سندريلا ونيران الحب

6

سندريلا ونيران الثأر
الحلقة 6
توضيح لاسم جونيد لانه اتتنى شكوى باننا نستخدم اسماء غير دارجه بلا هدف ..نحن نستخدم اسماء جديده ليس بلا هدف ولكن لاصال معانى جديده وبأسف انى لم اوضح المعنى (اصله جُنَيْد اسم علم مذكر، وهو مصغر تصغيراً عربياً لكلمة "جُند"، واضيفت الواو تسهيل للنطق والكتابه)
صباح يوم جديد
فى قطار المتجه من الصعيد للقاهره وقبل وصوله بنصف ساعه
كانت نغم تنام على كتف اخيها ممسكه بساعده تحتمى به وتضع بقلبها الامان
بدر بصوت هادىء...نغم يانغم
نغم ....ممممم
بدر.....مممم ايه جومى احنا جربنا نوصلوا جومى يابت الناس
نغم...اصباح الخير ياخوى
بدر بابتسامه مصطنعه...اصباح النور فوجى نص ساعه ونوصلوا
نغم ...ايوه طب احنا هنعملو ايه بعد منوصلوا
بدر... والله ياخيتى اكدب عليكى لو جلتلك هنروح مطرح بعينه
نغم بتوتر...ياحليله هنجعد فى الشارع كيف الشحاتين بخلجاتى دى اللى جادى خلانى البسها الخلق عتجول علينا اما مجانين او شحاتين
بدر...مالها الخلجات زينه وبعدين لو ملبستيش الخلجات دى كان زمانا مضروبين اتنيناتنا
نغم ....طيب العمل ياخوى من اللهوجه مجبتش خلجات نلبسها
بدر بزهول...واجعدتك مطينه فوج ادماغك
نغم......واه انا مالى جدك اللى صربعنى يلا يلا
بدر..نلجى مطرح الاول وبعدين نشوف الخلجات
بس عايزين حته اتكون زينه مظنش الصعايده ايروحوا فيها
نغم...عجولك ياخوى اسمعت انه الزملك حته زينه مش اى حد يروح اهناك
بدر...على خيرة الله انروحوا اهناك ونلجى مكان نتاوى فيه
..........وعندما صارت الساعه 4.45 صباحا
اصدرت صافره تعلن عن وصول القطار الى رصيف القاهره
ترجل كل من بدر ونغم من القطار
..............
................................................................
فى القاهره حى السيده زينب حيث يقطن عمار
....
السيدة زينب أحد أحياء القاهرة القديمة الشعبية. اشتق اسمه من وجود جامع السيدة زينب في الحي. ويعد هذا الحي من أهم الأحياء الشعبية في القاهرة كما يوجد بها منطقة قلعة الكبش هي من المناطق الشعبية المشهورة في الحي ويوجد بها جامع أحمد بن طولون.
.........
فى منزل عمار
منزل يتميز بالبساطه ولكن تملا اركانه الحياه السعيده على الرغم من وجود بعض المشكلات الدارجه فى كل منزل
حسن.. ات لوح حند التانيه حت اولطاس ولق (انت روح عند التانيه حط قرطاس الورق)
حسين لا انا عاوزه الركل دى التانيه يحيتها اخ يع (..لا انا عاوز الرجل دى التانيه ريحتها يع)
حسن..برعه مالال اصحى..(بسرعه عمار هيصحى)
... حسين ..تيب ولح ...(طيب ولع)
كان عمار ممدد على السرير واذ بلهيب نار بقدمه حيث كانت تحاك له مؤامره صغيره لاقاظه
كانت الساعه تمام السادسه صباحا وكان عمار غارق بالنوم لانه يوم راحته الرسمى من العمل
واذ به يصرخ بصوته العالى
عمار....اااااااااااه حريقااااا رجلى رجلى
حسن .حسين...ههههههههه امو مالال يح هههههههههههه
عمار ...ياولاد المجانين تعالو هنا
ركد عمار خلفهم وتتعالت قهقهاتهم ثم جلس على الارض رافع يديه لأعلى وكأنه يتوجه بالدعاء
حسن ...حسين... ابنا اخ عمار ياتوا خلال الزيارات
عمار...يارب انا عملت ايه فى دنيتى علشان يبقى عندى عيال اخ زى دول ويقولوا الاطفال احباب الله فين همن الاطفال دى
حسن ..امو مالال انتى زحلانه (عمو عمار انت زعلت)
حسين ..امو مالال مش ازعل صح(عمو عمار مش بيزعل صح)
عمار يتصنع البكاء...اااااه يانى ياما بقى اسمى مرار اخرتها اسمى انا مرار ده هيبقى مرار طافح منكم
ماما انتى فين
حسن...تيته اعمل فتول(تيته بتعمل فطور)
حسين ...ات زحلان ليه(انت زعلان ليه)
عمار... لا ابدا ياشبح مش زعلان بس اخويا المفترى ربنا كرموا بتؤام مطلعين عينى يرضيك
حسن...انا التينى حاتى(انا يرضينى عادى)
عمار...............
