سندريلا ونيران الحب

24

سندريلا ونيران الثأر
الحلقه 24
توقفنا فى الحلقه السابقه عند حوار نغم وقمر
نغم ....عتعيطى ليه عاد متخفيش انا معاكى مهخليش الجوازه دى أتم
قمر....كلام ولد عم حديت خلاص يا نغم انتى جولتيها جبل سابج نصيب
والنصيب غلاب .....
جومى روحى غيرى خلجاتك دى جبل جدك ميشوفك ..
نغم بتأفأف...اباى انا لو بيدى اجعد أكده اليوم كلياته مضمنش أعنيه ده نفر أعنيه كيف المنظار
عيل املزج أكده ربنا يرحمنى ..
خرجت نغم باتجاه غرفتها لتبديل ملابسها وعندما دلفت الغرفه كانت خاليه حيث جونيد بالأسفل شعر بالعطش
وذهب ليحضر زجاجة مياه ان وجد
ويبدوا انها فى نوبة غضبها وزمجرتها نست انه يوجد قاطن جديد معها فدلفت دون ان تتأكد من وصدها
لباب الغرفه وبدأت تغير ملابسهاباريحه .كانت موليه ظهرها باتجاه الباب
ولكن بعد خمس دقائق واحد ..اثنين...
ثلاث...أربع...خمس
كانت المفاجأة الباب يفتح
نغم..عااااأاااااأاااااا
جونيد...عااااااااااااا
نغم بصراخ...... براااااالباب
خارج الغرفه

فتح الباب ومن الصدمه اغلقه بسرعه وعاد ادراجه ...
لأسفل جونيد بصدمه ويتحسس جبينه ووجنته
جونيد ......أوف ايه ده هو الدنيا بقت حر فجأه ووشى سخن ليه
هى مش الاوضه دى بتاعت زغلول اللى انا مجوزه ايه بقى اللى شوفته
من شويه وبعدين انا ليه قفلت الباب ومشيت وبعدين لو دى زغلول تغير فى الاوضه ليه
نسيت انى قاعد معاها فى الاوضه ولا ايه يووووه وبعدين انا اتكسفت ليه مهى مراتى احم بس هوف لا المفروض كنت خبط
داخل الغرفه
بدلت ملابسها بسرعه وهى تكيل له الشتائم
نغم....كيف انسيت الغتت ده ومجفلتش الباب زين كيف دخل
وازاى ميخبطش عيل جليل الحيا مش متربى هو لو أمه ربته كيف
الناس كان خبط الهى يلبس فى حيط يحول أخ يانارى لو بيدى اسمه وارتاح
عيجول ايه دلوجتى يارب يتوه ميرجعش تانى
لا انا لازمن اعمل احسابى مخبراش اشطانه يمكن يرسمله حاجات
ييجى اسلاحى تحت مخادتى كيف مكنت اعمل اهناك
.............................................
فى القاهره منزل جونيد
بعد ان عادت ريم للمنزل كانت زينات كالمعتاد بين ابحاثها وكتبها
دخلت ريم دون كلام فاوقفتها أسئلة زينات
ريم.........
