سندريلا ونيران الحب

4

سندريلا ونيران الثأر
الحلقه 4
فى صباح يوم جديد حيث اشعة الشمس تداعب الطبيعه باشعتها الدافئة واستيقظت نغم كالعاده مبكرا وبعد ان انهت صلاتها وقراءة الورد اليومى من القران الكريم وذهبت تطمان اولا على بدر حيث فى مخيلتها انه لم يذهب للارض الزراعيه بسبب اصابته ولكن هيهات فقد غادر مثل العاده بعد صلاة الفجر ولكن الاغرب ان وهدان لم يذهب للارض الزراعية....
نغم اتجهت لغرفة بدر ولم تجده
نغم...اباى على مخ الصعايده الناشف متصاب بطلق نارى ونزل الغيط اعمل فيه ايه عيشلنى
اروح احضر فطور مع مرات عمى
بعد ان نزلت الدرج تفاجئت بجلوس وهدان فى الفناء
نغم...جدى ليه جاعد اهنيه خير
وهدان بتنهيده....مفيش عايز اراجع دفاتر الاراضى
نغم بتعجب ...حاضر يا جادى عجيبها واعاود
جلبت الدفاتر وبدأت الحسابات
وهدان...زين والارض الشرقيه كان الايراد ابتاعها كام
نغم....منسوبها كان اقل ياجدى من الارض الغربيه مخبراش ليه
وهدان ...ايوه يبجى عشان اتغرقت لما الحوض الكبير اتفتح قفلى الحسابات خلاص
نغم..جدى هو انت عايز تجول حاجه
وهدان.....................قبل ان يتحدث دخل بدر المنزل حيث شعر بالتعب اثناء مباشرته الاشراف على العمال وقرر بالعوده للمنزل
بدر...السلام عليكم
وهدان...اهو بدر عاود الحمد لله
بدر...خير يا جدى
وهدان...لسه خيتك كانت عتسألنى ايوه عايز اجولكم على حاجه مهمه تعالوا ورايا فى المندره
............................
فى القاهره فى منزل جونيد
زينات تصدر صوت مرتفع.لا ياريم مش معقول المحاضره 11وهتنزلى من الساعه 9ليه
ريم.اوف ياماما صحابى عزمينى على الفطور هروح افطر معاهم وبعدين اروح المحاضره take careبقى
زينات...لا بقى مش فاضيه انا ليكى ولاخوكى لازم اروح الجامعه بدرى معايا مؤتمر
وعلى اثر صوت زينات وريم استيقظ جونيد من النوم
جونيد...بنبرة شبه مستيقظه صباح الخير فى ايه ليه الدوشه دى من اول اليوم
زينات ..طبعا دوشه مهو حضرتك متعود تصحى الساعه2
جونيد...فى ايه ياماما مقدرتيش على الست ريم هتاجى عليا
زينات...هو ده اللى فالح فيه اول منشوفك تفضل تزعق
جونيد..هو انا اتكلمت زعقت امتى
زينات..يعنى فى مدير شركه يروح الساعه 2 ويخرج3 وفوق كل ده يرجع نص الليل ليه بتعمل ايه كل
مفيش غير خالك اللى دلعك تروح براحتك متروحش مش مشكله .
جونيد....ببرود نفس الكلام كل يوم انا رايح البس ونازل
وانتقل بناظره تجاه اخته وانتى يا هانم خفى من اللى انتى بتلبسيه ده اللبسى بنطلون بس بلاش يبقى فوق عريان سامعه
ريم...خليك فى حالك
زينات..بااااس يلا كل واحد يروح يشوف هيعمل ايه
....................................
فى الصعيد
فى منزل مهران..
حسنيت....ايه عتجول ايه ازاى عايش
........والله نضرته كان بالغيط
حسنين....غور من وشى الساعه دى
حسنين بنبرة غضب وقد تحولت لون عينيه بلون الجمر
حسنين ..هشام انت ياولد
هشام مهرول من غرفته
هشام..ايوه ياعمى حوصل ايه
حسنين..شوفت يا شملول بدر طلع عايش
هشام بصدمه...كيف الحديت ده
حسنين ..مخبرش شوف نفسك
هشام....الله فى سماه ماراح يفلت من يدى المره دى
........................................
