سندريلا ونيران الثأر
الحلقه 28
فى صباح يوم جديد حيث أشرقت الشمس لتداعب الطبيعه فى كل مكان
فى الصعيد
فى منزل وهدان
استيقظت نغم وهى بين الحقيقه والحلم مازالت كلمات جونيد تتردد
فى ازنها
جونيد جديد معرفش لسه حاجه عنى بس اللى أعرفه انه مزيج
من الاتنين ايوه جديد بحبك صحيح نسيت اقولهالك او معرفتش اقولهالك وانتى صاحيه
فرصتى أقولها دلوقتى انا بحبك بحبك بحبك ويعلم الله مش بكذب
قاطع شرودها خروج جونيد وغمغيمه من المرحاض بعد ان تنعش جسده المضغوط من النوم ليلتين
على الكنبه .
جونيد.....ااااه يانى ياجسمى اه مش تعملوا حسابكم فى كائنات بحجم اكبر من حجمك
ممكن تنام على الكنبه
نغم............
جونيد...ملوح بيده تجاه وجهها. نغم صباح العسل
نغم....ها
جونيد ...ها ايه بقولك صباح العسل
نغم....اصباح النور .
جونيد.....متقولى عندكم جاموس مش ناموس كنت عملت حسابى
معرفتش أنام الليل كله
نغم.....جلتلك مش عتستحمل الناموس حدانا وبعدين انت بمجرد محطيط راسك
غطيط فى النوم
جونيد.. .وانتى شوفتينى ازاى و انتى نايمه
نغم....ها لا اصحيت بالليل الجيتك نايم
جونيد...ياشيخه بجد يعنى كنتى نايمه وصحيتى
نغم...ايوه أمال يعنى كنت بمثل عليك.ولا بمثل عليك يعنى
جونيد بغمزه ......لا مظنش العيون اللى فيها سحر الليل تكدب ولا تمثل
نغم ....انى انى بجول اروح أحضر إفطار
جونيد ...هتمشى على رجلك
نغم....امال على يدى
جونيد ..ايه ياكبيره الخفه دى قصدى رجلك وجعاكى
نغم....لاع ده جزع بسيط يوم ارتحت مش هجعد أكده كل يوم
جونيد....ياكبيره رجلك على الأقل تريح أسبوع
نغم....ايه شغل العيال ده أسبوع ايه حدانا الواحده بتعجن
وتشتغل فى البيت بعد الولاده بيومين وانا رجلى مجزوعه عنام اسبوع
اقترب تجاهها جونيد ..طب اشيلك
نغم...لا لا لا لا
جونيد بضحكه.....هههه بس هى لا واحده كفايه
بقولك جهزى نفسك هننزل القاهره
نغم ..ليه معينفعش اهمل قمر جبل معرف هيحصل ايه معاها
جونيد.....معلش يومين ونرجع تانى فى حاجات عايز اظبطها فى الشغل
وغير كده ماما عرفت بجوازى فعايز اقدمك ليها
نغم بضيق....ياختى اسم الله وانت مجوز من وراهم إياك طب مين عيديك المصروف
اقترب منا بقوه وضغط على زراعها بغضب
جونيد.بغضب...نغم لمى لسانك احسنلك دى تانى مره بحظرك
اتقى شرى ولا انتى بتختبرى صبرى .
نغم....همل ادراعى ولا كلام ماسخ معاك
أفلت يدها وثبت يديه على خصرها ضاغط عليهما
وبحركه مفاجأه رفعها بخصرها من الأرض
نغم...هتعمل ايه
جونيد بضحكه....هعلقك فى الشباك
نغم ...نزلنى أسفه
جونيد....ايه ايه الكبيره بتعتزر بالسرعه دى
نغم........
تركها لتذهب لحال سبيلها بعد ان جعلها فى قمة توترها
جونيد....المصيبه البنت تعمل نفسها ميت راجل فى بعض
وميهمهاش واول متزنق تقلب فأر مبلول
لما انتوا مش قد الرخامه بترخموا ليه
............................................