......................................
فى الصعيد منزل وهدان
كانت قمر بالمطبخ وتعجبت من صمت المنزل الرهيب فهى لم تعتاد على هذا الهدوء فمن المعروف بمجرد ان تستيقظ نغم تجوب كافه انحاء المنزل بحركاتها الطفوليه ومداعبتها لقمر والاغرب مكوس وهدان بالمنزل وتظهر على ملامحه الحزن
قمر...جرى ايه ايكونش البت نغم عيانه مطلعش ليها حس من اول اليوم اما اروح اشوفها
ياما خلى بالك على الوكل على النار هطلع اطقس على نغم ليه منزلتش لدلوك
نعمات...وانتى ورايحه ليها خليها تلم خلجات بدر من غرفته معانا غسيل النهارده وعدى على ستك لمى خلجاتها هى وجدك
قمر...حاضر ياما اعدى على الجيران بالمره
نعمات ...لسانك طول
وقامن نعمات كرد فعل على كلام قمر بخلع احدى نعليها والقاءه تجاه قمر فركدت قمر من امامها مسرعه للخارج
قمر.وهى تركد..يالهوى ههههه مجاش فينى ههههههه
نعمات...طيب ياهبله يابت المجنونه لما تاجى اهنيه تانى هجيبوا فى وشك
....
صعدت قمر لغرفة نغم فتفاجئت بعدم وجودها ولكن ماجعل حيرتها تزيد كونها لا تخرج بدونها فقررت ان تتجه لجدها لترى ان ذهبت للارض الزراعيه من اجل الحسابات
قمر....نغم يابت .الله وين راحت المخبوله دى يمكن جادى بعتها للغيط
جادى ياجدى
وهدان.....ايوه فى حاجه
قمر...ياجدى انت بعت نغم مع بدر للغيط هيعوجوا فى الراجعه ولا احضر الوكل بدرى
وهدان بتنهيده...لاع مارحوش على الغيط
قمر محاوله استبعاد اى فكره اخرى وبصوت مكذب لاى فكره.....امال وين ياجدى
وهدان....اندلوا مصر(القاهره)
قمر بصدمه...عتقول ايه ياجدى
وكانت سعديه اعلى الدرج وعند سماعها تلك الكلمات من وهدان جلست باكيه على احدى الدرجات واضعه كلتا يديها اعلى راسها وبصون ناحب
سعديه...ليييييييه ياحج لييه لييه تبعدهم عيروحو وين ولمين مش اكفايه يتيمين وملهومش غيرنا يتمتهم بزياده ليه
قمر بصدمه ومازالت غير متقبله ماقيل....لا لا نغم وبدر معيطلعوش من غير ميجولوا يبجى مرحوش لمحل همن فى الغيط صح
وهدان بصوت مرتفع هز جدران المنزل وبلهجه امره...كفاياكم ايه متسدجوا اتلاجوا جنازه وتشبعوا لطم ايه اندلوا زى اى حد.. فيها ايه مهمنش اصغيرين وبعدين يهجوا ويجعدوا عايشين ولا يجعدوا وينكتلوا معايزش اسمع صوت واحده منكم سامعين
خرجت نعمات على اثر صوت وهدان راكده
نعمات...ايه فى ايه
وهدان....انكتمى انتى كمان انا طالع الغيط حريم مورهاش غير النكد
صعدت قمر لغرفتها وهى لاتدرى ان كان ماسمعته حقيقه ام مجرد كابوس
قمر...لاع كيف نغم تمشى من غير متجول وانت يابدر اكده هونت عليك للدرجه دى هو ده الحب تمشى من غير متكلمنى اكده ياولد عمى اااه
ليه ده انت النفس اللى عايشه بيه انت الحلم اللى فى كل ركعه بدعى ربنا يبجى حقيقه اكده
ولكن تلك الاشواق لم تكسبها غير كثره الدموع الى ان فقدت وعيها من الحزن
................
