سندريلا ونيران الثأر
الحلقه 27
بدر....اعمل ايه ياخيتى لو اتكتل وريح أهون عندى من
العيشه دى .
نغم....واه الشر برة وبعيد . وانت لازمن تتصرف
فجأه يفتح باب الغرفه بدون طرق
جونيد ....ها اتأخرت عليكى
انفجرت نغم بالضحك لرؤيته بعد ان كان وجهها عبوس
أما بدر فكان فى حالة زهول من هيئته...
دلف بجونيد مخبأ يديه خلف ظهره
جونيد موجه كلامه لبدر ...هو انت هنا معلش افتكرت نغم لوحدها فدخلت
من غير مخبط
بدر....ولا يهمك البيت بيتك
نغم....ههههههههههه انت زرعت أمتى
جونيد بعدم فهم.....بتقولى ايه
بدر كاتم ضحكاته. .....انا بجول استأذن دلوكيت واجيلك وقت
تانى خرج بدر واقترب جونيد ليجلس على حافة الفراش
جونيد...الله وبعدين بقى بتضحكى ليه
أشارت له على رأسه
كان جونيد أشبه بما يسمى الرجل الفزاعه الذى يثبت بالأرض الزراعيه
ليرهب الطيور فلا تتلف المحصول
كان داخل شعره ورقتان من أوراق العنب الدابله موضوعه
بشكل رأسى وأعلى كتفه مجموعه من القش أما اقدام بنطاله فكان
إحداهما مرفوعه والأخرى كما هى وعلى وجهه اتربه ونقطه سوداء
فى انفه....
جونيد ..ايه بتشاورى على ايه
نغم ...انا بجول روح شوف نفسك فى المرايه
جونيد...طب مش تسالى مخبر ايه ورايا
نغم بلا مبالاة. ...ميفرجش
جونيد ظافر بضيق......على فكرة احنا اتفقنى على هدمه خليكى
لذيذه وبلاش دماغ العكننه دى ..المهم بقى غمضى عيونك
نغم ...لاع
جونيد ...ابه جو الرخامة ده .خلاص متغمضيش استنى واحد اتنين
تلاته .تم تم تاتا
أظهر يديه كانت فى إحداهما عنقود من العنب الطازج والاخره حزمه
من الجرجير
نغم باستغراب....ايه ده
جونيد...جرجير وعنب ..بصراحه حبيت اجيبلك ورد من مشتل الورد
معرفتش اقطفه كله شوك فقلت اتصرف بما انى فى جنينة الحج وهدان وبدل مرجع بايدى فاضيه فقطفت
ده بعد مطلعت عينى مشير على العنب ثم أكمل حديثه..وأنا ماشى فى الطريق
لقيت بقى الجرجير فجيب شويه ها ايه رايك
نغم ولم تفارق الضحكه وجهها وكأنها ضحكه محبوسه منذ فتره
استطاع أن يخرجها ....ليس ساذج ولكن داهيه فى التفكير
وجد أن سبيل التسلل لقلبها بأن يصبح مصدر ضحكتها
جونيد ...ياخرابى على الضحكه
ملعون القلب الذى خان العهد
وعاد ليحب مره أخرى
اغلقته وقتلته فعاد
ينبض بضحكتك مرة أخرى
نغم. وجدت انه ربما يتمادى بكلماته وتصرفاته ان زادت فى ضحكتها
فمنعتها على الفور من الخروج
نغم....احم انا بجول ميضرش نعملوا الجرجير سلطه والعنب
قاطعها جونيد ...عنقود واحد يا ترى هتدى لكل واحد عنبه ولا ايه ها
نغم....ههه لاع خليهم عكولهم
جونيد بابتسامه....هتاكلى منه يايخته
نغم....ممكن آكل يد اللى جابه لو مطلعش من نفوخى
جونيد....هههههههه ياساتر اروح اخد شور احسن الكلام يتقلب جد
نغم....ايوه بسرعه الله لا يسيئك الريحه بجد صعبه
جونيد بغمزه....ههههه حلو الرخامه منك على قلبى زى العسل
نغم تحدث نفسها.....ميته يرحمنى ربنا واخلص منك
أكابر اعاند طيف حبك
وعنادى لطيفك عاشق
جميل العناد معك
وصبرك لعنادى قاتل
.......................
الحب ...قيل أن وجد فى قلب أسد تحول لحيوان أليف فما بالك أن وضع قدم فى قلب
خاوى عنيد لتحول لاحن البشر وأن وضع القدم الأخرى فى قلب مجروح لطبب كل الجروح
أينما يوجد تظهر ثوره من المشاعر الجنون إلى ان يقر أحد القلوب بالاستسلام للاخر
..................................