فى غرفة الضيوف
وهدان كان جالس على مقعده الخاص كحكم فى منازعات العائله بغرفة
ويبدوا انه يفكر فى مصير أحدهم
وظل يتحدث بكلمات تنوب عن نيه معينه مع ذاته
عتجول رايد ومتعرفش المصايب المداريه عتجول رايد عتحكم جلبك
وانسيت حدانا العجل اللى بيحكم مش الجلب ياولدى ابوك راح
ومش عخلى حاجه اتصيبك جلتها جبل سابق التار مبيتسدش بالساهل
ولازمن قربان ياولدى حتى لو غالى
التار غيمه سوده برقها غدر ورعدها كره
بتمطر دم ملهاش دعوه اتصيب مين ليه ذنب ولا ملهوش
كبير اصغير ميهمش. ولجل الغيمه متنجلى لازمن حد يضحى
والتضحيه ليها تمن .
كلياتها كام ساعه ويبجى الأمر منتهى
قاطع حديثه طرق الباب ودخول بدر
بدر.....جدى خير شيعت ورايا فى الغيط عيزنى
وهدان....ايوه ياولدى عايزك تندلى قنا دلوجيت تتفج مع التجار ياجوا
يشتروا المحصول بدرى
بدر.....ليه يا جدى عيشتروه من الأرض جبل ميتحصد أكده اخصاره
احنا بنبيعه بمجمل التكاليف من الزرع للحصاد والتوصيل
لكن كونهم همن اللى عياجوا ياخدوه اخساره
وهدان......ياولدى بعد اللى هيحصل لو لغبنا جوازه قمر اول حاجه
هيعملوها عيلة مهران عيبوظوا المحصول ومهنلحجش فيه حاجه واصل
بدر ...واحنا من ميتى عنخاف من حد
وهدان ...عتسمع الكلام ولا اروح انا
بدر....لا اللى اتشوفوا ياجدى السلام عليكم
وهدان...بالسلامه ياولدى
...........................
أشد انواع الدهاء من يجعل الآخرين .يصدقوا شىء ويكون الغرض شىء اخر
فكن دائما على استعداد لتفسير الأحداث على مطلبين وليس مطلب واحد لكى لا تتفاجئ
....................................
فى منزل مهران
حسنين....فى ايه اللى حوصل ياولدى ليه جدم المعاد
هاشم...والله مخابر ياعمى ايه اللى حوصل بس جالى إياك إتجيب خبر لحد
حسنين بشك ......الموضوع فى سر لازمن نعرفه
هاشم ....كلياتها كام ساعه ونجابله ونعرف ايه اللى حوصل وايه
اللى خلاه ايغير المعاد
.........................
فى القاهره.
فى منزل جونيد
ريم...صباح الخير مام
زينات....... صباح النور ياسكر
بقولك جونيد اتصل وقال جاى النهارده
ريم.....وعروسته
زينات.....معتقدش هيجيب الفلاحه هنا
ريم....صعيديه ياماما
زينات....أمم صعديه سيبك من الموضوع ده
الولد اللى كلمتنينى عنه انفصل من الجامعه وبإذن الله
مفيش جامعه فى مصر كلها هتقبله وشوية الرعاع اللى حوليه
بالمازون بتاعهم تحولوا مجلس تأديب فى الجامعه و هنشوف
عقابهم ايه
ريم بابتسامه.....بجد ميرسى يامام
زينات ...حبيبتى انا معايا ريم واحده عندى بالدنيا
..............................
فى الصعيد
منزل وهدان
خرجت من الغرفه تغمغم هى الأخرى بكلمات....اباى على دى رخامه غنت
ويجول جال عيحبنى هو فى حد عيحب حد ايرخم عليه أكده
جونيد فجأه من خلفها....مش أنا برخم يبقى فى
شهقت من الصدمه فاخر ماتتوقعه ان يكون خرج خلفها
وبمجرد التفاتها لمصدر الصوت وجدته عاقد ساعديه أمام صدره مبتسم ابتسامه
رضى .