زينات.....ايه ده رجعتي طب مفيش ازيك يا ماما كده من غير سلام
ريم....sorry mamتعبانه
زينات....مالك الرحله مش حلوه ولا ايه
ريم....لا بجد انتى ازاى كده
زينات ...مالك بتتكلمى كده ليه
ريم....تعب يامام تعبت بجد حسى بينا حرام عليكى كل همك انبسط فى الرحله ولا لا
طب كلفتى نفسك وسالتى عليا حتى لا . امال بتسألى ليه
زينات....بنت صوتك ميعلاش
ريم.....متأسفه بجد مش قصدى أعلى صوتى عليكى ياحضرة الدكتوره
بس انا عايزه اعرف انتى بتعمل فينا كده ليه ..ليه مخليانا ديما فى آخر اهتماماتك
ليه كل اللى هامك تدينا فلوس ومش مشكله نصرفهم فى ايه ليه عمرك مسالتينى
صحابى ولاد ولا بنات ليه مسالتيش جونيد اتغير وبقى عصبى ليه
بجد انتى مبسوطه كده واحنا بنضيع
زينات بعدم فهم....ايه اللى بتقوليه ده
ريم بسخريه. ...عايزه ترجمه أسهل لكلامى يامامه حاضر
انا كنت هضيع كنت هتجوز عرفى وابنك حب وانجرح و دلوقتى اتجوز
اتجوز صعيديه ها كده الرؤيه وضحت بعد ازنك بقى يادكتوره معلش
ضيعت وقت حضرتك
زينات بصدمه......تعالى هنا ايه اللى انتى بتقوليه ده جواز عرفى ليه
لا متجبيش الغلط فيا الغلط فيكى انتى اللى مش عارفه تفرقى بين الصح
والغلط انتى مش صغيره والمفروض عارفه ايه الحلال والحرام ايه الغلط والصح
متجيش تقوليلى تربيتى انا اظن انك عاقله وبتعرفى تفكرى
ريم بسخريه....هههه ايه حتى دى عندك ليها اجابه طب كويس عرفتني
انى ممكن أختار ليه بقى وقفتى قدام سعادتى ورفضتى سالم
زينات....انا مامتك واعرف مصلحتك
ريم بسخريه.....ايه ده بجد طلعتى بتفكرى فى مصلحتى طب كويس
حلو الدور ده استمرى عليه
تلقت ريم صفعه من زينات لم تدركها إلا ودموعها تنهمر
زينات.....اخرسى قليلة الأدب كلامك بقى مش محترم وبعدين
ازاى بتقولى اخوكى اتجوز بالبساطة دى وصعيديه
ريم....اه اتجوز بس واضح انه نسى يجيب لحضرتك كرت دعوه
عن ازنك لانى انضربت بما فيه الكفايه النهارده مش حمل ضرب تانى
زينات.....تعالى هنا يا بنت مكملتش كلامى
ذهبت ريم لغرفتها مغلقه خلفها الباب لتنعزل عن العالم فى عالم الأحلام
الخاص بها.. وتركت زينات تتخبط بأفكارها
..........................................
فى الفندق ..
بغرفه عمار
كان خارج الفندق لمده لا تزيد عن أربع ساعات كان يجلب ماطلبت
راقيه شوكولاته وكتاب النظم الماليه فى مصر زمن
الأيوبيين
لحسنين محمد ربيع وبعض الروايات
أما راقيه فكانت تنتظر بهيئتها الطفولية ذيلا حصان على جانبى الرأس
ترتدى بجامه رياضيه
فى الغرفه بعد عودة عمار
راقيه...اتأخرت ليه
عمار بضحك.....سيبك منى ايه اللى انتى عملاه ده البنات بتعمل ديل حصان واحد
انتى عامله اتنين هههه وكمان ياحبيبى لابسه بجامه sport هو انتى رايحه رحله
ولا ايه ههههههه
راقيه....ايه وحشه يعنى
عمار بحنان.....لا ياقلبى انتى حلوه فى كل حاجه بس ده أسبوع عسل
يعنى عرايس فابوس ايديكى ارحمى أمى من مفاجاتك دى
مش كفايه نزلت جبتلك كتب ارجع الاقيكى كده ارحمينى
راقيه....ليه هى العرايس مينفعش تلبس كده حرام
مثلا
عمار بخبس....لا بلاش أوضح تلبس إيه
راقيه.....أنت قليل الأدب
عمار....هو انا اتكلمت ولا قولت حاجه. وبعدين مالك ومال الكتاب ده. على فكره ده مرجع
فمقدرتش أشتريه صورتلك منه جزء كبير وبعدين انتى
بتقولى خريجة تربيه رياضه والكتاب ده حادف على تاريخ مالك
بيه
راقيه...حبيبى ياعمورتى عرفت انك هتتصرف وتصور..بس بقى
مش عيب الإنسان يطلع على تاريخه أمه بدون تاريخ بدون مستقبل
شوف بقى الفتره دى على الرغم من انها كانت حروب وتوتر بس
كان فى إهتمام بالناحية الماليه وده اللى احنا مفتقدينه دلوقتى
قاطعها عمار....بااااااس انا غلطان بسأل
قاطع حوارهم رنين هاتف عمار
عمار ..ألو .....ايوه.....ايه ........امتى ......طيب جاى وأغلق الهاتف
راقيه بخضه....فى ايه
عمار....سامحينى بس ماما تعبت فجأة ولازم نروح لها
راقيه....آسف على ايه هات الشنط بسرعه وانا هغير هدومى
ونروح لها
.................................................
