سندريلا ونيران الحب

18

سندريلا ونيران الثأر
الحلقة 18
مازالت ستائر الليل منسدلة تسمع خليط المشاعر داخل كل متيم وكاره وغلضب ومشتاق
فى منزل بدر
كانت نغم ممده على سريرها مغمضة العينين تعيد ماحدث
وعلى ثغرها ابتسامة نصر رغم الالم داخلها
فهى حققت اولى طلباتها بالعيش وحدها وعدم الذهاب مع جونيد
وتوعدت على جعله يكرة اليوم الذى قابلها فيه الى جانب
قرارها عدم العوده للصعيد مره اخرى ونسيان عائلتها بالكامل
ولكن هل كل القرارات تحقق
اغمضت نغم عيناها ترجع الاحداث ياالله كيف تم القران سريعا استحضرت
الاحداث وهى تقف متفرجه الى ان استيقظت على صوت المازون بكلمة
بطاقتك ياعريس امضى هنا ياعروسه
المازون مين وكيل العروسه قول ورايا ياحج
انى استخرت الله العظيم على ان أزوجك موكلتى  نغم   البكر الرشيدة على
كتاب الله و سنة رسول الله و على الصداق المسمى بيننا عاجله و اجله
و الحضور شهود على ذلك و الله خير الشاهدين
المازون قول ورايا ياعريس
انى استخرت الله العظيم و قبلت زواج موكلتك الانسه . نغم  البكر الرشيدة
على كتاب الله و سنه رسول الله و على الصداق المسمى بيننا عاجله
و اجله و الحضور شهود على ذلكك و الله خير الشاهدين
يالا تلك الابتسامه المستفزه التى تشكلت على وجه المعتوه الذى تزوجته
جونيد..مبروك ياعروسه
بعد ازنك ياحج انا مش هعمل فرح انا عايز مراتى اخدها بيتى
وهدان ...حجك ياولدى محدش يجدر يعترض وانا هعاود البلد عشان محدش يستعوجنى
مبروك يابنيتى ثم همس فى ازنها سامحينى يابنيتى عملت اكده عشان مصلحتك
وانا عمرى مكنت هكتلك كنت عايز اعرف مين ده عشان استرك
نغم ................
وهدان....روحى مع جوزك بيتك وانا هعاود
بعد مرور وقت وهى مازالت بمكانها واختفى وهدان من امام ناظرها
جونيد ممسك بيد نغم وبنبرة تشمت... ...ههههه ياه شوفتى القدر مبروك ياعروسه
  يلا ياقلبى على بيت الزوجيه
نغم مفلته يدها....بعد يدك واياك اتفكر ولا يوزك شيطانك تاجى يمتى انسى
اللى حوصل اهنيه ومش هنسى الخدمه اللى انت جدمتها لما طلب من جدى
اجعد معاك اهنيه وانا هنفز طلبك هجعد بس مش معاك .
جونيد...ايه ايه هتفرج عليكى من بعيد انا يعنى ايه العبط ده انتى بقيتى مراتى
يااااا ههههه
نغم باعين تشبه الجمر...اياكش اتكون عتحبنى مثلا خابرة زين اتجوزتنى عشان
كيفك اتذلنى وانا مش هعطيك الحج  ده ويكون فى علمك لو مطلعتنيش من مخك
هكرهك فى اليوم اللى اتولدت فيه  ولو محترمتش نفسك ومشيت وسيبتى هلم عليك
الخلق وحلنى لحد متثبت انى مرتك الجسيمه قدامها اربع ايام لولا متظهر يعنى انت اتكون فى المستشفى يا عسل
جونيد..يابت ال..
قاطعه عمار ..اهدى يابرنس خليها تروح مع راقيه عشان خاطرى ومتنساش اشار
له بتجاه ميداليه مفاتيح حامله حرف والدته
ففهم مايقصد عمار بانه لم يخبر اهله وهنا صمت لبرهه يفكر فوافق على طلبها مؤقت
اما نغم فكان قبولة للعيش وحدها اولى انتصاراتها
نغم....الله فى سماه الظلم اللى جالى منكم هيرجعلكم بس تستحملوا
.......
