سندريلا ونيران الحب

16

سندريلا ونيران الثأر
الحلقه 16
........
انتهت الحلقه السابقه عندما سمع الحضور بحفل خطبة عمار وراقيه صوت بدر المرتفع بكلمات توعد بقتل لمجهول
نغم....همله يا بدر والله محوصل حاجه اسمعنى.
بدر...أنت مين وبتعمل اهنيه ايه والله لكتلك.
كان بدر ممسك بياقت هذا الشخص ويديق بيديه ع رقبته
جونيد مدافعا ازاحه بقوه ايه التخلف ده اسمع الكلام الأول داخل تضرب وبس حصل ايه لكل ده
بدر....يابجح وعتسأل كمان
بادر بدر بإعطائه لكمه بقبضة يده
جول انت مين
لحظه لنرى سبب تلك الفوضى نرجع بالأحداث للخلف قليلا
فى الحفل أثناء تحدث عمار وراقيه على انفراد ذهبت نغم لإحضار مايشربه الضيوف من شقتها كالعاده بالصعيد وكأن المنزلان منزل واحد
وأثناء ذلك لمحها جونيد تخرج فقرر الذهاب وراءها ليخبرها عن سالم حتى يستطيع إفساد خطبتها  وفى ذات الوقت يستطيع أن يربح الرهان .وفى تلك اللحظه حدث مالا يحمد عقباه أساء بدر فهم الموضوع من البدايه
جونيد مصطنع الهدوء والحكمة....أستاذه نغم عايز اقولك ع حاجه ضرورى
نغم بخضه...أنت ايه اللى جابك اهنيه ميصحش تاجى وراى وراجل البيت مش موجود ونبجى لوحدنا
جونيد بنفس الهدوء...حضرتك انا سيبت الباب مفتوح وبعدين ده موضوع ضرورى يتوقف عليه مستقبلك ولازم أرضى ضميرى كلمتين وهمشى
نغم بخوف...يخربيتك والله معاجيبها لبر نتكلموا فى الشغل بكره والله اخوى لو جه هيبقى فى كلام تانى
جونيد...ارجوكى اسمعينى
بدأ جونيد بسرد قصة حب سالم لريم مضيف بعض الكلمات وحاذف بعض الاحداث  وأن ما فرقهم قبولها بخطبة سالم منها فكانت نغم مصعوقه من الخبر فهى لا تكره سوى من يفرق بين حبيبين ع الرغم من عدم اقتناعها بالحب والاسوأ اتهامها بسبب التفرقة فتجمد فكرها لدرجه ارتعاش يديها الممسكه بصينيه مصفوفه باكواب مشروبات مثلجه فسقطت إحدى الاكواب على سترة جونيد.
جونيد...نهار اسود حاسبى كده هطلع قدام الناس ازاى
نغم..معلهش غصب عنى
قام جونيد بخلع سترته ممسكها بيده ويشير بها لنغم
نغم..بتهبب ايه
جونيد...سورى بس نضفيها علشان أمشى مش هطلع بيها كده
ارغمت نغم ان تأخذ الستره لتنظفها حتى يخرج وبعد ان انتهت من تنظيفها كانت ممسكه بها وتعطيها له وفى تلك اللحظه كان قدوم بدر الذى لم ينتظر أن يسمع شىء ولكن ربط رؤية السترة بيد نغم وتعطيها لهذا الشاب انه كان الوضع غير سليم فلقد احتل الشيطان عقله نعم يحب أخته ويثق بها ولكن فى تلك اللحظه كان شيطانه اقوى فخيل له بوجود شىء خارج الأدب فجن جنونه...وبدأ يربط بين شكوى سالم لما حدث وقيل له اليوم بعد ذهابه لنغم فى العمل
وبدأ يتصرف تصرفات وكأنه مغيب الوعى لا نقاش معه فلقد التهبت عيناه كالجمر وأصبح يتنفس صهد الغضب.