نغم....أنت ليه اطلعت وراى
جونيد....نصيبى شوفتى ازاى.....يعنى سمعتى قولت ايه امبارح
نغم....مش عتجهز شنطتك
جونيد مجاريها فى تغير الكلام.....المفروض الست اللى اتجهت الشنط مش الراجل
نغم....المفروض. .وهمت للابتعاد عنه
ولكنه أمسك يدها مقربها منه
جونيد...........انا بقول طالما جبتى سيرة الشنط ادخلى حضرى الشنطه بالذوق
نغم.. ....بجولك ايه بطل شغل السهوكه ده
جونيد زامم شفتيه....سهوكه انجرى حضرى الشنطه مينفعش
معاكى الزوق
نغم بتهكم.....مش بتهدد أنى وهمل ادراعى
جونيد .....تمام بلاش تهديد انفز دوغرى
قام بحملها كما يحمل شوال الدقيق دلف بها غرفتها
ثم ألقاها على الفراش
جونيد بنظره حاده ....يلا جهزى الشنط احسنلك
نغم لتتخلص منه ....ماشى عحضرهم بس عشان تعرف لولا الحريم الرجاله تغرج فى شبر
ميه واتجهت توضب حقائب السفر والثناء ذلك ظلا يتحدثا
جونيد بابتسامه....وأنا معترف انتوا اهم حاجه فى كل حاجه
نغم....ايوه ياروميو حلو المسايسه
جونيد......اهو روميو من غير جوليت ولا حاجه
نغم...أنت مجنون على فكره حد جلك أكده
جونيد......اااااه مجنون ده حتى المجنون معاه ليلى
وأنا امتى ليلتى اتحس بيا
نغم....ايه خلاص بجيت ذى عنتر شاعر كل كلمه اتردها ووزنها
جونيد....اكيد علشان انتى بقيتى سبب كل كلمه عندى
ذى عنتر عبله اساس كل فصيده
نغم بتوتر......انا بجول انزل دلوكيت واعاود بعدين أحضر الشونط
تصدى لها جونيد امام الباب مانع إياها بالخروج
جونيد .....استنى انتى ليه كل مكلمك تهربى ذى الزئبق
استنى كلمينى
نغم بتوتر ...انى وههرب ليه
جونيد ....تمام ..طب قوليلى انتى سمعتى كلامى بالليل صح
نغم .....ها
جونيد بضحكه......هههه تمام يبقى سمعتى ومش محتاج أوضح
انتى بقى مش ناويه تدى نفسك فرصه تتعرفى عليا والله انا حنين
وطيب وغلبان
نغم.. .............
جونيد.....براحتك بس بجد عايز اقولك انا بحبك
ومش هتخلى عنك لانى بسببك لقيت طريق جديد همشئ عليه
انتى بقيتى شعاع الأمل فى حياتى
ونفسى تسدقينى
نغم......وجولت لكام واحده الكلام ديه .
جونيد... يعلم الله انتى الوحيده اللى طلعت من جوايا الكلام ده
وعلى فكره انا قطعت علاقتى بكل واحده أعرفها من اول مظهرتى
فى حياتى بقى كل تفكيرة فيكى فى البدايه كان رهان سخيف وبقى
انتقام من تصرفاتك وحركة اخوكى معايا بس دلوقتى معرفش بقت حب
وعشق حاسس انى لقيت روحى اللى كانت تايهه منى حاسس انى
بقيت فى دنيا جديده أساسها انتى.
بقيتى عشقى بقيتى جنونى بقيتى كل حاجه فى كونى
بقيتى الضحكه بقيتى الفرحه بقيتى الدوا من الدنيا الجارحه.
