سندريلا ونيران الحب

12

سندرييلا ونيران الثأر
الحلقه 12
انتهت الحلقه السابقه عند قرار نغم بالدخول لمكتب المدير
خرج عمار وظلت تنظر نغم عبر الزجاج ولكن لا ترى وجه المدير بوضوع كل ماتسمعه عبر الزجاج قهقهات يصل بدرجه منخفضه لوجود الزجاج ولا ترى سور مصافحات تلو كل ضحكه .
مر وقت قرابة نصف ساعه على هذا الوضع .
نغم بشمئزاز ..ايه شغل السهوكه ده.. ده مدير ولا عيوزع نكت واكسه ليكون كل الولد اهنيه اكده ملهومش رابط ويطلع المنيل خطيبى اكده اقسم الله اطلع عينه
انتظرت نغم فتره الى ان تملكها الضيق وعدم الصبر ودفعها عدم وجود عمار للدخول لمكتب المدير
نغم..لا مبدهاش عروحلوا
.. طرقت الباب الزجاجى ودخلت وهنا كانت المفاجأه
...
نغم ..السلام عليكم ورحمة الله وبركاته
جونيد بابتسامه ورافع نظره ببطىء وعليكم السلااااااام ثم دهشه..انتى
فكانت تعبيرات وجهه وكانه صعق بتيار كهربى
نغم..اتسع بؤبؤ عيناها وفغرت فاهها
نعم كارثه فكان اخر توقعها ان تلقى هذا المجنون مره اخرى
نغم..انت اهنيه كيف
جونيد بسخريه جاى اعمل خمسه سياحه ثم جزبه ما ترتدى عباءة تلائم برائة وجهها وتزيدها جمال على خلاف ما رأئها من قبل فاول مره التقاها بما يسمى فى الصعيد توب اراد احراجها امام الفتاتان.. الحراميه هنا واو سرقتى الهدوم الحلوه دى من مين ولا جايه لسه هتسرقى
نغم. تكتم غضبها وترد هى الاخرى لترجعه لما فعلته فى المول ......بلاش انت يامريض جولى الجيت دكتور ولا لسه عدور
جونيد وقد اغاظه رد فعلها موجه ضربه للمكتب بكف يده وصوت عالى انتى مين دخلك هنا
نغم. بسخريه...رجليا علشان طلب المنتجات
احستا الفتاتان ان الصراع سيشدت ففضلتا الخروج
تمالك غضبه واراد اغاظتها فجلس على المقعد وعقد قدم على الاخرى ممسك قلم باحدى يديه والاخرى موجهها للباب
اتفضلى بره انا مش فاضى اعمل ليكى انتى بالذات طلب
نغم بابتسام ساخره...ايوه شوفت الشغل اللى بتعمله سهوكه اكيد بتتعب يا كبدى
هنا كان عمار حاضر ولكن فضل ان يرى ماذا يحدث فتلك المرة الاولى له ان يرى كازانوفا كما يطلق عليه.... احداهن لا تأبى بوسامته ولكن تتفنن فى التقليل من قدره
جونيد جازز على اسنانه...وانتى مين علشان تكلمينى كده اصلا اطلعى برا مش ناقص قرف على اخر الزمن واحده جايه من ورا الجاموسه هتعرفنى شغلى
نغم اغاظها ما قيل عنها فهو يسخر منها بشكل واضح فسارت خطوات باتجاه المكتب ووضعت كلتا يديها عليه
نغم..اتصدج اللى يشوفك لابس الحته اللى على الحبل يجول عليك محترم لكن انت ملحجتش نص محترم ويكون فى علمك الجاموسه اللى انا جايه من وراها يمكن اتكون احسن منك
جونيد..اما انتى بت لسانك متبرى منك بصحيح وعايزه تتربى من اول وجديد وشكلى هربيكى
اسرعت هى برفع اصبعها السبابه تجاه وجهه ...اجفل خشمك ومتتحدتش معايا بصوت عالى وبجاحه مش عخاف منك وكلمه زياده من كلامك اللى زى وشك هلم عليك المكتب كلياته يشوفوا المدير النص كم اللى حداهم
اشتد غيظ جونيد ووجد كرامته وقد ازداد تبعثرها فتوجه بخطوات اتجاهها وعيناه تزداد احمرار وكاد ان يمسك زراعها ويلفه خلف ظهرها او يضربها فقد اغاظته بشده
وشعرت هى بغضبه فدب الخوف بداخلها فهى لاتدرى كبف سيكون رد فعله فتراجعت خطوات ولكن مابث الثقه داخلها مره اخره عندما رأت قدوم عمار مهرول ليمسك جونيد باحكام ليهدأه ويرجعه خطوات للخلف فقد وجد عمار ان الامر قد يسوء ان لم يتدخل بينهما
عمار...اهدى يابرنس صلى على النبى
جونيد....اللهم صل وسلم عليه ...طلع البتاعه دى من هنا احسن ارتكب جنايه
نغم محاوله اظهار عدم الخوف ......واه واه خوفت واترعبت من الكلام ده انا طالعه اصلا اتجننت اشترى من اهنيه حاجه
جونيد وقد تصاعد من رأسه دخان الغضب......يا اخى سيبنى اقتلها واريح البشريه دى مستفزه ابعد ياعمار مش هعمل حاجه وربنا هخنقها بس ..
