سندريلا ونيران الحب

20

سندريلا ونيران الثأر
الحلقه 20
توقفت الحلقه السابقه عند مرور ثلاثة ايام على نغم وهى لم تغادر منزلها ولم تذهب لعملها  بسب اخر تصرف له فقررت ان تترك له العمل بما انها فشلت فى اخراجه فقرر عدوها الوسيم الذهاب لها ليس طارق على الباب ولكن متبع وسائل اخرى فى منتصف الليل....
كان الهدوء عم المكان فقام بتنفيذ خطته المجنونه تسلق كاللصوص إلى أن وصل شرفة الشقه وتسلل إلى الداخل ولكن قبل دخوله توقع أن تكون نغم نائمه فيعمل على اخافتها ولكن اوقفه هيئتها فكانت على عكس ماتخيل ان تكون نائمه مرتدية ملابس عاريه ولكنه وجدها على سجادة الصلاة تصلى قيام الليل وقف لحظة يتأمل معنى الجمال الحقيقى فهى تشبه الملائكة بالوجه المضيء ويدها المرتفعه بالدعاء ما أجمله من مشهد نظر من خلف الستائر مبتسما هل يوجد مثلها ..بعد أن أنهت صلاتها أزاحت من رأسها الحجاب كان شعرها عباره عن ضفيرة سوداء تصل لخصرها ترتدى عباءة منزلى بها جيوب بجانب الخصر تستطيع وضع يدها كالاطفال...مازال متفرج هل تلك الفتاه الطفولية نفسها من تجادله وتملأ عيناها القوه كاد أن يضحك ولكن تحكم بضحكته إلى أن رآها تتجه لسريرها وتضع بجيبها شىء ولكن لم يميزه.. ثم قبل ان تخرج من الغرفه قرر ان  يبدأ فى خطته فخرج من خلف الستائر وجزبها من يدها واحاط خصرها فكادت ان تصرخ فقام بوضع يده الأخرى على فمها...
نغم....ممممعممممم
جونيد.....ششششش صوتك هتلمى عليكى الجيران ويلقونى معاكى شكلك هيبقى محرج قوى
هشيل أيدى من على بوق بس متعمليش صوت يا إلا أقسم بالله اقلع هدومى واطلع لهم عادى ها
هزت رأسها بالموافقه ليخفف قبضته من عليها وتستطيع التحرر ثم ابعد يده
نغم...بعد عنى ...ازاحته بقوه
جونيد...تؤتؤ عيب مفيش عروسه تزق عريسها كده عيب
نغم بضيق.....عرسة اتجطم ودانك ان شاء الله
جونيد بضحكه يملؤها الغرور. هههه وماله اكيد هتاجى معجبه
نغم....امشى من اهنيه احسنلك ادينى نبهتك
كان جونيد يجوب بنظره على وجهها الغاضب وهو ينوى أن يجعلها تثور أكثر اقترب بيده من وجنتيها مداعبها
ولكن وجد آخر ماتوقع إذ بشىء صلب يقتحم بطنه
فجحظت عيناه ورفع يده استسلام نعم سلاح فهو لأيبعد  من جيبها وأسفل وسادتها
جونيد..مسدس بترفعى عليا مسدس كده غلط على فكره مش هيعجبك رد فعلى
نغم بتهكم...بجولك ايه شيلنى من ادماغك عشان متتعبش
جونيد بابتسامه مستفزة. ...اموت انا فى القوى
نغم وقد وصلت لحد الاكتفاء من تلميحاته اللئيمه. ...عتطلع من اهنيه برجليك ولا عايز تطلع شايلينك اربعه.
ابتعد عنها ملقى جسده على السرير  وأضع كفيه اسفل رأسه
جونيد...ولا تقدرى تعملى حاجه امسكى المسدس كويس إيدك بتترعش
نغم.....اباى على البرود ..لو سمحت يا استاذ جونيد ميصحش امشى
جونيد ....انتى هبله صح انا جوزك على فكره
نغم بسخريه. .....شكرا على الاضافه اتفضل بره
جونيد.....لا هبات هنا
جحظت عين نغم عتجول ايه اتجننت
جونيد...