فى القاهره منزل عمار
عمار....اشششش هو انا عملت حاجه انا لسه بهدد
راقيه......يا سلام وانا هبله استنى لما تنفذ تهديدك
عمار بهمس...بس انا حنين ومش بضرب
راقيه...عمار ياقلبى عايزه أكمل شغل البيت وأحضر اكل لمامتك
عمار طابع قبله على وجنتها .... اخ بتقوليلى ياقلبى وعيزانى اسيبك
طب وجوزك الغلبان نستيه
راقيه...احم عمار
عمار بقبله على وجنتها الأخرى......يا نن عين عمار يا قلب عمار
راقيه حاولت دفعه للتخلص منه ولكنه كان ممسك بها كمن
ألقى القبض على لص فكان مشدد قبضته على خصرها
عمار...تؤتؤ مش بالساهل تهربى
راقيه....عمار أعقل
عمار .....لا خلاص راح العقل من اول مشوفتك
فى ذلك الوقت رن هاتفه
راقيه...الموب بيرن
عمار...سيبك منه انا كنت عايز اقول ايه افتكرت عايز ...
قاطعه رنين هاتفه مرة أخرى
راقيه.......عمار بطل رخامه وسيبنى
مع إصرار رنين هاتفه تركها
عمار...أوف هشوف مين الرخم اللى بيتصل
راقيه بمجرد تحررها من بين يدى عمار خرجت راكده
عمار... بتهربى ماشى مسيرك تيجى تحت ايدى ياجميييل
التقط هاتفه ليرى من المتصل
عمار....السلام عليكم ورحمة الله وبركاته
عاصم....وعليكم السلام ورحمة الله ...مبروك يا عمار
عمار...الله يبارك فى حضرتك
عاصم......متأسف بس إجازتك انت والأستاذ صاحبك هتتقطع
عمار.....ليه يا فندم انا قدمت طلب لحضرتك اجازه أسبوعين
وعمار اظن إجازته شهر ايه اللى حصل تقطعهالنا
عاصم بجديه.....وأنا لذلك التمس النقطه دى واديت لكم يوم واحد اجازه
وترجعوا الشغل لأمر ضرورى المعاد بعد بكره تكونوا عندى يا أما
الشركه مستغنيه عن خدماتكم
عمار ...بس يا فندم
عاصم......خلص النقاش اسيبك دلوقتى ولما تاجوا نتفاهم
أغلق عاصم المكالمه وكاد عمار أن يحطم الهاتف
عمار...ايه القرف ده هيزلنا علشان قطاع خاص وبعدين ابن أخته
مطلع عينه انا ذنب اللى جابونى ايه مقدرش اخد اجازه زى اى حد مجوز
يومين ولا تلاته بس أحس انى عريس وبعدين ابقى شبه المطلقة ليه
أستغفر الله العظيم يارب ارحمنى من البلاوى دى
..................................................
فى القاهره منزل جونيد
زينات.....ريم يمكن أكون انا اللى وصلتك للمرحله
دى عشان كده بقولك سالم كلمنى وانا معنديش اعتراض
ريم....ماما بس انا خلاص مش عايزاه
زينات ....بس هو قالى جاى بعد نص ساعه يطمن عليكى
ريم .....يوووه انا نسيته خلاص ومش عايزه أعرفه تانى هو ليه مش
عايز يفهم كده.
زينات......بصى دى حاجه براحتك تنسيه ولا لأ بس المهم
دلوقتى قومى غيرى ملابسك علشان تقابليه
ريم بضيق.....لا يا ماما مش هقابل حد
زينات باصرار ...علشان خاطرى بس استأذن منى ومش هضغط
عليكى توافقا او ترفضى
ريم باستسلام. .....حاضر ياماما علشانك هقابله
وأثناء حديثهما رن جرس المنزل
زينات....واضح انه ملتزم بالمواعيد هطلع أشوفه وانتى غيرى وتعالى سلمى عليه
خرجت زينات واستقبلته بدعوته للجلوس فى الصالون.
سالم...السلام عليكم
زينات .....وعليكم السلام اتفضل
سالم....متشكر قوى لحضرتك انك وافقت اجى اطمن على ريم
زينات بابتسامه......فى اى وقت تشرف
ريم............
سالم هم واقفا ....احم ازيك دلوقتى ياريم
ريم بضيق....كويسه
سالم......نمتى كويس
ريم....نعم
زينات .....انا هطلع اعمل كم قهوه بتشربها ايه يا سالم
سالم....مظبوط يادكتورة معلش لو فيها تعب
زينات بابتسامه....لا مفيش اى تعب عشر دقائق واجيبهالك
بعد ان خرجت زينات توجهت ريم بنظرات ناريه له تنهرهه على قدومه
ريم ...أنت ايه جابك هنا
سالم.....جاى ليكى جاى لحبى
ريم.....ه ه ه وافتكرت حبك وجاتلك جرأة تطلبه دلوقتى يؤسفنى اقولك للمره
التانيه انا كرهتك
سالم ......يعنى نستينى
ريم بقوه ...ايوه نسيتك
كذب قلبى لو قال نسيك او هينساك لو القمر نسى ضيه مش هنساك
لو القلب أتخلى عن نبضه مش هنساك قلى ازاى العين تشوف من غير نورها
قولى ازاى انساك وانت بقيت كل حياتى
مين ده اللي نسيك؟
تعرف لو قلبي بيتكلم، كان رد عليك
مين ده اللي نسيك؟
قبل ما نتعاتب طب سلم، الله يخليك
واعملك ايه؟ بقول هنسى ومبنساش ليه؟
هواك لسه انا عايشة عليه
ومش حاسة ان انا هقدر اعيش غير بيه.....
