سندريلا ونيران الحب

7

سندريلا ونيران الثأر
الحلقه7
فى الحلقه السابقه بمنزل جونيد
جونيد...لا لا لا اوقف عندك كله الا الجواز ده انا لو اتجننت وفكرت فى الموضوع ده وطبعا مستحيل مش هاخدها بنت عربيه اصلا اكييد هتبقى حاجه كده تقفيل باريس عيون خضره شعر اصفر على الاقل معاها سبع لغات بحيث انى مملش منها يعنى ستايل ملهاش دعوه بقى انا بخرج مع كام واحده غيرها ومقلكش بقى رقى فوق الوصف بس دى حاجه بسيطه ايه رايك..
عمار.....استنى اسنى ده كده انت مش عايز عروسه عايز تارزى يفصلك الكلام ده ..وربنا مفيش غير بنت البلد اللى بتوقع اجدعها شنب
جونيدبسخريه..ها اسبع بيها بنت البلد مليش فيه
اما انا مخدش واحده والسلام متقلقش لو اتجنيت هاخودها استايل سدقنى
عمار...طب علشان خاطرى التزم فى الشغل خالك وربنا مش هيعدلك عمايلك على خير
والموظفين عايزين زياده فى المرتبات فلازم تكلم خالك
جونيد...هم واقفا وناظر لعمار ومولى ظهره لباب الغرفه ورافع يديه لياقته وبكل ثقه
بكره هتبقى الزياده عندكم
ولكن يأتيا فجأه حسن وحسين ويدفعانه من الخلف فيسقط على وجهه
حسن ..حسين..هيييييييييه
حسن..امو تينه وتع
حسين..امو تونه ماتت
(عمو جينه وقع...عمو جونه مات)
عمار صارخ...يخربيتكم دلقتوا تونه قصدى وقعدتوا عمكم جونيد
هات ايدك معلش
جونيد متالم..ااه ياما اااه جونيد خارج نطاق التغطيه حاليا
عمار ناظر للاطفال...ههههه الحمد لله عايش متقلقوش
ولكن بمجرد مساعده عمار لجونيد للنهوض تفاجىء بالوان ترش على ملابس كلاهما
حيث استخدم حسن وحسين العاب عباره عن رشاشات مياه وقاموا بخلط الوان بالمياه
جونيد بنفاذ صبر...عماااااااااااار
عمار...بس يابابا اهدى ريلاكس هههه دول ملايكه
جونيد ..الله يخربيت عقلك على الساعه اللى جيتلك فيها همشى فى الشارع كده ازاى
عمار..عادى مش معاك عربية الشركه اركب فيها محدش هياخد باله من حاجه
جونيد بطريقه كوميديه متجه بالحديث للاطفال....عااااا ليه ها ليه مين وزكم عليا القميص الحلو اللى بحبه تعملوا فيه كده اللهى اشوف عمكم اهبل ومحول فى عنيه
عمار..الله وانا مالى ياجدع
جونيد....انت السبب انت السبب روح اللهى اشوف فيك يوم وكشفت راسى ودعيت عليك يابعيد
عمار...هههههههه الواد اتهبل
كان جونيد على وشك الخروج ولكن رجع مره أخرى ممسك بياقه عمار وبطريقة كوميديه
جونيد...تعرف لو حد فى الشركه سمع عن تونه او تينه هقتلك سامع واعبى دمك فى قزايز
عمار....لا يتمالك نفسه من الضحك طب روح استر نفسك بهدوم نضيفه ههههههه منظرك تحفه ولا اديك حاجه من هدومى
جونيد .....لا يفتح الله كفايه اللى جانى منك النهارده بهدله آخر حاجه
..............................................
فى الصعيد
افاقت قمر على اثر شىء يسحب ببطىء من ذراعها فادت لظهور بعض التقسيمات بوجهها تنوب على الالم ثم افتحت عيناها ببطىء
قمر..ممم
سعديه..سلامتك يابنيتى
نعمات ..شكرا يا دكتوره تعبنا جنابك
دكتور...ده واجبى فى اى وقت عيزينى هكون عندكم
قمر...ايه اللى حوصل
نعمات...حوصل انك مجلعه مفطرتيش ووقعتى من الجوع
سعديه...واه براحه عليها جرالك ايه كلامك كيف الدبش
نعمات...يا عمتى جلعكم ده اللى خلاها اكده
قمر..انى بخير ياجدتى تجلجيش
نعمات....جومى كوليلك لوجمه تسند طولك لتوجعى تانى
ابنتت آخر زمن مش لو كنتى واد كنتى بقيتى ناشفه مش كيف ورق الخص.
قمر .......معلش ياما ابجى حوطينى فى الشمس كتير علشان انشف.
سعديه...ههههههههه يحظك بت
نعمات..اها شوفتى جلت الحيا
سعديه......عتضحك معاكى
قمر...حاضنه سعديه جوليلها ياجادتى
........................
