سندريلا ونيران الحب

30

سندريلا ونيران الثأر
الحلقة 30
وهدان بصوت عالى...خلاص كلياتكم ابجيدتوا ضحايا وانا السبب انا الجلاد انا اللى جلبى جاسى
انا خسرت اعيالى بسبب التار
نغم بقوه.....والدور علينا صج وانا مش هجعد فى طوعك تانى ياجدى مش جوزتنى انا هروح بلد جوزى
اعيش كيف الناس
نغم بضعف ممسكه يد جونيد....الله يخليك خودنى من اهنيه معيزاش اجعد اهنيه
جونيد...حاضر اهدى بس
لم يكمل كلامه وخانتها قواها لتسقط بين يديه
جحظت عينا جونيد من سقوطها المفاجىء
جونيد بضعف ....نغم نغم انتى كويسه
بدر محاول استجماع قواه من صدمته لفقدان حبيبته  ليطمأن على نفم هرول لها ماسح دمعاته التى خانته وخرجت رغم تحكمه فى انفعاله
بدر....نغم خيتى فوجى الله يرضى عليكى مش هتبجوا اتنيناتكم اكفايه وحده
وهدان بخوف.....بتى طلعوها فوج
بدر مشير لجده...جدى الله لا يسيئك اكفايه خلينا فى حالنا
وهدان بقوه....بدر
جونيد متدخل بغضب.....كفايه بقى مراتى مغمى عليها وانتوا بتتخانقوا الله الغنى مش عايز منكم مساعده انا هاخدها وامشى ذى مطلبت منى هاخدها بعيد منكم ومن كرهكم هاخدها بعيد من الغل اللى فيكم
بدر...جونيد خيتى
جونيد.....بدر معلش مش عايز غير قزازة ميه وهمشى بيها متخافش دى فى عيونى والاحسن انها تبقى بعيد عنكم بجد هى تعبت شالت هموم كتير منكم يمكن اتعذبت من حكايتك انت وقمر اكتر منكم انتوا ..كل ده عشان التار اللى اصلا ملهوش اساس قام باخراج اوراق تقرير المعمل والقى به على الارض واكمل حديثه...خدوا ده اكبر دليل على انكم بتتصرفوا من غير متفكروا اول ضحيه من ولادك يا حج وهدان مات فى حادث المسدس كان بايظ والبصمات بتاعته وكل ده فى التقرير معلش هو المسدس وقع فى ايدى بالغلط بس عشان يكشف اكبر غلط عملتوه  ..سلام
بالفعل حملها بين يديه وتوجه  بها للسياره عائد للقاهره
وقلبه يخفق من خوفه عليها واثناء الطريق كان يقف كل حين ليطمأن عليها
اخر مره اوقف السياره واخذ بعض قطرات المياه ليرشها على وجهها عسى ان تفيق
وكل نقطه تناديها لتفتح عيناها ومع اخر نقطه
افاقت اخيرا ولكن بصوت مبحوح ودموع اغزر غير مدركه للمكان المتواجده فيه مرتميه فى احضان جونيد تستمد منه القوه او بمعنى اصح تعطى له رساله بقبوله فى حياتها
نغم ....انى اتعبت منهم خودنى من اهنيه الله يخليك انت عتحبنى خودنى منهم مش عايزه اجعد عندهم باعوا قمر وكسروا جلب اخوى وظلمونى
جونيد محتضنها بقوه ويرتب على ظهرها ليطمأنها.....شششش انا معاكى متخافيش
احنا فى العربيه رجعين بيتنا وهنبقى بعيد عنهم اهدى وكفايه دموع الله يخليكى
ظلا على هذا الوضع قرابة نصف ساعه تبكى ويحاول ان يهدئها الى ان تعبت وغطت فى النوم من
كثرة البكاء وعاود هو ليتولى القياده مره اخرى
جونيد محدث نفسه.......يارب قدرنى اطلعها من حالتها دى يارب انت عالم باللى فى قلبى مش قادر اشوف دموعها دى حاسس انه انا اللى بتعذذب مش هى
...........................................................
