Kadalasan bago ako matulog o pagkagising ko sa umaga kinukulit ako ng isip ko. Bakit daw ayaw kong makinig sa kanya? Laging wala akong maisagot. Kaya lagi nalang itong sumisigaw. Minsan sa kasisigaw nito nabibingi na ako. Kaya naman mula ngayon gust...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Hindi ko kita ang totoong kulay ang berde nagiging dilaw sa mata ko'y kulay ay 'di tunay ginagawa kong lila ang bughaw Sabi nila ang paborito mo'y kulay rosas pero kulay pula ang nahanap gusto sanang terno tayo ng damit pero bigla kang nagalit kasi muli na namang napagpalit Minsan naman nagpabili ka sa'kin ng pulbo noong binigay sa'ybigla kang nagtampo oo na alam ko ibang kulay na naman yung nabili ko Noong naglalaro ka ng rubix cube nagpatulong ka sa'kin pero wala akong mamove ba't ba kasi ang daming kulay nito tuloy nakasimangot na naman yung mahal ko nakiusap ako na iba nalang huwag lang 'to hiniram mo yung telepono ko may pinasa kang laro nakita ko sa screen sobrang daming kendi nagsisiwalaan at nagsisibabaan sila habang nilalaro mo tumingin ka sa'kin gusto mo akong paglaruin iba-iba ang hugis at kulay nila ang sweet talaga ng mahal ko hindi ko ito kayang ubusin kung puwede ko lang kainin para sumaya ka wala kasing natutunaw, ni kahit isa walang nawawala
Sablay din ako sa color switch bukod sa ngalay ko sa sunod-sunod na pagpindot nababangga ko ang ibang kulay lagi nahihilo ako sa mga makukulay na bagay na umiikot dinadaanan ko itong umiikot ng mabilis tapos biglang babagal at yung pagtalbog ng bolang pabago-bago sa bawat segundo nagbabago ang kulay nito kaya wala akong hilig sa mga color games strategies kasi naman palagi kaya akong lugi pero pagdating sa'yo ako'y nagwawagi suwerte ako basta ikaw lang palagi ikaw ang kasama 'yang makinang mong mata ang nakikita malarosas mong labi at ngayon, sobra pula na ng 'yong pisngi tignan mo sa unang pagkakataon, natamaan ko ang saktong kulay paano ba naman kasi lagi mong hawak ang kamay sana ganito tayo habang-buhay kahit bulag pagdating sa kulay ng bawat bagay-bagay balewala yun sa'kin basta't pag-ibig ko'y tunay pagdating sa'yo 'di ako sasablay
Anong kulay 'to? hindi makakibo laging mali ang hula ko oo, hinuhalaan ko lagi ang sagot ko nahihirapan ako pagdating dito pero pag tinanong nila ko kung anong kulay ang pagmamahal ko sa'yo hindi ako sasagot kaagad kundi titingin muna ako sa'yo at sasabihing, walang eksaktong kulay kasi simula nang sinamahan mo ako iba't ibang kulay ang nakita ko naging makulay ang mundo ko dahil sa'yo
Sa buong buhay ko laging maling kulay ang nasa paligid kaya dati bumuo nalang ako ng sariling silid isang silid kung saan ako lang ang may alam at ako lang ang laman dito ko tinago ang nararamdaman laging dinadaig ng takot ang isipan pero nang dumating ka napalitan ito ng saya't pag-asa tinulungan mo akong umahon sa kalaunan muli akong nakabangon palabas ng silid ng pag-aalinlangan patungo sa mundong puno ng pagmamahalan walang kakulay-kulay ang mundo ko dati pero naging makulay noong ika'y nakisali at noong ako ang pinili ang puso ko'y tila naging isang bahaghari pagkatapos ng ulan kaagad itong namutawi ang dating itim at puti pinintahan mo't nagkaroon ng palamuti
Nakisali ka sa mundo ko at hindi lang iisang kulay ang nasisilayan kundi magkakaiba, kahit mali basta madami hindi ko man mawari kung ilan sa mata ko man mga ito'y walang kasiguraduhan nag-iisa ka sa mga kulay na lagi kong pakakatandaan hindi ko malilimutan laging ikaw lang totoo lang ikaw lang ang kulay na naging tunay at malapit naging tunay sa paningin tila nga hanggang naging malapit sa'king puso kaya pagdating sayo hindi na ako magkakamali lalong 'di na ako malilito kasi tinuturo mo ng maigi at sinasabi mo parati na 'di naman kailangang hulaan mo kung anong kulay kundi piliin mo nalang 'yung sigurado kang tunay tunay sa puso mo kahit hindi na sa mata kasi nga may mga bagay na 'di nakikita ng mata na tanging puso lang ang nakakakita
