سندريلا ونيران الحب

11

سندريلا ونيران الثأر
الحلقه 11
فى الحلقه السابقه انتهينا عندما وجدت راقيه محل مناسب لتفتح صالون التجميل المشترك بينها وبين نغم
وذهبت بفرحه لتذف اليها تلك البشاير ولكن نغم كان مصير مشروعها على شرط اخيها
....................
فى مكتب الصمصار
ى مكتب مقاولات.
صمصار. ......... ممممم تمام طب عايزاه على قد الحال ولا غالى
راقيه....بص ياحج عايزه حد يكون مكان صغنن فى منطقه هنا كويسه وفى نفس الوقت مش غالى
الصمصار ....تمام طلبك عندى بس هرد عليكى بالليل لو تمام تيجى تسلمى العقد بكره ..
راقيه بفرحه .....تمام.
... اروح بقى ابشر البت نغم.وربنا شكلها محظوظه
سلام ياحج الله يكرمك ياراجل ياطيب
..........
بعد خروجها من مكتب الصمصار تمشى بخطى فرحه عابره الشارع ولكن ترى فجأه سياره قادمه باتجاها بسرعه كبيره ولكن من الرهبه بدلا من ان تجرى بالاتجاه الاخر او يصدر منها اى رد فعل اكتفت باغلاق عيناها ووضع كلتا يديها على ازناها ضاما فمها خوفا يالا رهبة هذا الموقف فهى احست بان لحظات وتنتهى علاقتها بهذا العالم. واذدادت دقات قلبها .
ولكن فى وسط تلك الرهبه فجأه احست وكأن شىء يعيدها لهذا العالم مره اخرى شخص ينتشلها من جمودها ويوقظها بكلمات تنم على التوبيخ لوقوفها كالتمثال
...........انتى مجنونه اتحركى يمين او شمال واقفه فى نص الطريق عايزه تموتى ايه مالك مجنونه
كل هذا وهو يضمها بين ذراعيه ماتلك الكارثه من برهه كانت سوف تموت واخرى بين يدى شخص غريب افاقت على ذهول .
...........
..لحظه دعونا نعود للخلف بقليل لنرى مدبر الحادث والمنقذ
الحدث من البدايه
فى شركة منتجات التجميل
مكتب جونيد....خلاص بقى تعبت هروح دلوقتى ووعد اجيلك بكرة ذى النهارده بدرى
عمار...تمام واهو بكره قريب.
بعد خروج جونيد من الشركه واستقل سيارته نزل خلفه عمار ليعطيه بعض الاوراق الهامه
وفى ذات الوقت كانت راقيه على وشك عبور الشارع
رأها جونيد وتزكر على الفور حادثة المول وملامحها فهى صديقة تلك الفتاه القرويه التى اتهمته بالمرض النفسى فقرر ان يبث فى نفسها الرعب لكونها ساعدت صديقتها فتعمد اخافتها باصطناع حادث بافهامها ان السياره تتجه صوبها وفى اللحظه المناسبه يذهب باتجاه اخر
لحظه هل يعنى اجل مكتب الصمصار بالقرب من شركة المنتجات
واثناء تنفيذ جونيد خطته الجنونيه لفت انتباه عمار هذا الوجه الذى سلبه قلبه من النظره الاولى فركد اتجاهها بسرعه تفوق المعتاد لينقذها واكمل جونيد طريقه كما خطط وغير الطريق ولكن لم ينتبه بتدخل صديقه
...............
عوده للاحداث الجاريه
عمار محتضن راقيه.........انتى مجنونه اتحركى يمين او شمال واقفه فى نص الطريق عايزه تموتى ايه مالك مجنونه وكنتى فين
افاقت راقيه من صدمتها على صوت رجولى وكأنه ابيها لترد عليه ثم بعد ان ادركت ملامحه اقشعر بدنها لقرب المسافه بينهم صدر رد فعل لم يتوقعه المسكين فكان ينتظر شكر
راقيه...كنت عند الصمصار... وعندما افتحت عيناها لتجد شخص غريب عنها قامت بازاحته وشكره بطريه خاصه فالقت بكفها تحيه على وجهه
راقيه...انت انسان مش محترم
عمار..............................
................................................