يافتاتى لقد غلب الطبع التطبع فمهما ارتسم الرجل بالتحرر وتقليد الغرب فهو شرقى لن يكون تفهمه لكل الأمور ببساطه
فماذا لو كان صعيدى
كم انتى مسكينه أيتها الفتاه برغم قوتك التى تخطت العادات بأن نلتى حقك من التعلم ولكن مازلتى داخل دائرة الظلم الفتاه لا يحق لها أن تكون مثل الشاب لها حرية توضيح رأيها او التصرف فانتى داخل بودقة الضعف جميع تصرفاتك تجلب المهانه ولا بد أن تعاقبى عليها.
...عوده للأحداث مره أخرى
بادر بدر بإعطائه لكمة بقبضة يده
جول انت مين
جونيد....والله انا زميلها فى الشغل وكنت بقولها على حاجه مهمه
بدر ...من امتى زميلها
جونيد... النهار ده
نغم.. ..اسمعنى ياخوى كنت عجولك عليه والله
بدر.....عتجولى ميتى بعد كام زياره
بدر....من يوم وجابتك البيت والله لشرب من دمك
تدخلت نغم لتوقف بدر عن الضرب فهى فهمت ماذا تخيل اخيها ...والله ياخوى محوصل حاجه اهدى
فنالت هى الأخرى نصيبها بضربها صفعه سال الدم من فمها بعدها
بدر......كمان عتحامى عليه يافاجره
ولأول مره يتألم جونيد من رؤية أحد يضرب ربما لانه السبب او ربما شفق عليها فتدخل هو الآخر بجسده يمنعه من ضربها
جونيد.....كفايه بقى افهم مالك
بدر.... .صوح كفايه ضرب نكتل احسن
تجمع كل من كان بالحفله ليروا ماذا يحدث
ركد الجميع باتجاه شقة بدر
عمار يسير بالقرب من راقيه. وظل يتحدث بضيق وصوت منخفض....أقسم بالله الوليه ام سعد عينها مدوره هى السبب ربنا يستر ميكونش حصل حاجه الحمد لله كتب الكتاب تم
راقيه ....خايفه  نغم بتقول بدر بيبقى مش طبيعى لما بيتعصب وواضح من صوته فى حاجه
زهل الجميع عند وصولهم لرؤية بدر مشير السلاح تجاه جونيد
وزهل كلا من عمار وراقيه لرؤية جونيد يقف أمام بدر وكأنه يدافع عن نغم
عمار...كازانوفا هنا يبقى اكيد مصيبه
راقيه. .ممسكه ساعد عمار الحق الكبيره فى دم على شفايفها
نهار اسود وبدر معاه سلاح الحق صاحبك
عمار...ايوه بس حسى بيا بالمسكه دى مش هلحق غير نفسى
راقيه....اتنيل قبل متحصل كارثه
امرأتان من الضيوف
....مسيم (حركه بالفم تصدر صوت كتعجب)شوفى ياختى البت
قاعده معاه لوحدهم
......طبعا ياحبيبتى فرصتها كله مشغول بالحفله ومحدش هيشوفهم.
بدر مشير السلاح عاقد نية القتل...اتشاهد على روحك
نغم وقد تملكها الرعب لرؤية سلاح مع أخيها فهى تعى بأن كلامه ليس مجرد تهديد ولم تتوقع بوجود سلاح لانه تركه بالصعيد كما أمر وهدان ولا يشبه حتى سلاح والدهم...... أنت جبت اسلاح من وين
جونيد ...ده كل اللى هامك جاب السلاح من فين  وبالنسبه ل لاتشاهدوا على روحكم دى عادى..وسعى الله لا يسيئك ورايا معاد هتقتل
..بتهددنى بالمسدس اضرب مش هخاف.وانت مش مسدق انه مفيش حاجه بينا.طيب ايه رأيك بقى أيوه فى حاجه بينا ارتحت
وفجأة كان صوت طلقات الرصاص  يدوى بالمكان.
.....................
فى الصعيد
فى منزل وهدان
كانت سعديه تجلس على مقعد تهذب شعر قمر التى كانت تجلس على الأرض  وتتحدث معها
سعديه.....مالك يابنيتى وشك  بجى كيف اللمونه
قمر.....مخبراش ياجدتى جلبى موغوشنى على نغم وولد عمى
سعديه.....لا انتى جلجانه عشان اتوحشتيهم تجلجيش عيرجعوا بخير
قمر....يارب ياجدتى.
