سندريلا ونيران الثأر
الحلقه9
توقفنا فى الحلقه السابقه عندما
تعجب الجميع من صمت نغم
وكانت الابتسامه تعلو ثغر هذا المسكين فأعتقد لوهله ان صمتها خوف وسوف يتبع هذا الصمت نهر من الدموع على خديها فتابع كلامه بفرح.
جونيد..شيفين اهى ساكته علشان عارفه انها حراميه اصلا شكلها شغاله والمدام مش بتديها مرتب كويس فقالت تلقط رزقها أدى آخرتها .
لم يدرك أن ليس كل صمت خوف او قبول بالكلام فبعض الصمت يدل على حسن تدبير الصفعه كما يقال هدوء ماقبل العاصفه.
ردت نغم وبكل ثقه ..ومن ميتى الحرامي مبجاش يخاف أكده ويرمى التهمه على غيره
جونيد.طبعا هتقولى لا كدب ...
قاطعته نغم ..معايا اشهود معملتش حاجه بس ... واكملت كلامها بسخريه انت مش ..عيب عليك تعمل أكده شكلك عيان ياحبة عينى جول متخجلش كل حاجه بجى ليها علاج
جونيد بتساؤل. .بتقولى ايه انتى.
نغم تتصنع البكاء...ايوه انا غلبانه وعلى كد حالى اتجوم تاخد الخاتم اللى حيلتى ولما شوفتك تهددنى هتحبسنى اكمنى غلبانه ده آخر الزمن ايهىء
جونيد ...بتقولى ايه انتى انا اسرق اتجننتى
نغم....لاع مجلتش سرقه ده مرض انت عيان
راقيه وجدت وسيله هى الأخرى لانقاظ صديقتها...ايوه اطلبولوا البوليس عيب يتهم الناس كده وانا شاهده هو اللى أداها الموب جونيد..بزهول ..بوليس ايه انتى كمان اللى هيطلبوه ليا.
هدير...انتى مجنونه جو يسرق
جونيد..اتركنى انتى دلوقتى ..قصدى اهدى شويه هتصرف.
نغم بخبس......لاع ياراقيه مش شرطه مستشفى اكمنه مريض بحاجه اسميها..الكليبتومانيا..
وابتسامه نصر لتصديق الاخرين كلامها ..ربنا يشفيك ياولدى
............................................
لكليبتومانيا..(مرض السرقه)
حالات سرقة تختلف عن سواها، وهي ما يُعرف ب «مرض السرقة» أي الكليبتومانيا، حيث يكون المسبّب الإضطراب النفسيّ والمحرّك اللذة الآنيّة، والهدف الإثارة والنزوة!
........................................
استشاط جونيد من الغيظ كيف لعبته ردت اليه بعد ان كان متهمها بالسرقه اصبحت تتهمه بالمرض
واراد ان يضربها لتصمت فتدخل احد افراد الامن
لو سمحت ياحضرة كده انتو الاتنين لازم تتفتشوا علشان نعرف كلام مين السادق
اتفضلى يا استاذه اشار الى احد افراد الامن منالنساء للذهاب مع نغم لتفتيشها
وذهب هو مع جونيد
اتفضل يا استاذ
جونيد..انت مجنون تسدق دى
لو سمحت هى وافقت تتفتش وانت لو رفضت يبقى اللى هى بتقوله مظبوط
جونيد بعد تفكير ...اتفضل
.....................
يتصرف البعض دون تفكير فى النتائج ففى الكثير من الاحيان ينقلب السحر على الساحر فلو اتبه البعض لتصرفاتهم ما وقعوا فى الاخطاء
...................................
اما خارج المول كان بدر مازال غارق فى مشاعره اثناء المكالمه الهاتفيه
بدر....هههههه مالك بتشاحتينى بالكلام كلمه كلمه هى امك جارك
قمر...واه
بدر...ايه غلط طيب مرات عمى زين اكده
قمر..ههه ايوه
بدر....تعرفى ياضى عينى انتى عندى فى دمى وبدعى اليوم اللى نتجمع فيه انا وانتى على سنة الله ورسوله
نعمات...جرى ايه ياختى متخلصى عيجولك ايه ولد الفرطوس ده
قمر..احم مرات عمك عيزاك
بدر..لع جوليلها سكر الخط عايزش اسمع صوت حد غيرك ياضى العين ونبض الجلب.
