سندريلا ونيران الحب

31

سندريلا ونيران الثأر
الحلقه 31
بعد ان تصارعت الأحداث الى ان مر أسبوعان
من اشتياق الاحبه وغلبة القسوه ..أسبوعان 
من  حيره الحب ومحاولة وصال الود أسبوعان
فى زياده وعود الحب وبناء أسوار الموده.
...
فى منزل جونيد
مع إشراقة شمس صباح جديد شعرت بحركه حانيه على جبينها
ورائحة عطر قويه تقتحم أنفها مع الهواء فافتحت عيناها ببطىء
لتتفاجىء بقرب جونيد منها جلوسه على الفراش بجوارها وقدميه على الارض يميل بعض الشىء باتجاهها
إحدى يديه مسنده على الوساده  والاخرى تبعد خلات الشعر السوداء من وجهها
نغم بخضه دافعه إياه للخلف لتعدل من وضعيتها وتجلس
نغم....هتعمل ايه ياجزين
جونيد....فى ايه متتخضيش قوى كده كنت ببعد شعرك لقيته على وشك
نغم....واسدج انا الهبل ده مالك ومال شعرى خليه أكده مجنونه وبحبه أكده
جونيد بابتسامه....وأنا بحبك ذى منتى بجنانك بس والله كنت ببعد القصه من وشك مش اكتر
نغم....تجدر اتهملنى لحالى ولا انت مبتحسش جلتلك مش ريداك جاعده اهنيه
عشان المفروض ده بيتى ولو مش عايزنى طلجنى واهملك الدنيا كلياتها
جونيد بغضب....انتى ايه كفايه أسبوعين وانا بحاول افهمك انى بحبك قلبك ده ايه
كتلة تلج انا اللى كان قلبى مجروح حبك ولقى فيكى الدوا واتاريكى
عايزه تزيدى جرحى طول الوقت خايفه منى على الرغم من قسوتك اللى بتبينيها
فى معاملتك  لكنك جبانه احب اقولك اطمنى انا عمرى مهقربلك طول منتى رافضه الفكره
واريحك اكتر شوفى نفسك فى المرايه شكلك ميوحيش لحد يقربلك اصلا
تسدقى شيخ الغفر احلى منك
نغم بغضب....لما انا أكده عتجول بتحبنى ليه
جونيد. ....أعمى للاسف  الحب أعمى  مش بيشوف شكل بيشوف قلب
وللأسف شكله أختار قلب غلط  انا خارج احسن
تركها وتوجه للخارج صافع الباب بقسوة خلفه
نغم .....أيكون احسن بردك  ارتاح من خلجتك شيبتى على اول النهار
الله يهدك. ..
أتت لها ريم بعد خروج جونيد مباشره
ريم بخضه ....فى ايه يانونه جو شكله متعصب قوى اتخانقتوأ ولا ايه
نغم ....الناس أتجول اصباح الخير الأول متسألش طوالى
ريم...ههههه صباح العسل على العسل
نغم بابتسامه ...صباح الورد على الورد
لحظه خلال الاسبوعان الماضيان تقربت ريم من نغم لدرجه كبيره وجدت
بها اخت وصديقه تشكوا لها آلامها ومشكلاتها وتجد حلول احبتها لطيبتها
وجدت فيها مرشده وناصحه من غدر الزمن  أما زينات فكانت العلاقه سطحية
إلى حد ما  لم تتقبلها بشكل لائق كزوجة ابنها
نغم.......وبعدهالك عاد مش جلتلك متلبسيش اللبس ده تانى
ريم...سورى نونه دى آخر مره معرفتش ألبس ايه فلقيت البنطلون قدامى
نغم .....لاع اتغيرى اللبس المايص ده جبل متندلى على الجامعه اخوكى
بيزعل لما بيشوفك أكده وعنده حج كيف ايسيبك للناس تآكل فى لحمك ببصاتهم
ريم....حاضر هروح ألبس الدرل بس متخدنيش بالكلام وقوليلى جو كان زعلان ليه
نغم.....لا مفيش حاجه اخوكى مجنون اصلا
ريم ....نونه ممكن اقولك حاجه
نغم....جولى
ريم......تقريبا جونيد من الزعل طلع يكلم نفسه بصوت عالى
وسمعت كلامه وفهمت انه نفسه يشوفك ستايل فى بيتك فأنا عايزه
اعملك نيولوك ايه رأيك
نغم .....لاااااااااا
ريم بإصرار......خليتينى أغير لبسى وانا نازله من البيت وانا هغيرلك استايلك
نغم ....ده لمصلحتك
ريم.....هههه وانا كمان لمصلحتك
ووسط إصرار ريم وافقت نغم على الفكره
............................