...............
فى منزل مهران
كان هاشم وحسنين يتناقشوا فى أمور تجاريه خاصه بالمحاصيل التى تصدر للتجار كل عام بمحافظة قنا.
حسنين....حملت يا ولد المحصول كلياته
هاشم...ايوه ياعمى  فاضل نطلعوا على قنا طوالى
حسنين....ايوه يلا ونجعد عند ولد عم خالك مسعدان كام يوم
ونرجع جبل شيخ البلد ميطلبنا للصلح عشان اسمعت إمبارح كان عيجول عايز ايجدم معاد الصلح
هاشم......وبعدهاله عاد ايه الراجل المخبول ده كل يوم والتاني ينطلنا بكلام.
حسنين بخبث..... كله فى صالحنا يا ولدى
.................................
فى القاهره حى الزمالك
منزل بدر
جونيد..بتهددنى بالمسدس اضرب مش هخاف.
وفجأه كان صوت طلقات الرصاص يدوى بالمكان
حيث باللحظه المناسبه تدخل عمار وازاح يد بدر باتجاه الحائط  فخرجت الرصاصه لتستقر فى زاويه من الحائط
وفى ذات الوقت  نتيجه الشعور بالخوف لانتشار جرائم القتل قام أحد الجيران بطلب الشرطه قبل ان يتطور الامر.
ولكن صادف وصول الشرطه عندما استطاع بدر أن  يطلق  للمرة الثانيه رصاصه لتستقر بذراع جونيد رغم محاولات عمار بأخذ السلاح منه..لذلك قامت الشرطه باعتقال بدر بتهمة الشروع بالقتل المتعمد وبعد تأكيد جونيد هذا القول لذلك أصبحت حرية بدر بيد جونيد
أما  بالنسبه لنغم فأصبحت تكره رؤيته أكثر من ذى قبل ربما فى السابق لأنها رأته مثال للشاب الغير مهذب سىء السلوك أما الآن فأصبح سبب سجن بدر  و خلق خلاف بينها وبين اخيها عندما رمى جملته الاخيره التى توافق تخيلات أخيها لها.. ..
ذهب الجميع من المتفرجين وانتقل بدر للسجن وجونيد للمشفى بصحبة عمار. ونغم ظلت باكيه بالمنزل لم تجرؤ بالذهاب خلف اخيها وظلت معها راقيه
انتهى اليوم باحداثه الى أن انتهى الليل وأعلن عن بداية يوم جديد
..........................
فى صباح يوم جديد أشرقت الشمس تنبه أحدهم بما سيحدث وتزيد الخوف عند الاخر وتذكر أحدهم بلحظات جميلة يتمنى  أن تعاد .
...........
فى القاهره
منزل بدر
كانت نغم ترتمى بحضن راقيه وكأنها قمر ابنة عمها فعندما كانت تتألم كانت تحتضنها لتخفف عنها
نغم ببكاء ....انا عملت ايه بس بيحصل كل ده ليا ليه
راقيه.....فى ايه يانغم استهدى بالله
نغم.......لا اله الا الله محمد رسول الله
راقيه....ايوه كده قومى يلا اتوضى وصلى وادعى ربنا هنلاقى حل ...اقولك ننزل نشوف محامى تمام كده
نغم بتنهيده.... .. ماشى
راقيه محاوله رسم بسمه على وجه نغم ..
راقيه....شوفتى ادى اللى قولتى عليه حليوه اهو نحس
نغم ببسمه. ..واه حرام عليكى ده غلبان والله لولاه كان بدر دخل السجن بتهمة كتل مش الشروع فى كتل بسبب العركه دى
راقيه...... ايوه بطل الواد
بالفعل استطاعت ان تعيد الابتسامه ولو بشكل بسيط
.............
كان عمار فى طريقه ليطمئن على جونيد ولكن فكره كان يطمأن على محبوبته ويعيد ملامحها الفاتنه بالحجاب وخجلها الذى اذاب قلبه بعد اتمام عقد القران
ويعيد تذكر ملمس يدها الذى سرقه قبل ان تنتشل يدها فى نوبة خجل من بين يديه
فلا يعلم كيف شعورها بعد ان تم تخريب حفلهم
عمار يحدث نفسه...ااااااه ده طلع الحب بهدله ياجدعان
قلبى مش قادر نفسى اتخطى العالم كله ونفضل انا وانتى وبس
......... .......