تلون وجه قمر عده ألوان فتلك اول مره تسمع كلمات الغزل بطريقه مباشره بعد ان كانت تحكى نظرات العين ويترجم القلب ماتحكى..
............................
فى منزل عمار
عاد عمار شارد الزهن يجر قدميه ليدخل منزله ويطلق تنهيدات يتراقص عليها قلبه
ماذا حدث لقد اصيب بسهام عيناها من تكون تلك وهل الحب من اللقاء الاول موجود
كيف اسرت قلبه ولم تتحدث كثيرا اسرت قلبه بابتسامه
وظل يصارع عقله و قلبه لا لا يوجد حب فى هذا الزمن وكيف من اول نظره لا هراء أن لم يكن موجود فلماذا تفكر بها
آفاق من شروده على صوت والدته.
مرفت...رجعت ياحبيبى مالك سرحان ليه.
عمار..وأضع مابيده من أغراض على الطاوله وقام باحتضان والدته ومقبل يدها
عمار بطريقه كوميديه...هيييح اقولك ايه بس يا امى مبسوط وعايز الناس كلها تبقى مباسيط
مرفت...هههههه ياضنايا ربنا يجعل أيامك كلها انبساط
عمار....متجه لغرفته ..تسلمى يارب و يخليكى ليا اروح أنام بقى
مرفت ..خود هنا والمواعين يارايق .
عمار وقد دلف غرفته واطمأن انه يختبىء خلف الباب ولا يظهر منه سوى رأسه
عمار...المواعين عند ام ترتر يابطه.
مرفت..يا ابن المجنونه بتشتغلنى .خلعت إحدى نعليها والقته باتجاهه فأصاب الباب.
عمار...هههههه لا لا بقيتى ضعيفه جدا فى التنشين.وأغلق الباب مسرعا ..وأخرج هاتفه.
ليجد قصيده تصف محبوبته يسافر بها ليستعيد ملامحها
قول يا قيصر
يا كل ما أملك، يا أندر نادري
يا جعل من خط القوافي فدوتك
كل الأغاني غنّت امسي وحاضري
والأغنيه هذي على غمّازتك
عمار بنوع من الفرحه.....ايوه بقى .اخ يانى وقعت والهوى استلقانى
اثناء انسجام عمار مغمض العينين فجأه يخرج حسن وحسين من اسفل السرير بكوبين دقيق
وافرغاه على وجهه بضحك
افاق من انسجامه يزفر ما اتى فى فمه من محتويات الكوبين وينظف بيديه ماعلق برموش عينيه
عمار....هووف هووف ليه كده ده انا كنت مش هنا ليه جبتونى تانى ادعى على ابوكم بايه
حسن...امسها بابى(اسمه بابا)
حسين..تنتى فين واتى حنا(كنت فين وانت هنا)
عمار..بابى الله يرحم من امتى ده وانت كمان لسانك اطول منك انت مالك كنت فين
حسين..اخفش تول ابكن ساحتك(متخفش قول يمكن نساعدك)
عمار بنظره تعجب...لا حول ولا قوة الا بالله انتو اطفال من اى اتجاه ها ارحمونى
حسن..حيسين نايحوكى (عايزين نرياحوك)
عمار...هى وصلت لشغل ريا وسكينه لا ياعم انا غاوى تعب مش عايز ارتاح
حسين.بيحتك ناموا عمال(براحتك هنام معاك)
عمار....ليه طب هو انا عملت ايه مش كفايه معرفش عنها حاجه كمان محلمش ..
........................................
