Zawgyi
မည်မျှငြင်းဆန်နေစေကာမူ နောက်ဆုံးတွင် သူသည် မွေးသမိခင်၏ ရာဇသံကြောင့် အခန်းထဲမှ ထွက်ရပေသည်။ ဧည့်ဆောင်ခန်းသို့ ခြေချလိုက်စဉ်မှာပင် သူ အံသြမှင်သက်သွားရသည်။
မေမေပြောသည့် ငယ်စဉ်ဘဝက သူ အလွန်ခင်တွယ်ခဲ့သော ကစားဖော်က ဆိုဖာပေါ်တွင် မေမေ့အား ရယ်ပြုံးပြနေသော အချိုးမပြေသည့်လူကြီး စစ်ရိပ်နောင်ပေလား။
" သား .... ဘာငေးနေတာလဲ။ လာလေ "
စစ်ရိပ်နောင်၏ မျက်ဆံနက်များသည် မေမေဆီမှ သူ့ထံသို့ ဖြေးဖြေးချင်း ရွေ့လျားလာသည်။ သူ့မျက်နှာအား မြင်တွေ့စဉ် အလိုမကျဟန် ဖြစ်သော်ငြား ထိန်းချုပ်လိုက်ပုံရသည်။ သူသည် မျက်နှာလွဲလျက် ဧည့်ခန်းထောင့်စွန်းက ခုံတွင် ဝင်ထိုင်လိုက်ပါသည်။ မေမေက သူ၏အချိုးမပြေမှုအား မျက်လုံးများဖြင့် ဆူပူနေသော်ငြား မသိချင်ယောင်ဆောင်လိုက်သည်။
" ဒါ .. အေးရဲ့သားလေးလား။ ထွားလာလိုက်တာနော်။ ဘယ်နှတန်းရောက်နေပြီလဲ။ ကြည့်ပါဦး သူ့အဖေနဲ့ တစ်ပုံစံထဲပဲ "
စစ်ရိပ်နောင် မိခင်ဟု ယူဆရသော ဥပဓိရုပ်ကောင်းသည့် အန်တီကြီးက သူ့အားကြည့်ပြီး ဆိုလာသည်။ သူသည် မကောင်းတတ်စွာ သွားဖြဲပြလိုက်ရပါသည်။
" ဟုတ်တယ် မလဲ့။ သားက စက်မှုတက္ကသိုလ် ဒုတိယနှစ်ရောက်နေပြီလေ "
" တို့သားလည်း စက်မှုတက္ကသိုလ်မှာပဲလေ။ Civil မေဂျာယူထားတာ "
" ဟယ် သားလည်း Civil ပဲ မလဲ့ရေ "
" သားနောင်က ညီလေးကို မမှတ်မိဘူးလား "
သူသည် ကျောက်ရုပ်ကြီးကဲ့သို့ ထိုင်နေသော စစ်ရိပ်နောင်အား မျက်လုံးပင့်ကြည့်လိုက်သည်။ သူသည်လည်း မိမိအား ကြည့်နေသဖြင့် ကပျာကယာ မျက်နှာပြန်လွဲရသည်။
" တွေ့တော့တွေ့မိပါတယ်။ ဒါပေမဲ့ သေချာသတိမထားမိဘူး "
" အေးပေါ့လေ။ မတွေ့တာ တော်တော်ကြာပြီပဲ မလဲ့ရယ်။ ကျွန်မတောင် သားနောင်ကို မြင်ရင် မှတ်မိမှာမဟုတ်ဘူး "
မေမေက ဝင်ပြောသည်။ သူကဖြင့် နှာခေါင်းရှုံ့လိုက်မိပါ၏။ မိမိနှင့်သူ တွေ့ဆုံတိုင်း တစ်ခုခုအဆင်မပြေမှုတွေ ကြုံနေရတာကို သတိမထားမိဘူးဟု ပြောရဲသေးသည်။ အရင်ကဖြင့် သူ့ကိုတွေ့တိုင်း စားမတတ်ဝါးမတတ် မီးဝင်းဝင်းတောက် မျက်လုံးများဖြင့် ကြည့်နေပြီး ပလောင်းပလဲနှင့် အမြင်ကပ်စရာကောင်းသည်။
YOU ARE READING
Fortune
Romanceအချစ်ဆိုတဲ့အရာကို လူသားတွေဟာ အဓိပ္ပာယ် အမျိုးမျိုး ဖွင့်ဆိုကြတယ်။ကိုယ်ကတော့ အချစ်ဆိုတာ ကိုယ့်ချစ်သူရဲ့ ပျော်ရွှင်မှု၊ စိတ်ချမ်းသာမှု လို့ဖွင့်ဆိုချင်တယ်။ သူစိတ်ချမ်းသာဖို့ဆိုရင် ကိုယ့်အသက်ကိုပေးဆပ်ဖို့တောင် ဝန်မလေးဘူး။ အခဈြဆိုတဲ့အရာကို လူသားတှဟော အဓိပ်...