فى الصعيد منزل مهران
كانت قمر فى زاوية من غرفتها الجدية ادركها النوم بهذة الوضعيه منذ امس بعد صراع مرير مع الدموع افاقت على صوت رمى فى قلبها الرعب احدهم يحسها على النهوض
هاشم....جومى ولا سدجتى انك عروسه صوح اخلصى غيرى خلجاتك وحصلينى اهلك وصلوا ايصبحوا عليكى ويمكن ايكون معاهم حبيب الجلب
بالفعل نهضت قمر بمجرد سماعها حضور اهلها اسرعت بالخطوات تبدل ملابسها بعد خروج هاشم
وتحاول ان تدارى اى كدمات فى وجهها
وكما توقعت حضور بدر ذلك المجروح الذى هربت منه اى فكره للانتقام جل ما اراد رؤيتها والاطمئنان عليها رغبه كبيره تناديه ليرى ملامحها غصه فى قلبه كلما تخيل انها اصبحت لغيره
لا يسمع صوت احد من الحضور حتى صوت هاشم الذى يولد داخله حاله من
الانتقام كان غير مبالى به
انظاره مسلطه على باب الغرفه اخيرا دلفت قمر
شعر وكان النيران اصبحت توقد فى قلبه هى بالفعل فى منزل مهران
زوجة هاشم كم تمنى ان يقتله ولكنه يخشى ان يؤذيها بفعلته رغم قوته عاجز تماما عن صنع شىء
كل مافعله نظر لها بعين لوم
الى ان اتجه لها هاشم ووضع يده على كتفها
هاشم...ايه ياعروسه تعالى سلمى على ناسك جايين ايجلولك صباحيه امباركه
بدر وقد اكفهر وجهه واحس ان انفاسه تختنق من رؤية يد هاشم تقترب منها كان بين يديه  كوب من الشاى الساخن اغمض عينيه وضغض عليه بقوه من الغضب  لدرجة تحطم الكوب بين يديه ومحتوى الكوب على ملابسه واصبحت يديه مغترقه بالدماء
لاحظ  الجميع يديه الغارقه ولم يلاحظوا البركان بداخله شهقت قمر وكادت ان تذهب اليه ولكن اوقفها كلمات هاشم المستفزه
هاشم....حاسب يابدر عورت يدك كوباية شاى اصغيرة اتبهدلك اكده  اكيد ملكش نصيب فيها عشان اكده اتكسرت ووجعت من يدك جوم اغسلها بجت كلياتها دم
بدر بحنق ونظره اخيره لقمر.......انا ماشى ياجدى
قمر وقد ازداد الم قلبها وهى تعلم انه جاء فقط لرؤيتها .....اجعد ياولد عمى يدك بتشلب دم اجيبلك امطهر وقطن ليها
بدر بضحكه تكاد تفطر قلب من يسمعها حيث يتضح بها حشرجة والم متخفى.....الله يخليكى تسلمى
ده جرح اصغير مش هيكون اكبر من الجرح اللى مهيداواش  بالاذن
خرج هائم فى الطبيعه لا يعلم الوجه الى اين  اكتفى باشباع عيناه منها ربما لا يراها
مره أخرى  ولا يعلم ماذا يفعل من اجلها تركها تزوق مراره قرارها بالفراق
خرج  ليلقى مستقر له فى  مكان  اخر خارج قريته  بعيدا عن  قسوة الاهل عن آهات الفراق
..............
تايه فى الغربه ملاقى بر غرق مركب حبى بعد مسرقوا الضى
حدفنى موج الكره ومبقتش عارف مرسى عارف ايام هتعدى وسنين
من غير منسى   حبك غدرك وعدك تضحيتك سابت فى القلب خنجر
مليون طعنه.
.............
قمر تحدث نفسها بمراره......ليه ياولد عمى مشيت كنت استنى اشوى اشبع من صورتك
عارفه زمجان منى بس اعمل ايه عشان اشوفك عايش كان لازمن اوافج جدى  اكفايه حسك عندى بالدنيا
..............................................................
فى القاهره
مر الوقت ووصل جونيد لمنزله وكانت نغم كما هى غارقه فى النوم او هاربه من الواقع الذى اصبح
يؤلمها يوم عن الاخر حملها جونيد وصعد بها منزله وغرفته
زينات بخضه....مالها دى ماتت ولا ايه
جونيد.....تعبت شويه بس هتبقى احسن
زينات....طب مرجعتهاش لاهلها ليه
جونيد...ماما هى علبة لبان ارجعها دى مراتى فى ايه
زينات.....انت مش ناوى تطلقها وتتجوز واحده تليق بيك ستايل
جونيد......اه قصدك اتجوز واحده تحسى من لبسها حرانه طول الوقت ايه ياماما
انا مسدقت ربنا كرمنى بواحده مبتسيبش فرض وكمان بتصلى السنن تقوليلى ستايل
لا ياعم يفتح الله انا بحبها ودنيتى بقت ليها
زينات....يا حبيبى خايفه عليك انت مش قدهم وقد مشاكلهم
جونيد...يا دكتوره انا قد الدنيا كلها طالما هى معايا
زينات....اه مهو العند  وراثه
جونيد .....ايه
زينات ....ولا حاجه تصبح على خير وتوجهت لغرفتها
جونيد بتعجب......خايفه عليا وتصبح على خير بالنهار
مش عارف كلامك يادوك مش مريحنى حاسس مخبيا عليا حاجه
دلف هو الآخر لغرفته وجلس على المقعد المجاور للفراش
ليكون على مقربه  من نغم أن احتاجت لشىء
.......................................