فى المحطه
احمد...تقلقوش يابنى هترتاحوا ان شاء الله المنطقه هاديه وبعيد عن الدوشه والشركات والكلام ده
ركبا السياره باتجاه المنزل الجديد وفى الطريق تعرف كل من احمد وبدر ونغم .. وان احمد له ابنه وحيده وزوجه ..وصلا المنزل واعطى لهم مفاتيح الشقه ولكن كالمعتاد عندما يعود احمد تركد تجاهه ابنته وتقبل
ولكن تلك المره كانت صدمه لبدر ونغم وراقيه
خرجت راقيه لتستقبل والدها وشعرها كالمعتاد بشكل طفولى ضفيرتين على جانبى الرأس ترتدى بجامه منزلى تشبه بجامات الاطفال
راقيه...بابى حمد الله على السلامه
احمد..الله يسلمك يابنتى
راقيه..فتاه بيضاء البشره شعر بنى عينين عسلى تملك قبله من الملائكه على احدى وجنتيها كما يقولون تبلغ من العمر 25 عام
تفاجىء بدر لهيئتها فكان فاغر الفم متسع العينين اما نغم فكانت فى حالة ضحك مكتوم على رد فعل اخيها
بدر...نهار مربرب بربروب واغمض عينيه
احمد...مالك يابنى انت تعبان ولا حاجه
نغم...احم ايوه ياحج عنده زاغلله على عينيه
احمد..الف سلامه عليه راقيه دول جيرانا روحى افتحى الباب
راقيه ..حاضر
دلف بدر ونغم منزلهم الجديد شاكرين الله على ايجادهم منزل مناسب لما معهم من مال.
بدر....الحمد لله ربنا سترها الفلوس هتكفى ايجار الشهر ومن بكره هنزلوا ادور على شغل
نغم ..الحمد لله
وبعد مرور بعض من الوقت قرابه نصف ساعه رن جرس المنزل وإذ بأحمد حامل طعام.
بدر...ايه ده ياخال.
أحمد بابتسامه....واجب الضيافة يا ابنى ولا هو انتوا بس اللى بتعملوا كده.
بدر...تسلم ياخال ويبجى عيبه لو رجعت يدك هات عنك.
وبعد مرور وقت من تناول الطعام نزل أحمد وبدر على احدى المقاهى .
واشتغلت راقيه الفرصه لتتعرف على نغم وبدأ الحديث بينهم وطال مبشر ببدأ صداقه جديده.
راقيه.....بجد انتى دمك خفيف تعرفى انا كان نفسى يبقالى اخت زيك كده
نغم....ودى بسيطه من الساعه دى انا خيتك.
راقيه......حبيبتى يخليكى ليا.
راقيه.......
............................
فى الصعيد منزل مهران
كان مهران يستريح فى غرفته ومبتسم ابتسامة رضى فقد اقتنع باقتراح حسنين تمام الاقتناع
هاشم...يااه الدنيا اصغيره يابدر كلياتها شهر ونص وتاجى لحد عندى تستسمحنى يا غالى
وبعد مخلص عليك اجولهم السر اللى حافظه لعمى
اغمض عينيه متزكر
....رجوع للماضى
حسان ...ابراهيم ياخوى فى حاجه ليها سنين مخبيها عنك
ابراهيم...جول متخافش عمرى مزعل منك انت اخويا اللى الزمن خلفه ليا وعارف اكيد معاك عزرك علشان تخبى عنى اى حاجه
حسان...انا متجوز واحده كنت بحبها من الجامعه وكنت خايف اضيع منى ومصدقت لقيتها وعارف ابوى مش هيوافق لانه عايز يجوزنى بنت عمى وانا مش رايدها
..ابراهيم....كيف الكلام اللى عتجوله ده اهلك لو عرفوا مش بعيد يخلصوا عليك
حسان...اهو اللى حصل اعمل ايه يعنى غصب عنى ملقيتش حل تانى
ابراهيم....ومن ميتى حصل الموضوع ده
حسان 9 سنين
ابراهيم....بصدمه ياواكل ناسك 9اسنين ومحدش يحس....خلاص حاول تفتح الموضوع ده مع اهلك براحه واخيرا ظهرت ابتسامه لتضع الرضى بقلب حسان وانا لازم حلاوة الموضوع ده احتفل بيك بعيارين فى الهوا واهو فى فرح محدش هيلاحظ واصل
.....عوده للحاضر
هشام ...ااااه ياعمى حب ايه داع الحب مفيش دلك غير الكره والحاسره الله يسامحك
..........................
فى سياره شركة المنتجات
جونيد فى حالة ضحك هستيرى وكأن تلك اول مره منذ فتره يضحك بتلك الطريقه لما حدث معه فى منزل عمار ولكن قاطع ضحكاته الصافيه رنين هاتفه برقم مجهول
جونيد..بصوت هادئ. .ألو
هدير......ألو جو انا هدير ده رقمى الجديد.
جونيد.مضيق عينيه فى حاله تذكر..هدير اااه هدير فينك كل المده دى
هدير...أنت وحش مش بتسأل عليا
جونيد....يابطتى انتى كل يوم برقم جديد اعملك ايه
هدير...اوبس sorry دى آخر مرة هغيره
جونيد.....ايوه متعمليش كده تانى صوتك بيوحشنى.