ربما ماتظنيه ظلما انقاذ لكى فان لم يتدخل القدر لكنتى اصبحتى زوجة لرجل لن يعطيكى قلبه ابدا
.......
ولكن الاخطر سوء الظن ..احذر سوء الظن قاتل  يولد بسببه النفور والكره فحاول ان تلتمس  للاخرين دائما الاعزار
...................................................
فى منزل عمار
كان عمار قد عاد من مزل راقيه
ممسك بيده يملس نفس مكان فم راقيه عندما عضته ويقرب يده ليستنشقها باعين مغمضه
وكانها تجسد راقيه فى الوقت ذاته راته مرفت فعقدت حاجبيها باستغراب من تصرفه
مرفت...ايه ابن المجنونه ده احم احم يا خلفتى الهبله
افاق عمار من احلامه  على صوت امه فانزل يده واكمل طريقه لغرفته يطلق صفير
مرفت....انت ياموكوس مش بكلمك
عمار...احم انا بتكلمينى انا
مرفت....وحياة امك امال بكلم الجيران
عمار رجع لها وضمها
عمار...يابسبوستى انتى متعصبه ليه
مرفت....لا متعصبه ايه ده انا هيجيلى الشلل منك عملت ايه شوفت راقيه
عمار ضاغط على شفته السفلى ومضيق عينيه .....اااه شفتها وبقولك ايه اتصرفى عايز اتجوز والله هفضحك فى السيده لو مجوزتنيش ده صاحبى اللى مكنش بيفكر فى الجواز اتجوز
مرفت واضعه يدها على جبين عمار بسخريه....ياعينى يابنى شكلك سخن
عمار....اخ ياحجه سخن بغلى والنبى ياختى قتيعه فى اللى بيحبوا على اللى بيفكروا يحبوا
مرفت...هههه لا ده انت حالتك بقت يتخاف منها روح نام
عمار....ايوه صح هروح انام ايوه بقى هقابلو بكره وبعد بكره لولولى
مرفت...يا ابن المجنونه
ذهب عمار وهو يغنى ويتارجح ويشيح يديه يمين ويسار
وبينا معاد
لو احنا بعاد
اكيد راجع ولو بيني وبينه بلاد
قصاد عيني في كل مكان
قصاد عينى فى كل مكان
قصاد عينى فى كل مكان
مرفت........علقت يا اهبل كمل
التفت لها عمار..ههههه مش حافظ غير الحتتين دول
مرفت...هههههههه
..........................................
فى منزل جونيد
فى غرفته
ظل شارد كيف له ان يتسرع فى مثل هذا قرار كيف له ان ينساق خلف مبدأه اللعين
الممنوع مرغوب
فلو لم ترفض تلك العنيده فكرة الزواج لما اصر هو.....نعم فهو يكره فكرة الزواج ولكن لم يتحمل ان تكون هى الرافضه وجزبه رفضها لسهولة موافقته يالك من غبى
جونيد...هههههههههههه اه لا مش مسدق انا اتجوز من واحده صعيديه ههههههههههههه لا وكمان رافضانى انا هههههه لا لسة متخلقش اللى يعند مع جونيد هجيبك ذى مترهنت عليكى الاول هجيبك
تحت ايدى وانا وانتى والزمن طويل يابت عيلة الحج وهدان
ههههههههههههههههههه
............
كانك عنيد انا على العناد تربيت
بدري عليك انزل الهامه واعلن خضوعي
منقول  المصدر مجهول
.............................
