سندريلا ونيران الحب

19

سندريلا ونيران الثار
الحلقه 19
فى الحلقة السابقه دخل عمار معركه غير متكافئة
بينه وبين أربعة شباب
اتجه لهم وزادت المعركه وكان عمار شبه منتصر فعددهم اكبر وما زاد ان احدهم باغته بالخلف ليلقى له ضربه بعصا
عمار ممسك رأسه اااااااااه
راقيه بصوت كاد من تحت الاض ان يسمعه....عماااااار
سقط عمار على الأرض وبفضل صوتها تجمع حولهم حشد سارعوا بانقاذهم وفر الاربعة الشباب خوفا من الضرب
راقيه بدموع ...عماااار عمار رد عليا جثت ركبتيها على الأرض واضعه رأس عمار على قدمها... عمار اهىء  اهىء عماار
عمار.........بعد عشر دقائق بدأ يتحدث
راقيه ..اهىء اهىء
عمار..كح كح بطلى عياط انا كويس تقلقيش اخدونى على خوانه مش اكتر الحمد لله كويس
احد الاشخاص انت كويس يابنى
عمار ...الحمد لله ياحج
بعد ان انفض التجمع من حوله
راقيه...حبيبى اتخضيت عليك انت بخير ورينى دماغك اتعورت جبت دم
عمار متاوه ....اااه  لا سليمه متتخضيش ..بس قولتى ايه شالله يخليلك عيالك قولى قلتى ايه تانى
راقيه دامعه العين......اتخضيت عليك
عمار....والله فى كلمه عدت قبلها ولا اتشالت فى الدبلجه
راقيه  ...... ايه ها  لا   المهم انت كويس  بس اتبهدلت قوى وهدومك اتقطعت كل ده بسببى
عمار......لا تقلقيش انا مش هسكت هجيب حق البهدله دى
راقيه بخضه.......هتعمل ايه
عمار .......هشترى هدوم جديده
راقيه....ههههههههههههههههههههه
عمار بغمزه....هههه طب مفيش مكافأه على الدئلجه اللى حصلتلى بسببك
راقيه.....بعينك
عمار....عارف هى اصلا جوازه محسوده
ام سعد عينها راشقه
راقيه..طب هتفضل قاعد كتير قوم نمشى الناس هتتلم علينا تانى
عمار....
.........................................
فى القاهره
فى المطعم ..مكتب الحسابات
جونيد متمالك غضبه فهى الاخرى ترد له الصاع صاعين
جونيد بسخريه....صحيح الاستايل بتاعك فى البس يهبل تحسى انه الليل طلع وسط النهار
نغم....معلهش بردو حدانا الراجل اللى حريمه تطلع كيف مبتجول ذى الليل محدش يجدر يشوف تجسيمات جسمها مش ذى ناس كيف التيس يفرح لما يشوف حريمه متلونه باخضر واصفر
جونيد وقد تصاعد من رأسه الادخنه فلقد ألقت له  بطريقة غير مباشره مالذ وطاب من الشتائم
كور يده وضرب بها المكتب من الغيظ وضغط باسنانه على شفتيه تنفيس للغضب فهو لا يرغب بأن يتسرع بالرد حتى لا يفقد فريسته وأصبح لديه يقين تام ان منافسه ليس هين وإن معركته تحتاج الهدوء  وان كان مصطنع  بان يتخلى عن عصبيته فتمالك غيظه قدر الإمكان.
جونيد.جازز على أسنانه.....هو الحج وهدان معرفكش تردى ازاى على جوزك
نغم .....وأنت واخد الكلام عليك ليه ولا اللى على رأسه بطحه بيحسس عليها
جونيد معتدل فى وقفته....ياصبر ايوب
نغم بضيق.....بجولك ايه الحديت مبيخلصش روح هات الدفاتر الجديده من حدا المدير وعاود نكملوا الحديت وتكون فكرت عتتكلم فى ايه اصلك شطبط من الكلام
نظر لها جونيد رافع إحدى حاجبيه ايه ده هو فى كده
خرج دون ان يتحدث لقد اكتفى من ردودها  سريعة البديهه تنتقى كلمات تقع كالصفعه على الوجه ومع ذلك انتقى لها مايماثل طريقتها ولتكن الحرب بينهم متكافئة والنصر للأقوى
ذهب للمدير كما ابلغته وبعد فتره عاد بدفاتر جديده ثم حمل الدفاتر القديمه ليحصل على إمضاء الموافقة  والانتهاء
ولكن بعد خمس دقائق  كانت تنتظر نغم ان تسمع صوت مرتفع ثم أحد يأمر بصرف راتب وعدم القدوم مره أخرى..
