سندريلا ونيران الثأر
الحلقه 26
فى الحلقه السابقه
كانت صامته لبعض الوقت تفكر فى طريقة دفاعه
عنها.للمرة الثانيه مره أمام أخيها ومره أمام جدها
تتعجب من ظهور الخوف فى عينيه عليها ثم سرعان تبدل
هذا الخوف لعناد كالاطفال
صعدت معه الدرج ونست انها دبرت مكيده
له بوضع زيت على إحدى درجات السلم
فكانت الكارثه بعد خمس دقائق من صعود اولى
الدرجات ثم الثانيه
واحد ...اثنان...ثلاث...أربع...
عاااااااااااااااااا
بعد صدور تلك الصرخه هرول الجميع تجاه مصدر الصوت
اتت نعمات من المطبخ....جيب العواجب سليمه يارب
كادت سعدية ان تقع وهى تركد لترى ماحدث...ايه اللى حوصل مين عيصوت
اما وهدان توجه للدرج بفزع ...ياساتر يارب جرى ايه
اتت قمر من غرفتها بسرعة البرق ..ايه فى ايه
كانت نغم على وشك السقوط لولا يد جونيد التى التفت حول خصرها بقوه ليجذبها تجاهه بعد التواء قدمها ونزولها درجه واحده
نعم بدموع....عاااااااا رجلى رجلى
جونيد بخوف....متقلقيش موقعتيش جامد لحقتك
وهدان ....طلعها فوج هشيع للدكتوره اتشوفها لتكون اتكسرت
سعديه تضرب على صدرها....ياندامتى يابتى عين وصابتك
قام جونيد بلف يده حول ظهرها واليد الاخرى اسفل قدمها لتصبح بين احضانه
نغم من بين المها ادركت انها تحمل بين يديه
نغم بخجل....عتعمل ايه هملنى اتسند سنيد
.................................
وتلك من الكوارث ان يتفنن الفرد فى نصب المكيده
ومن ثم يقع هو فيها
...........................................
جونيد بغضب وكانه ادرك انه ليس مجرد حادث...اششششش اطمن عليكى الاول وبعدين نتناقش
رفعت عيناها لاول مره تصبح امام ناظره مباشره بتركيز وكانها صدمت لرؤية لون
عيناه عن قرب فهى على الرغم من انها حالمتان تتميز بالخفوت واللون الرمادي الممزوج بالعسلى
الا انها وجدت فيها القوه والخوف ابتلعت ريقها صعوبه وهمت باغلاق عيناها حتى لاتسحر به
نعم فهو من سلالة مهران التى على الرغم من قسوة رجالها ولكن وهبهم الله جمال العيون
حتى هو كانت تلك اول مرة يدرك لون عيونها التى تشبه سواد الليل ذات النظرة القوية الجريئة ولكن تلك المرة رأى خجل يكسوها فكاد قلبه يتوقف
صعد بها مسرعا للغرفه وخلفه نعمات وقمر وسعديه
وضعها على الفراش ببطىء
جونيد بخضه....ورينى رجلك
نغم موجهه نظرها للبقيه...لاع
جونيد تفهم نظراتها...احم بعد ازنكم عايز شوية تلج وشريط ضاغط ويفضل تنتظروا برا لحد متيجى الدكتوره
اغمضت نغم عيناها من جرأته باخراجهم من الغرفه وظلت تغمغم بكلمات وتتاوه من الالم
احضرت قمر جل ماطلب وقامت سعديه باخراج نعمات وقمر واغلقت الباب
جونيد .......هاتى رجلك احطلك التلج يلطف من الالم
نغم بعند ووجع........لاع
جونيد بضيق...........اووف هو انا بقولك هعملك تنفس صناعى انا بقولك هاتى رجلك
نغم ....حاسب على كلامك ياجدع انت عيب
جونيد بخبث...ايه عيب تنفس صناعى دى إسعافات .هاتى رجلك اخلصى
نغم بضيق...لاع البعيد مبيفهمش
جذب قدمها بالقوه ليضع الثلج فتاوهت
جونيد...سورى مش قصدى اوجعك بس دماغك عايزه الكسر
نغم ....بس ميصحش مش من عاويدنا انخلى رجالتنا تنحنى تحت رجلينا
جونيد بابتسامه لكونها تابى ان تجعله يمسك بقدمها
