبجى كيف مبيجولوا صباح الخير ياجارى انت فى حالك وانا فى حالى
جونيد .... وماله المهم انى أكون معاكى
(وده إللى عايزه أكون معاكى احدر مصيدتى  علشان اخد حقى من كل واحده مهو كلكم واحد هى جرحتنى وانا بحبها وانا مستحيل اسيب اى واحده من جنسها تبقى مبسوطة..)
لحظه أترى كلامك مقنع تسلك طريق خاطىء وتبررة انتقام مازلت عند وعدك الغبى لذاتك لحظة جرح الا ترى انك تأخذ الأمور لمنحنى غريب اتنتقم منهن ام من ذاتك  عفوا ولكن للمرة الالف اقول العيب ليس منك بل ممن ابعدتها الدنيا عن رعايتك او توضيح الخطأ والصواب لك.
..............................................
فى الصعيد  منزل مهران
كان هاشم يجوب غرفته كالمجنون وتعلوا ضحكاته الهستيريه
بما حدث فى مجلس الصلح فلقد رمى عمه الطلبين كقنبله واكد على الطلب الثانى الكارثه فى حد ذاته
والاسوء موافقة من بالمجلس لطلبه مما اجبر وهدان على الرضوخ
هاشم..هههههههه ياه على النصيب يامهران ولدك يكتل ابوى بذنب عمى ويطلع عنده بت هههههه مهى لو ولد كنت كتلتها واخد بتارى بس حظها بت وياجى الحظ انه ايكون ولد عمها عيحبها يبجى اكده اضرب عصفورين بحجر واحد اخد حجى من ابوها وولد عمها فى وكت واحد
هههههههه المسكين واحنا اصغيرين كان يجولى دى روحى ياهاشمبتمنى انى اسعدها لما نكبر ونتجوز.هههههه متخافش هسعدهالك وتبجى روحك فى يدى
صعد له حسنين على اثر ضحكاته المرتفعه
حسنين ...ايه جرى ايه اتخبلت ايه الضحك ده
هاشم....من الفرحه ياعمى كلياتها اسبوعين واخد بتارى بس لا هخليه يتحسر ويتزل الاول وبعدين اكتله
حسنين....بس ياولدى صوتك عيجولوا اتخبل
هاشم..خليهم ايجولوا اصلى عريس متجدم
حسنين...ههههه واول ميسمع الخبر عياجى كيف التور الهايج
هاشم....خليه ياجى عستناه على نار اشوف اعنيه اللى كيف الصقر عتبجى شكلها ايه
...................................
فى منزل وهدان
بعد ان استيقظت من نومها تتصبب عرق أعوذ بالله من الشيطان الرجيم
أعوذ بالله من ده كابوس
يارب تعبت فى الاتنين هموت يجبل اجوز وأموت من فرجتى ليه يا أرفض وأموت من حرجتى عليه يااااارب جوينى اخد جرار
بعد ان طالت قمر فى التفكير وبتنهيده وجدت ان اسلم حل ان تقبل بتقديم نفسها للصلح لانها مهما قاومت فى الرفض ستجبر للقبول لان وهدان اعطى كلمه للمجلس فارادت ان توهم نفسها بالقبول
ولكن من اجل هدف واحد ان ترى بدر حى يرزق يعيش ويسعى كما يحب
قمر....خلاص مفيش حل تانى عوافج مهو ده نصيب على رأى نغم نصيب ومنعرفش هيكون مع مين
اتت نعمات ....اصباح الخير
قمر...اصباح النور شيفاكى فرحانه ياما خير
نعمات....خير مش انتى عروسه عتتجوزى ولد مهران وتخلفى وريث ويبجى عندك خير كتير
قمر....ليه ياما  اللى يسمعك يجول احنا محلتناش حاجه
نعمات....لا بس هاشم هيريحك
قمر بسخريه...ايوه صوح عارفه الكلام ده.
نعمات ...بجولك جدك عايز يجولك على حاجه
قمر ....حاضر جايه وراكى
ذهبت قمر لجدها وعلى وجهها فتور فلم تعد تبالى بشىء ايقنت انها على طريق لن ترى فيه الابتامه مره اخرى
وهدان....شكلك زين النهارده
قمر.....تسلم ياجدى
وهدان .......بكره هاشم عياجى يلبس الدبل وبعد اسبوعين كتب الكتاب والفرح هاجولتى ايه
قمر بابتسامة سخريه.......ويعنى ياجدى دلوك جولى هيفرج مبروك عليكم
وهدان.....وبعدهالك يابت نعمات روحى جهزى نفسك
..........................................