فى منزل عمار محادثه هاتفيه بين عمار وراقيه
عمار....السلام عليكم ورحمة الله وبركاته ياحرمنا المصون
راقيه بابتسامه...وعليكم السلام ورحمة الله وبركاته
عمار....وحشتينى
راقيه...انت لحقت مكنت عندى من شويه
عمار...ياصبر ايوب..يابت حرام عليكى اهدى عليا شوية ده انا غلبان ويكون فى علمك اللى هتعمليه فى فترة الخطوبه هيتردلك بعد الجواز فخلى بالك
راقيه...بتهددنى ياعمار
عمار....ايه ده انا اهدد لا ياقلبى انا بنفز دغرى.... قلت اكلمك اسمع بيبى اسمع بحبك مش اسمع دبش بتتخانقى بالكلام
راقيه...اها ده اللى عندى
عمار برقه....وانا بعشق اى حاجه تيجى من عندك حدفى طوب للصبح بردو بحبك
راقيه تجمدت الكلمات بفمها..ها
عمار...ها ايه ب ح ب ك بحبك اغنيها ..انت اللى بحبو انا انت اللى بحبو انا ساكن فى قلبى وروحى
راقيه وقد ازداد تلعثمها ودقات قلبها واحست بان ملامح وجهها غير ظاهره من الخجل
راقيه..انا  انا  انت
عمار..هيييييح سمعتك من غير متتكلمى تقلقيش هتنطقى لما تيجى بيتك يا نين عين قلبى
بقولك ايه اكتر اغنيه بتحبيها
راقيه ...ليه
عمار...انا بحب اغنية  حماقى  حبيتك يوم ما اتلاقينا
لما حكينا اول كلام
حبيتك واحلف على ده
تسمع زيادة ده انا مش بنام
ها انتى بتحبى ايه بقى
راقيه..ايه
عمار..ايه هو انا هاخد واحده واقعه على ودانها بتحبى  اغنيه ايه
عمار يحدث نفسه  (يلا بقى اسمع بحبك فى احلى اغنيه )
راقيه...احم  اغنية شيرين ما شربتش من نيلها؟ طب جربت تغنيلها
جربت فى عز ما تحزن تمشى فى شوارعها و تشكيلها
عمار بصدمه.. عملتلك ايه انا ليه كده اقولك بحب حبيتك يوم متلاقينا تقوليلى مشربتش من نيلها
اولع فى نفسى يعنى قبل منتجوز
راقيه...الله بقى اعمل ايه
عمار..لا انا هعرف اخد حقى بنفسى استنى بس شويه  لقدام تبقى قدام عينى فى بيتنا..لكن ايه رايك شوفتينى وانا بجوز جونيد
راقيه..ههههه اه شوفتك وانا شوفتنى لما الحج بيسال مين فيكم شورت عليه اهو
عمار...هههه اه جدعه لبستيه فى الحيطه
.................................................
فى الصعيد منزل وهدان
كان وهدان جالس ممسك بعصاه كالصولجان بكلتا يديه وواضع جبينه عليهما
كانت الافكار تدور براسه اشبه بما تسمى ساقيه مياه
لم يرغب فى ظلم صغيرته ولكن لم يجد سبيل اخر فان لم يقم بتلك الخطوه بتهديدها
بالقتل لتدله على الشاب ليزوجهما فكانت على الارجح ستقتل من اخيها لانه متهور نعم
لم يصدق انها
تفعل شىء مشين ولكن يكفى ان تنتشر تلك الاشاعه بين الناس فستموت كل يوم من نظراتهم
وهدان بتنهيده....اااه عارف عتجولى جدى ظلمنى بس يابنيتى اعمل ايه كلام الناس
كان هيبجى خناجر تغرز فى كل واحد فينا كان لازم اعمل اكده
وكمان شيخ البلد المخبول دة كل يوم والتانى ايغير فى معاد الصلح يجدم وياخر
فيه وبعدهاله
قاطع حديثه مع ذاته دخول قمر
قمر..جدى ليه عوجت اكده درعتنا .
وهدان....كنت بخلص حسابات مهمه
قمر....احضرلك وكل يا جدى اصلى امى ودتى عند ام سويلم
وهدان ...لا اطلعى اوضتك معيزش حاجه
قمر تحدث نفسها...واه ماله جدى حاسه فى حاجه
اه والله كل شبر فى البيت اتوحشوا صوتك وينك ياولد العم نفسى
اشوف صورتى بعنيك  واحس انك بضلل عليا برموش اعنيك ااه ياولد العم
من يوم افراجك الحياه بجد غم  لا لجمه ديجالها طعم
انت الملح للوكل والسكر للحلو اه ياولد العم جلبى بيبعتلك سلام وعينى من
غير رؤياك رافضه تنام
....................................................