Naging eksperto ka sa mga kulay kita mo ang ganda ng mundo gumuguhit ka gamit ang iyong kamay para magkaroon ng buhay ang bawat bagay dito ganyan ang ginawa mo sa'kin ako ang napili mong kulayan sa dami namin ako ang pinili mong minahal sabi mo ako ang pinakapaborito mong pintahan linapatan mo ng iba't ibang kulay ang bawat pagkatao ko nabago ang pananaw ko sa mundo na dati akala 'di ko na mababago pero nagkamali ako kasi sa bawat araw ko na kasama kita nagkaroon ako ng pagkakataon na makita sa bawat araw na magkasama tayong dalawa sa piling ng mga tinta makukulay na tinta na laging nagpapaalala kung gaano kasayang magbigay kulay sa mga bagay-bagay sa mundo kung paano mo mapapagaan ang puso sa pamamagitan ng pagtawid mo sa kanila sa tulay ng buhay na para bang kusa nilang binubuksan ang 'yong isipan at pilit na nakikiusap sa'yo na pagbigyan na tuluyan mo silang buhayin sa imahinasyon sa pamamagitan ng tiwala't pagmamahal walang kasamang takot at pangamba walang alinlangan at pag-aalala basta't kasama mo siya pareho kayong nagbibigay kulay sa bawat isa
Kaya nagiging tama ang lahat ng 'to dahil sayo dahil hawak mo ang kamay ko at ikaw ang nagsisilbing mata ko sa mga kulay na 'di ako sigurado ikaw ang laging dahilan kung bakit nagiging totoo na kahit laging mali sa paningin ko pilit nagiging tunay at totoo sa'king puso kasi nga nandoon ka kasama ka niya bihag mo siya at ikaw ang kaisa-isang kulay na taglay niya
Pero 'di ko alam kung paano magkakaroon ng buhay ang mga kulay kapag nawala ka o 'di kaya nama'y kung magkakaroon pa ng kulay ang buhay kapag iniwan mo akong mag-isa parang 'di ko yata kaya kaya dito ka lang sa tabi ko samahan mo ako hanggang sa makabisado at masanay ang mata sa mga kulay ng mundo sana 'wag kang magsawang ituro sakin kung pa'no magpakatotoo sa sarili gamit ang puso 'di puro pagkukunwari gamit ang mata sa paniniguro 'di ko alam kung paano ko itatama ang mga kulay kapag wala ka na 'di ko alam kung paano ako makikinig sa puso ko kung unti-unti ka na niyang 'di makikita at tuluyan ng mawawala ang kulay na binigay mo sa kanya huwag naman sana
Sabi mo sabay nating kukulayan ang mundo parehong pagtutulungang kulayan ang bawat makikita ko bubuo tayo ng makulay na paraiso na mismong tayo lang ang bumuo at pumili sa mga kulay sa paligid nito at sa unang pagkakataon 'di na ako mahihirapan sa pagtukoy sa bawat kulay ng sulok nito mahal ko akala ko hindi na magkakakulay ang mundo pero mas pinili mong samahan ako kahit na alam mong bulag ako bulag pagdating sa kulay ng mundo pero hindi sa kulay ng pag-ibig ko sa'yo sinisigurado kong walang sinuman ang makakapagpapabago nang tunay na kulay na ipininta natin mananatili ito sa dati wala akong babaguhin kahit ni isa walang aaalisin wala kong gagalawin kasi dito alam ko perpekto ang pagtingin ko dito ko unang nakabisado ang tunay halaga ng bawat kulay naging mahalaga ang bawat anggulo nito sa'yo kung kayat patuloy ko itong aalagaan ito'y lubos kong iingatan
Sa pagkawala ng kakayahan mong makakita ako naman ang magsisilbing iyong mata muli nating itutuloy ang pagkulay hindi na sa mundo natin kundi sa ibang bagay sa labas ng paraiso natin kung saan madaming nag-aabang sa'tin at sa paglabas natin gusto kong ipaalam sa'yo na kaya ko na kaya na ng puso kong lumikha guguhit at pipintahan isa-isa ang bawat espesyal na bagay na makikita at sa aking obra gagamitin ko ang kulay sa puso ko at ikaw 'yun mata ang gagamitin sa pagbuo ng hugis at anyo habang sa pagpili ng kulay gamit ang aking puso pusong taglay ang kulay ng pag-ibig mo na kada nalilito ako sa pagpili ng kulay tibok nito ang susundin ko hindi ko na kailangang mag-aalala dahil sa bawat pintig nito sinasabi niyang nandito ka mananatili ka hindi ka kailanman mawawala
Hindi man ako nakikita ng iyong mga mata malaman mo sanang mahal parin kita asahan mong 'di magtatago kasi ramdam kong nandito ka lagi sa'king puso sinasabi niyang taglay niya parin ang kulay na binigay mo natatangi kang kulay na kanyang paborito na sa paglipas ng panahon 'di yun mapapalitan ng ibang kulay patungan man nila ng iba 'di ito tatamlay pilitin man nilang burahin ito pero 'di ito kukupas ikaw at ikaw parin ang kulay na ipapamalas kulay na namumukod tangi sa lahat.