......................................
فى الصعيد منزل وهدان
كان هذا اليوم أصعب أيامه فكان من ضمن الثلاثة ايام التى مرت هذا اليوم يوم الصلح كارثة بالنسبه له ظل جالس وأضع يديه على صولجانه (عصاه) مريح رأسه على يديه مغمض العينين يتذكر القرار الكارثة الذى أشاد به حسنين
.................عوده للوراء
بعد ان أنهى شيخ البلد خطبته عن الثأر وعن مدى الرعب المسبب لأهل القريه توجه لكبار العائلتين بالحديث
شيخ البلد.....ها جولتوا ايه عشان يرجع الود
حسنين مدرك أن طلب الكفن سيرفض فاشار بطلبه الاقوى فى التنفيذ.......انا بجول عشان الحج وهدان كان حبيب العيله بلاش احكايه انه بدر ايقدم كفنه خلينا انرجع الود بالمصاهره
صمت الجميع وتجمدت كلمات وهدان فإن الطلبين أشد قسوه إحداهما يمكن قتل بدر والآخر تقديم حفيدته قربان
اللعنه على تلك عادة تقتل البسمه وتقتل الحب تعلن جفاء القلوب من عقولكم ترضيكم مطالبكم هل حقا تريد المصاهرة ام تريد قربان .
وهدان أخيرا خرجت من فمه كلمات......كيف يعنى
حسنين بابتسامة شيطانيه....يعنى ولدنا هاشم للمحروسه قمر ها جولت ايه نجروا الفاتحة
شيخ البلد.....عين العجل والله طلب سليم واكده نجفل بحر الدم وافج ياحج على خيرة الله
وهدان بعد تفكير  الأغرب.  أعلن الموافقة
وانتهى الصلح بإعلان قرار عقد القران بعد اسبوعين
يالله هل تصل القسوه والكرة بأن يقدموا روح الفتاه قربان لصلحهم وبدون ضمان ان تعيش بكرامة أليس لها الحق ان تتكلم أليس لها الحق ان تحب غلفت القلوب .
وبعد أن عاد من الصلح فجر هذا الخبر كقنبله بالمنزل
وكادت أن تصاب المسكينة بانهيار ولكن فضلت الانسحاب من المواجه بالاغماء
قمر بعدم فهم........عتجول ايه ياجادى
وهدان...عجول عرسك على ولد عيلة مهران بعد اسبوعين
قمر بهستيريه ودموع.. ....لا لا لا معجوش لا يستحيل أكون لحد تانى بتتمسخر عليا ياجدى صح جول
وهدان بجفاء.....اتخبلتى ياك ده صلح هيبجى مسخره كيف وبعدين لو مجوزتيش بدر عيطلع بكفنه ومين عالم عيجبلوه ولا هتبقى فرصة يكتلوه برضاه
قمر.....وقد علقت بفمها كلمتين ...يكتلوه لا اتجوز لا لا لا لأ
إلى أن تمددت على الأرض رافضة الواقع
...........عوده للوقت الحالى
وهدان.......اااااه بكره مخبى ايه تانى ولما تصحى البت الصبح عتعمل ايه
............................
فى منزل عمار كان ممدد على فراشه تتملك وجهه ابتسامة رضى فخلال تلك الأيام أخذ قرار مصيرى بتحديد يوم زفافه بعد يومين لقد اكتفى من رؤية زهرته ولا يستطيع استنشاقها
ويحدث راقيه....