فى القاهره
منزل بدر
بعد نقاش طويل وإصرار من نغم اقتنع بالعمل ولكن تحت شرط واحد
بدر...اباى عليكى بت زنانه طيب خلاص موافج بس على شرط
نغم بتوجس...شرط ايه
بدر...عتوافجى على الشرط عوافج على الشغل اهنيه ومطرح متحبى
نغم بتفكير....طيب موافجه
بدر ...زين نتصلوا بسالم
نغم وقد لوت فمها وضيقت عيناها ...تانى سالم مش اكفايه انت ياخوى
بدر.....لاع مجدرش اتخطاه بجى ليه كلمه عليكى وانتى وافجتى على الشرط
وبعدين انتى ليه مش رايده ود الناس
نغم.....انا لا رايده ولا كارهه واحد معرفش من اى جهه ومن اول متقدملى ومصايب الدنيا فوج راصى هزغرت اول مسمع سيرته ده واضح شكله بومه
بدر..ههههه يابت الواد عيحبك ميتى هتفتحى جلبك انتى ميتى بس
نغم بتنهيده....لا كفايه انت عتحب ومش طايل والبنيه بتشتهى يوم متجوزوا ولا هنيه بت شيخ الغفر اللى اول معرفوا عتحب جوزوها لواحد تانى وولعت فى روحها وعيزنى احب لا والف لا اكفايه اللى عشوفوا عسمعه عن الحب واللى بيحبوا
...........................................
يقال ان ااصعب تجارب الحياة ليس تلك التى تخوضها ولكن تلك التى ترى نتائجها
على الاخرين فتكفى لتزرع الكره والخوف من نتائج التجربه اكثر من خوف خوض التجربه نفسها
....................................................
بدر....ياساتر يارب ده انتى شايله ومعبيه من كلمة حب امال لما تحبى عتعملى ايه
نغم....واه وبعدهالك عاد فضها سيره الشر بره وبعيد
بدر.......خلاص هتصل باللى امه داعيه عليه وهيتجوزك
قام بدر بالاتصال بسالم ومعرفة رايه بعمل نغم بالقاهره
وكما توقع بدر تماما بانه لن يرفض فتلك فرصته ليرى نغم او يقابلها فلن تتسنى له تلك الفرصه فى الصعيد
.......................................
سالم يحدث نفسه فى احدى طرق القاهره ....واخيرا ياسالم هتشوف نفم ياااااه ده كفايه اسمها كله طرب ..قال ارفض الشغل مين اهبل يرفض الطريقه اللى يشوف بيها القمر طالع كل يوم
ماشى يابت عيلة وهدان وجيه اليوم اللى هشوفك فيه ده انا دايب من زمان .
...........................................
امام مكتب الصمصار فى منتصف الطريق
راقيه...انت انسان مش محترم
عمار واضع يده على خده مزهول ولكن فى نفس الوقت ملتمث لها العذر فهو غريب عنها
عمار .....على فكره مكنتش اقصد انا كنت بحاول انقذك مش اكتر
راقيه....يا اخى سيبنى اتزفت اموت تحضنى ليه حضنك قطر انت تعرفنى تقربلى ايه بابايا اخويا
عمار...تسدقى اللى يشوفك يقول مبتتكلمش ملاك اتريكى من الملايكه اللى معايا فى البيت قولتلك من غير قصد
والتف حولهم حشد هائل من المتفرجين وكادوا التدخل لضرب عمار
ولكن راقيه من اثار صدمه الحادث المصطنع والارهاق والجدل وعدم اهتمامها بالطعام منذ خروجها للبحث لتحقيق مشروعها .اصيبت بدوار مفاجىء وظلت تترنح الى ان سقطت بين يدى عمار مره اخرى
شخص من الحشد....بتعمل ايه انت سيبها انا سمعها بتقلك تقربلى ايه انت يبقى احترم نفسك وابعد عنها هنطلبلها الاسعاف
عمار....و مش عيب يا استاذ واحده مخطوبه و مكتوب كتابها وبتتخانق مع خطيبها ذى اى اتنين مخطوبين
خطيبها يسيبها وهى مغمى عليها فى الشارع
شخص اخر...عندك حق يابنى خدها للمستشفى
قام عمار بحملها بين ذراعيه متجه بها لاقرب مشفى ناظر لملامح وجهها وشعرها الذى يضربه الهواء فيزداد تمرد ويتناثر على وجهها ..
اصبتنى بتعويذه فاصابت لعنتك قلبى وكأن حبك اصبح غريزه
هامس لنفسه بكلمات
عمار..سبحان الله وله فى خلقه شئون فعلا مش الحكمه من الحجاب انه حاجه كده والسلام ولا ذى مبيقولوا عليه خيام معلقه ده بيحافظ على الناس من فتن كتير وبيزيد حلاوة البنت اقسم بالله لو القمر دى لبسته هتبقى اجمل من كده بمليون مره يارب صبرنى ..