نغم....ايه اللى حوصل مفيش صوت ليه مش المفروض يشتم ويطرده
مر الوقت وأتى جونيد حامل ابتسامه صغيره ويطلق صفير
ثم يدندن
أما نغم فكان وجهها عبوس يحمل مائة سؤال
جونيد....مالك مكشره
نغم...وده يخصك فى ايه وشى وانا حره اكشر أضحك خليك فى حالك
جونيد...لا ميخلصنيش اشوفك مكشره قولى عايزه ايه وانا اقولك
نغم.....اللهم طولك يا روح ياجدع انت مبتحسش مش عايزه اتحدت معاك
جونيد....طيب براحتك ...بس انتى اكيد كنتى مستنى المدير يطردنى صح
نغم ...ها
جونيد متجه لمكتبها..ياحبى دى خطط قديمه انك تبوظى الحسابات علشان اطلع حرامى واطرد .نسيتى فى تكنولوجى يعنى انا من النوع اللى بيحب يعمل الحسابات على الجهاز ويكون معايا نسخه على الفلاشه ضمان لو الجهاز اتفيرس لا قدر الله..صدرت ضحكه مستفزة ثم أكمل حديثه...هههه يعنى الدفاتر والغلط فيها مش قضيه مهمه بس حركه حلوه منك علشان تخلصى منى استمرى بس حاسبى لتتعبى
نغم تصطنع الهدوء......لا منى كنت عارفه اللزقه مبتطلعش من الجلد بالساهل
جونيد...هههههههههههه كويس انك عارفه ..انا هروح اجيب قهوه اجيبلك معايا
سار عدة خطوات ثم التفت لها بابتسامه ساخره. .هجيبلك فنجان
بعد ان خرج من الباب ولكن قبل ان يغلقه تأفأفت نغم بضيق
نغم...أباى عليك عيل غتت كيف الجلة
ولكن يبدوا انه لم يخرج بعد فتح الباب وبهدوء...اوه ميرسى على الاطراء ده استمرى
.................
نعم ياله من إنسان شده فى الدهاء أختار سلاح الأعصاب ليبارزها به فمنذ أن رآها تيقن أن الفتاه ليست ضعيفه بالقدر المعروف بل تخفى قوتها وتظهرها وقت الحاجه لها..فهى من استطاعت أن تغير مجرى حروب فكيف يستهان بها اليوم
........................................
فى القاهره
فى وسط الطريق
راقيه....هتفضل قاعد كتير قوم نمشى الناس هتتلم تانى
عمار.....اه والله نسيت انى قاعد فى الشارع ..خودى بايدى وقفينى
أمسكت راقيه يديه ولكن فرق القوى جذبها اتجاهه دون قصد
فسقطت عليه وتمدد جسده على الأرض مره اخرى ولكن سرعان ما اعتدلت لتقف دون النظر له .
اعتراها الخجل وتملكتها دقات قلبه للحظه كانت قريبه تتلصص فى سمع تناهيد قلبه وكأنه سأجد بعد الصلاه يدعوا الله لتكون له.ما هذا الشعور هل يدق القلب ام ينادى باسمها للحظه تاهت فى عالم آخر
عمار.غير مدرك ماحدث هل اقتربت منه حقا وأن كان خطأ فلقد كانت على مقربه منه شعر هو بانتفاضه اكبر هل الحب يسكن القلب ام القلب يسكن الشوق اه ارحمى فؤاد المتيم بك اريحيه بابتسامه.
.......
أنا عاشق حد البكاء
وحبيبتي يوماً ستأتي
كي تبادلني الوفـــاء
أنفاسها إحساسها بركان نار
لا لا تدخلي مدني
لا لاتسرقي زمني
كاظم الساهر
....