جونيد...........ومين قال هنحنى تحت رجلك كل الحكايه انه انتى مراتى وليكى حق عليا انى
اخد بالى منك ومش عيب انى ادلك رجلك طالما ده حقك
واثناء الحديث كان قد انهى تدليك قدمها بالثلج وربط الشريط حول قدمها
ثم هم واقفا بغمزه....خلصت بس المرة الجايه لما تعملى مقلب فكرى فيه كويس
نغم بصدمه..... مجلب ايه
جونيد يتحرك يمين ويسار..مقلب كده يمكن تكونى فكرتى فيه بسبب اللى حصل بالليل يمكن عايزانى اتكسر ولا حاجه
نغم تتصنع عدم الفهم......عتجول ايه اطلع شوف جدى
جونيد بابتسامه....اممم يعنى مش فاكره حاجه اشار على شفاهه
ابتلعت ريقها عندما تزكرت جرأته على تقبيلها وتحول وجهها عدة الوان من وقاحته
نغم....انت جليل الحيا
جونيد بابتسامه....يعنى فاكره طب كويس افتكرت انك نسيتى اروح بقى اشوف الحج وهدان صار تجاه الباب
نغم ....عيل رخم
جونيد استدار اتجاهها....العفو ...هى دى شكرا بتاعتك بعد مضهرى اتقطم وانا شايلك
وقبل ان ترد وصل وهدان ..اتفضلى يادكتوره
دكتور.........السلام عليكم
جونيد.نغم....وعليكم السلام
قامت بفحص قدم نغم
لا تمام ده التواء بسيط فى الكاحل وكويس انكم عملتلولها الاسعافات انا هكتبلها على
كريم للكدمات مش اكتر
جونيد....تمام شكرا لحضرتك
الدكتور....العفو ..خودى بالك من نفسك يا استاذه نغم
نغم...ان شاء الله
هم جونيد لتوصيل الدكتورة للخارج ولكن تدخل وهدان لاقافه والخروج هو
وهدان.........
..........................................
فى القاهره
منزل عمار
مر من الوقت ساعتان منذ جلوس عمار جانب مرفت ولكن ما اثار قلقه عدم دخول راقيه الغرفه منذ هذا الوقت
عمار ...هو فى ايه يكون البت اغمى عليها من شكل المطبخ بعد اللى عملته فيه ولا يكون هى وبتجيب الفشار اللى على
التلاجه وقعت واغمى عليها بردو لا انا مش مطمن اروح اشوفها
عمار...امى هروح اشوف راقيه وراجع
مرفت ...روح ياحبيبى وخليها ترتاح شويه البت تعبت مفيش عروسه بتعمل اللى هى بتعمله فى اول اسبوع
عمار...شكلك حبتيها ورمتينى صح
مرفت....هههههه انا اقدر ده انت على كراسى قلبى ياواد انت واخوك
بس بجد يعلم الله راقيه بقت بنتى
عمار بتنهيده.....ربنا يخليكوا ليا انتو الاتنين
هم فى الخروج ولكن قبل ان تطىء قدمه خارج حدود الباب اوقفه صوت راقيه الصارخ
راقيه....لاااااااااااااااااااااااااااا خليك عندك اوعى تدوس الارض بحظرك
عمار ....ايه فى ايه هى الارض متكهربه ولا ايه..ولا ده حظر تجول افهم بس
راقيه...تعرف لو دست الارض بالشوز هقتلك انا لسه ماسحه
كان عمار يتحدث دون ان يدرك هيئة راقيه بعد فهو كالعاده كان مشغول بالجدل معها
عمار مشيح بيده...اشيخه اجرى انتى تقدرى تقتلى نمله
راقيه واضعه كلتا يديها بخصرها .....نعم نعم نعم لا بقولك ايه انا اقدر اخنقك بتشك فى قدراتى ولا ايه
ولتلك الحركه انتبه لملابسها فكانت ترتدى مايسمى (كاش مايو)
عمار جاحز العينين مطلق صفير ........فوووو فووو اوعى ايه ده.الله اكبر هو ده اللى بيتلبس لشغل البيت طب قوليلى ده انا ابهدلك البيت كل ثانيه
راقيه بخجل من نظراته.....بقولك ايه شوفلك حته تتاوى فيها عايزه اخلص
عمار....اتاوى شكل الكبيره نقلت ليكى شوية جمل انما عنب امال هتعمل ايه مع كازانوفا ..