فى القاهره
منزل عمار
كانت  زينات جالسه على مقعد فى الصالون تهندم شعر راقيه الجالسه  على الأرض
كوضعية الأطفال  حينما رجع عمار من الخارج
عمار بتعجب...هههه ايه ده  قاعدين كده ليه هى فيها قمل ولا ايه
زينات.....يامعفن بحطلها زيت شعر بدلكلها فروة شعرها
راقيه غير مباليه. .....سيبك منه ياماما كملى ده جاى فاضى من برا
او المدير رخم عليه فحب يطلع الرخامه علينا
عمار......لا لا انا لو عايز ارخم هرخم مش هستنى حد يوزنى
زينات........مسيم  (اصدار صوت من الفم )  رخم من يومك
عمار....الله ايه ياماما انا ابنك 
راقيه.....هههههههه ولا تعرفك
عمار .....بقى كده
راقيه....اه كده
عمار .....طب يا ماما  انا تعبان شويه و عايز راقيه اقولها
على حاجه كده وبعدين تاجى تكمل  تدليك ولا ايه .
راقيه ...لا ياماما  كملى شعرى وهو مش عايز حاجه شوفى اهو بيضحك
زينات لتخفف من جدالهم. ....انا بقول كفايه عشان عايزه اروح اخد شاور
وانتو اتفاهموا مع بعض
راقيه .....بتبعينى يافوفه لا بنك 
عمار بغمزه ....هههه نحن السابقون يا قلبى ها هتاجى ورايا بالزوق
ولا  اجيلك
راقيه.....رخم
عمار ..........ربنا يسامحك ده انا عسل
راقيه...اسود
عمار....اسود مش مشكله بس فى الآخر عسل
راقيه ....سؤال انت ليه مش بتزعل منى فى اى حاجه
عمار.....وازعل ليه عملتى حاجه وحشه او غلط
راقيه....لا بجد كل حاجه عندك ليها حل ومش بتزعل
عمار .بضحكه...انتى عايزه اضربك ولا ايه
راقيه....يوووه لا بتكلم بجد
عمار....عادى بصى ياستى الدنيا عمرها مبتيجى قفش
بمعنى لو فى مشكله وقعتى تزعقى وتخبطى وتكسرى
مش هتتحل هتتعقد اكتر
لكن اهدى وابتسمى وخودى المشكله واحده واحده هتلاقى مفيش
مشكله من الأساس
راقيه .....اها بس فى ناس بتفهم الطريقه دى جبن وخوف
عمار.....بصى انتى تعملى اللى عليكى ولو لقيتى الأمر يتطلب
الوش الخشب مش عيب تطلعيه بس ده آخر الحلول طبعا
يابنتى كفايه الابتسامه دى صدقه
راقيه....عندك حق والله
عمار....طب ايه
راقيه....ايه
عمار..... خودى هنا عايز اقولك على حاجه
راقيه ....بعينك.
عمار.....مابلاش انتى عرفانى مجنون درجه اولى
راقيه......لا خلاص
عمار....هههه أحبك لما تسمع الكلام
حبيبتى عشقت جنونك وأصبحت مجنونك ولدلالك الكون جن
.............................................
مر الوقت إلى ان أتى المساء حامل بطياته ألم كسر فرح شوق
بعد مرور يوم عصيب على نغم أراد جونيد أن يخرجها من حزنها
فداعبها بالحديث
دلف بصنية طعام
جونيد .....كل ده نوم اصحى صباح الخير بالليل
نغم. بصوت مكتوم .....احنا بجينا الليل
جونيد .....اها  وادى العشا يا جميل شوفتى بقى الدلع
نغم.........
جونيد....لا السكوت مش هينفع هتاكلى ولا اكلك بايدى
وبعدين انتى قطمتى وسطى  من الشيل عايزه أتخسى دلوقتى
لا بجد انتى كام كيلوا يا نغم
نغم ......أنت مالك
جونيد .....ياساتر لما ربنا كرمك وتكلمتى بترمى طوب
مالى طبعا انا اللى بدبس واشيل فعايز اعمل حسابى فى تمرين زياده
علشان أقدر اشيلك لو فكرتى يغمى عليكى تانى .