عمار مازال ممسك بجونيد وتوجه بالكلام يهدأ من روعها هى الاخرى....عمار لا طبعا يا استاذه ميقصدش حاجه اتفضلى حضرتك عند السكرتيره انا هسجلك طلبك واوعدك اوصلهولك للمكان اللى تطلبيه بس اهدى وبلاش تتعصبى
نغم .....عندما وجدت هدوء عمار وحرصه على رضاها وان خروجها اسلم حل لهذا المجنون فملامحه غلب عليها الغضب الشديد وربما تملكه هاجس ضرب احداهن فربما يفعلها فقد طفح لديه الكيل
نغم ....ماشى ثم توجهت للباب وادارت وجهها الى جونيد تحدثه ..جبر يلم العفش وخرجت قبل ان يصدر منه شىء
واسرعت بالخروج قبل ان تعطيه فرصه للرد
كان جونيد بالفرب من المكتب وكان بجواره فاظه فامسكها والقاها تجاه الباب الزجاجى بعد ان خرجت نغم
جونيد.... ياعم سيب اطلع اقتلها اوعى
عمار....هههه اتهد بقى لو عاصم شم خبر عن الخناقه دى والله هيخليك تسلم نمر ادينى حظرتك خليك هادى هنا وان هطلع اهديها
جونيد بعد ان جلس على مكتبه تهدى مين امال انا ايه هوا
عمار....انت بلوه وربنا وهتودينا فى داهيه
......................................
فى اغلب الاوقات لابد من وجود عامل اتزان للتحكم فى انفاعلات الفرد فربما رد فعل واحد يضع الانسان داخل كارثه تسبب له عدد من الكوارث لذلك لابد ان يكون ضابط النفس من النفس فلا يوجد فى كل الاحيان من يحاول تهدأت روع الاخرين
............................................................
فى منزل احمد..
كانت العائله مشغوله بترتيب المنزل لزيارة ما وكانت تبدو ذات اهميه
احمد...رتبتى الحجات ولا لسه الناس هتيجى بالليل
كريمه....رتبت كل حاجه بس اللى قلقنى حاجه واحده اهمال بنتك اكيد هتاجى متأخره كالعاده
احمد...ياسلام ياختى ده على اساس انها مش بنتك
كريمه...مهى تربيتك يا احمد انت اللى مدلعها
احمد..ياسبحان الله دلوقتى بقت بنتى وتربيتى واول متسمعى حد بيمدح فيها تبقى بنتك انتى وتربيتك
كريمه...انا مش عارفه البت دى مالها كل عريس ياجى بعد ميقعدوا يتكلموا العريس يطلع زى اللى كانه كانت بتضربه وتشتمه امتى هتتهد وتتخطب تعبتنى
احمد...مش عارف بس المره دى حاسس انها هتوافق عليه شكله طيب
كريمه..يارب
.....................................................
فى الصعيد منزل وهدان
سعديه بتنهيده....يابتى الراجل لما ايحب لو جوى عالدنيا كلياتها هيبجى احن واحد على اللى بيحبها
قمر بتنهيده واحلام .....ايوه
سعديه بتعجب....واه مالك اكده نعسانه على روحك
قمر وقد توردت وجنتاها ..ايه انا لا عروح احضر وكل
سعديه بشك....ولا حاسه انك اهنيه بس جلبك راح حته تانيه
لو اللى فى بالى ربنا يستر عليكم يابنيتى
...................................