عمار.....ايه بقى
راقيه...ايه
عمار....ايه انتى ارحمينى مفيش كلمة حلوه ده حتى بدأ العد التنازلي وتشرفى بيتك ياشابه
راقيه....ولا نص كلمه انا قلتلك يوم الخناقه كفايه
عمار....ايه يابت ده انتى مفروسه من حد بطلعيهم عليا ويعنى لازم اعمل خناقه كل يوم علشان كلمه حلوه..بقولك ايه يكون فى علمك كل ده كبت هيطلع عليكى فحاولى تكترى دلوقتى بكلام حلو احسنلك
راقيه......عمورتى
عمار....يا عيون عمورتى يانن عين عمورتى
راقيه...بلاش تلبس التيشرت الرصاصى تانى
عمار....اشمعنا
راقيه....فى واحده رخمه كانت بتقول عليك حلو
عمار.......ياتى كميله بتغيرى يا حلوه امال مطلعى عين اللى جبونى ليه
راقيه.....بحبك يا أغلى حاجه عندى
عمار...............
راقيه....ألو عمار عمار
عمار.....عمار غير مستوعب حاليا يرجى إعادة الكلمات حتى يستعيد وعيه مرة أخرى
راقيه..هههه
................
فى القاهره
منزل بدر
نغم.......شكرا للاضافه اتفضل أطلع بره
جونيد ......لا هبات هنا
جحظت عين نغم...اتخبلت فى مخك باك
جونيد.....هههه حاجه ذى كده بصى باختصار جدك اتصل بيا وده بسبب انه موب بدر معاه فى السجن وهو الناصح معاه رقم  موبايلى يوم كتب كتابنا ها يعنى يوووم جوازنا وقالى عايز اكلم نغم فقولتله بتاخد شاور الأر طلع بيفهم قالى يابنى هتصل بكره الصبح ..
نغم باستغراب جدى عايز ايكلمنى ليه
جونيد.ها امشى وقوله حغيدتك بتنام فى شقه غير شقة جوزها شوفى هيفكر فيكى ازاى
نغم بعد تفكير وباستسلام. .....يارب صبرنى اكيد ده ذنب بيخلص اتفضل نام بره
جونيد بغمزه....طب منام هنا
نغم ....ابراحتك وانا أطلع برا
جونيد بتنهيده وصوت ناعس...لا ننام ها
وظل يقترب بخطوات اتجاهها
نغم لو عتجرب شبر واحد يبجى اتشاعد على روحك
جونيد بضحكه....ههههه اتنيلى هو انتى تقدرى تقولى فرخه وبعدين انا مش جاى ناحيتك انتى واقفة عند الباب وانا طالع بره وبعدين بتفكرى فى ايه ..ثم اتجه للخارج..بقولك بلاش نبرة التهديد معايا مش هتمشى.
..خرج جونيد مبتسم وكأنه لايعرف مصدر الابتسامه سوى من اغاظتها ربما أصبح متعلق بها وربما يرغب بأن
يبلغها بشىء لا يعلمه
سأخبرك سرا إننى اخون كبريائي فى الخفاء ..واتبع قلبى ليطمأن عليك.....مجهولة المصدر
.................................
مر الوقت الى أن انقضى الليل بشروق اول شعاع للشمس
فى منزل وهدان كانت قمر مازالت نائمه ويبدو أن حديث وهدان امتزج مع أحلامها ليصبح كابوس
.....فى الحلم
كان بدر حامل قماش ابيض بين يديه (كفن) وعلى سطحع سكين .يسير ببطىء اتجاه حسنين وهشام ثم بعد ان اقترب جث على ركبه واحده رافع كلتا يديه بمحتواياتها ومطئطىء الرأس
ياله من مشهد يخفق القلب لرؤياه من الخوف
فامسك هاشم السكين ووجها لرقبة بدر
بدر....اهو ياصاحبى كفنى
هاشم....وتفتكر بالساهل هنتصلح
بدر.....الدنيا ما عاد فيها صلح
وبعد تلك الكلمات كانت السكين تحمل لون دم بدر
قمر. ...بدر لاااااااااااااااااا
الواقع.......