فى منزل عمار
كان عمار على وشك الخروج من غرفته للعمل
ولكن ما اوقفه صراخ راقيه المفاجىء فى المرحاض
راقيه....عااااا
عمار بخوف....راقيه بس حبيبتى متعيطيش فى الحمام اطلعى وقوليلى
فى ايه
راقيه. ...عااااا بطنى ياعمار مغص رهيب
عمار ......طب افتحى الله يخليكى متقلقنيش عليكى اكتر من كده
فتحت راقيه الباب  فاحتضنها عمار ليهدئها
عمار.....اششش بطلى عياط طيب بصى تعالى غيرى هدومك وننزل للدكتور
قامت راقيه بتبديل ملابسها وأخبر عمار مرفت وذهبت معهم
فى العياده
بعد ان قام الدكتور بالكشف وإجراء التحاليل الازمه
عمار....خير يا دكتور
الدكتور ....لا ده تعب طبيعى فى حالتها
عمار باستفهام. ...يعنى ايه
الدكتور.....يعنى المدام حامل والحمل مبقالهوش20يوم وهى
قامت بمجهود كبير فالجنين غير مستقر محتاجه ترتاح والا ممكن يحصل
إجهاض لقدر  الله
عمار .............
الدكتور ....اتفضل ده علاج يفضل تاخده بمعاد وتابع معايا كل فتره
عمار......احم اه طبعا شكرا يا دكتور
بعد خروجهم من العياده
مرفت ...فى ايه يا بنى الدكتور قال ايه
راقيه.....اهىء اهىء شكلى بموت وانت  مخبى علينا
عمار.....  بيقولى قال ايه انتى حامل
مرفت بفرحه....بجد الف مبروك يا حبيبى لولولولولى
راقيه......بس ياماما هتفضحينا احنا فى الشارع
عمار.....تفضحنا هو احنا ضربين ورقتين عورفى ولا ايه
انا جوزك ياهبله ..مبروك ياقلبى
راقيه بخجل .....الله يبارك فيك
عمار.... بس الدكتور قال متتحركيش كتير الجنين مهزوز
راقيه.....وايه اللى هزه ده بيستهبل مجيتش جمبه ولا كنت اعرف
عمار.... هو اللى بيستهبل ولا انا اللى هتشل قريب بصى  يابت الناس
ابوس إيدك اسمعى الكلام ومتغلبنيش
راقيه ......شايفه ياماما ببزعقلى ازاى
عمار. ..لا حول الله هو انا اتكلمت
راقيه....لالا وكمان عايز تضربنى كده كتير
عمار...يابت المجنونة هتلبسينى مصيبه وانا منطقتش
مرفت....هههههه يلا يا على البيت منك ليها
عمار  .  ......حاضر يا امى......يلا يامفتريه هانم
..............................................