بقيتى كل حاجه وبقيت عايز اشوفك كل الوقت لما بتغمضى
عيونك بتوحشنى نظراتك صوتك صورتك بقت محفورة جوه قلبى
نغم وقد عجز لسانها عن النطق من فى موقفها يستطيع الكلام
اكتفت بالصمت غير مدركه ماتسمع او ما يحدث داخلها من كل كلمه
من كل نظره تصدق تكذب تردد تردد
جونيد بتنهيده مبتعد من الباب ليسمح لها بالخروج
...........سكاتك ده معناه انك مش مسدقه كلامى
بس أن شاء الله هتعرفى انى مش ممكن اسيبك
غير لسبب واحد انى اموت .
........................
فى القاهره
فى منزل عمار
كانت راقيه فى المطبخ تنوى تحضير كل متطلبات الطعام لأسبوع مقدم
ضمان لها أن لم تكن موجوده فإن تتعب مرفت فى تحضير شىء كل ماستفعله
تسخين الطعام وقاطعها عن عملها رنين هاتفها
راقيه باستغراب....نسمه ايه اللى فكرها بيا دى ليها سنه مكلمتنيش
راقيه....السلام عليكم
نسمه....وعليكم السلام ازيك يا عروسه
راقيه.....الحمد لله انتى عامله ايه
نسمه....انا تمام كده يا وحشه تتجوزى ومتقوليش ليا
راقيه.....عادى افتكرت انك نستينى ليكى سنه متصلتيش
بيا وانا بؤحرج اتصل بيكى يكون جوزك قاعد ويرد
نسمه...مممم بس قوليلى لقتيه فين ده
راقيه....ازاى يعنى
نسمه.....هههه اقصد يعنى ازاى اتجوزتوا وانا عارفه طبعك
كلامك ناشف شويه الرجاله بتحب الجنيه
راقيه....اهو طبعى اللى مش عاجبك ده وقعنى مع راجل ابن حلال
مش بيحب جو المياعه بتاع البنات راجل بجد مش عايز واحده تتكلم
بتقصيعه.
نسمه.......اه يمكن بس بجد لبسك الحجاب ورضيتى
راقيه ........اه لبسن الحجاب الحمد لله اظن ده فرض ربنا
وهو علشان بيحبنى ويخاف عليا كان اجمل طلب منه انى ألبس الحجاب
علشان ابقى قريبه من ربنا والحمد لله بجد راحه وأجمل راحه الحجاب
مش قماشه تترمى على الدماغ الحجاب جمال بيحافظ على جمال
نسمه..ههههه شكله اكل دماغك طب ملبستيش الحجاب على بنطلون
ليه سمعت انه لبسك جيبه وواسعة كمان لا كده كتير
راقيه....يابنتى قلتلك هو كل الحكايه بيورينى الطريق الصح وعنده
حق يعنى انا لو لبست بنطلون وطرحه ده منظر ده تحايل على الدين
الاسم محجبه وكل المفاتن متغلفه باللبس وكله كوم لو قضاء الله
نفز بالبس اللى بتقولى عليه هقابل ربنا ازاى ابقى من ضمن قائمة
الكاسيات العاريات من ضمن اللى بيلبسوا مايشف ويصف.
احساس مرعب انك توقفى قدام ربنا بشكلك ده ..
بجد الحمد لله انه رزقنى عمار علشان يصححلى خطأ نسيته.
نسمه.....طب وحريتك و افقتى بسهوله على الحجاب واللبس الواسع
راقيه.....أوف بطلى تخلف بقى انتى لسه بعقليتك دى من ايام الجامعه
لولقيتى بنت لابسه محترم فى نظرك بايعه حريتها فوقي عمر الحريه مبقت
لبس الحريه جواكى فكر رأى مش لبس ولو الحريه والعزم بالبس
كان لقيتى الملكات والا ميرات اللى حكموا بلاد عرايا
لكنهم كانوا بيلبسوا اكتر حاجه وقار اللى تبين مكانتهم
نيجى احنا اللى الإسلام رفع مكانتنا ننزل من قيمتنا بلبس ميليقش بينا
نسمه.....بس يا بابا لازم نواكب العصر والموضه
راقيه بضحكه. ...ههههه موضه هو فى اجمل من الحجاب المحترم موضه
عايزه موضه بصى على واحده لابسه خمار او حجاب عادى على لبس واسع
وياسلام لو لابسه ادناء ولا نقاب أقسم بالله أشيك مايكون بجد ملكات
ماشين على الأرض.