استيقظت من نومها تتصبب عرق أعوذ بالله من الشيطان الرجيم
أعوذ بالله من ده كابوس
يارب تعبت فى الاتنين هموت يجبل اجوز وأموت من فرجتى ليه يا أرفض وأموت من حرجتى عليه يااااارب جوينى اخد جرار..
...................................................
فى منزل بدر
استيقظت نغم من نومها كالمعتاد مبكرا ولكن تلك المرة
لم تستطيع الخروج من غرفتها حيث انها بمجرد فتح الباب اغلقته مره اخرة فكان جونيد نائم  فى الصالون مغمض العينين ولكن مستيقظ بدلا من أن ينام بغرفة بدى عارى الصدر لا يرتدى غير بنطاله ...فلم تستطيع
أن تخرج من الإحراج  فظلت تنادى من داخل غرفتها يرتدى شىء إلى أن أستيقظ
نغم....ياواقعه مرابره ده ايه اللى خلاه اينام بره أكده
ايكونش بيت أبوه
يا استاذ جونيد..ياجونيد ..يلى بره
جونيد يتصنع الاستيقاظ........اممممم
نغم ....عايزه اطلع
جونيد....هو انا حوشتك
نغم....استر نفسك بخلجات
جونيد....ههههههه لا انا قليل الأدب انتى مالك
نغم .....اللهم طولك ياروح معلهش بس لوسمحت
جونيد....هههه حلو جو الاستسماح ده ماشى
قام بارتداء ملابسه وخرجت من غرفتها وجهزت الفطار إلى أن قام وهدان بالاتصال وحدثها على ما حدث قاصد التماس الحنين فى قلبها لتحاول إخراج بدر ولكن ما زاد خوفها حالة قمر فهى تعلم كم تعشق بدر وان ما تمر به كارثه لابد من حلها
نغم...يارب اعمل ايه ياحبة عينى يا قمر اجول للغتت ده طلع بدر عيوافج ولا عيزلنى اجوله ولا لا
...............................
كانت راقيه وووالدتها فى منزل عمار بناء على طلب مرفت لتناول العشاء ولكن طلبت راقيه الدخول للمطبخ لتعد هى العشاء وكان عمار جالس بالصالون معهم فى انتظار قدوم احمد وانتهاء راقيه من اعداد الطعام ومثل العادة أبى ان يجلس بهدوء بدون صنع اى حيل تقربه من راقيه
عمار...كح كح
مرفت....فى ايه مالك أشرب ميه
.......سلامتك يابنى
عمار....الله يسلمك ياحماتى هقوم أشرب واجيب شفشق اصلى مفيش هنا
ذهب بابتسامه للمطبخ فكانت تلك من حيله ليرى محبوبته
فذهب بفرحه وهدوء  ليقف خلفها بدون انتباه منها
عمار بهدوء......جعان خلصتى أكل
راقيه من المفاجأة كادت أن تقع فامسكها عمار لتصبح بين احضانه
راقيه....بسم الله الرحمان الرحيم 
عمار....ايه شوفتى عفريت وبعدين انتى قاصده تيجى فى حضنى
راقيه وقد تملكها الخجل.....أنت ايه جابك هنا ابعد
افلتها عمار عندما وجد أن وجهها أصبح بلون الصلصة التى أعلى الموقد
عمار....كنت هموت من الشرقه فجيت أشرب
راقيه...التلاجه وراك هنا البوتاجاز يا استاذ
عمار......ياشيخه مكنتش واخد بالى طب مش عايزه مساعده
راقيه.....لا شكرا واطلع لمامتك تيجى وتشوفنا هيبقى شكلنا مش حلو
عمار.....أخ يانى ياما هو احنا مش خلاص حددنا يوم الفرح
راقيه....ايوه حددناه يبقى اطلع احسن اكب عليك الزيت
عمار ....ياساتر يارب طالع بس افتكريها ها ليكى يوم
.....................................
يتبع............بقلم ولاء محمد.