فى منزل جونيد
ريم ......امشى انا بقى وارجع اعمل اللى اتفقنى عليه
نغم....طيب ياختى
قبل خروج ريم من المنزل 
وصلت للمنزل باقه من الورد رقم 10خلال 5ايام
ريم ....أوف لا كده كتير والله
نغم......ايه اللى حوصل
ريم ......هو الصعيد بقى مجنون كده
نغم......واه عتجولى ايه
ريم....قصدى الرجاله عندكم مجانين ودماغهم ناشفه
مبيعرفوش كلمة لا
نغم....طب ايه اللى حوصل
ريم....شوفى يا ستى استاذ سالم خطيبك السابق دى 10باقه ورد
يبعتها ويبت كلام وانا قولتله مش عايزاه
نغم بابتسامه.....عيحبك وحدانا اللى بيحب بيحب بجد بيوصل إلى عيحبه
مهما طال بيه الوكت
ريم......بس انا مش بحبه
نغم...كدابه اعنيكى بتنادى عليه
ريم.....لا
نغم...ايوه
ريم...لا
نغم.....ايوه
ريم....لا
نغم .....لا
ريم....ايوه
نغم.....ههههههههه شوفتى
ريم....لا انتى اخدتينى على خوانه خدعتينى
نغم....هههههه هش على محاضراتك يا حلوه
ريم.....حاضر ياكبيره هوا ورجعالك
.................................
فى الصعيد منزل مهران
هاشم......خلص  الأسبوعين ولا حس ولا خبر على اتنيناتهم أكده
الحكايه جابت جاز معتش طايج بت إبراهيم بيبيتى  اجعادها ذى جلته
لا عيجدم ولا اياخر اجوزتها عشان أزل بدر  وأهو هج بعد الجواز
أما ولد حسان عجيجبوا حتى لو كان آخر الدنيا
صعد لغرفته  حامل غضب أعوام مضت.
هاشم.....بجولك يابت  وهدان لمى خلجاتك وعلى بيت جدك معتش طايج
اجعادك اهنيه .
قمر بارتياح......هطلجنى
هاشم بضيق ليجبرها على الخروج من المنزل............ مفيش حدانا نسوان
عتطلج  بجولك شكلك معيزاش تمشى  لو عايزه تجعدى وتبجى مرتى صوح معنديش
مشكله واهو افتح بيت ذى مبيجول عمى بس عتبجى بردك ملكيش لازمه
انتفضت قمر من كلماته  ووجد أسلم حل ان تغادر منزله وبعد ذلك تجد حل
آخر للطلاق
قمر...لا لا لا همشى ومش مشكله مطلجش
أسرعت لتبديل ملابسها والذهاب لمنزل وهدان فى أقل من نصف ساعه
................................................
تسارعت الأحداث وانتهى وقت العمل عاد جونيد للمنزل وكان لا يرغب بالعوده
دلف غرفته وإذ بصدمه
كانت نغم ترتدى بنطال جينز وتيشرت ذا أكمام متهدلة على الأكتاف
زينت وجهها بمساحيق تجميل بسيطه واعتلت رأسها قبعه جالسه على المقعد بتوعد
منتظرة عوده جونيد
جونيد بزهول .....نهار اسود بنت فى أوضة نغم شكلى هبات فى المستشفى
...احم انتى زبونه عند نغم ها فى صالون التجميل صح
طب مش المفروض كنتى روحتى هناك جيتى البيت ليه قصدى دخلتى يعنى هنا ازاى
نغم..............
جونيد......طب انتى مش بتردى ليه
طب انا بقول الأفضل تستنى برا فى الصالون وهاتى رقمك وهخلى
نغم تكلمك او اكلمك انا قصدى ابلغك هتنزل الشغل امتى
نغم بضيق......وعايز تلفونى تعمل بيه ايه  يا محترم
جونيد ناظر خلفه  . ....يانهار اسود والله يا نغم مقصد حاجه انا كنت عايز الرقم
عشان اعلقها قصدى اهزئها 
نغم...عجولك بصلى اهنيه وانا بتحدت معاك
جونيد......أقسم بالله ببص عليكى مش لاقيكى
نغم عاقده حاجبيها....انا جدامك اهنيه
جونيد......انتى نغم ولا اكلتيها
نغم.....عتستهبل إياك