قرر العوده للواقع بعد السفر للحظه فى بحر الهوا
عمار...ااااه حيطه وقعد عليا  بقولك خودى بايدى مش تموتينى راقيه. ...هو انا وقعت بكيفى قوم متبقاش خرع
عمار ...خرع طيب يابت الأستاذ أحمد مسير الحلو يحن فى يوم
بعد ان نهض قررا السير معا فتره إلى ان يصلا لمطعم
..................................
فى الصعيد .
كان وهدان بالأرض الزراعيه يباشر العمل
وهدان. .....سويلم خد اهنيه عايزك
سويلم.....ايوه يابا الحج خير
وهدان....روح عند عمك محسب هات دور شاى للرجاله وهات غموس معاك خليهم يبلوا ريقهم.
سويلم...حاضر يابا الحج. ..إلا قولى يابا الحج اسمعت آخر خبر
وهدان....فى  ايه مالك ياسويلم ابجيت كيف النسوان فى حكيك
سويلم....واه أكده يابا الحج
وهدان....خلاص متتحمجش جوى جول خبر ايه
سويلم.....هاشم وحسنين اندلوا قنا ايبيعوا محصول القصب
وهدان.....روح ياسويلم هات الشاى افتكرت الدنيا بتولع
سويلم....بس يابا الحج بيجولوا هاشم عيدور على عروسه
وهدان....احسن خليه يتجوز ويتهد لما يخلفلوا عليين
سويلم......بس يابا الحج اجيبلك شاى مع الرجاله
وهدان. .سويلم روح اعمل اللى ياجى على كيفك واطلع من نفوخى
....................
فى مطعم على الطريق
تملك عمار الحزن بعض الشىء وظهر ذلك على ملامحه فما دعى راقيه لسؤاله
راقيه...عمار فى حاجه مزعلاك
عمار...لا بس كان نفسى تكون الحاله الماديه احسن من حد يمكن كنت قعدتك فى أحسن مطعم وركبتى عربيتى لو معايا عربيه  بدل المعاكسات
راقيه...وتفتكر لو معاك كل ده كنا اتقابلنا وبقيت نصيبى تفتكر لو كان معاك كل ده هتبقى حلو كده وبعدين مالها عربية الشعب حلوه
عمار.....ياخبر ابيض الكلام ده ليا اه أه  قلبى وبعدين عربية الشعب بلبسك ده اتنيلى هناخد تاكس بس انا بعد الكلمتين دول عايز اعمل الفرح النهارده يا ابن المحظوظه يا كازانوفا
اتجوز فى يوم وليله
راقيه....تصدق انا مش مقتنعه انه الكبيره توافق اينعم حاسه انها اضغطت بس واثقه استحالة هتوافق تعيش معاه وبعدين متزعلش صاحبك ده مش بطيقه
عمار.....ههههههه اللى انتى متعرفهوش جونيد عنيد ودماغه مسافره هيعمل اى حاجه لو عايزها تعيش معاه ..انتى مش طيقاه علشان متعرفيش قصته لا بجد مكانش كده خالص بس الدنيا بتغير
راقيه....ايه كفايه انت بدلل عليه مهما قلت مش بطيقه
عمار....وانتى تطقيه ليه مش مكفيكى انا
راقيه....أنت عندى بالدنيا كلها  .
عمار...الله اكبر هو انا هموت ولا ايه براحه عليا
راقيه.....ههههه طب وأنت حاسس ايه
عمار .. ...انا معاكى زى مبيقول القيصر
انا طفلك انا راجلك
انا بعضك انا كلك
غير حبك غير حضنك
ما الي بها الدنيا دار
انا بالحب أكون او لا اكون
......................................