مر الوقت إلى ان أتى الغروب اطمأن عمار على والدته
ورجع بدر المنزل على ميعاد العشاء أما جونيد فلم يصعد الغرفه
منذ وقت خروجه فظل فى فناء المنزل إلى ان تجمعوا على سفره الطعام
وكانت بالنسبه له أشبه بإقامة عرس فكانت تشمل كل ما لذ وطاب من أصناف الأطعمة وأثناء تناول
الطعام وعلى الرغم من حاله الحزن االدفينه المخيمه على كل فرد الا
أن سادت الضحكات والسمر بينهم
وهدان....ههههه عتعمل ايه الملوخيه حدانا بتتغمس
بالعيش مش بتتشرب بالملعجه ناولى عيش لجوزك يا نغم
نغم بابتسامه مصطنعه. ....حاضر ياجدى
وبصوت خافت لجونيد. ...خود اطفح
جونيد بنفس النبره. ...اطفح فى واحده تقول لجوزها كده مش
كفايه انتى تسدى النفس كمان كلامك اكتر منك
وهدان....كولى زين يا نغم عشان تتجوى
عايزكم اتنيناتكم تاكلوا زين عشان تجيبوا عيل كيف الورد
نغم مجرد سماعها كلمات جدها وكأن الطعام رفض البلع
نغم....كح كح كح
جونيد مسرع باعطائها كوب ماء .....الف سلامه عليكى براحه
ثم همس بالكلام براحه الأكل مش هيطير ولا الكلام مش حلو
ثم بصوت عالى وموجه نظراته لنغم..والله ياحج وهدان انا معنديش
مانع وقريب ان شاء الله
نغم بأعين جاحظه من نظراته الوقحة وكلامه الجرئ ...كح كح
هجوم اعمل الشاى
.أما بدر وقمر...فكانت ابتسامه مصطنعه على وجه كل منهم ولم تطرف
أعينهم ولو للحظه عن بعض بركان داخل كل منهم
فى المطبخ....
نغم تقلد صوت جونيد....عنيه تندب فيها رصاصه باصص عليا ليه ده ناوى على
عمره والله شكله عايز يطخ عيارين جال ايه معنديش مانع وجريب
جريب فى عينه
فأتى من خلفها صوت جعلها تتسمر مكانها
جونيد....ايه هو انا بتكلم كده بس حلو صح
نغم....أنت عتعمل ايه اهنيه يخرب بيتك غور من اهنيه مرت عمى
عتاجى اجيب الوكل عتجول علينا ايه
جونيد مقترب خطوات منها حتى أصبح أمامها مباشرة
هتقول ايه يعنى واحد ومراته فى مكان لوحدهم اكيد
بيحطلها قطره
نغم....انت جليل الحيا امشى من اهنيه
جونيد ...لا مرتاح هنا
نغم....ابراحتك بس اللى يستحمل .أمسكت براد الشاى
وسكبت بضع قطرات على قدمه فتحول وجهه عده ألوان من الألم
جونيد ممسك قدمه.....متخلفه اااه عبيطة ايه اللى عملتيه
نغم بابتسامه.....جلتلك اطلع من اهنيه مسمعتش
الكلام استحمل بجى
جونيد بتوعد. .حسابك تقل قوى بس ذى مبتقولى اللى يستحمل يازغلول
نغم بغضب....انا زغلول وأنت عامل كيف مبيجول ونيس شرفنطح
اهو انت شبه منفوخ على الفاضى
جونيد.....ايه ايه انا استاذ جونيد ابن اكبر دكتور فى القاهره دكتور حسان تقولى عليا شرفنطح
نغم .....اتنيل ولا نعره جدابه والله لو عدور فى اصلك اتلاجى ابوك كان
بيجرى ورا عربية رش الناموس
جونيد بغضب.....لمى لسانك احسنلك
نغم.....معجبكش امشى من البلد
جونيد بابتسامه ...على قلبك مش ماشى
............