جونيد بغمزه......نهار عسل وقشطه ايه ده بقى
بتصالحينى عشان كنت زعلان
نغم ...لا اياكش تولع 
جونيد .........أستغفر الله العظيم ....يارب الصبر من عنك
امال لابسه كده ليه ووضع يده على كتفها
نغم مبتعده عنه....يدك لجطعهالك البست أكده عشان أوريك شيخ
الغفر شكله كيف
جونيد بندم على ما قال ساعة غضب....يقطع لسان اللى يقول كده
والله يانغومتى كلامك خنقنى فرديت ساعة غضب فأنا بقول نفتح صفحه جديده
وأنا أسف فعلا لو ضايقتك  سدقينى مقدرش ازعلك اأنا بحبك
نغم....لا جديده ولا جديمه هملنى لحالى
تركت نغم جونيد وذهبت لتبديل ملابسها
جونيد بنظرة إعجاب .....اوووف هو فى كده وانا الاهبل اللى بقولها شيخ غفر
حد يقول على القشطة باللبن كده قال أطلقها قال ده لو الدنيا اتهدت مش مطلق
....معزبتى قلبى انساب بين يديكى فاريحينى بنظرة بكلمه
بهمسه لا تتركبنى..تعلق بك القلب وأصبح النظر بملامحك معلق
.....دعك من هذا الكلام وذاك  فأنت ترغب بالوصول لمبتغاك
ولا تدعى حبى  لحبك هيهات
.....سترين حبى الذى أغرق سفن العاشقين سترين عشقى الذى
زاده الحنين قوليها من أجلى كلمه من حرفين حب وضيفى لها حرف
تشيرين لى به دليل   حبك .وزيديها   بنطقها حبا لتصبح بحبك
................................
ومع مرور الوقت وحلول المساء
وككل ليله بمجرد سماعها خطوات قدمه تغمض عيناها لتتحاشى نظراته
التى تبوح لها بحبه يوميا وتدعيها للاقتراب منه  وتظل مغمضة العينين إلى ان
يأتيها النوم أما الليله كانت ترغب بالحديث معه بشده ولكن فضلت أن تحدثه
بعد نومه حتى لا يسمع ماستقوله له
وبعد مرور قرابة ساعه  أحست بسكونه افتحت عيناها ونهضت من الفراش متجه
إلى حيث مولى جونيد وجهه ووقفت أمامه فى حالة تعجب من
طريقته وأسلوبه اللين معها رغم قسوتها عليه عقدت ساعديها
أمامها متجه له بالحديث غير مدركه انه تعلم منها إغماض الجفون دون النوم
نغم........أنت ايه بجد عتفضل اتعاملنى أكده لامتى ليه عتحسسنى بجسوة جلبى
عليك  ببعد عنيك وانت عتجرب منى اكتر ليه .
جونيد يحدث نفسه....لانى بحبك وعمرى مهسيبك لحد متحسى بيا وتعرفى انى اتغيرت
بجد انتى بقيتى حياتى
نغم مكمله حديثها.......أنت امفكر معرفتش اتغيرت عشانى لا خابرة اتغيرت وعتحبنى
بس انا خايفه عليك خايفاك تتجرح تانى لو غبت عنيك
جونيد. يحدث نفسه......وأنا مش مجنون عشان اخليكى تبعدى او تغيبى حتى ثانيه
متخافيش انا قلبى ادتهولك خلاص بقى ملكك  وانتى دواتيه مستحيل منك ينجرح
نغم.مكمله حديثها  ..  ...خايفه لو جربت ليك  تبعد عنى
جونيد .........ابعد عنك ازاى وانتى الهوا اللى بتنفس بيه قولتلك انتى روحى حد يقدر
يعيش من غير روحه .
نغم مكمله حديثها بتنهيده......تعرف الأول كنت فاكرة انك وأد مايص ابتاع مامى وبابى
عشان أكده ابتاع بنات بس لما حكيتلى احكايتك وحكاية حبك معرفاش ليه مسيت جلبى
وحسيت بجرحك بس ده ميديكش حج تجرح غيرك ذى متجرحت
بس ارجع  واجول المجروح مبيشوفش الصح من الغلط بيحتاج حد يوعيه
وانت وكتها محدش وعاك تعرف اصعب حاجه الجرح من حبيب
او جريب بيبجى خنجر .