قارب اليوم على الانتهاء
فى شرم الشيخ
كان سيف فى انتظار رد ريم على طلبه الملح
سيف....ها ياقلبى اروح اجيب الورق والشهود
ريم....سيف انا ممكن يعنى مش دلوقتى
سيف....ليه انتى قلتى هفكر وكانت المده 3 ايام وخلصوا ولازم اسمع قرارك دلوقتى
ريم...سيف مش دى الطريقه اللى نفضل بيها مع بعض ولا حتى نعبر بيها عن حبنا
ياسمين....هى ايه اللى حصل صوتك عالى ياسيف
سيف....شوفى صحبتك بعد مقالت عايزه افكر دلوقتى بتقول مش هينفع طب حضرتها مقلتش ليه من الاول مش عيزاك تعلقنى بيها ليه
ياسمين.....لا ياريم انتى غلطانه وبعدين قلتلك قبل كده طالما بتحبوا بعض عادى
ريم....ياجماعه حرام عليكم بجد الموضوع صعب وبعدين معرفش رد فعل جونيد هيبقى ازاى لو عرف
سيف....حبيبتى انتى بقالك فترة بره البيت حاول يتصل بيكى حتى مرة ولا حتى مامتك اتصلت بيكى يبقى ده حقك تاخدى قرارك من غير متفكرى فيهم
ريم ....طب نكتب الورق بس
سيف ....اه طبعا انا مش عايز غير الورق علشان يبقى اثبات يوم متقدملك رسمى
قومى ياسمين هاتى عصير مانجه كاحتفال
بالفعل تم ماكان يخطط له سيف من فتره ولكن بدأ التحايل على طلبها بان يكون مجرد امضاء فخلط بالعصير احدى حبات المنوم
فغرقت المسكينه بالنوم وحملها عديم الحياء ليذهب بها لغرفته الخاصه واغلق الباب
ولكن لم يمر خمس دقائق واذ بصوت طرقات على الباب
فذهب سيف متأفأف ليرى من الطارق ولكن تسمر لهيئة هذا الشخص
سيف....مين حضرتك
مجهول.....السلام عليكم ورحمة الله ..هل انت المدعوا سيف
سيف...افندم ايوه
مجهول....كيف تقيم عرسا دون ان تدعونى فانا المأذون
سيف....احم لا حضرتك احنا اتجوزنا خلاص مش محتاجين مأذون بعد اذنك
مجهول...تريث يابنى لما العجلى ما رأيك ان اطلعك على شىء ثم اذهب
سيف....اممم طيب بس بسرعه الله يخليك
مجهول......انظر لجمال هذا المنديل انه منديل عقد القران استنشق رائحته الجميله انه مسك
سيف بضيق...حلو ممكن بقى اقفل الباب
مجهول....اجل ولكن استنشقه
سيف ليتخلص منه قام بتقريب المنديل تجاه انفه عده مرات
سيف...اهو ياعم الحج جميل حلو
ولكن فجأه احس بالدوار وسقط مغشى على الارض
مجهول....الله اكبر المنديل عمل شغل اتجوزتوا يا ابن ال..ثم بصق عليه
صحيح القذارة فى كل مكان
اسرع بخطاه لداخل الغرفه يجوب بعينيه كل مكان الى ان وجد ريم مسطحه على السرير دون ضرر
مجهول....اوف الحمد لله جيت فى الوقت المناسب متخافيش
...............................
مر الوقت واتى الليل
فى منزل بدر
كانت نغم مازالت تفكر فى مشكلة الصلح وتعد الساعات لتستطيع اخراج بدر والعودة للصعيد
وفى ذات الوقت تسخر من طلب جونيد للذهاب معها
..الى اين ستصل نيران الثأر كانت البدايه تدمير اوصال الصداقه بين عائلتين وثانيا عدم الاسقرار بالهروب من المنزل واللجوء لبلد اخر والان سقوط فتاه كقربان للصلح فماهى باقى العواقب
ماذذا ستلتهم السنة النيار فى طريقها .
نغم....يارب عدى اليومين دول على خير ويصبرك ياقمر اااااه منك يابدر لما تعرف الخبر
وانت كمان ياللى بتجول جوزى عايز اتروح الصعيد فاكرها رحلة مدرسيه عتستحمل شمس الصعيد ده انت باين عليك من المروحه بتشوب اراهن لو هتقدر تستحمل نص يوم
قاطع تفكيرها صوت الجرس
نغم...ايه ده العروسه عندينا
راقيه...حبيبتى وحشتينى مع انك واطيه مسألتيش عليا من اول اليوم
نغم بتنهيده....والله مش املاحجه على المصايب
راقيه....ياساتر ليه ايه اللى حصل
قصت لها نغم كل ماحدث معها من ليلة امس لليوم وظلتا تتثامران الى ان اتى منتصف الليل
..............................................