طوى الزمن يوم بما فيه من احداث واعلنت اشعة الشمس عن بداية يوم جديد
استعدت نغم للذهاب لعملها وكأن شىء لم يحدث نعم فهى اقسمت وقتها خاصة بعد ان سجن اخيها ورفض جونيد التنازل عن البلاغ فقررت ان تذهب للمطم فترة الصباح وباقى اليوم تظل فى صالون التجميل مع راقيه
ذهبت لراقيه كالعاده ليسيروا سويا إلى العمل ولكن هذه المره كانت راقيه تستعد للخروج مع عمار 
نغم ...يلا ياراقيه مش عتندلى المحل
راقيه باستغراب يالا قوتك كيف لك ان تظهرى بتلك الملامح وكان لم يحدث شىء ولكن فضلت ان تغير هى الاخرى اى موضوع يمكن ان يملأ قلب صدسقتها ضيق
راقيه....اخ يانا ياما يابت هو احنا فتحين محل حلاقه اسمه كوافير
نغم....محل عاجبك ولا
راقيه....عجبنى ياقمر لكن ياكبيره هاخد النهارده اجازه يعنى لو ممكن
نغم....ليه ايكونش عيانه ايه الجلع ده
راقيه .....احم اصلى هروح اتفسح شويه مع عمورتى
نغم...هههه عمورتى والله والحلو طب
راقيه....يوه بقى خلاص مهو الواد يتحب بصراحه مسمسم وحلو كده بس على مين هطلع عينه
نغم....ههههههه ياساتر يارب ليه اكده منتى لسه بتجولى يتحب
راقيه. كانت على وشكك ان تبرر سبب غضبها البسيط من عمار لما حدث معها بالحفله ولكن فضلت الصمت حتى لا تزكر نغم باحداثها هى الاخرى
راقيه...ها لا هطلع عينه كده مزاجى
نغم...هههههههههه
.......................
من الاجمل ان تراعى كلامك دائما فربما كلمة تجدها هينه تقع اشد من السيف
على الاخرين رغم ظهور قوتهم
.............................................................
قرر نغم الذهاب للمطعم
وانتظرت راقيه عمار مر الوقت فوصل بالمعاد المحدد
بعد ان القى النحيه على كل من بالمنزل التفت لمحبوبته فاذ بصدمه
عمار...نهار مدوحس ايه
راقيه....ايه
عمار....هو الحجاب اتحرف امتى
راقيه بضيق....نعم
عمار ...نعم الله عليكى ..قصدى على اللبس ياروحى يعنى اوكيه معاكى انا لفت الحجاب جميييله مداريه شعرك حلو لكن القرف اللى تحت الحجاب ده ايه
راقيه....جيب ذى مقلت انت متلبسيش بنطلون
عمار...اللهى تنشكى فى صباع رجلك انا قولت تلبسى جيب بالشكل ده دى لاسقه فيكى بصراحه ربنا يخليكى لمصر وشبابها  انتى واللى بتلبس كده والبنطلونات معاهم  مش بتخلو نفسهم فى حاجه فرجه ببلاش
راقيه بغضب....عمار احترم نفسك انا لبست جيب عشانك
عمار....وانا مقلتش عايز تلبسى ليا انا انا عايزك تلبسى حاجه تليق بيكى كملكه تنسيش فى جميع العصور الملكات تتوجع بملابس ذات وقار ويتركن العرى للجاريات
وانا شايفك ملكه ومقبلش اى متسول يبص ليكى بطرف عين
راقيه وقد اطفأ بركان الغضب بكلماته يا الله تعلم كيف تجرح وتداوى فى ان واحد يالك من ماكر وديع
راقيه برضى.....بس انا مش معايا دلوقتى حجات غير دى
عمار بتنهيده....طب خلاص ننزل دلوقتى وهشتريلك حاجات على زوقى
وبعد نزولهم بوقت طويل حدث مالا يحمد عقباه كما توقع وقاحة من بعض الشباب ولدت داخله بركان كانت انصبت حممه عليهم  ولكن كما يقال الكثرة تغلب الشجاعه لتنشب معركه غير متكافأة الاطراف اربعة افراد مقابل فر واح
وسط الطريق
تعالت بعض الكلمات موجهه لعمار وراقيه
........اوعى ايه الصاروخ ده
.........صوت صفير.. اوعى الغزال
............دى معاها واحد ماشى هههه بقولك ايه متجيبها وخد نصيبها
تزايدت الكلمات وزادت راقية تشبس بعمار فهى لاترغب بالذهاب لهم ولكن كيف تستطيع ان تمنع اسد خرج من عرينه
راقيه...عشان خاطرى ياعمار يلا نمشى
عمار ...ابعدى بقولك ........ياولاد ال.......