ريم ....ايوه نسيتك وكرهتك وإنساني انت كمان واتجوز انت مش
كنت هتتجوز دور على واحده تانيه تشبه طبعك
سالم ......انساكى هو كده بالساهل هى لعبه عندك سهل اتحب وسهل
تنسى صعب ويكون فى علمك طبعى صعب ومش هيستحملوا غيرك
مقدرش أنساك مقدرش أعيش ولا يوم من غير حبك وهواك
مقدرش أنساك ده انأ احلى سنين فى حياتى اللى انا عشتها وياك
ده انت حياتى وعمرى فداك ياللى عرغت الدنيا معاك
عمرى هعشوا لمين غير ليك يا حبيبى يا احلى ملاك ...
ريم....هو كده بالظبط لعبه سهل تحب وسهل تنسى
سالم بابتسامه....يبقى انتى اللى عايزه تشوفي الوش الصعيدى
انا لدلوقتى ماشى معاكى ذى متأقلمت فى القاهرة لكن عايزه العند من عيونى
شوفى عند وطبع الصعيدى بس ذى مبيقولوا اللى تخلى
صعيدى يحبها يبقى ياغلبها
ريم بسخريه. ....صعيدى أهلا وسهلا متنساش تقفل الباب انت وطالع.
سالم بتوعد.....تمام اللى تشوفيه سلام
نظرا لمعاملتها القاسيه اتجه للخروج ولكن صادف زينات
زينات....فى ايه ليه ماشى بالسرعه دى انا جبت القهوة
سالم....شكرا يادكتورة مره تانيه تقلقيش هاجى كتير الفتره اللى جايه
بعد خروج سالم توجهت زينات لريم بالحديث تلومها على ما قد فعلت
زينات....ايه كده ياريم عيب ده كان جاى يطمن عليكى
ريم ببرود....وأنا عملت ايه هو اللى عايز يمشى بالسلامه
عن ازنك مام هروح أغير علشان نازله shopping
...........................................
فى الصعيد
بدر بإصرار لمحاكاة وهدان عن أمر قمر وحبه لها دون التفكير فى العواقب او
ردة فعل وهدان
بدر....جدى ودى احكى معاك ضرورى
وهدان .....خير ياولدى
بدر....جدى حكاية جوازة قمر
وهدان بغضب.....اوعاك أتجول كيف أختك مش عايز قمر تتجوز
بدر بصبر......جدى انا رايد بت عمى ومش عايزها تروح لحد غيرى
جدى الله فى سماه لو كتب الكتاب عكتلوا جبل متروح لبيته
وهدان بتفكير......بتجول رايدها وعتكتلوا مجلتش من الأول ليه رايدها
بدر....جولت استر خيتى الأول مع ود الحلال وبعدين اشوف نفسى
وهدان. ...ايوه جولتلى
بدر...ها ياجدى جولت ايه الله يخلبك عتوجف الجوازه
وهدان.....هو انا حدايا أغلى منك حاضر ولا تشيل هم للموضوع أعتبره
خلص
بدر...... الله يخليك ياجدى
بدر بعد حديثه مع وهدان صعد درجات السلم ليدارى قلقه داخل غرفته
وأثناء السير لمح طيف محبوبته خلف باب غرفتها فطال النظر عليها
عسى ان يشبع فؤاده منها ..ولكنها أبت الظهور واكتفت بسماع
خطواته وكأنها تناديها بالظهور
اما بدر فاحس بمراره ان يشعر بها ولا يراها
من خلف الابواب اصبحت اراقبك بعد ان كانت الاعين تتلاقى .من خلف الابواب اصبحت المح طيفك بعد ان كانت ارواحنا تلتقى .فقدت حقى فيكى واصبحت كاللصوص اختطف نظرات منكى ..حق من اصبحتى حقى ام حقه ابتسامتك لى ام له نظرتك لى ام له عرش قلبك من تاجه اجيبينى اخرجى واجهينى ولا تعذبينى.
ياويلى ان فكرتى بى ستخونيه ام لو فكرتى به خونتينى.
اعطنى جواب لما قتلتينى لما حرمتينى حتى حق التفكير بك لما اجيببنى.
أنت تقرأ
سندريلا ونيران الحب
Romanceمقدمه. فى وقت أصبحت فيه ظاهرة الأخذ بالثأر سمه منتشرة وبعض أسباب الظاهرة مفهوم والبعض لا قيمة له وفى خطى الثأر تقتل روح الحب وتولد جبروت العند والكره فهل من الممكن ان تكون من أسباب الحرب الحب وهل من الممكن ان يكون سبب إخماد نيران تلك الحرب ظهور نسيم...