فى منزل وهدان
بعد ان دلف مهران وبدر ونغم الغرفه واغلق الباب
طلب منهم الجلوس ثم ولاهم ظهره عاقد يديه خلف ظهره ثم اخذ شهيقا واصدر ظفير وكأنه سينعى احدهم
وهدان ....بتنهيده عجولكم ايه مش بحب لف ودوران كيف الدحروج
انتوا لازمن تهجوا من اهنيه
نغم ..جحظت عيناها وفغرت فاهها دون ان تتكلم وظلت بمكانها كالتمثال
اما بدر فهم واقفا وبنبره عصبية ولكن بصوت مقبول نظرا لعدم مقدرته على رفع صوته امام جده
بدر..عتجول ايه ياجدى
التفت وهدان لهما
وهدان...اللى سمعته يابدر لازمن تهجوا جبل عيلة مهران ماتيجى اهنيه ويخلصوا عليك
نغم مازالت على وضعها لاتدرك مايقال امامها فهل استطاع وهدان حقا ان يتخذ مثل هذا القرار بسهوله
كيف له ان يطلب منهما مغادرة القريه وترك منزلهما
بدر ...ليه ياجدى هو انا اصبحت من النسوان عايز تهججنى لا انا عندى اموت ولا اهج كيف النسوان
وكل ده علشان حتت عيار صاب دراعى لا انا اموت افضل
بعد ان سمعت نغم تلك الكلمات انتفضت وهمت واقفه
نغم...بعيد الشعر عنك يا خوى ليه اكده عايز اتموت مكتول وتهملنى
بدر...اسكتى يانغم انتى يعنى عيزانى اهج كيف الولايه
وهدان بصوت امر وناهى...فضوا الحديت الماسخ ده واسمعوا اخر كلام وهيتنفز ومن غير متنشف راسك يابدر سامع هتهجوا من اهنيه وتندلوا مصر
واسمع خيتك ملهاش غيرك وانا رجلى والجبر وبعدين العيار صاب دراعك المرة دى مين عالم المرة الجايه هيكون فين.
بدر..بس ياجدى
وهدان ..من غير بس ولا مبسش هتطلعوا بالليل مش دلوجتى سامعين
..............................................
فى القاهره منزل جونيد
دلف جونيد غرفته وهو يغمغم بكلمات
جونيد...ايوه كل متلاقى نفسها هتصدع مننا تقوم مزعقى وممشيانا ذى الفران على الجحر ايه ده
وبعد انهى جونيد من ارتدائه ملابسه رن هاتفه فوجد الهويه ساره
ساره.. ..good morning my heart..
جونيد...صباح الفل يا قمر وحشتك ولا ايه ده معداش كام ساعه مكلمين بعض
ساره..طبعا يابيبى انت ديما وحشنى
جونيد..بقولك ايه يا حياتى انا فاضى دلوقتى قابلينى فى المطعم نقعد شويه قبل الغدا
ساره...اوكشن نص ساعه وهكون هناك
اغلق الخط واذ بعمار يطلبه
جونيد.....الو ايه خير
عمار....ياساتر يارب ده صوت اتكلم براحه يا اخى
جونيد..مش فاضيلك
عمار..طبعا تلاقيك كنت بتكلم سوسو ولا فوفو ولا شوشو اصلهم كتير
جونيد....ايوه افضل قر عليا كل مره لغايت ميطفشوا كلهم كفايه نقك نقصوا واحده
عمار...ياعم ربنا يهد ويهدى
جونيد...ممممم عارف النبره دى لخص عايز ايه
عمار.. بقولك فاضى دلوقتى
جونيد... فاضى مش فاضى على حسب طلبك
عمار....هههههههههههههههههه المهم عايزك ضرورى
جونيد............................
......................................
يتبع...............بقلم ولاء محمد