Binaon ko ang nararamdaman sa'king puso
diniligan, inalagaan hanggang sa tumubo
hanggang sa namulaklak at lumago
tuluyang lumaki't nagkaraoon ng bunga't ito'y napuno
Napuno ang puso ko ng pagmamahal
kakaibang bunga ng pag-ibig na 'di pa hinog
wala kong magawa kundi ang pagmasdan
hihintayin kita hanggang sa'kin ka mahulog
Ang sagutin mo ako'y 'di ako sigurado
ang maging tayo'y sa tingin ko ay malabo
pero mamahalin parin kita mula sa malayo
nararamdama'y mananatiling nakabaon para sa'yo
Hanggang sa paglubog ng araw
pilit ko paring isisigaw
kahit na ako lang nakakarinig
ipaparamdam nalang sa'yo hanggang sa masungkit
At pagdating ng oras na puwede ng pitasin
kapag kaya ko na na talagang palayain
ito na 'yung pagkakataong akin ng aaminin
kaagad ihahanda ang puso para tuluyan kang ibigin.
~Bungang Pag-ibig
05/04/2019; 20:50
BINABASA MO ANG
Hundred Thoughts of You
PoetryKadalasan bago ako matulog o pagkagising ko sa umaga kinukulit ako ng isip ko. Bakit daw ayaw kong makinig sa kanya? Laging wala akong maisagot. Kaya lagi nalang itong sumisigaw. Minsan sa kasisigaw nito nabibingi na ako. Kaya naman mula ngayon gust...