ثم اكمل بخوف......يانهار اسود ربنا يستر لما تفوق وتعرف انى شلتها دى لو مجبتليش ارتجاج فى المخ يبقى كتر خيرها .
قام باصالها لاقرب مشفى وتسجيل اوراق دخولها باسمه وبطريقه اطراريه اخرج هاتفها من حقيبتها ليبحث عن اسم مقرب لها فاخرج رقم والدها ولم يمانع بطريقة خبيسه ان يسجل رقمها فى هاتفه
وبمجرد وصول والدها شرح له ما حدث وغادر قبل ان تفيق
.....................................
وبمجرد ان استعادت راقيه وعيها عادت للمنزل
انتهى اليوم بانزال ستائر الليل وظهور مصابيح السماء
ومر الوقت الى ان اتى ضوء الشمس معلن عن بدايه يوم جديد باحداث جديه
.....................
بداية يوم جديد
فى الصعيد مزل وهدان
افاقت قمر وملامح الاشتياق تتملكها فهى ترغب بشده لجدال نغم مثل الاطفال ونظرات بدر المليئه بالحب على الرغب من عدم تحدثه المباشر لها
اشتاقت لصوته الخشن الذى ترتعد له جدران المنزل وحامل الامان
قمر...واه وبعدهالك ياقمر عدلك اتفكرى فيه كتير مهو لو عيحبك كان سلم عليكى جبل ميمشى
نفسها....اتجننتى كيف هربان وعيستنى يحب حبك برص
قمر....ايوه يستنى امال فالح فى التلفون يتكلم براحته وميسلمش عليا ..واجعه مرابره ليشوف واحده حاطه احمر واخضر ويحبها والله اكتله واشرب من دمه ولد ابراهيم لو فكر فكره حتى
نفسها...طب روحى كنك رايحه انتى اللى بتخافى عليه من الشمس لتلسعه تكتليه
قمر ...بس عاد اكفايه اتوحشته جوى
ذهبت تلك العاشقه لسعديه فهى اقرب لها لتحكى معها
قمر....جدتى اصباح الخير
سعديه بابتسامه...اصباح الفل ايه مال وشك زعلان اكده
قمر ..نغم اتوحشتها
سعديه...ايوه والله وبدر اسم الله عليه استقطعت حسه
قمر...احم لكن ياجدتى انتى لما يغيب جادى بتتوحشيه
سعديه بضحك...ههههههههه ايه ده اول مرة حد عيسألنى اكده
قمر بتطفل...شالله يخليكى جوليكى
سعديه...هههه ايوه ده بيخطف جلبى معاه
قمر مصفقه....ايوه تعال اسمع ياجدى.. ايوه على الرغم من كلامه الجوى
سعديه بتنهيده....يابتى الراجل لما ايحب لو جوى عالدنيا كلياتها هيبجى احن واحد على اللى بيحبها
قمر بتنهيده واحلام .....ايوه
سعديه بتعجب....واه مالك اكده نعسانه على روحك
قمر وقد تورد وجنتاها ..ايه انا لا عروح احضر وكل
...................................
فى القاهره منزل احمد
افاقت راقيه من نومها تفرد اجزاء جسدها المتعب ونست تعبها عندما تزكرت انها لم تخبر نغم على المحل فنهضت مسرعه لتخبرها
وقبل ان تخرج من باب شقتها
احمد....خودى ياهبله رايحه فين
راقيه....يابابا عايزه اطير لنغم علشان ننزل لقينا محل يابابتى للكوافير
ركدت باتجاه الباب
احمد.....طب استنى فى موضوع مهم اعرفيه الاول
راقيه.....لا ياباتى مش وقته هتاخر ياحبيبى
احمد...بس متجيش بالليل وتقولى مقلتليش ليه اقسم بالله هعلقك على الباب لو زعلتى
راقيه...تقلقش مش هقول مقلتش ولا حاجه سلام
احمد...براحتك المعاد بالليل سلام
...........................................
فى شركة المنتجات
مكتب جونيد
حضر جونيد كما وعد مبكرا
جونيد.....صباح الخير
عمار وقد قرر ان يستفسر عن سبب تصرفه بطريقه جنونيه امس
عمار..صباح النور تقدر بقى تقولى ايه اللى هببته امبارح
جونيدمتجه لمقعده ملقى هاتفه ومفاتيحه على المكتب
جونيد...امممم ايوه مش فاضل غيرك هات اسطوانه النكد اللى عندك انت كمان هيبقى فى البيت والشغل
عمار ..يووه بتكلم بجد كنت هدوس البت ليه
جونيد...اها قول كده اولا دى تبع القصه اللى قلتلك عليها فى المول ثانيه مكنتش هدوسها انا كنت قاصد اعمل كده علشان ارعبها ثالثا وده الاهم مالك بيها بى
عمار...ها
جونيد...ها ايه
عمار...احم احم
جونيد...اطلبك ينسون علشان الاحبال الصوتيه
عمار....لا الاحبال كويسه تغسل وتنشر عليها
نهض جونيد من مقعده واتجه لعمار
جونيد...ايه كمية الخفه دى
عمار...بتتريق طب مش هقول وهم خارج المكتب وخرج راكد خلفه جونيد
جونيد.........................