نسمه ..يعنى اللى لابسه بنطلون وبشعرها مش محترمه قصدك كده
راقيه.....لا طبعا كل بنت احترامها مش باللبس بس اللبس بيعكس
تفكيرها وسدقينى مش هتلاقى واحده فاهمه دينها كويس او عقليتها كبيره ماشيه ببنطلون
وبلوزه على الكمر
بقولك ايه يا نسمه معلش انا ورايا شغل كتير فى البيت بعد ازنك
أنهت المحادثه ولم تنتبه للعاشق الذى يراقبها من بدايه المحادثه الهاتفيه
تقدم تجاهها واحتضنها من الخلف فأصبحت يديه أمام عينيها
عمار.... مين رخم على قطتى غيرى
راقيه ....بابتسامه بحبك
عمار.....ايه ايه
راقيه.....بحبك
عمار ...وأنا بموت فيكى ربنا يخليكى ليا
راقيه.....بتحبنى ليه
عمار.....بحبك ازاى ليه لو على الشكل بصى لعينيكى اللى اتغرق اجدعها غواص.
ولا غمازتك اللى مجننا اللى جابونى ذى العفريت تظهر بضحكه منك هيييييبح ولا لا لا
تيجى بقى لقلبك أراهن لو حد فى طيبتك متنسيش بقى اجدع بنت مين ترضى توافق
تعيش مع جوزها فى شقه معاه مامته باختصار انتى عندى ست البنات
لو أقدر أطول القمر كنت كتبته باسمك لو العمر بايدى ميغلاش عليكى
راقيه..بدموع عمار انا بحبك بجد
عمار بتنهيده محتضنها.....اششش بتعيطى ليه طب دلوقتى اضحكى ضحكتك
بترد روحى .
طب اقولك على حاجه حلوه جونيد راج النهارده ومعاه نغم
راقيه بابتسامه......بجد
عمار.....اه والله وهيقعد يومين او يوم ويرجع الصعيد تانى
راقيه....والله وحشتني الكبيره
عمار....اه طبعا صحبتك وجوزك لا
راقيه بابتسامه.....جوزى مش بيغبب عنى علشان يوحشنى جو زى
قاعده صورته فى قلبى متربعه
عمار ......الله اكبر الحقونى هموت بجرعة رومانسيه زياده
راقيه....ههههههههههه
عمار محتضنها........يارب متفارق الضحكه وشك ابدا
...............................................
فى الصعيد .
منزل وهدا
جونيد...........سكاتك ده معناه انك مش مسدقه كلامى
بس أن شاء الله هتعرفى انى مش ممكن اسيبك
غير لسبب واحد انى اموت
انا نازل أجهز العربيه وأقول لجدك مسافرين معلش حضرى الشنط
ذهب بدر قنا على أثر طلب وهدان وتوجه جونيد للتبليغ وهدان بالسفر
أما نغم فكانت توضب الحقائب وتحاول إخماد المشاعر الغريبه التى ظلت تتخبط بداخلها
مر الوقت وخرج كل من نغم وجونيد للسفر وظل وهدان قابع فى غرفته إلى ان ياتى المعاد المناسب
لأمر هام
مر الوقت سريعا إلى ان أتى ميعاد صلاة العصر وبعد الصلاة مباشرة
كان وهدان ومعه قمر فى مركز معين ضمن القريه بالتحديد فى مكان مخصص له عقد القران
عند المأذون الشرعى
مين وكيل العروسه
وهدان...انا ياشيخنا وكيل العروسه
الشيخ .....توكلنا على الله قول ورايا ياعريس
تم القران بوجود العريس والعروس
ولكن فى حالة صمت رهيبه
عوده للخلف بقليل بعد حديث بدر مع وهدان عن إلغاء زواج قمر
وهدان ....قمر عايز اجولك على حاجه
قمر.....جول يا جدى
وهدان....انتى عارفه جوازك من هاشم سببه ايه يا جوازك يا روح بدر
قمر ......عارفه ياجدى وجولت موافجه متخافش مش هرجع فى رأيي
ولد عمى اهم .