فى القاهره فى محطه مصر
اصدرت صافره تعلن عن وصول القطار الى رصيف القاهره
ترجل كل من بدر ونغم من القطار بثبات فى اماكنهم ولكن افكارهم تسابق الزمن حيث تجول فى المستقبل ما سوف يحدث لهما هل ستبدأ حياه جديده ام سيكون عذاب جديد واين سيقيما حيره داخل عقلهم
بدر افاق من شروده ممسك يد اخته متساءل.....بجولك يابت
نغم برد سريع....اباى عاد احنا مش فى الدوار عشان اتجولى بت اتلم
بدر بتهكم...امال اجولك يابرنسيسه متنسيش انا اكبر منك
نغم.بسخريه....ايوه اكبر منى واسمى معجبكش عفش ياك
بدر....هرى البنته اللى مبيفوضش واصل عضلك اتناجفى كتير خلينا فى الهم اللى احنا فيه هنعملوا ايه
نغم ...ايوه صوح هنعملوا ايه
بدر...لا تصدجى ضفتى جديد انت هابله ولا مولوده اكده
نغم...اباى
بدر.....بجولك هنشوفوا عربية اجرة ونسألوا صاحبها على مكان زين فى الزمالك
نغم...ايوه يلا بدل وجفتنا دى اللى رايح واللى جاى عيتفرج علينا محسسينى انه احنا من كوكب تانى
اشار بدر لسياره ثم توجه بالحديث للسائق وساله عن مسكن فكان الحظ حليفه فكان السائق كبير فى السن يعشق تعاملات اهل الصعيد وانه يملك شقتان احدهما يسكن بها هو وعائلته والاخره يقوم بتأجرها فعرض على بدر ان يقطن بها ان لم يمانع فرحب بدر بالفكره خاصه انها كما وصفها الرجل بمنطه هادئه ليست باهظه الثمن او رديئه
بدر.....السلام عليكم ورحمة الله وبركاته
السائق(احمد)وعليكم السلام ورحمة الله وبركاته
بدر.....بجولك ياخال عايز اروح الزمالك
احمد......اتفضل يا ابنى وانا هوصلك اى مكان تحب تروحه
بدر....بس ياحج لو فيها تعب احنا عايزين مطرح زين نسكنوا فيه لو تدلنا على مطرح يبجى كتر خيرك
احمد..بص يابنى واضح من لهجتك انك صعيدى وكمان باين انك انسان محترم
بدر...تسلم ياخال كلك اخلاج
احمد...والله علشان معزة الصعايده وعارف اخلاقهم وادبهم انا معايا شقه باجرها فى الزمالك قصاد شقتى لو حابب تسكن فيها يبقى مبروك
بدر...ربنا يكرمك ياخال ده عز الطلب وكفايا كونك راجل طيب هتبجى جارنا
احمد...على خيرة الله اركب اوصلك
بدر....ايوه معلهش مش لواحدى معايا خيتى
بدر....اركبى يانغم فرجت
احمد...تقلقوش يابنى هترتاحوا ان شاء الله المنطقه هاديه وبعيد عن الدوشه والشركات والكلام ده
ركبا السياره باتجاه المنزل الجديد
.....................................................