فى منزل مهران
كانت القضيه المتداوله فى المنزل الصلح طريق الثأر وكأن لايوجد شىء اخر للنقاش
تسممت الافكار كليا حتى زينت لهم كل الطرق للوصول لنتيجه واحده
مهما كانت مكلفه او من سيدفع الثمن لا يهم الاهم الانتقام كم قست قوب لتصبح حجر والاغرب ان بعض الاحجار يتفجر من خلالها الماء ولكن قوب البشر تصبح اشد قسوه الى متى ستظل هكذا الى متى ستسعد برؤية الاخرين ضعفاء متى سيكون التسامح متى سيكون الوفاء هيهات لقوب سادها الجفاء
حسنين بغضب....مالك ياولد خايلتنى من صباح ربنا وانت كيف النحله فى الدوار مالك
هاشم.....مش خابر ياعمى هاين عليا اعمل الصلح النهارده نفسى اشوف بدر كيف هصبح
لما يعرف الخبر اااه نفسى اشوفه هو وعيموت كل يوم من الحسره ويتمنى الموت ميت مره من اللى هيحصل لا لا والله مجادر اصبر هياجى راكع ويجولى لا
وانا اضحك على شكله وبعد متشفى فيه قيمة شهر وهو مذلول اكتله بس بعد مخليه كيف الفار اللى عاملى فيها اسد
حسنين بغرور....هههه علشان تعرف افكار عمك مفيش كيفها فى البلد كلياتها
هاشم.....خابر ياعمى وبعدد الايام علشان ياجى اليوم ده
حسنين....ههههههههههههههههههههههههههههه
...................................................
فى القاهره
فى مكتب المنتجات
بعد ان مر الوقت واستطاع عمار بصعوبه ان يمبت غضب جونيد والاصعب تقبل نغم تسجيل طلبها فى الشركه بعد ان تحايل عمار باصال طلباتها للمحل فى اوقت اللذى تحدده
ظل عمار يجوب المكتب ويكتم ضحكاته ويرمق جونيد بنظره كل حين وحين
اما جونيد فلاحظ تلك النظرات وعرف سببها
جونيد....وبعدين بطل تبص البصه دى ليا بتغيظنى
عمار وقد انفجرت منه ضحكات....ههههههههههههه لا مش قادر والله ههههههههههههه
جونيد بغضب...وبعدين كفايه اظن انك مبسوط وانا بتهزأ من واحده لا لبس ولا شكل حلو وايه بتتريق عليا انا لا مش مسدق نفسى
عمار.......ههههههههه يالهوى شفتها البت عليها بعد نظر فى الجون لقططك من مجرد نظره ليك ...الله اكبر
جونيد.....تقصد ايه يا شمات
عمار....اقصد اللى اقصده شغل السهوكه هههههههه يانهار قصدها بتاع بنات صح
جونيد.....اها وفرحان ليه مفيش راجل مش بتاع بنات
عمار....لا يابرنس مش كلنا ده انت لوحدك يعنى مفيش حد ذيك تقريبا فى شهر واحد فركش مع 30 بنت وعرف 20غيرهم
جونيد....ياسلام متابع انت وبعدين انا مالى البنات هى اللى بتجرى ورايا
عمار....ههههههههههههه بس دى لا
جونيد.......ها ومين دى اصلا علشان ابص لها
عمار......قصدك مين دى علشان تقدر توصلها ...يابنى ده لولا انى تدخلت كانت خلتك تعيط
جونيد بثبات.....ها بس علشان مخليهاش تاجى لحد عندى
عمار بسخريه.......ههههههههه بتحلم صح
تعرف يا جو ياقلبى البت دى بتفكرنى بسندريلا والامير بس فى فرق صغير سندريلا سابت جزمتها على سلم قصر الامير هنا بقى سندريلا ادتك بالجزمه فوق دماغك .احم قصدى كلامها نزل فوق دماغك .
جونيد...بس انت ايه مبتصدك تلاقى جنازه وتبع فيها لطم ..وبعدين كلامها ملهوش لازمه دى مين اصلا علشان اهتم بحاجه قالتها
عمار....ههههه تهتم لا لكن انا شوفت دخان طالع تقريبا دماغك شاطت....وبعدين لا مين ولا مش مين كفايه انها معبرتش حضرتك غير بكلام فوق ام راسك مش نحنحه ذى اى بنت
جونيد...... اها يعنى خلتها خلاص سندريلا علشان رفعت صوتها عليا طيب شوف بقى عد على صوابعك
15يوم بالكتير وسندريلا بتاعتك هتبقى هتنضم لقائمة املاكى وهتبقى ذى اى واحده قبلها
عمار....مممممم مش عارف اقولك غير ابعد عنها احسنلك
جونيد باصرار.....هخليها تاجى تحت رجلى وهتشوف
عمار...............