نغم ......كتر خيرك شكرا
جونيد....اه اخرتها شكرا حاف كده
نغم ....وبعدهالك عاد
جونيد ......اشيخه حرام عليكى أمال قدام الناس جوزى وهعيش مع جوزى
وهنا ولا سأله فى جوزك بكلمه حلوه حتى
نغم.....معيزنيش خلاص اروح البلد تانى
جونيد .بغمزه ...انتى بتقفشى بسرعه ليه وبعدين مين قال مش عايزك
ده انا عايزك ونص وتلت تربع بس انتى تحنى وترضى
نغم ......وبعدهالك
جونيد....خلاص مش عايز منك حاجه الله الغنى بس جيبلك هديه يارب تعجبك
ترك الإفطار بجوارها وتوجه لخزانة الملابس مخرج علبه مغلقه بورق هدايا ودانتل
وتوجه لها..دى ليكى وياريت تقبليها وتشوفيها دلوقتى
بالفعل امسكتها بدافع الفضول لترى مابداخلها وبعد أن انتهت بإزالة الزينه لتقر عينيها
بأجمل هديه يمكن ان تهدى بين الاحبه وبين البشر اجمع المصحف الشريف
نغم بابتسامة رضى.....الله جميل جوى
جونيد. بابتسامه .....ده لانى لاحظت انك فى بيتكم بالصعيد بتقرى ورد كل صلاة فجر
واليومين  اللى قعدناهم هنا وقفتى مقرتيش لأنك ملقتيش مصحف وواثق انك
اتكسفتى تقوليلى اجيبلك واحد فملقتش اجمل من كلام ربنا هديه وربنا يقدرك
تفضلى على عادتك لتلاوة القرآن
نغم بابتسامه. .....شكرا  على الهديه حلوه بجد جات فى وكتها
جونيد....بصى بقى اكتر كلمه مش بحبها شكرا بتحسيينى انى حد غريب
نغم بابتسامه......تسلم
جونيد. بد عالم.........ههههه هو كله عندك كلام مفيش حاجه حلوه
نغم......جونيد
جونيد......انا اصلا مبحبش الحلويات بتجيب سكر
نغم.....هههههههه
جونيد....الله اكبر الضحكه طالعه منك نغم ذى اسمك وصوتك رغم
قسوته بس كله طرب ونغم ورقه
نغم بخجل......وبعدهالك عاد....عتاكل  معايا ولا اكل لوحدى
جونيد ......طبعا وانا أطول
استطاع  بابتسامته وكلامه المعسول إخراجها إلى حد ما من حاله
الكأبه التى كانت قابعه فيها لساعات
.........................
فى الصعيد فى منزل مهران
كان هاشم يجرى محادثه هاتفيه. وتظهر على تقسيمات وجهه
علامات  الضيق والغضب
هاشم .....يعنى ايه كل الوكت ده وملجيتش أثره انت بجالك
شهر عدور عليه
.........يا هاشم بيه الأمر مش سهل ذى محضرتك متخيل ده انا
لفيت ورجليا دأبت علشان اقدر اخلى حد فى السجل المدنى يقدر
يسربلى اى معلومه عنه
هاشم......إياك فاكر عتعمل حاجه ببلاش مكلياته بتمنه
.........عارف والله ومتقلقش كلها أسبوعين ويبقى عنوانه
وأصله وفصله تحت إيدك
هاشم....جدامك أسبوعين  بس يا أما من غير محلف هيكون آخر أسبوعين
فى عمرك
......حاضر أسبوعين
أغلق الهاتف بنوبه من الغضب
وده كمان غاطس وين محدش لاجيه لدلوك
رن هاتفه مره أخرى فقام بالرد بلهفه كبيرة
وكأنه ينتظر تلك المكالمه .
هاشم.....ها عيعمل ايه دلوك
......جعد شويه تحت  الشجره وشوى جام ومشى لعند المحطه
هاشم بصدمه....عتجول ايه محطه ركب القطر يعنى
......ايوه
هاشم.....عتجول ايه يابومه انت
رمى الهاتف من يده بقوه وظل يصرخ بغضب
ليبييه هتهرب منى لييه مش عايزنى اتمتع بكسرك يا ولد إبراهيم
بجى انا أخطط واجبل اتجوزها لجل اشوفك كل يوم مزلول وانت تمشى
من غير متعمل حاجه  ولا تاجى تترجانى اطلجها ايه لزمة الجوازه
لو مزلتكش ليه تهملنى جبل متشفى فيك وفى عيلتك
ظل يلقى ويكسر كل ما تقع عليه عينه ويده من الغضب
إلى ان لاقت قمر نصيب من غضبه بأنواع من الشتائم والضرب والإهانة
ولكن وسط اهاتها ما اسعدها بخبر بعاد بدر من أمام هاشم حتى لا يذل
بسببها وبعده من أمام عينها حتى لا تعذبه لرؤيتها مع غيره
........................................
انتهى اليوم ومر قرابه أسبوعان
بهذا الوضع لكل الأطراف حالة رضى وهدوء لدى عمار وراقيه
حاله من العذاب والألم لدى قمر  والغضب والكره من قبل هاشم
حاله من الإضراب والخوف والهروب من المشاعر لدى نغم
والإصرار على إثبات الحب والشغف والشوق لدى جونيد .
...........................
يتبع ......بقلم ولاء محمد