فى المول
بعد ان عاد كلا من نغم وجونيد من التفتيش
كان الوضع غريب
كما يقال انقلب السحر على الساحر
فقد عثر بالفعل على خاتم ذهب فى جيب جاكت جونيد واما نغم فلم يكن معها شىء حتى الهاتف عندما كان جونيد يطلب الامن كان فى يده وممسك يدها اى انه لم يكن بحوزتها
فرد الامن....ده خاتمك لقناه معاه فعلا
جونيد...والله معرف جيه فى جيبى ازاى لا مستحيل انا اعمل كده انا اخد حاجه ذى كده ده لو حد اشتراه ميجيبش حق ولاعة سجاير
نغم تتصنع ملامح الحزن..مش بجولك مريض ياعينى شوف هراعى حالتك هاخد خاتمى ومش هطلبلك الشرطه بس روح مع الراجل الطيب ده يدلك على دكتور نفسى زين واتعالج فوتك بعافيه انا
وتوجهت لهدير بالكلام..ابجى خودى بالك منه زين حالته مش خطيره مبيعضش
اشارت لراقيه بالذهاب كاتمه ضحكاتها وتركت جونيد بحاله من الزهول كيف أتى الخاتم لجيبه
بعد ان غادرت نغم اقتربت هدير ببطىء من جونيد
هدير...بيبى هو بجد انت مريض
جونيد وقد نفذ صبره وجز على اسنانه....هدير امشى من قدامى الساعه دى ولا اقولك متتصليش بيا تانى
بصوت عالى اختفى من قدامى
كل فرد الأمن مازال واقف...لا حول ولا قوه إلا بالله.
متزعلش يابنى تعال معايا وهديلك رقم دكتور شاطر.
جونيد مخاطب ذاته..انا ابقى مجنون اخرتها واحده جايه من ورا الجاموسه تطلعنى مجنون وتطير منى البت لا والمصيبه انى باجى المول كتير هاجى ازاى تانى انا
على العموم لو كنتى أفعى فأنا الحاوى يا حلوه ولو وقعتى فى ايدى تانى هعرف اطلع سمك وكسر سنانك..
.............................................
فى الصعيد منزل مهران
هاشم اثناء نزوله الدرج يهندم عبائته ويغنى
هاشم..افرحى ياعروسه انا العريس هههههه والله صوتى زين
حسنين...هههه باينتك مبسوط
هاشم....جوى ياعمى
حسنين...ايوهتبجى عريس حجك تفرح
هاشم اروح أبارك أنا لمحمد على ليلته
بالاذن ياعمى.
.....
اثناء توجه هاشم لعرس صديقه
سويلم...اش اش ايه الحلاوه دى
هاشم بغرور ...وايه الجديد انا اكده
سويلم....بس انا عتكلم على العبايه زينه جوى
هاشم بغضب .... جاك خابط غور من خلجتى
سويلم...ايه عاد كل اللى اجابله يسمم بدنى ليه
هاشم....مخابرش ليه يابوز الاخص عشان انت كيف البومه
سويلم.....ايوه كيف البومه عشان بجول الحجيجه
هاشم.....اغرب من وشى ياسويلم لرتكب اجنايه اهنيه ..
..............................
فى المول أنهت راقيه ونغم التسوق وحظرتها بعدم الكلام امام بدر بما حدث وانها هى سوف تخبره ولكن بعد العوده...
وأخيرا أنهى بدر محادثته ولكن فضل أن ينتظر هما بالخارج ليظل صوت قمر أخر مايسمع ......
انتهى اليوم بضيق جونيد. .وفرحة بدر ...وأحلام عمار...
..........................
يتبع ......بقلم ولاء محمد
أنت تقرأ
سندريلا ونيران الحب
Romanceمقدمه. فى وقت أصبحت فيه ظاهرة الأخذ بالثأر سمه منتشرة وبعض أسباب الظاهرة مفهوم والبعض لا قيمة له وفى خطى الثأر تقتل روح الحب وتولد جبروت العند والكره فهل من الممكن ان تكون من أسباب الحرب الحب وهل من الممكن ان يكون سبب إخماد نيران تلك الحرب ظهور نسيم...