فى صباح يوم جديد كان الوضع مختلف فى الصعيد والقاهر
حيث فى الصعيد يتم ترتيب حفلة صغيرة ليس بها صخب الاغانى ولكن مجرد حضور اهل العريس والعروسه للخطوبه او اعلان ان قمر اصبحت من مسؤلية هاشم
اما القاهرة فكان يوم حفلة الحناء لراقية وعمار الذى صمم ان يكون فى السيده فى الحى الشعبى ليس قاعه حتى يستطيع كل من فى الحى الحضور والرقص خاصه الرقصات الاكثر شعبية المطاوى
مر الوقت من الصباح فى التحضير الى ان بدأ العد التنازلى بقدوم المساء
........................
فى القاهره
جونيد ...حبيب قلبى مبروك ياغالى مين قدك النهارده الحنه بكره الليله الكبيره
عمار....ايوه ابدأ قر من اول اليوم عارف نقك ده شبه نقك الوليه ام سعد ربنا يستر
جونيد........هههههههههه اتنيل هنق على ايه انت ناسى انى ادبست قبلك
اتحسبت عليا جوازه
اتت نوبة ضحك هستيريه لعمار حينما تزكر كلام جونيد عن عروسة ولا يعلم لما اراد تزكيره
عمار....هههه لكن قولى تقفيل باريس حلو
جونيد....بتتريق ده وقته
عمار.....بقولك البت جدعه خلى بالك عليها واتعدل وعيش حياتك ذى الناس
جونيد....امممم خليك فى اللى انت فيه
..........................
فى الصعيد
حيث هاشم مختلى بنفسه فى غرفته يتراقص بالعصى او مايسمى رقصة الشومه او التحطيب تعبير عن فرحته الى ان طرق الباب لدعوته للخروج للذهاب لبيت وهدان
حسنين ...يلا ياعريس نروحوا اتلبس الدبل
هاشم...ايوه ياعمى
تجمع كل افراد عائلة مهران وصاروا حتى وصلوا منزل وهدان ولاقوا الترحيب وبدأوا حفلهم الصغير بطلب تلبيس كل منهم الخواتم بايدى بعض
هاشم بابتسامه هاتى يدك ياعروسة احطلك الدبلة
اغمضت عيناها بتمنى تلك اللحظات ان تمر سريعا
بخلاف ما فى القاهرة كانت راقيه تتمنى ان يتوقف الزمن حتى ترتوى من تلك اللحظات الجميله
ولكن ليس باليد حيله فعقارب الساعه تسير بحساب
..............................................
تسارعت الاحداث الى ان اتى اليوم المنتظر بالتحديد وقت الحفل
فرحة عمار وراقيه واليوم الوحيد الباقى لخروج بدر
خاصة فى مكان احتفال العرس
حيث راقية بالثوب الابيض وعمار بالبدله السوداء يضع يدها بيده بكل ثقه وفرحه ويميل على اذنها تاره ويضحك تارة اخرى
اما جونيد فكان نظره منصب فى مكان واحد وكان عيناه حرس لها
عمار...مش نفسك فى حاجه تقوليهالى قبل الحفله متخلص
راقيه .....حاجة ايه
عمار....لا بقى حتى يوم الفرح ارحمينى كلمه حلوه
راقيه...ها
عمار....اه هنبدأ من اولها توهان خلاص بلاش كلمه حلوه اقولك انا خبر حلو
هنصلى  فى مسجد السيدة زينب قبل منروح الفندق
راقيه ...........
عمار...ايدك ساقعه ليه انتى بتموتى ولا ايه
راقيه....ها لا اصلى
عمار....الله حلو التقفيل ده عايزك كده على طول
راقيه....تقفيل ايه هو انتى واخد تلاجه احترم نفسك
عمار....هههههه الله اكبر اخيرا نطقتى
راقيه......انت رخم على فكره
عمار.....براحتك خالص كلها كام ساعه وهعرف ارد عليكى
بس الفستان هياكل منك حته
راقيه بابتسامه ...ميرسى  
عمار...شالله يخليلك عيالك بلاش تتكلمى لحد منروح بتنا مش عايز اعمل فضايح هنا
راقيه.....هو انا عملت ايه
عمار.....من غير متعملى
.........................................       
مر الوقت وقارب الاحتفال على الانتهاء واصبح انتظار اليوم الجديد على احر من الجمر لنغم
فها قد قرب موعد اخراج اخيها من سجنه بمجرد انهاء الفل الكبير
.............................................................
يتبع .......بقلم ولاء محمد