....................................................
فى منزل بدر
ذهبت راقيه لنغم حامله معها الاخبار الساره
راقيه...يابت زغرتى
نغم..ايه جاكى عريس لولولى
راقيه...عريس ايه جاتك نيله سديتى نفسى يابت لقيت مكان للكوافير
نغم.....صوح الحديت ده
راقيه...والله جد نغم....لولولولى
راقيه.....حبيبتى قلبى ايوه هو ده الشغل الصيدى وسمعنى احلى ضرب نار
نغم ..اتصدجى انك هبله صوح
راقيه.....تسلمى يا كبيره طالعه من بوقك عسل
وكده ميفضلش غير انى اروح اتفق مع شركه لمنتجات التجميل علشان نجيب حجات نشتغل بيها فى الكوافير
نغم...ايوه اشمعنا شركه مش فيه مندوبين عيلفوا يبيعوا الحجات لحد الباب
راقيه....لا ياحجه خلينا بعيد من المندوبين حاجات غاليه ومش كويسه مغشوشه خلينا فى الشركه وهروح انا
اوبس نسيت الحاجات لازم نجيبها النهارده لانه سمعت انه اخر يوم فى تخفيضات الشركه وانا المفروض اروح ادى الفلوس للسمسار
نغم...وبعدهالك ايه حكايه التخفيض معاكى وهنعملو ايه يا ام العريف فى الزانقه دى
راقيه...ايه نغم تخفيض يعنى نص التمن وحاجه مضمونه ...وفى حل انى اديكى العنوان وتروحى انتى ولا مش هتعرفى وتقولى عيب ومينفعش وكده
نغم....هههههههه اباى عليكى وصلتش لاكده حدانا بنطلع عادى بس لو قصر فى البيت طلب لكن لو الحرمه حاجتها عندها يبجى متطلعش واللى بتطلبه بيتجاب فى التو وغير اكده اهنيه الحال يختلف وانا واخده مشورة اخوى وده اهم حاجه
راقيه....ياجامد انت تمام بس اوعى اخوكى يتعصب لما يعرف فى شباب وكده علشان عارفه طبع الصعايده والخلق الديق
نغم.....جرى ايه عاد جلتلك اتفجت معاه وعارف هتعامل مع ناس غرب
راقيه...قشطه العنوان(....................)بس حاولى تروحى بدرى لانه اخر يوم للتخفيضات تنسيش
نغم...عروح دلوجيت علشان تنبسطى
راقيه.....قشطه عليكى ياكبيره وانا هطير ادفه الاليجار
ذهبت راقيه لدفع الايجار ونغم للشركة المنتجات
وكانت البدايه لابد من تسجيل طلب المستلزمات فى مكتب المدير.
.........................................
فى شركة المنتجات
مكتب جونيد
عمار...بتتريق طب مش هقول وهم خارج المكتب وخرج راكد خلفه جونيد
جونيد...تعال هنا يا هايف امسكه من ياقته واجلسه على اقرب مقعد
عمار بسخريه ....احترم نفسك يا مريض هههههههههه
جونيد بغيظ واضع يده على رقبة عمار....والله اخنقك متستفزنيش قولى بقى ايه حكاية البت معاك
عمار بتنهيده....اااه دى اللى صادت قلبى بس اقولك ايه اول مره قبلتها حماده وتانى مره حماده تانى خالص
جونيد...ههههههه ليه عملت ايه
عمار...اول مره شوفتها هدوء الدنيا على وشها ولا ابتسامتها يالهوى يانا ياما جبتنى ارض
تانى مره ياختتتى بركان واتفجر فى وشى ولا ياحبيبى كلامها ازاعه بعد عملتك بالعربيه لمت عليا الخلق وكنت شويه هاخد علقة موت بس ايه الحمد لله اغمى عليها
جونيد....هههههههههه احسن
عمار....شمتان فيا يامريض
جونيد بثقه...ها مريض المريض ده بروفسير فى معاملات البنات مش زيك يغرق فى شبر ميه
عمار...تعرف عمرى مشفت واحد كداب كدب الابل زيك
......................