فى القاهره  فى المطعم
مكتب جونيد ونغم
مر الوقت ولم يحتك احدهم بالآخر إلى أن قارب موعد المغادرة
قرر جونيد ان يشاكسها بعض الوقت فلم يرى فتاه تظهر قوتها مثلها فاغلب من التقى بهن يتصنعن الهدوء والضعف وربما حتى من أعطاها قلبه كانت حيه فى الدهاء ولكن تتفنن فى رسم ملامح الضعف على وجهها أما هى على خلاف ذلك تبث الثقه فى نفسها طوال الوقت مما زاد تمسكه برهانه العين
خارج المكتب
جونيد ..سار اتجاهها ممسك يدها......احم بقولك ايه متيجى نروح مع بعض وتنورى بيتك زى اى ست عاقلة متجوزه
جحظت عين نغم ربما فهمت إلى مايرمى بكلامه او ضايقها كونه أمسك يدها ففى كلا الحالتين قررت أن تجعله يفكر الف مره قبل ان يدنوا منها ويفكر أن يتحدث
فجأه أخذت تصيح بصوتها العالى
نغم....بالهوى ياناس غيتونى الحجونى
جونيد بتعملى ايه
نغم ...احلى واجب هعملوا معاك
بمجرد سماع صيحاتها التف حولها حشد هائل متسائلين عن سبب صراخها أما هى استغلت إمساك جونيد يدها وبدأت تتصنع البكاء.
نغم....الراجل ده بيعاكسنى وكان عايز ياخدنى معاه غصب بيته وانا ماعرفهوش
بعد كلماتها أسرع أحد الشباب الإمساك بجونيد من ياقته موجه له لكمه ثم كلمات
....هى وصلت السفاله وقلة الأدب لكده تعاكس بنات الناس وتتعرض لهم
تربعت ابتسامه شماته على وجه  نغم أما جونيد وضع يده على موضع اللكمه وابتسم بكل هدوء  مما زاد من حيره نغم لما انت مبتسم فى ماذا تفكر
بعد حالة صمت من جونيد فجأه امسك يدها مره اخرى أمام الحضور مصطنع الندم والترجى
جونيد. .قدام الناس بقولك سامحيني مقصدش ازعلك بس حرام تقتلى ابننا
نغم بدهشة وتسحب يدها من بين  يده ...ابن مين
تركها واتجه لأحد من الحشد يرضيكى يا حجه عايزه تسقط علشان زعقت فيها ومش عايزه تروح البيت وبتقولى هلم عليك الناس ومش هيسدقوك
جحظت عيناها وفتح فمها على مصرعيه يا لها من مفاجأة ماكر أجاد لعبتها
نغم.........عتجول ايه انت
جونيد ..... مافيش داعى تخبى انه متجوزين عرفى وكنت عايز أخدك غصب للمأزون
احد من المشاهدين. .....استغفر الله  العظيم حتى لما عايز يكتب ويسترك بعد اللى عملتيه مش راضيه بنات ايه دى
نغم....ايه الجنان ده محوصلش حاجه وبعدين ده جوزى على سنة الله ورسوله مش كيف مبيجول
جونيد....الله اكبر سمعت يابرنس ياللى بتضرب من غير متتاكد اهى اعترفت أننا متجوزين
أحد من الحشد ..لا حول الله ارجعى يابنتى مع جوزك مش علشانه علشان اللى فى بطنك
نغم...واه مفيش حاجه من أكده خلاص منجيلكمش فى حاجه وحشه عطلناكم
اما جونيد فكان يكتم الضحكات بصعوبه أخيرا وجد هو الاخر طريق لمجاراتها بإتباع خطواتها
جونيد..هههههههه شوفتى انا كمان أقدر اعمل ايه
سلام يانغومتى هههههه
.....................
لا تستهين بعدوك مهما كانت مكانتك بالقمه وهو بالقاع فربما حركة واحده تقلب الأمور رأسا على عقب
.........................
انتهى اليوم وتسارعت الأحداث الى ان مر ثلاثة ايام
ثلاثة أيام واحدهم ملقى بالسجن ثلاثة ايام لتنفيذ ميعاد منتظر ثلاثة ايام لموافقة حدوث كارثة ثلاثة ايام لم تذهب خلالها نغم للمطعم او الصالون لذلك قرر عدوها الوسيم الذهاب لها
بنفسه ولكن فضل أن تكون الزيارة فى عتمة الليل ليس طارق على الباب ولكن بطرق اخرى؟؟؟؟؟؟
........................
يتبع ......بقلم ولاء محمد
. . ..