اى تعويذة القتيها على اصبحت اتبعك من مكان لمكان اوهم نفسى
بالكره وانا المتيم والهان سهم عينيكى السود فتان
من اين لكى كل هذا الدلال قوية فى عينيكى جبروت
جعل عصيانى على وشك الانهيار
........................................
فى القاهره
زينات بقلق....اتجوز صعيديه يانهار اسود لا انا اتصل بعمار يفهمني
صاحبه واكيد حكاله على كل حاجه
قامت محادثة عمار وشرح لها كل ما حدث حتى سفر جونيد مع نغم
زينات ظلت تتحدث بكلمات غير مفهومه ومفهومه...يانهار اسود ازاى يتجوز المجنون هيودى نفسه فى داهيه
حد يروح للموت برجليه بقى باباه يهرب منهم ويعيش هنا وهو يروح
يقعد وسطهم ياخوفى يعرفوا هو ابن مين مش هيخلوه عايش لا
والكارثة انه اتجوز بنت العيله اللى اتهم بباه انه قتل فيها صاحبه
ومصيبه بقى لو أهل بباه عرفوا انه ابن ابنهم هيقتلوه عشان بباه طلع من
طوعهم واتجوز من وراهم ..يارب أسترها فى الحالتين هيتقتل
متخلف اصلا قلتله ابعد من الصعيد لكن اعمل ايه العند وراثه من بباه
اعمل ايه ياربى اتصل بيه مفيش حل تانى
اه يانى بنت عيلة وهدان ياجونيد مش لاقى غيرها أغمضت عيناها بخوف
ربنا يستر ميعرفوش انك ابن عيلة مهران والانيل ابن حسان
......................
لحظه وضحت الرؤيه
جونيد ابن السيد حسان من سلاله ال مهران
العائله التى كانت فى البدايه صديقة عائلة وهدان
والتى اصبحت علاقة الصداقه مع الزمن اكبر عداء
واصبح بينهم ثأر
الان اصبح الوضع اسوأ ظهر ابن حسان الذى وفق قانون الصعايده خارج
عن رضى الاهل وان قتله عند رؤيته امر وارد
وفى المقابل هو من بدأ عنده الثأر لذلك ايضا قتله من قبل العائله
الاخرى شىء منتظر
سوء فهم صغير اصبح حياة الفرد فى خطر
لنكمل حتى نرى الى ماسوف نصل كم ضحيه ستكون
للثار الى الان اثنين على حافة الفراق وعلى هوة الموت
هل سيوجد اخرين
.....................................