بقولك ايه اجى اساعد فى شغل البيت ده انا أعجبك قوى
راقيه مشيرة باصبعها السبابه.......اثبت مكانك بحذرك لو دست على الارض هقتلك
عمار....فى ايه انتى علقتى فى مدوسش على الارض طب ايه رايك امشيلك على الحيطه
راقيه....ه ه ه خفه
عمار جازز على اسنانه نزير للغضب...........لا واضح انه سلك دماغك ضرب وعايز وصله وانا مستعد اظبطلك كل الوصلات تعالى هنا
ركد باتجاهها فكانت حامله اناء ملىء بالماء ومن هيئته الغير مطمأنه قامت بحركه لا ارايه برمى المياه تجاهه فاغرقته
عمار..هييييي وحياة امى مهسيبك النهارده الحساب تقل
راقيه....اوبس سورى مش انا
عمار.....ياشيخه مش انا دى اختى منى بصى انتى خلاص
راقيه...راكده تجاه غرفتها عاااااااااااااااااااااااا
ركد خلفها وبصعوبه استطاع الامساك بها
عمار....بقى انا اتاوى فى اى حته
راقيه...انا بص
عمار.....اها وهتقتلينى ولا هتخنقينى
راقيه وقد هربت من فمها الكلمات ......م .م .ا .ا انا بص
عمار..........انا يتقالى اثبت مكانك ده اجدع ظابط فى لجنه مقلهاش ليا
راقيه....اقسم بالله مقصد
عمار بنفس لهجة راقيه....اقسم بالله مهسيبك
راقيه....أنت العاقل يا عمورتى
عمار ...وانتى خليتنى فيها عقل يابت كريمه
راقيه....أحترم نفسك
عمار..... هى وصلت لحترم نفسك طيب استعنى على الشقى
بالله
راقيه.....عاااااا
عمار....اشششش هو انا عملت حاجه انا لسه بهدد
راقيه......
..........................................................
هم جونيد لتوصيل الدكتورة للخارج ولكن تدخل وهدان لاقافه والخروج هو
وهدان......... خليك ياولدى جار مرتك هروح انا اوصلها
جونيد....اللى تشوفه ياحج
عاد جونيد لنغم وجلس على حافة الفراش ثم مد يده ليضع وساده صغيرة تحت قدمها
نغم ....اباى عليك اكفايه عاد هملنى لحالى متلمسش رجلى تانى
جونيد بابتسامه....اسيبك لوحدك انسى اما ملمسش رجلك فبردو لا براحتى
نغم....انت عيل بارد صوح
نتيجه لكلامها امسك ذراعها بغضب وقام بثنيه خلف ظهرها واصبح اكثر قرب منها
جونيد...بصى بقى انا سكت كتير بس خلاص للصبر حدود والله لو متعدلتى معايا يابت الناس هيبقى ليا تصرف تانى
نغم بضيق....همل يدى ولا انت بتتشطر عليا اكمن رجلى وجعانى
جونيد....لا انا مش بتشطر على حد بس ممكن اخليكى من غير ايد ومش مشكله اديكى مراتى وانا قابل تكونى ناقصه ايد عادى
نغم.............انت عيل غتت ومش متربى
اقترب منها اكثر الى ان دق ناقوس الخطر قلبها
جونيد مازال ضاغط على يدها وبصوت منخفض...انا لو مش متربى مكنتيش قدرتى تكلمينى
بجرأه كده ها واظن فهمانى بس المشكله انى عندى لسه حبة ادب
نغم مغمضة العينين... بعد اشويه
تركها جونيد بتنهيده مقرر التكلم فى عده مواضيع
جونيد....معلش لو ضايقتك
نغم بعدم فهم كيف له ان يكون متقلب هكذا فى بعض الاحيان غير مهذب وجرىء بكلماته والبعض الاخر هادىء ورزين او كما تسميه بارد
نغم....حاجه ذى اكده
جونيد بعدم اهتمام لكلماتها ظل يجوب فى الغرفه
نغم....ايه خيلتنى اثبت فى مطرح كيف الدحروج عتكرت
جونيد اهدى بقى خلينى اقول الكلمتين اللى عندى
جونيد بتنهيده....انا حكيتلك عنى قبل كده فى الشغل صح
نغم بتثاؤب.....ممممم ايوه وعرفت اخرت نحنحتك مع النسوان واحده علمت عليك
جونيد ..ياصبر ايوب .يارب ادينى حبة صبر عشان متبقاش رجلها ورقبتها