جونيد.....اه والله عندك حق بس الحمد لله ربنا عوضنى بيكى
وأن شاء الله تفهى أننا لبعض
نغم.مكمله حديثها......تعرف كمان عايزه اجولك على حاجه
جونيد محدث نفسه ....قولى ياقلبى سامعك بقلبى وعقلي وكل ذرة فى جسمى
نغم مكمله حديثها.....عايزه اجولك انت راجل جدع ايوه  لسانك جليل حيا بس طيب
واحد غيرك مكنش استحمل طبعى ولا استحملنى .
جونيد.....طبعك على قلبى ذى الشهد وبعدين حقك عليا أكون جمبك فى اى وقت
واكيد ورا الحزن والقسوه دى حنية الدنيا
نغم مكملة حديثها.....شوف عاد مبخبرش ازوج فى الكلام انت جولت جبل سابج
عتحبنى وانا بكمان عايزه اجولك يعنى انه انى
احم انى شكلى حبيتك
جونيد مغمض عيناه أكثر غير مدرك ما يسمع...ايه ايه لا وأخيرا
أبو الهول نطق وانا بموووت فيكى
طب امشى بقى من قدامى كفايه متلعبيش باعصابى اكتر من كده
لانى لو زودتى كلمه كمان مش هحوش نفسى منك.
نغم.......ايوه بحبك انت ابجيت ليا كيف الضل من الشمس والدفا من البرد
كلمة بحبك منك بتهز جلبى انت اول حب  نبض جلبى بجى ينطج اسمك انت وبس
حبك  هون أيامى  الصعبه  تعرف حسستنى انى مفيش ذيى اتنين روميو
اللى كل البنات تترمى عليه عيحبنى انى ايوه روميو  ايوه شكلك زين وحليوه
كيف مبتجول جدتى
جونيد. يحدث نفسه...لا بقى انتى اللى جبتيه لنفسك قولتلك امشى بس خلاص
حبك ليا وقلبى بين اديكى ولازم تعرفى انك ليا انا
نغم........بس وعد عليا عطلع عينك مش بالساهل عتسمع منى بحبك
أنت وصاحى  اتعلمت منك الجنان وهجولهالك انت ونايم بحبك
ولكن فجأه قطع كلامها صوت اعتادته جعل قلبها يدق بسرعه كبيره
وترجع خطوات للوراء ولكن يدها تشد بقوه
جونيد..... وانا بعشقك وبموت فيكى
ثم جزبها بقوة من يدها الى ان سقطت بين احضانه....واكمل حديثه بغمزه بلاش تقوليها
وانا صاحى لانى سمعت كل حاجه وبعدين ياكبيره تتعلمى من روميو
الجنان وتنسى انه ممكن يتعلم منك التمثيل فى النوم
نغم جاحظة لعينين.....أ .أ انت لساتك صاحى
جونيد......اها نصيبى اسمع بحبك آخر الليل
نغم وقد زادت ضربات قلبها....انا انا انت هملنى
جونيد وقد زاد فى أحضانها. ...تؤتؤ اهملك ايه انا مسدقت جتيلى
برجليكى
نغم محاولة التخلص من قبضته........افهمنى انى كنت
جونيد بهيام....افهم ايه افهمى انتى بحبك
نغم.......جونيد
جونيد مقبل وجنتها....يا روح جونيد يانن عين روميو
نغم مغمضة العينين......جونيد انى
جونيد مقبل وجنتها مره أخرى.....انتى ايه انتى حياتى
نغم....انى انى انى
جونيد....ها ايوه هى اللى بتمنىى اسمعها
نغم ...لو جلتهالك تهملنى لحالى
جونيد .. ..اكيد طبعا
نغم بخجل ....بحبك
جونيد....هييح أخيرا وانا بموت فيكى
نغم .....هملنى عاد
جونيد بخبس   .......اكيد هسيبك بس عايز اقولك على حاجه الأول
صحيح قولتلك قبل كده مش كل الكلام يتقال
فى كلام أسرار  والنهارده بقى هقولك على الأسرار كلها
أغلق يومهما ببدايه جديده لقصة حبهما .
باح لها بكل ما فى  قلبه  من مشاعر دون كلام ..
..................................................
يتبع .......بقلم ولاء محمد