وهدان....عين العجل يابنيتى على خيرة الله
قمر....هو فى حاجه ياجدى
وهدان ... ايوه بكره كتب كتابك بس متجبيش سيره جدام اى مخلوج حتى أمك
وأجبر جولى رايحه معايا نشترى دفاتر جديده للأرض
قمر بألم....حاضر ياجدى
..................
عوده للوقت الحالى
الشيخ...تمام على خيرة الله أمضى ياعريس
هاشم ....على خيرة الله
بعد إتمام عقد القران
الشيخ....زواج مبارك ان شاء الله .
فى الخارج.
وهدان ...مبروك يا هاشم بس إياكم اتجيبوا سيرة الموضوع ده
جبل يوم العرس وأن شاء الله العرس بعد يومين مش أسبوعين
هاشم..
باستغراب ...يومين ليه
وهدان.....عايز عروستك فى بيتك بعد يومين ولا متجيش بيتك واصل
هاشم....واه وانا أطول اتشرف واحلى عرس هيكون متجلجش ياحج وهدان
بلغ انت عندك الجماعه ومتشيلش هم .وهيبجى صلح أن شاء الله
وهدان بتنهيده ...أن شاء الله
...............................
فى قنا
فى منزل صالح أحد أقرباء وهدان
بعد وصول بدر مباشره ذهب ليقيم فى منزله يومين إلى ان يتم الاتفاق بينه
وبين التجار كما طلب وهدان
صالح....نورت يا ولد الغالى
بدر....بنورك ياحج
صالح...كيفك وكيف جدك اتوحشته
بدر...زينين والله وعيسلم عليك
صالح.....يسلم ويسلم من جاب سلامه
جوك ريح ياولدى عشان انجاب الناس بكره
بدر .....حاضر ياحج انت جولتلهم وصلت البلد
صالح. ...ايوه وجاءوا عيجبلوك بكره .
بدر.....على بركة الله
...........................
فى الطريق المتجه للقاهره
فى سياره جونيد ظلا طولدال الطريق فى حاله صمت رهيب
إلى ان قربت المسافه لمنزل جونيد .فك الصمت صوت نغم
نغم.....عجولك ايه هو احنا عنبات فى اوضه واحده تانى
جونيد....والله اى اتنين متجوزين بيقعدوا فى اوضه واحده.
نغم.....طب انا عنام وين بعد منوصلوا
جونيد بابتسامه ....فى حضنى.قصدى على السرير بس فى مشكله
عندنا نمط الاوضه غير عندكم يعنى يدوب سرير وكرسين يعنى
مفيش كنبه
نغم.....واه أمال عتنام وين على الأرض
جونيد ...... أرض ايه والسرير قاعد عيب عليكى هنام على السرير طبعا
نعم .....عتجول ايه انت
جونيد .....ايه بقول اللى هيحصل يعنى انتى فكرانا فى الصعيد ممكن تفردى حصيره
على الأرض وتنامى وبعدين استنى نوصل ونشوف هيحصل ايه ياسكر
.....................................................
يتبع ......بقلم ولاء محمد
أنت تقرأ
سندريلا ونيران الحب
Roman d'amourمقدمه. فى وقت أصبحت فيه ظاهرة الأخذ بالثأر سمه منتشرة وبعض أسباب الظاهرة مفهوم والبعض لا قيمة له وفى خطى الثأر تقتل روح الحب وتولد جبروت العند والكره فهل من الممكن ان تكون من أسباب الحرب الحب وهل من الممكن ان يكون سبب إخماد نيران تلك الحرب ظهور نسيم...