جونيد بغض النظر عن اللى قولتيه بالنسبالى كان اول حب ليا وده السبب انى انجرحت فيها ويعلم الله
انى كنت فعلا بحبها بس هى طلعت اختيار غلط مش عايز اسىء فيها ربنا يسامحها وبسببها دخلت دنيا مش بتاعتى ايوه غلطان لانه مكانش يصح انى ابقى زيها اجرح الناس بس للاسف لقيت تسليه غريبه
والاغرب انه لقيت استجابه معلش مع احترامى لكل بنت عارفه حدودها بس كون البنت تتنازل وتبيع كرامتها عشان اكلمها من ورا اهلها حاجه تقرف بقى كل البنات عندى واحد حاجه تافهه
يعنى انا عارف انتى ممكن تكونى واخده فكره او مش ممكن ده اكيد فكرتك انى واحد بتاع بنات
بس منكرش انا كنت كده من بعد اللى حصل لكن من اول مقبلتك مش عارف حصل ايه بوظتيلى الطريق اللى كنت ماشى عليه غلط صح ميهمش بس المهم انى بقيت فى نص الطريق مش عارف اكمل ولا ارجع يمكن تكون جرأتك عنادك قوتك فهمتنى انه البنات مش شبه واحد وخلتينى اكيد تفكيرى ومنكرش انى انى انى انى اقصد يعنى بصى انا عايز يوووه شوفى ايه رايك نبقى صحاب يعنى عقد هدنه بينا ها ايه رايك
.......
بحبك بس مش عارف
أقولها ازى وانا خايف
بخاف لحسن يخونى الوصف
وانا طيب مليش ف اللف
ده قلبى لسه متعلم
كلام الحب على ايديك
بحبك ..كلمه بعشقها
ونفسى اقولها من قلبى
وليه افضل مخبيها
ده عشقك دنيا على قدى
بحبك حب من جواى
بحبك قد بكره الجاى
بحبك بس مش عارف أقولها ازاى
مجهولة المصدر
نغم بشرود...ها
جونيد مقترب ليجلس بجوارها
ها ايه نعقد هدنه
نغم ....ميضرش اهو ارتاح من غتاتك اشوى
جونيد فارك براحة يديه وجهه ثم يهمس لذاته....البعيده مبتحسش ولا بتهدى
تركها ليسير تجاه باب الغرفه ولكن قبل ان يخرج التفت اتجاهها بابتسامه
جونيد...تمام كده هدنه بس اللى حصل بالليل مقدرش اوعدك انه ميتكررش بس فى حالة انك تعصبينى فحاولى تهدى معايا واغلق الباب
اكفهر وجه نغم ...اباى ويجول جال هدنه والله لخليك تمشى تكلم الحيطان ياولد الدكتور
خارج الغرفه
خرج وتعلوا وجهه ابتسامه..مجنونه ولسانها طويل بس شكلى ادبست وحبيتك
سعديه....ايه ياولدى نامت ولا لساتها صاحيه انروحوا انشفوها
جونيد يمرر اصابع يديه فى رأسه....اوبس نسيت اقولكم ادخلوا والله مش قصدى معلش بس يعنى لقتها مكسوفه انى امسك رجلها قدامكم
سعديه...ولا يهمك ياولدى هنروحوا انشوفوها
...................................
فى القاهره منزل جونيد
عادت من العمل سريعا واتجهت لغرفة ريم
زينات. ...ريم انتى لسه نايمه
ريم ...لا يا ماما ادخلى
دلفت زينات لتجلس بالقرب من ريم
زينات....يمكن يكون كلامك كان صعب بس معاكى حق
وأنا بقول نبدأ من الأول وربنا يقدرنى اعوضكم
ريم بندم....سورى مام مكانش قصدى أعلى صوتى عليكى
والله كنت تعبانه بجد سامحينى
زينات بابتسامه وتملس شعر ريم...حبيبتى انتى مغلطيش
انا اللى زودتها شويه معاكى .الحمد لله انك رجعتى بخير
وعايزاكى تحكيلى ايه اللى حصل معاكى
بالفعل قصت ريم جل ماحدث معها
زينات....هاتى بقى اسم الكائن ده وانا هجيبلك
حقك يا قلب ماما
ريم بدموع... (... . )
زينات.....ريم يمكن أكون انا اللى وصلتك للمرحله
دى عشان كده بقولك سالم كلمنى وانا معنديش اعتراض
ريم....ماما بس انا خلاص مش عايزاه
...................................................................