فى منزل جونيد
بعد ان وصل عمار 
كان الوضع فى حالة توتر بمجرد رجوع جونيد من المشفى
وعلم زينات من عمار ان سبب الاصابه نشوب صراع بين جونيد
وبدر الصعيدى .
جونيد.........يا أخى انت اتجننت بتقولها صعيدى اتخانق معانا
عمار.......هى سألت اكدب يعنى
جونيد.....حاشه وكلا... لا متكدبش.....سكلتك أمك
عمار محاول اضحاكه....نهارك مدوحس هى وصلت معاك لسكلتك امك بتشتم انا كنت سبت بدر يطلع لسانك
جونيد....هههههههههههههههههه متخلف والله
عمار.....لكن اتجننت ايه اللى قولته ده خليت الواد اتجن معرفتش امسكه اقسم بالله لولا البوليس كان موتنا انا وأنت
جونيد....اعمل ايه نرفزنى انا احلف والبت تحلف مفيش حاجه من اللى بيفكر فيها حصلت وهو مصمم انه كلامه صح قلت اغيظه
عمار....وانت كدا غظته حرام عليك البت الناس هتقول عليها ايه
جونيد......بص انا مليش دعوه بحد اخوها اللى شبه التور الهايج واهو فى السجن خليه يتربه
عمار....يعنى افهم مفيش تنازل عن البلاغ
جونيد.......لو هتنازل عن البلاغ مكنتش تعبت نفسى وقدمته
يلا هنروح الشركه
عمار...وانت تعبان وواخد أجازه
جونيد .......عادى هساعدك فى الشغل مهو لو قعدت فى البيت ماما هتنكد عليا وانا مش ناقص
عمار...خليها تنكد عليك ذى منكدت عليا فى احلى يوم لما ربنا رحمنى وحسن وحسين ناموا بدرى طلعت ليا انت اللهى اشوف فيك يوم اسود من قرن الخروب
..(قرن الخروب..نوع من أنواع العصائر يتميز باللون الأسود )
جونيد.....ههههه اوبس نسيت انك عريس يعنى كتب كتاب وخطوبه
عمار....عريس ايه بقى ربنا يستر يوم الفرح نفسه متعمليش حاجه تانيه تعرف يا حب لو فكرت تبوظ الفرح هعمل ايه
جونيد...ايه
عمار...حاجه بسيطه هولع فيك وفى المعازيم واخد عروستى واروح
جونيد....هههههه
عمار..بطل ضحك يا مستفز
.................
فى غرفة زينات
تحدث صورة زوجها الذى مات بعد اتمام ابنته عام من عمرها .....صعيدى  ياجونيد ربنا يستر
ليه بس كده دول حكايه لوحدهم طب انا اعمل ايه تانى
غبى اقوله ابعد من الصعيد وأهله يتخانق معاهم
بيرمى نفسه فى النار ابنك غبى وأنت سبتلى مسؤليتهم لوحدى  مش عارفه ابنك هيوصلنا لفين
.....................
فى القاهره
عندما علم سالم بما حدث أمس بكل التفاصيل عن طريق أحد من الحضور .قرر ان يصعد الأمر الى العائله بالصعيد مبلغا بمحادثه هاتفيه بعدم رغبته بإكمال طريقه مع من أصبحت سمعتها بفم كل من كان حاضر.
وا اسفاه  نحن بالفعل فى مجتمع يتمتع بجعل سيرة وعرض الآخرين أخبارهم اليوميه مجتمع يعشق متابعة انباء الآخرين اكثر من متابعة انباءه هو..
بالفعل مجرد سماع وهدان هو الآخر تلك الاخبار قرر فى ذات الوقت اتخاذ رجال العائلة والذهاب للقاهره فى الحال
......
وهدان والقاهره مصيبه 😱
................................................
يتبع .....بقلم ولاء محمد
walaa 
.................