فى منزل عمار
حسين ...ات زحلان ليه(انت زعلان ليه)
عمار... لا ابدا ياشبح مش زعلان بس اخويا المفترى ربنا كرموا بتؤام مطلعين عينى يرضيك
حسن...انا التينى حاتى(انا يرضينى عادى)
عمار....طبعا مهى الغتاته وراثه امشى يلا انت وهو اداروا فى اى حته جاينى ضيوف اللهى يولع باباكم
امسك حسين ساق عمار وحسن يده حتى اوقعاه
حسن..حسين بصوت طفولى وطريقه متصله...امو مالال اعب عمانا امو مالال اعب عمانا(عمو عمار هيلعب معانا)
عمار بصوت صارخ......ماماااااااااااااا ...انتى فين انقذينى من ولاد ابنك
مرفت...فى ايه مالك السيده كلها سمعت صوتك
عمار...ياماما عيال ابنك مش مهنينى بالنوم حتى يوم الاجازه وفوق كل ده جاى جونيد عندى النهارده لو لقى دول هيولع فيا
مرفت...ههههههههه دول ملايكه
عمار...ابوس ايدك ورجلك خودى الملايكه ابو جناحات دول من هنا دلوقتى سربيهم
واثناء حوار عمار ووالدته رن جرس الباب
عمار....اهو ياماما وصل
جونيد..السلام عليكم ازيك ياخالتو عمار نايم ولا لسه بيحلم
مرفت...لا يابنى صحى من بدرى روحلوا وانا هحضرلكم الفطور
جونيد..تسلمى يارب
دلف جونيد غرفة عمار وكان عمار قد اقنع حسن وحسين بالذهاب للمطبخ مع مرفت
جونيد...حبيبى وحشتنى ياعمور
عمار...يلا يا ملايكه على المطبخ
خرج حسن وحسين من الغرفه راكدين واثناء ركدهم اصتدموا بجونيد فجعلوه يدور حول نفسه
حسن ..حسين..هاااااااااااا
عمار.. ههههههههه .اهلا يا كازانوفا اخبارك يابرنس تعال ادخل
جونيد...ههه ملايكه ملايكه
عمار ...ايه ياجو يومين مكالمات بس مشوفكش ليه
جونيد وقد جلس على السرير واضع قدم على الاخرى....مسؤليات ياحبيبى
عمار بسخريه...ونعم المسؤليات جاتك خيبه ..وبعدين حبيبى مش طايقها بلاش والنبى الكلمه دى بتحسسنى انى بنت بتكلمها كفايا اللى معاك
جونيد...نفسى يا اخى اعرف هو انا مرات ابوك كل متشوفنى تفضل تقر عليا ليه
عمار..استنى عندك انا اقر عليك ليه
جونيد علشان الموزز
عمار................
......................................................
فى الصعيد.فى منزل مهران
بعد ان تفاجىء هاشم من سماع انباء هروب بدر من الصعيد للقاهره
هاشم...لاع كيف الكلام ده ياولد الفرطوس ومجيتش خابرتنى فى ساعتها ليه استنيت لما النهار طلع ياابو مخ مركب شمال
........ مهو يا كبير مفتكرتش انه عيزعلك الخبر ده لو اتأجل
هاشم بعصبيه...ومن ميتى عتفكر يابوز الاخص يابومه انت غور من وشى مبتجيبش غير الاخبار الشوم
بعد سماعه تلك الاخبار توجه لعمه مباشره
هاشم. بصوت مرتفع....عمى ياعمى
حسنين.....ايه فى ايه بتعيط بحسك العالى ليه
هاشم....شوفت شورتك لكن لو سيبتنى اروحلوا
حسنين....وبعدهالك عاد مفهمش عايز تجول ايه
هاشم ...بدر هج قبل مكتلوا هج
حسنين بكل ثقه....عيرجع
هاشم....ده عشم ابليس ياعمى
حسنين بكل هدوء...هج النهارده بعد المجلس هيرجع
هاشم بتساؤل...مجلس ايه
حسنين...مجلس الصلح اللى عامله شيخ البلد بعد شهر ونص بينا وبين عيلة وهدان علشان جال ايه التار
احنا ابتوع تار
هاشم...هههههه وده افتكر بعد المده دى كلياتها
حسنين....هههه مخبرش شكل اهل البلد خافوا من صوت النار كل يوم المهم
هاشم...ايوه المهم ياعمى كيف عيرجع
حسنين ........بسيطه هنطلبوا فى المجلس عشان الصلح يا اما يجدم كفنه وده عيرفضوه
هاشم ..ايوه وايه تانى
حسنين...هههه يا اما.................