..قامت زينات بمحادثته
جونيد....ألو ماما ازيك
زينات.....مبروك ياعريس
جونيد....احم يا ماما بس اسمعينى
زينات ...مفيش داعى للشرح انا عرفت كل حاجه من عمار
اسمعنى لازم تيجى حالا وطلق البنت دى
جونيد بسخريه.....أطلقها ليه هى باكوا لبان اشتريته ومعجبنيش
فارجعه
زينات.....وبعدين اسمع الكلام وتعال من عندك
جونيد... متأسف يا امى دى مراتى وانا مش هطلق
ومينفعش اجى واسيبها لوحدها
زينات .....أوف منك ومن دماغك الناشفه طب اسمعنى كويس
اوعى تقول اسمك كامل قدام حد عندك وخلى بالك من نفسك
جونيد بقلق.....فى ايه يا ماما وماله اسمى هستعار منه مثلا
زينات....لما ترجع هفهمك بس اوعدنى متقولش اسمك كامل
جونيد بسخريه....حاضر هقوله خالى من الدسم
زينات.....قليل الأدب فعلا معرفتش اربى لما ترجع
جونيد....ههههههه حبيبة قلبى يازوزو سلام
جونيد يحدث نفسه.....فى ايه مش مطمن لكلام ماما
ما علينا بس واضح انه فى إجماع انى قليل الأدب هههه
.................................
مر الوقت إلى ان أعلنت ظلمة الليل سيطرتها على كل الأنحاء
فى منزل عمار
عمار .....ايه يا ماما كويسه دلوقتى
مرفت....الحمد لله يابنى انت ايه اللى جابك ياحبيبى انت لسه عريس
عمار. مقبل يدها....وهو انا عندى أغلى منك يا ست الكل
راقيه...ايه يا ماما الحجه هو ينفع نسيبك انتى الخير
والبركه
مرفت.....تسلمى يابنتى ربنا يهنيكى
راقيه مقبله رأس مرفت.....و يخليكى لينا يارب
عمار ..احم احم نحن هنا ايه لقيتوا بعض ونستونى طب حنوا عليا
انا الغلبان ادينى بوسه من اللى بيتوزعوا دول اييييه
راقيه مشيحه بيدها لعمار بعدم اهميه....ماما هروح اعملك حاجه
سخنه تشربيها الدكتور قال كترى شرب سوايل
ذهبت للمطبخ وبعدها بفتره قليله تبعها عمار
فى المطبخ
أتى عمار خلف راقيه....هو الدكتور وصى على ماما بس مقالش
حاجه عنى
راقيه....بسم الله الرحمان الرحيم. حرام عليك خضتنى
عمار بحنان....الف سلامه عليكى من الخضه يا نن عينى
راقيه...احم انا بحضر حاجه لماما تشربها اعملك كوبايه
عمار....لا انا عطشان
راقيه...التلاجه وراك على فكره وفيها قزايز مشبره
عمار ...لا مهو انا مش عايز أشرب ميه عايز حاجه تانيه
راقيه....أقسم بالله لو قربت سنتى واحد نحيتى لصوت ايه
فاكرها سايبه انا بنت ناس
عمار....ششش يخربيتك فى ايه عبيطه انتى مراتى وايه هو
بنت ناس هو انا قولت ايه محسسانى انى قولتلك نضرب ورقتين
عرفى ..روحى ياشيخه ربنا على الظالم والمفترى مطلعى عين اللى جابونى ايام الخطوبه وحتى بعد الجواز كلمه مش مهنيانى بيها
كشفت رأسى ودعيت عليكى يابت الأستاذ أحمد
راقيه.....هههههههههههههه معلش ياختى هى الدنيا كده
عمار .....هى وصلت لياختى لا انا لازم أرد كرامتى
راقيه...صلى على النبى مقصدتش حاجه
عمار.....ولا تقصدى خلاص قضى الامر ياشعلان هاخدها يعنى هاخدها
راقيه.......مجنون عايزه اروح لمامتك
عمار....لو السيدة كلها عملت اعتصام قدام باب الشقه هخدها
بالفعل خطف قبله منها
................... ..............
فى الصعيد صعدت نغم لغرفتها بعد ان انتهوا من حديثهم بعد تناول الطعام
وارتشاف الشاى ربما قاربت الساعه 8مساء وصعد خلفها جونيد
ويبدوا على ملامحه انه لن يدعها تنام بسلام فربما خطط لتعكير صفوها
وكذلك ملامح بدر فكانت توحى بأنه لن يقف مكتوف الايدى دون ان يحدث
محبوبته
.............................
يتبع.......بقلم ولاء محمد