هدير....طيب ايه رأيك نطلع shopping النهارده
جونيد ...ok وانا موافق اهو على الأقل اشوفك ليا فتره مشوفتش القمر..
هدير. ....ههههه يبقى مول (..........)
جونيد.تمام ننزل بالليل يكون الجو بقى هادى.
....................
فى منزل أحمد
راقيه...طب قومى غيرى البتاع اللى انتى لبساه ده
نغم...ههههه ده توب جادتى احنا البنته عنلبسوا كيفكم بس مش جوى يعنى. عنلبسوا عبايات وفى ابنته عتلبس جيبات حشمه.
راقيه.....ههههه قولت والله لا يمكن يكون ده لبس بنت سنها صغير. طب قومى يابنتى البسى هدوم البيت معصبنى البتاع ده مش عارفه ليه ملامح
نغم.....ههههههههههه الوكسه من اللهوجه مجبتش خلحات
راقيه....هههههههههه اول مره اشوف حد يسافر ومش واخد هدومه طيب هروح اجيبلك بجامه من عندى
نغم.....لا استنى اهنيه مشى بلبسوا ابجامات بلبس جلبيات بيتى وعبيات استجبال.
راقيه. ......ممممممممم
صمتت قليلا ثم بدرت طرقعات أصابع وابتسامه وكأنها وجدت كنز وليس فكره.
راقيه.......تاهت ولقناها ياكبيره فى تخفيضات النهارده فى مول (...... )وفيه قسم خاص بالعبايات المنزلى والخروج كمان.
ها ايه رأيك ننزل نشترى.
نغم.....وبدر عيوافج نندلوا وحدينا.
راقيه...خلاص ينزل يشترى معانا.
نغم وقد تذكرت نظرة بدر لراقيه ....هههههههه انتوا الاتنين اتروحوا معايا. .
راقيه..اها عادى.
نغم....ايوه عادى....لكن صوح ازاى العسل ده كلياته لدلوك متخطبش.
راقيه...احم بسم الله الرحمان الرحيم .تقدرى تقولى عندى اعاقه فى الردود يرمى دبش اشوف الولد ووافق عليه واول منشوف بعض وأتكلم معاه يحس انى بتخانق مش بتكلم ومفيش حد مقتنع انه ده اسلوبى.
نغم...هههههه بيطفشوا احنا حدانا مبنتكلموش بندبسوا
راقيه ...ههههههه هههههههه ربنا يكون فى العون طيب اسيبك دلوقتى ترتاحى من السفر واجيلك بالليل ننزل ها
نغم......هههه ان شاء الله
...............................
فى منزل جونيد
كانت ريم فى غرفتها تضع سماعات الاذن وتتمايل على نغمات الموسيقى مغمضه العينين الى ان فتح الباب فجاه
جونيد...ايه طرشه بنادى عليكى من اول مجيت
يازفت ردى
توجه للسماعات ورماها من ازنها
ريم.....ايه فى ايه
جونيد بعصبيه...بنادى عليكى مش بتردى
ريم....طب انت بتزعق ليه عايز ايه
جونيد امسكها من معصمها وشعرها اه عايز اقولك مش معنى انى مش بزعقلك قدام ماما يبقى خلاص اسيبك تلبسى قلت الحيا اللى بتنزلى بيها لا ياهانم تلبسى بنطلون اوكيه لكن تلبسى تيشيرت وعريان ليه ياهانم اخوكى انا ولا اريل البيت
ريم..عااااااا انت مالك ماما بتقولى البسى اللى انتى عيزاه
جونيد...اقسم بالله لو متعدلتى ياريم واحترمتى نفسك لادبك سامعه وادى ماما طول الوقت بره يعنى لو علقتك فى المروحه مش هتشوفك
ريم...ايهىء ايهىء شعرى طيب بيوجع خلاص
تركها جونيد بنات تجيب الشلل وابقى اشتكى لماما لما ترجع وقوليلها ضربتك علشان المره اللى جايه اولع فيكى
...............................
فى منزل عمار
أيتها الوردة والريحانة والياقوتة والسلطانة والشعبية والشرعية بين جميع الملكات
يا قمرًَا يطلع كل مساءٍ من نافذة الكلمات
يا آخر وطن أولد فيه وأدفن فيه وأنشر فيه كتاباتي
غاليتي أنتي غاليتي ..
لا أدري كيف رماني الموج على قدميكِ
لا أدري كيف مشيتي إلي وكيف مشيت إليك
دافئة أنتي كليلة حب
من يوم طرقت الباب علي ابتدأ العمر
عمار..ايوه ياقيصر
اخ كل مسمع ليك قصيده بحس انى ماشى احب على روحى يارب اكرمنى يارب قبل مموت نفسى احب بقى
................
مر الوقت واتى المساء
وتأهب جونيد وهدير للذهاب للمول وايضا بعد ترجى من نغم لبدر وافق للذهاب معها ومع راقيه للمول
.......
تخيلو بقى اول لقاء بالمناسبه لقاء غريب عجيب
.................
يتبع..........بقلم ولاء محمد