كدب الابل مثل متداول بين المصريين
يرجع أصل هذا المثل إلى أيام البدو، حيث كان البدو يتجولون مع جمالهم في الصحراء، و خلال تجوالهم كانت الإبل تحرك فمها يميناً و يساراً و كأنها تأكل، فكان الرعاة يظنون بأنها وجدت حشائش على الأرض تأكل منها، إلاَ أنها تلاعب شفتيها فقط و أصبح يقال هذا المثل لوصف كل من يضلل أو يكذب على شخص آخر
..........................
جونيد....ليه اهو انت.. مش عارف تفهم واحده انما انا مستعد اتعامل مع مليون واحده فى وقت واحد
عمار....بس بقى هو هرى وبس يا بنى الستات الكائنات الوحيده اللى مهما عملت مش هتفهمهم
يعنى البنت فى لحظه واحده بيكون عندها مليون انطباع تلقاها تفرح تزعل فى وقت واحد
جونيد..لا يابرنس مش معايا انا حفظهم
عمار...طب متتغرش وافتكر انى قولتلك ده اكبر علماء فى الدنيا مفهموش طبع الست تيجى انت تقولى حفظهم بامارة ايه
دى البنت لوحبت بطلعك سابع سما ولو كرهت ممكن تخسف بيك الارض
يا حبيبى احنا ربنا ادانا القوه وهم اخدوا الدهاء .
جونيد...ياولا وبقيت فيلسوف طب يلا قبل عاصم مياجى يرفدك دخل الزباين
.............................
وصلت نغم لشركة المنتجات
وكانت ترتدى عبائة من اللون الاسود على الطراز الخليكى وحجاب باللون الوردى
واخبرتها السكرتيره انه فى البدايه لابد من تسجيل طلب المستلزمات فى مكتب المدير وارشدتها الطريق ثم يتم تجهيز المنتجات
اتجهت نغم لمكتب المدير استقبلها عمار كمساعد للمدير يستقبل الزبائن ويجهز اوراق تسجيل الطلبات وينظم الادوار لمقابلة المدير
مكتبه مع مكتب المدير ولكن يفصله زجاج شفاف فقط لمنع اختلاط الاصوات عنده وعند المدير لذلك من يجلس بمكتب عمار يرى مكتب جونيد ..
كان بمكتب جونيد فتاتان يقدمن طلب واحد ولكنهما ارادا ان يدخلا معا لمقابلة المدير الوسيم
فدار نقاش كان دال على فتح مجال للضحك والمسايره
...
نغم...السلام عليكم ورحمة الله وبركاته
عمار..وعليكم السلام ورحمة الله وبركاته اشار بيده لمقعد . اتفضلى
نغم....لو سمحت انا السكرتيره جالتلى الطلب عند المدير
عمار...ايوه يافندم خمس دقايق بس المدير يخلص الطلب اللى عنده ويجهزلك طلبك
نغم... وهو حضرتك مش المدير اهنيه
عمار ..لا يافندم انا المساعد واشار بيده تجاه الزجاج .المدير اللى قاعد على المكتب التانى ده
وجزبه طريقة حديثها .هو انتى صعيديه
نغم بتساؤل...ايوه فى مشكله
عمار...لا يفندم اهلا باهل الصعيد اهل الكرم معلش بعد ازنك هطلع اوصل ورق للرئيس وارجع يكون المدير خلص الطلب اللى عنده وادخلك.
نغم ...طيب
خرج عمار وظلت تنظر نغم عبر الزجاج ولكن لا ترى وجه المدير بوضوع كل ماتسمعه عبر الزجاج قهقهات يصل بدرجه منخفضه لوجود الزجاج ولا ترى سور مصافحات تلو كل ضحكه .
مر وقت قرابة نصف ساعه على هذا الوضع .
نغم بشمئزاز ..ايه شغل السهوكه ده.. ده مدير ولا عيوزع نكت واكسه ليكون كل الولد اهنيه اكده ملهومش رابط ويطلع المنيل خطيبى اكده اقسم الله اطلع عينه
انتظرت نغم فتره الى ان تملكها الضيق وعدم الصبر ودفعها عدم وجود عمار للدخول لمكتب المدير
نغم..لا مبدهاش عروحلوا
.. طرقت الباب الزجاجى ودخلت وهنا كانت المفاجأه............
..................
وهنا كان اعلان انطلاق ثانى شراره لنية عقد حرب بطيئة ذات تكتيك متئنى
...............................
يتبع..............بقلم ولاء محمد