Sa sandaling katahimikan,
napagtantong ikaw ang tangi.
Kung bakit kita minahal?
Wala kong dahilang masasabi.
Sa tuwing kasama ka'y punit ang labi,
mga ngiti'y 'di na mabilang,
hindi ko mapigilan lagi
-parang pagpatak ng ulan.
Araw-araw nahuhulog ang loob sa'yo
at 'di ko kayang pigilan.
Hindi kita kayang isuko,
habambuhay kang ipaglalaban.
Dahil sa bawat lakas ng kaluskos ng hangin,
sandata ko ang pag-ibig natin.
Sa mga alon na matatalim,
matibay ang kalasag dahil ika'y kapiling.
Gusto kita sa bawat panahon,
mamahalin kita ng walang dahilan.
'Di ako magkakaroon ng rason
para tuluyan kang kalimutan.
Ako'y mananatili sa lahat ng oras,
puso ko'y laging nakadikit,
pagmamahal ko'y walang wakas,
maging ako'y 'di mawari kung bakit.
Mahaba na'ng tinakbo ng orasan
at 'di ko parin malaman.
Talaga sigurong pag tunay mong iniingatan,
'di na kailangang maghanap ng dahilan.
~Walang Dahilan
11/08/2019; 19:54
BINABASA MO ANG
Hundred Thoughts of You
PoetryKadalasan bago ako matulog o pagkagising ko sa umaga kinukulit ako ng isip ko. Bakit daw ayaw kong makinig sa kanya? Laging wala akong maisagot. Kaya lagi nalang itong sumisigaw. Minsan sa kasisigaw nito nabibingi na ako. Kaya naman mula ngayon gust...