هاشم بابتسامه شر..ايوه اكده هيعاود راكع مش بس هيعاود هههههههههههههه
...............................
فى منزل عمار
عمار..يا اخى اتلم بقى عيب عليك
جونيد..عيب ليه موزه كلمه معناها بنت حلوه حتى ابحث عنها فى جوجل
عمار....استغفر الله العظيم انت عارف بقولك عيب ليه كفايه يا اخى من كتر البنات بقيت مش عارف مين هتقابلها امتى حرام عليك كام قلب كسرته كل يوم مع واحده بقت عاده عندك دى
جونيد بلا مبالاه ويغنى...
خلاص بقت عاده ياحبيبي بتتقل وتتماده
دا كلو الا دا ياحبيبي ادلعت بزياده ..
يا استاذ حماقى فين بس الدلع بزياده ده منكد عليا
عمار ..ياسلام كمان بنغنيهالى رايق انت
جونيد..بص يا عمور باشا انا والله تقريبا كرهت حاجه اسمها بنات وبقوا بالنسبه ليا حاجه ملهاش تلاتين لازمه وانت عارف السبب..بس بقى فى نفس الوقت مش همانع طبعا انى اروشن شويه يعنى من اول مقفلت قلبى مش ببص على واحده بس اعمل ايه بقى لجاذبيتى البنات هى اللى بتاجى لحد عندى وتكلمنى مبطلبش رقم موب من اى واحده مجرد كلمه حلوه بلاقى البنت بتقولى طب ممكن اكلمك اطمن عليك ارفض يعنى مش عيب اقول لا..
عمار...لا ازاى مترفضش ده واجب طب انا بحلم بواحده بس احمد ربنا عليها ونتجوز واشيلها فى عيونى طول حياتى ها ايه رايك
جونيد..ممممممم
عمار..ايه هو ممم هو انا بقولك دوق كلمنى مش عاجبك كلامى
جونيد..بص ياحج عمار اظن انك اكتر واحد عارف مواضيع الجواز والخطوبه بتجيبلى حموضه فبلاش تقرفنى كل شويه بالمواضيع دى وتخلينى اندم انى جيتلك يوم اجازتى
عمار...ههههه حموضه ربنا يستر لما نشوف اللى هتتجوزها ..
جونيد...لا لا لا اوقف عندك كله الا الجواز ده انا لو اتجننت وفكرت فى الموضوع ده وطبعا مستحيل مش هاخدها بنت عربيه اصلا اكييد هتبقى حاجه كده تقفيل باريس عيون خضره شعر اصفر على الاقل معاها سبع لغات بحيس انى مملش منها يعنى ستايل ملهاش دعوه بقى انا بخرج مع كام واحده غيرها ومقلكش بقى رقى فوق الوصف بس دى حاجه بسيطه ايه رايك..
عمار.....استنى اسنى ده كده انت مش عايز عروسه عايز تارزى يفصلك الكلام ده ..وربنا مفيش غير بنت البلد اللى بتوقع اجدعها شنب
جونيد........................
...........................................................
يتبع................بقلم ولاء محمد