اتجه لهم وزادت المعركه وكان عمار شبه منتصر فعددهم اكبر وما زاد ان احدهم باغته بالخلف ليلقى له ضربه بعصا
عمار ممسك رأسه اااااااااه
راقيه بصوت كاد من تحت الاض ان يسمعه....عماااااار
.................................................................
وصلت نغم المطعم ودلفت مكتبها وهنا كانت الصدمه لها لم تتوقع بعد ما حدث معها بالامس وما تعرض له هذا المجنون ان لا يهدأ ويداوم العمل فتخيلت انها لن تراه مره اخرى خاصة كونه يملك وظيفه مرموقه لن ياتى لهذا العمل ولكن ادركت انه لن يتركها فى نوبات هدوء لذلك بادرت هى بعقد النية للتخلص منه وربما الانتقام فبقدومه سهل الامر لها فهى رغم وجعها لاحظت ان مايدخله فى حالة جنون ان يدعس احد على كرامته فوجدت هذا الحل طرف الخيط لتخرجه من المكتب الصغير
دلفت الى مكتبها الصغير واتخذت مقعدها دون ان تلقى السلام كما توقع هو فبتسم وبدأ باول خطوه فى خططه ليعكر صفوها
جونيد...تؤتؤتؤ متخيلتش انه فى عروسة متقولش لعريسها صباح الخير
نغم تحاول تمالك انفعالاتها فهى تدرك ان تلك النصر لمن يصمد ولا يتسرع
نغم ......................
جونيد....طب ردى السلام ده حتى السلام لله
نغم .... المدير كان عايزك اتعدى عليه عشان حصر الحسابات الجديمه واتجيب منه دفتر الحسابات الجديده
جونيد....الله منتى حلوه وبتتكلمى ..بس لا ولا تسألى على دراعى من الرصاصه داخله شغل دغرى
تحرك من مكتبه اتجاهها خطوات بطيئة احست هى بانه يتعمد كلماته وحركاته ليرهبها الى ان مثل امامها مستخدم كلماته المعتاده ليجذب فتياته ولكن بغرض اغاظتها
جونيد بغمزه.....لا بس انا اول مره اعرف الصعيد فيه حاجات حلوة كده وتخصنى ..ههه ياحلاوة الصعيد ههههههههه فاكره الكلمه دى لابس طلعتى قوية
نغم بابتسامة سخريه ......ايوه معلش اصلى حدانا البت بمليون راجل لما تلاجى حد خرع بتساعده
جونيد متمالك غضبه فهى الاخرى ترد له الصاع صاعين 
جونيد بسخريه....صحيح الاستايل بتاعك فى البس يهبل  تحسى انه الليل طلع وسط النهار
نغم....معلهش بردو حدانا الراجل اللى حريمه تطلع كيف مبتجول ذى الليل محدش يجدر يشوف تجسيمات جسمها  مش ذى ناس كيف التيس يفرح لما يشوف حريمه متلونه باخضر واصفر
جونيد.................................
..................................................................
يتبع .........بقلم ولاء محمد