...............................................
فى منزل جونيد.
كانت ريم وزينات يتضح عليهم الجديه بعض الشىء
زينات.....ازاى يعنى رحله تبقى شهر
ريم....مام دى رحله ترفيهيه خارج الجامعه مع زمايلى كلهم بنات وشباب هنعمل كامب ونروح اكتر من بلد وكل بلد نقعد كام يوم
زينات....بس مظنش جونيد هيوافق ولا ايه
ريم بثقه.....مام انا هسافر بكره وهو مش بيسأل عليا غير لو احتاج حاجه مش اكتر
يعنى اول ميعرف انى سفرت انتى بقى تدخلى كالعاده وتفهميه انه ده عادى ها قولتى ايه اهم حاجه موافقتك انتى
زينات بعد تفكير .....اوك ده حقك تتفسحى براحتك
يلا بقى انا معايا شغل كتييير روحى مش بتقولى هتنزلى ترتبى الرحله يلا متبقيش خواغفه
ريم...ههه سلام مام
...........................................
فى شركة المنتجات
جونيد باصرار.....هخليها تاجى تحت رجلى وهتشوف
عمار بغرض الدعابه.....بس يابابا مش اى كلام وبس
جونيد وقد اصابه رد الكرامه والعند والغرور فى وقت واحد.....ورد مقلد صوت نغم
اجفل خاشمك ومتتحدتتش معايا كتير
عمار...ههههههههه يانهار اسمر جامد والله بالصعيدى لا دى علمت عليك وش بركاتك ياست صعيديع
جونيد...لا لسه متخلقش اللى يعلم عليا تراهن هخليها تاجى المكتب تترجانى فى يوم
عمار مازح فقط ليجاريه ولا يعلم ان صديقه يتكلم بنية الصدق
عمار....بلاش تدخل برهان مع دى بالذات ومع ذلك اوكيه اراهن
وجه جونيد نظره للباب الزجاجى وكانه يرى نغم وتوجه لها بعينيه مخاطب اياها فى زهنه
يامن تدعي عيناكى القوه احذرى فان سهام صيدى على وشك الانطلاقى
سيأتى يوم ورأسك ينحنى وتتمنى الموت من العذاب
لم اعتاد يوم ان اترك انتقامى فحذرى انى ات
......................
مر الوقت وقاربت ستائر الليل على النزول
فى احدى شوارع القاهره
ريم....اهو انبسط هنطلع نتفسح مع بعض شهر
سيف....بس بتمنى قبل الشهر ميخلص تكونى وافقتى على طابى
ريم......تانى ياسيف الموضوع صعب سدقنى
سيف...اها يبقى مش واثقه فيا
ريم.....طب شوف تاكس خلينا نمشى علشان الحق اوضب الشنطه
سيف تاااااكس
اركبى ياقلبى
فى التاكس.
مد سيف يده ليحيط كتف ريم ويغازلها
سيف...بس تسدقى انتى كل يوم بتبقى اجمل
ريم ...اها وياترى هفضل كده بعد متتقدملى
سيف..... واكتر اكيد انتى القمر
فجأه يضغط السائق على مكابح السياره بعد ان لفت انتباهه كلامهما وادرك انهم غير متزوجين
بدر.....واقعه مرابره انتوا مش مجوزين ومحاوطها بايدك
سيف بغضب......وانت مالك ايه الحشريه دى
بدر....مالى ده مكان اكل عيشى مش لجلت الحيا دى واسمع ياتندلا تركب يامتى يا اما تندلوا اتنيناتكم مش مش عايز جلة حيا انا
سيف....لا واضح انك عايز تتربى
بدر....ناظر له بسخريه بجولك اتكلم على كد حجمك انت لو نفخت فيك عطيرك خود جليلت الحيا دى واندلوا مش عوصل حد بجيتها داهيه فى دى شغلانه كل يوم اشوف بلاوى
ريم بخوف ممسكه يد سيف....سيف يلا ننزل علشان خاطرى كفايه فضايح
بدر....اسمع كلامها اللهى تولعوا
ترجل سيف وريم واكمل بدر طريقه
..................................
ماذا سيحدث هذا المساء وما سوف يكون القدر الذى يسير ببطىء
....................................
يتبع.............بقلم ولاء محمد