فى الصعيد بين الخضرة
بدر متكأ على إحدى الاشجار يهمس بحبه ويعاتب القدر
اه من ده جلب عيحبها كل يوم بزيادة عن اللى جابله
من غير متحكى جلبى عشجها عينيها بحر تتوه فيه الجلوب
رموشها سهام من نظرة تصيب
ليه يازمن علينا تجسى ليه يازمن ملناش مرسى لا جادر اهملها ولا جادر أجرب منها
قاطع شروده صوت سويلم
سويلم....بدر يابدر أبا الحج عيجولك خيتك وجعت وتكسرت
بدر بصدمه عتجول ايه يابوز الأخص واصل متجيب خبر زين
سويلم ..واه وانا مالى يابدر
بدر....غور من وشى دلوكيد
أصابه الزعر من مسمى أصابه أخته بأذى
مهما كان الخلاف الذى دب بينهم ولكن استحالة ان يقل حبه لها فى قلبه
فهى ابنته قبل اتكون أخته أن كان ساء إدراكه لموقف فهذا لخوفه وحبه لها
وماذال يلعن نفسه على سوء ظنه
وذهب راكد لها
........
فى منزل وهدان.
سعديه....اسم الله عليكى يانوارة الدار عين وصابتك
اكمنك اتجوزتى راجل احليوه
نغم ......الله يسلمك ياجدتى اممم حليوه
قمر.....اموت واعرف كيف اوجعتى عجلك كان وين يابت
نغم....ها؟؟اوجعت كيف الناس ياظريفه
نعمات....مسيم وايه لازمته ايطلعنا بره الاوضه
سعديه بصوت مرتفع....نعمات اجفلى خشمك راجل
ومراته يطلعنا فى اى وجت حجه انتى مالك مزموجه ليه
فجأه يدق الباب ليدخل بدر
بدر. ....نغم جرالك ايه ياخيتى كيف اتكسرتى
نغم بجمود....كيف الناس وبعدين رجلى اتلوت بس
متكسرت يعنى ديتها كنت روحت عند الحجه وهابيه وكانت بجت زين
بس جوزى كبر الموضوع
بدر ....المهم انتى زينه
نغم....ايوه ليه كنت عيزنى كيف
بدر...جدتى انا جعان وين الوكل
تفهمت سعديه كلام بدر باخراجهم
سعديه ....ايوه ياولدى عيجهز دلوك
يلا يانعمان نحضروا الوكل
قمر بارتباك....وأنا جايه معاكم
خرج الجميع..
بدر ....لساتك واخده على خاطرك منى ياخيتى
نغم...وفكرك عملتك هينه ياخوى ده انت اللى مربينى
تفكر عليا وحش
بدر....أحب على راسك ياخيتى اكفايه عاد جلبى موجوع
مجادرش ومعادش ليا غيرك خابر مخى مجفل ومتنسيش
خوفى عليكى كنت مشيفش حاجه
توقفت نغم عن الكلام الحاد وشهقت لشعورها بأنها تزيد من جرحه
فقد حن قلبها لحالة أخيها فهى تعلم بأن فؤاده كاد أن
يتمزق فكانت حالته شفيع له لمسامحته
نغم بتنهيده....خلاص طيب كفاياك ناجس اشوفك عتبكى
بدر....اعمل ايه ياخيتى لو اتكتل وريح أهون عندى من
العيشه دى .
نغم....واه الشر برة وبعيد . وانت لازمن تتصرف
فجأه يفتح باب الغرفه بدون طرق
جونيد ....ها اتأخرت عليكى
انفجرت نغم بالضحك لرؤيته بعد ان كان وجهها عبوس
أما بدر فكان فى حالة زهول من هيئته
............................
يتبع ........بقلم ولاء محمد
....................................................
أنت تقرأ
سندريلا ونيران الحب
Romanceمقدمه. فى وقت أصبحت فيه ظاهرة الأخذ بالثأر سمه منتشرة وبعض أسباب الظاهرة مفهوم والبعض لا قيمة له وفى خطى الثأر تقتل روح الحب وتولد جبروت العند والكره فهل من الممكن ان تكون من أسباب الحرب الحب وهل من الممكن ان يكون سبب إخماد نيران تلك الحرب ظهور نسيم...
